Author: +9251

خبر رساں ایجنسی پی ٹی آئی کے مطابق استاد نے پانچویں جماعت کے طالبعلم کے ایک سوال کا جواب نہ دینے کے بعدمبینہ طور پر یہ سزا دی کہ اس کا مسلم ہم جماعت طالب علم کو تھپڑ مارے جبکہ ملزم ٹیچر کو گرفتار کرلیا گیا ہے اور یہ واقعہ بھارت میں پیش آٰیا ہے ایک پولیس افسر نے بتایا کہ متاثرہ طالبعلم کے والد نے شکایت درج کرائی ہے کہ اس واقعے سے ان کے بیٹے کے مذہبی جذبات مجروح ہوئے ہیں۔ انہوں نے دعویٰ کیا کہ کلاس ٹیچر نے ان کے بیٹے کو ایک مسلمان طالبعلم سے تھپڑ لگوایا، کیونکہ وہ ان کے پوچھے گئے سوال کا جواب نہیں دے سکا۔
ایڈیشنل ایس پی شریش چندر نے بتایا کہ شکایت کی بنیاد پرملزم ٹیچر کے خلاف تعزیرات ہند (آئی پی سی) کی دفعہ 153 اے (مذہب، ذات وغیرہ کی بنیاد پر مختلف گروہوں کے درمیان دشمنی کو فروغ دینا) اور دفعہ 323 (جان بوجھ کر تکلیف پہنچانا) کے تحت ایف آئی آر درج کی گئی ہے۔
پچھلے مہینے مظفر نگر کے کھباپور گاؤں سے بھی ایسا ہی ایک واقعہ سامنے آیا تھا، جہاں ایک پرائیویٹ اسکول کی ٹیچر ترپتا تیاگی نے مبینہ طور پر ہوم ورک نہ کرنے پر ایک مسلم طالبعلم کو اس کے ہندو ہم جماعتوں سے کلاس میں بار بار تھپڑ لگوائے تھے۔ واقعے کا ایک ویڈیو سوشل میڈیا پر وائرل ہونے کے بعدغم و غصے کا اظہار کیا گیا تھا۔
دی وائر اردو کے مطابق خاتون ٹیچر کے خلاف آئی پی سی کی دفعہ 323 (جان بوجھ کر چوٹ پہنچانا) اور 504 (امن کی خلاف ورزی پر اکسانے کے ارادے سے جان بوجھ کر توہین کرنا) کے تحت مقدمہ درج کیا گیا تھا، سوشل میڈیا پر سامنے آئے اس واقعے سے متعلق ایک ویڈیو میں اتر پردیش کے مظفر نگر کے ایک پرائیویٹ اسکول کی ٹیچر ترپتا تیاگی اپنی کلاس کے بچوں کو ایک ایک کرکے آٹھ سالہ مسلم طالبعلم کو تھپڑ مارنے کی ہدایت کرتی نظر آرہی تھیں۔
چالیس سیکنڈ کے اس ویڈیو میں بچے متاثرہ طالبعلم کو مارتے ہیں اور ٹیچر ان کی حوصلہ افزائی کرتی نظر آتی ہیں۔ ویڈیو میں بچہ رو رہا ہے اورٹیچر کے کہنے پر ساتھی طالبعلم اسے تھپڑ مار رہے ہیں، یہ پیش رفت ایسے وقت میں ہوئی ہے جب 25 ستمبر کو سپریم کورٹ نے مظفر نگر کے ایک اسکول میں ایک خاتون ٹیچر کی جانب سے ایک مسلم طالبعلم کو اس کے دیگر ہم جماعتوں سےتھپڑ مارنے کےمعاملے میں اتر پردیش حکومت اور پولیس کو سخت سرزنش کی تھی۔
جبکہ کیس میں ایف آئی آر درج کرنے میں تاخیر اور فرقہ وارانہ الزامات کو نظر انداز کرنے پر سوال اٹھاتے ہوئے بنچ نے ہدایت دی تھی کہ کیس کی تفتیش سینئر آئی پی ایس رینک کے پولیس افسر کریں گے عدالت نے پایا کہ یہ بنیادی طور پر تعلیم کے حق کی لازمی تعمیل کرنے میں ریاست کی ناکامی ہے۔ یہ ایکٹ طلبہ کو جسمانی اور ذہنی طور پر ہراساں کرنے اور مذہب اور ذات پات کی بنیاد پر ان کے ساتھ امتیازی سلوک کو روکتا ہے۔

مزید یہ بھی پڑھیں؛
ورلڈکپ کے لئے کمینٹیٹرز کے پینل کا اعلان
سانحہ جڑانوالہ پر جے آئی ٹی نہیں بنائی جائے گی,محسن نقوی
آئی ایم ایف کا انرجی سیکٹر میں اصلاحات میں بہتری کا مطالبہ

امریکہ کو شٹ ڈاؤن سے بچانے کیلئے کانگریس کے پاس ایک دن باقی رہ گیا ہے اور فنڈنگ بل منظور نہ ہونے کی صورت میں یکم اکتوبر کو لاکھوں ملازمین تنخواہوں سے محروم ہوسکتے ہیں جبکہ 70 لاکھ خواتین اور بچوں کے خوراک کی کمی سے متاثر ہونے کا بھی خدشہ بتایا جارہا ہے۔

تاہم امریکی حکومت اور اراکین پارلیمنٹ کے درمیان اختلافات تاحال برقرار ہیں اور شٹ ڈاؤن سے بچنے کیلئے کانگریس کے پاس صرف ایک دن رہ گیا ہے جس میں حکومت اور اپوزیشن کا مشترکہ فنڈنگ بل منظور نہ ہونے کی صورت میں لاکھوں ملازمین تںخواہوں سے محروم ہو سکتے ہیں۔

عالمی ادارے کی خبر کے مطابق امریکی میڈیا کے مطابق ہفتے کے روز فنڈنگ بل پر دستخط نہ ہوئے تو یکم اکتوبر کو 21 لاکھ ملازمین تن خواہوں سے محروم رہیں گے جبکہ چالیس لاکھ کنٹریکٹرز کو چیک جاری نہیں ہوں گے اور 70 لاکھ خواتین اور بچوں کو خوراک فراہم کرنے والے ادارے سپلی مینٹل فوڈ اسسٹنٹ پروگرام کے پاس خرچ کرنے کو پھوٹی کوڑی نہیں ہوگی۔
مزید یہ بھی پڑھیں؛
ورلڈکپ کے لئے کمینٹیٹرز کے پینل کا اعلان
سانحہ جڑانوالہ پر جے آئی ٹی نہیں بنائی جائے گی,محسن نقوی
آئی ایم ایف کا انرجی سیکٹر میں اصلاحات میں بہتری کا مطالبہ

جبکہ رپورٹ کے مطابق شٹ ڈاؤن کی صورت میں امریکی وزارت دفاع کے تیرہ لاکھ ملازمین بغیر تنخواہ کے کام کریں گے، جن میں حاضر سروس فوجی اہلکار اور دیگر کنٹریکٹرز شامل ہیں۔