Author: +9251

جماعت اسلامی پاکستان کی اپیل پر ملک بھرکی طرح وفاقی دارالحکومت اسلام آباد میں بھی سابق مصری صدرڈاکٹر محمدمرسی کی غائبانہ نماز جنازہ ادا کی گئی جس میں‌ لوگوں‌کی کثیر تعداد نے شرکت کی. جنازہ سے قبل ڈاکٹرمحمد مرسی کے حق اورجنرل سیسی کے خلاف شدید نعرے بازی کی گئی۔

باغی ٹی وی کی رپورٹ‌ کے مطابق اس موقع پر خطاب کرتے ہوئے نائب امیرجماعت اسلامی میاں اسلم نے کہاکہ ڈاکٹر محمد مرسی اسلامی نظام کے لیے جدوجہد کرتے ہوئے شہید ہوئے ہیں اس شہادت سے اسلامی انقلاب کے کارکنان کے جزبے میں کمی نہیں شدت آئے گی ۔ منگل کووفاقی دارالحکومت اسلام آبادمیں جماعت اسلامی پاکستان کی اپیل پر نائب امیرجماعت اسلامی پاکستان میاں محمداسلم کی قیادت میں مصر کے سابق صدر ڈاکٹر محمدمرسی کی دوران اسیری موت کے خلاف آبپارہ میں احتجاجی مظاہرہ اور غائبانہ نمازجنازہ پڑھاگیا۔اس موقع پر عوام کی بڑی تعداد موجود تھی جنہوں نے پلے کارڈ اور پینراٹھارکھے تھے جن پر ڈاکٹر مرسی کی تصویر بناہوئی تھی ۔

مظاہرین نے مصرکے صدرجنرل سسی کے خلاف شدید نعرے بازی کی ۔اس موقع پر نائب امیر جماعت اسلامی پاکستان میاں اسلم نے خطاب کرتے ہوئے کہاکہ ہرکربلاکے بعد اسلام زندہ ہوتاہے ڈاکٹر محمد مرسی اسلامی نظام کے لیے جدوجہد کرتے ہوئے شہید ہوئے ہیں اس شہادت سے اسلامی انقلاب کے کارکنان کے جزبے میں شدت آئے گی یہ جنرل سسی کے لیے موت کا پیغام ہے مرسی کی شہادت سے اسلامی انقلاب کے کارکنان کی جدوجہد تیز ہوگی کم نہیں ہوگی۔ا سلامی نظام سے ڈکٹیٹر شپ ڈرتے ہیں اس لیے مرسی کو قید کیا گیاتھا ۔منتخب صدر کی حکومت ختم کردی جاتی ہے اور ان کو بنجرے میں عدالت میں پیش کیاجاتاہے مگر کوئی اس کی بات نہیں کرتاہے

انہوں نے کہاکہ بدعنوان جہاں بھی ہوں ان کی قسمت میں غرق ہوناہے ۔مستقبل اللہ سے ڈرنے والی اسلامی قیادت کا ہے ۔ان شا اللہ جلد پاکستان سعودی عرب سمیت تمام مسلم ممالک میں انقلاب آئے گا اور اسلام پسندوں کی حکومت آئے گی۔ناظم اعلی اسلامی جمعیت طلبہ پاکستان محمدعامر نے کہاکہ مرسی کو قتل کیا گیاہے وہ طبی موت نہیں مرے ہیں ہم آج مصر کے صدر کو بتارہے ہیں کہ اگر مصر کے عوام کو جنازے کی اجازت نہیں دی ہے مگر عالم اسلام ان کا جنازہ ادا کررہے ہیں۔مرسی کے قتل کے ذمہ دار سعودی عرب اور مغرب ہے۔مسلم ممالک میں عوام کی رائے سے بنے والی حکومتوں کو چلنا دیاجائے ورنہ انتہا پسندی بڑھ گی۔

واضح رہے کہ سابق مصری صدر ڈاکٹر محمد مرسی کل کمرہ عدالت میں‌ وفات پا گئے تھے.

چیئرمین سینیٹ محمد صادق سنجرانی نے سینیٹ میں قائد ایوان سینیٹ سینیٹر سید شبلی فراز اور قائد حزب اختلاف سینیٹ سینیٹر راجہ محمد ظفرالحق کی مشاورت سے سی پیک سے متعلق پارلیمانی کمیٹی کیلئے سینیٹر نامزد کر دیئے ہیں۔

باغی ٹی وی کی رپورٹ کے مطابق سینیٹ سیکرٹریٹ کی جانب سے قومی اسمبلی کو لکھے گئے خط میں سی پیک سے متعلق پارلیمانی کمیٹی میں نامزد کئے گئے سینیٹرز میں چوہدری تنویر خان، میر کبیر احمد محمد شاہی، شیری رحمان، احمد خان، ڈاکٹر شہزاد وسیم، خوش بخت شجاعت اور ہلال الرحمن شامل ہیں۔

محمد صادق سنجرانی نے ان ناموں‌ کی منظوری قائد ایوان سینیٹ سینیٹر سید شبلی فراز اور قائد حزب اختلاف سینیٹ سینیٹر راجہ محمد ظفرالحق کی مشاورت سے دی ہے. چی

بین الاقوامی اسلامی یونیورسٹی میں بھی اساتذہ کا احتجاج شروع ہوگیا ہے جس میں‌ اساتذہ کی کثیر تعداد نے شرکت کی.

