Author: +9251

دوستوں کے گروپ نے احمد خالد کو اچھالا اور زمین پر گرنے دیا، ریڑھ کی ہڈی کے باعث پورےجسم کا فالج ہو گیا.

سوشل میڈیا پر گزشتہ کچھ روز سے طالب علم احمد خالد کی کہانی کی گونج سنائی دے رہی ہے ۔ احمد خالد "ٹک ٹاک” چیلنجز میں سے ایک سنگین چیلنج میں داخل ہونے کے نتیجے میں اپنے آپ کو معذور کرا بیٹھا ہے۔ ریڑھ کی ہڈی کو نقصان پہنچنے کی وجہ سے اس کا پورا جسم مفلوج زدہ ہوگیا ہے۔ اس واقعہ نے مصری نوجوانوں میں خوف کی لہر پھیلا دی ہے۔ طالب علم کی کہانی ’’ٹک ٹاک‘‘ ایپ پر ’’تھرو یوور فرینڈ‘‘ چیلنج کو آزمانے سے شروع ہوئی۔ احمد نے سکول کے دوستوں کے ساتھ اس چیلنج کو پورا کرنے کی حامی بھر لی۔ دوستوں نے اپنے اپنے منتخب دوست کے گرد دائرے کی شکل میں جمع ہوکر اسے ہوا میں اچھال دیا اور زمین پر گرنے دیا۔ آزمانا یہ تھا کہ کون کتنا مضبوط ہے ۔ جس کو سب سے کم نقصان ہوتا وہ جیت مقابلہ جیت جاتا۔

تاہم دوستوں کی امید کے برعکس مصر کے جوڈو چیمپئن احمد خالد اس خطرناک چیلنج کو قبول کرکے معذوری کا شکار ہوگیا۔ کیونکہ احمد کی ریڑھ کی ہڈی میں فریکچر آگیا اور ریڑھ کی ہڈی میں کٹ لگ گیا جس کی وجہ سے اسے پورے جسم کا فالج ہو گیا۔
صحت یابی کی امید بہت کم طالب علم کا علاج کرنے والے ڈاکٹر، آرتھوپیڈکس اور جوڑوں کے ماہر ڈاکٹر نجیب نے اس واقعے کو اپنی پیشہ ورانہ زندگی کا سب سے بدترین واقعات میں سے ایک قرار دیا اور کہا کہ 13 سالہ لڑکے کو ہسپتال لایا گیا تو وہ حرکت نہیں کر رہا تھا۔

معائنے اور ایکسرے کرانے کے بعد معلوم ہوا کہ احمد فالج کا شکار ہے۔ وہ سروائیکل ورٹیبرا کے فریکچر اور ریڑھ کی ہڈی پر شدید دباؤ کا شکار ہے اور اس کی صحت یابی کی امید انتہائی کم ہے۔ احمد کے سکول سننز آف نیل انٹرنیشنل سکول نے میڈیا بیان جاری کردیا جس میں اس بات پر زور دیا گیا کہ یہ دردناک حادثہ سکول کے دن کے اختتام کے بعد پیش آیا اور یہ سکول کے اندر پیش نہیں آیا۔

ٹک ٹاک چیلنج

واضح رہے یہ مصر کے ایک سکول کا حال نہیں بلکہ مصر بھر کے کئی سکولوں کے طلبہ میں مختلف خطرناک چیلنجز کو قبول کرکے ان کو ٹک ٹاک پر پیش کرنے کا رجحان پایا جاتا ہے۔ ان چیلنجز میں ’’ڈیول گیم‘‘ اور ’’چارلی گیم‘‘ جیسے خطرناک کھیل بھی ہیں۔ ان کھیلوں میں طلبہ شریانیں کاٹنے کا فیصلہ کرتے ہیں۔
مزید یہ بھی پڑھیں
حرا کلچرل کالونی: مکہ مکرمہ آنے والوں کے لیے ایک نیا تجربہ
ملتان ٹیسٹ؛ ہدف کے تعاقب میں پاکستان کی بیٹنگ جاری
فیفا ورلڈ کپ؛ ارجنٹائن اور کروشیا کی ٹیمیں سیمی فائنل میں کل آمنے سامنے ہوں گی
روزگار کی تلاش میں بیرون ملک جانیوالے پاکستانیوں میں 3 گنا اضافہ