باغی ٹی وی کی رپورٹ کے مطابق احتجاج میں‌ شریک اساتذہ کا کہنا ہےکہ بين الاقوامي اسلامي يونيورسٹى اسلام آباد کى سب سے بڑى سائنس فىکلٹى کے اساتذہ کافى عرصے سے فىکلٹى کے ڈین ڈاکٹر ارشد ضیاء کے خلاف انتظامىه کو ان کی کرپشن ، لاقانونىت، ظلم، هراسمنٹ اور مرد و خواتىن اساتذه، طلبا و طالبات سمیت تمام سٹاف کو تنگ کرنے کے بارے شکاىات کررهے تھے لیکن انتظامیہ نے نه صرف ان کی مبینہ کرپشن اور لاقانونیت کے خلاف کاروائی نه کرنے کے قسم کھا رکھى هے بلکه انہیں‌ مبینہ طور پر مکمل تحفظ فراهم کررهى هے اور وه یکے بعد دیگرے اساتذہ کے پرسنل فا ئىلز خراب کرکے ان کو ملازمت سے برخواست کرتے جارہے ہیں.

رپورٹ کے مطابق اساتذہ کا کہنا تھا کہ تنگ آمد بجنگ آمد کے اصول کے تحت بالآخر کل اساتذہ نے علامتى احتجاج رىکارڈ کرواىا اور آج ىه احتجاج باقاعده جاری ہے، اساتذہ کا کهنا تھا که کل اور پرسوں اس احتجاج کا پیمانه وسیع کرکے ایڈمن بلاک تک جاىا جائے گا اور اگر پھر بھى مطالبات منظور نه ىوئے تو کشمیر هائى وے پر دھرنا دىنے پر مجبور هونگے،

اساتذہ نے بتاىا که ماه رمضان المبارک کے مقدس دنوں میں دھرنا انتظامىه کے وعدے پر ملتوى کا تھا لىکن انتظامىه مکمل طور پر اپنے وعدوں کى نه صرف خلاف ورزى کررىى هے بلکه سائنس فىکلٹى کی دو مزید خواتین اساتذہ کو بھى ملازمت سے برخواست کردیا گىا هے، اساتذہ کی جانب سے احتجاج کا سلسلہ ابھى جارى ىے اور نعرے بازی کی جارہی ہے.

ایم کیو ایم نے آصف زرداری کے پروڈکشن آرڈر پر پیپلز پارٹی کی حمایت کا اعلان کر دیا ہے۔

باغی ٹی وی کی رپورٹ کے مطابق ایم کیو ایم کے اراکین قومی اسمبلی اسامہ قادری، امین الحق اور ڈپٹی اقبال نے چیئرمین پیپلز پارٹی بلاول بھٹو زرداری سے قومی اسمبلی میں ملاقات کی۔ اس موقع پر ایم کیو ایم رہنما اسامہ قادری نے بلاول بھٹو زرداری کو یقین دلایا کہ وہ پروڈکشن آرڈر کے معاملے پر غیر مشروط طور پر پیپلز پارٹی کے ساتھ ہیں۔

اسامہ قادری نے میڈیا سے بات کرتے ہوئے کہا کہ حکومتی اتحادی ہونے کے باوجود وہ اپنا مؤقف رکھتے ہیں، پروڈکشن آرڈر ہر رکن اسمبلی کا حق ہے جو اسے ملنا چاہیے۔ واضح رہے کہ ڈپٹی اسپیکر قاسم سوری کی زیر صدارت قومی اسمبلی کا اجلاس آج چار بجے شروع ہوا تاہم قومی اسمبلی اجلاس میں بجٹ پر بحث ہونا ہے مگر دو مرتبہ ہنگامہ آرائی کے سبب اجلاس ملتوی کیا جاچکا ہے.

واضح رہے کہ گزشتہ روز بھی قومی اسمبلی کا بجٹ پر بحث کیلئے بلایا گیا اجلاس ہنگامہ آرائی اور شور شرابے کی وجہ سے ایک بار پھر ملتوی کردیا گیا تھا. سوموار کے دن اسپیکر اسد قیصر کی زیر صدارت قومی اسمبلی کا اجلاس شروع ہوا تو اپوزیشن لیڈر نے تقریر سے قبل آصف زرداری، سعد رفیق، علی وزیر اور محسن داوڑ کے پروڈکشن آرڈر جاری کرنے پر اصرار کیا جس پر حکومتی اور اپوزیشن اراکین کی جانب سے شدید نعرے بازی کی اور ایوان مچھلی منڈی بن گیا. آج بھی آصف زرداری کے پروڈکشن آرڈ رجاری کرنے کا مطالبہ کیا گیا ہے. شہبازشریف کے مطالبہ پر اپوزیشن ارکان شور شرابہ کرتے رہے اور ایوان میں پروڈکشن آرڈر جاری کرو کی نعرے بازی کی جاتی رہی. اس موقع پر سپیکر قومی اسمبلی نے کہا کہ وہ آصف زرداری، سعد رفیق کے پروڈکشن آرڈر جاری کرنے کے معاملہ پر قانونی رائے لے رہے ہیں. اسد قیصر نے شہباز شریف سے کہا کہ آپ اپنی تقریر شروع کریں. اسمبلی چلانا حکومت اور اپوزیشن کی مشترکہ ذمےداری ہے. اسپیکر کے بار بار کہنے کے باوجود شہبازشریف کا چاروں کے پروڈکشن آرڈر جاری کرنے پر اصرار کیا جاتا رہا.