اسی طرح دنیا میں ’’سانس لینے کا چیلنج‘‘ یا ’’ڈیتھ چیلنج‘‘ بھی معروف ہوا تھا جس نے مہینوں پہلے سکولوں کے طلبہ کو اپنی زد میں لے لیا تھا۔ اس چیلنج میں کھلاڑی کو اپنے اکاؤنٹ کے ذریعے "ٹک ٹاک” کے ذریعے رجسٹر کیا جاتا ہے اور پھر کھلاڑی سے کہا جاتا ہے کہ وہ کمرے میں اندھیرا کرے، یہ اصطلاح ” بلیک آؤٹ چیلنج” سے آئی ۔ اس کے بعد شرکا اس بہانے سے کہ وہ مختلف احساسات محسوس کریں گے اور یہ کہ وہ ایک بے مثال تجربہ کریں گے۔ پھر کا سانس روکا جاتا ہے۔ اس چیلنج کی وجہ سے یورپی اور عرب ممالک میں متعدد اموات ہو چکی ہیں ۔ جان بوجھ کر سانس روکنے کی وجہ سے دم گھٹنے سے موت واقع ہوجاتی ہے۔

طالبعلموں کی بنائی گئی کشتی 9300 کلومیٹر سفر کرکے امریکا سے برطانیہ جا پہنچی.

امریکی اسکولوں کے طالبعلم کی بنائی گئی تجرباتی کشتی اس سال مارچ میں سمندر کے حوالے کی گئی تھی جو اب 9300 کلومیٹر سفر طے کرکے روڈ آئی لینڈ امریکا سے برطانوی ساحل تک پہنچ گئی ہے۔ یہ ایک چھوٹی سی کشتی ہے جسے تین امریکی اسکولوں کے طلبا و طالبات نے بنایا تھا۔ بچوں نے یہ کشتی روڈ آئی لینڈ گریجویٹ اسکول آف اوشیانوگرافی کے ماہرین کی زیرِنگرانی تیار کی تھی جس کا مقصد بچوں کو سمندر اور اس کے ماحول سے آشنا کرانا تھا۔ اس کشتی پر خاص جی پی ایس نظام لگا کر واٹرپروف بنایا گیا تھا۔
مزید یہ بھی پڑھیں
حرا کلچرل کالونی: مکہ مکرمہ آنے والوں کے لیے ایک نیا تجربہ
ملتان ٹیسٹ؛ ہدف کے تعاقب میں پاکستان کی بیٹنگ جاری
فیفا ورلڈ کپ؛ ارجنٹائن اور کروشیا کی ٹیمیں سیمی فائنل میں کل آمنے سامنے ہوں گی
26 مارچ کو ’انسپائریشن‘ نامی کشتی سمندر میں اتاری گئی جس نے کل 245 دن اور ایک گھنٹے سمندر کا سفر کیا۔ اس کے بعد کرائسٹ چرچ برطانیہ کے فریئرس کلف کے ساحل پر دیکھی گئی اور یوں اس کا طویل تجرباتی سفر بھی اختتام پذیر ہوا۔ تاہم کشتی کے اندر بہت سی معلومات بھی موجود تھی جن میں تمام اسکولوں اور ان بچوں کے کوائف موجود تھے جنہوں نے اپنے بڑوں کے ساتھ مل کر اسے بنایا ہے۔ اس کشتی کو روڈ آئی لینڈ سے 100 میل دور پانی میں چھوڑا گیا تھا جس نے دس ماہ کا طوی سفر طے کیا تھا۔

حرا کلچرل کالونی: مکہ مکرمہ آنے والوں کے لیے ایک نیا تجربہ

مکہ مکرمہ کے انگور کے باغ کے بلند پہاڑوں کے درمیان اور غار "حرا” کے قریب "حرا ثقافتی کالونی” بنائی گئی ہے۔ اس کالونی میں عجائب گھروں اور نمائشوں کا ایک مجموعہ موجود ہے جو زائرین کے مذہبی اور ثقافتی تجربے کو بہتر بنا دیتا ہے۔ یہاں ایک وحی گیلری اور قرآن کریم کا ایک میوزیم بھی موجود ہے جو آج ایک ثقافتی سیاحتی نشان بن گیا ہے۔ اس کالونی کی نگرانی رائل کمیشن برائے شہر مکہ وہ مقدسات کرتا ہے۔67 ہزار مربع میٹر پر محیط "حرا کلچرل کالونی” میں مختلف حصوں می پہاڑ اور غار کی ایک تاریخ بیان کی جاتی ہے۔ یہاں آنے والے میوزیم آف ہولی قرآن، وحی گیلری، غار میں چڑھنے کے راستے اور زائر مرکز کو دیکھ کر اپنے مذہبی اور ثقافتی تجربے کو مزید قیمتی بنا لیتے ہیں۔

وحی کی نمائش کو غار حرا سے منسلک کیا گیا ہے۔ اس نمائش میں غار حرا میں پہلی وحی کے نزول کی کہانی بیان کی گئی ہے۔ نمائش کے پہلی وحی کے نزول کے واقعہ کو پرکشش انداز میں پیش کیا گیا ہے جس میں حضرت خدیجہ اور حضرت جبرائیل علیہ السلام کے کردار بھی موجود ہیں۔ حرا کلچرل کالونی نے قرآن مجید کے میوزیم اور اس منصوبے کے اہم اجزا پر بھی توجہ دلائی اور کہا کہ اس میوزیم کا مقصد درست مواد اور تکنیکوں سے قرآنی نسخوں کے وسیع نظام کو متعارف کرانا ہے۔

اس ثقافتی کالونی میں تجارتی سہولیات بھی موجود ہیں، ریستوران اور کیفے ہے جہاں پر لذیذ مقامی اور بین الاقوامی پکوان اور مشروبات کئے جاتے ہیں۔ اس شہر اور مقام سے متعلق تحائف بھی خریدے جا سکتے ہیں۔ غار حرا والے اس پہاڑ کے ساتھ مختلف قسم کی اشیا کے سٹورز موجود ہیں۔ حرا کلچرل مرکز زائرین کو کوہ حرا کے نچلے حصے سے غار حرا تک جانے کیلئے پکی سڑک کی سہولت بھی فراہم کرتا ہے۔ یہ غار حرا تک جانے والی واحد پکی سڑک ہے۔

غار حرا کیا ہے؟

غار حرا ایک خلا ہے جس کا دروازہ شمال کی طرف ہے۔ یہ چار ہاتھ لمبا، ایک ہاتھ چوڑا اور تین چوتھائی ہاتھ چوڑا ہے۔ اس میں ایک موٹا آدمی بیٹھ سکتا ، ایک موٹا آدمی کھڑا ہوسکتا اور چند آدمیوں کی گنجائش ہے۔ غار کے اندر کا رخ خانہ کعبہ کی طرف ہے۔ جبل النور سے مکہ مکرمہ کی چھتوں کو دیکھا جا سکتا۔ یہ پہاڑ مسجد حرام سے لگ بھگ 10 کلومیٹر کے فاصلے پر ہے۔ جبل النور پر موجود غار حرا میں رسول اللہ صلی اللہ علیہ وسلم پر پہلی وحی نازل ہوئی تھی۔

ارجنٹائن اور کروشیا کی ٹیمیں فیفا ورلڈ کپ کے پہلے سیمی فائنل میں کل آمنے سامنے ہوں گی.

قطر میں جاری بائیسویں فیفا ورلڈ کپ 2022 کا پہلا سیمی فائنل میچ کل (منگل کو) کھیلا جائے گا جس میں دو مرتبہ کی سابق عالمی چیمپئن ارجنٹائن کا مقابلہ کروشیا سے ہوگا۔اس سے قبل میگا ایونٹ کی سیمی فائنل لائن اپ مکمل ہو چکی ہے ، دلچسپ مقابلوں کے بعد دفاعی چیمپئن فرانس، مراکش، ارجنٹائن اور کروشیا فائنل فور میں جگہ بنا چکی ہیں ۔

میگا ایونٹ کا پہلا سیمی فائنل ارجنٹائن اور کروشیا کی ٹیموں کے درمیان کل منگل کو لوسیل سٹیڈیم میں کھیلا جائے گا جو پاکستان کے معیاری وقت کے مطابق رات 12 بجے شروع ہوگا۔ کوارٹر فائنل مرحلے میں ارجنٹائن نے نیدرلینڈز اور کروشیا نے برازیل کو ہرا کر سیمی فائنل تک رسائی حاصل کی تھی ، کروشیا کی ٹیم 2018 ورلڈ کپ کا فائنل کھیل چکی ہے تاہم اسے فرانس کے ہاتھوں شکست کا سامنا کرنا پڑا تھا۔

ارجنٹائن کی ٹیم اس سے قبل دو مرتبہ 1978 اور 1986 میں عالمی کپ جیت چکی ہے جبکہ وہ 1930،1990، اور 2014 میں رنر اپ رہ چکی ہے۔ پہلےسیمی فائنل کی دونوں ٹیموں کے کپتانوں نے میچ میں کامیابی کے لئے بیانات دیئے ہیں اور پہلے سیمی فائنل میں کانٹے دار مقابلے کی توقع ہے اور شائقین فٹ بال کو اچھا مقابلہ دیکھنے کو ملے گا۔

ٹورنامنٹ کا دوسرا سیمی فائنل دفاعی چیمپئن فرانس اور مراکش کے درمیان 14 دسمبر کو البیت سٹیڈیم میں کھیلا جائے گا۔ مراکش نے کوارٹر فائنل میں پرتگال کو شکست دے کر تاریخ میں پہلی بار فیفا ورلڈ کپ کے سیمی فائنل میں جگہ بنائی ہے جبکہ فرانس نے کوارٹر فائنل میں انگلینڈ کے خلاف کامیابی حاصل کی، میگا ایونٹ میں تیسری پوزیشن کے لئے میچ 17 دسمبر کو جبکہ ورلڈ کپ کا فائنل میچ 18 دسمبر کو لوسیل سٹیڈیم میں کھیلا جائے گا۔