Author: +9251

معروف کرکٹر شعیب ملک اور ٹینس سٹار ثانیہ مرزا کی علیحدگی کی خبریں ایک عرصہ سے گردش کررہی ہیں لیکن شعیب ملک اور ثانیہ مرزا دونوں ہی ایسی خبروں کی نہ تصدیق کررہے ہیں اور نہ ہی تردید . تاہم شعیب ملک نے اپنے ایک حالیہ انٹرویو میں کہا ہے کہ میں اپنی ذاتی زندگی کے بارے میں بات نہیں کرنا چاہتا . میں نے اور ثانیہ نے طے کیا ہے کہ ہم اپنی نجی زندگی پر بات نہیں کریں گے اور ہونا بھی ایسے چاہیے ، ہم پبلک پراپرٹی ضرور ہیں لیکن لوگوں کوبھی چاہیے کہ وہ ہماری پرائیویسی کا خیال رکھیں ، میں کسی ایسی خبر پر بات نہیں کرنا چاہتا جو میری اور میری اہلیہ کے متعلق ہے ، یا ہماری نجی زندگیوں کے متعلق ہے مجھے اور ثانیہ کو ہمارے نجی معاملات

میں زارا سپیس دیں . یوں شعیب ملک نے طلاق کی خبروں کی تردید تو نہیں کی بس انتا کہہ کر جان چھڑوا لی ہے کہ ہم دونوں اس پر بات نہیں کرنا چاہتے. ان کے رشتےکا سٹیٹس کیا ہے یہ تو آنے والا وقت ہی بتائے لیکن دونوں نے تاحال اس حوالے سے خاموشی اختیار کررکھی ہے. لیکن خبریں مسلسل گردش کررہی ہیں کہ دونوں‌کی طلاق ہو چکی ہے، اور دونوں ایک دوسرے کے ساتھ اپنی تصاویر بھی سوشل میڈیا پر اپلوڈ نہیں کررہے.

میرا دل یہ پکارے آجا ، گیت پر ٹک ٹاکر عائشہ عرف مانو کے ڈانس نے تو پوری دنیا کو اپنا دیوانہ بنا لیا ہے. بالی وڈ کے بعد اب اس گانے کا بخار تنزایہ جا پہنچا ہے. جی ہاں حال ہی میں تنزایہ کے مشہور ٹک ٹاکر کیلی پال نے میرا دل یہ پکارے آجا پر ڈانس کیا ہے اور عائشہ کے ڈانس سٹیپس کو فالو کیا ہے . اس سے قبل بھی مادھوری ڈکشٹ ہو یا کترینہ کیف ہر کوئی عائشہ کے ڈانس سٹیپس کو فالو کرتے ہوئے دکھائی دیا ہے ان سب کی وڈیوز کافی وائرل ہوئی ہے اور عائشہ کے ڈانس کا بخار دن بہ دن بڑھا ہی جا رہا ہے ، لوگ اس گانے اور اس پر کئے گئ ڈانس سٹیپس

کے سحر سے باہر ہی نہیں نکل رہے. عائشہ نے یہ ڈانس اپنی دوست کی مہندی پر کیا تھا ، یہ ڈانس اتنا وائرل ہوا کہ عائشہ راتوں رات سٹار بن گئیں اور آج کل وہ ماڈلنگ کررہی ہیں ان کے پاس اس وقت ماڈلنگ کے کئی پراجیکٹس ہیں . عائشہ اس وقت کسی بھی کامیاب ماڈل جتنی ہی مصروف ہیں . یقینا آنے والوں دنو‌ں میں ان کے پاس اسے بھی زیادہ پراجیکٹس ہوں گے اور وہ یقینا کسی فلم یا ڈرامے میں بھی نظر آئیں گی .

سینئر اداکار بہروز سبزواری جو اپنی منفرد اور خوبصورت اداکاری کےلئے مشہور ہیں انہوں‌نے حال ہی میں ایک انٹرویو دیا ہے جس میں انہوں‌ نے اپنی بیٹے کی تعریفوں‌کے پل اس طرح سے باندھے کے انٹرویو کرنے والے کو ہی کہہ دیا کہ میری دعا ہے کہ آپکا بیٹا بھی میرے بیٹے کے جیسا بنے. اداکار نے کہا کہ میرا بیٹا شہروز نہایت ہی فرمانبردار ہے اس نے ہمیشہ ہی میرے بہت تابعداری ہے. میں جب بیمار پڑا تو اس نے ہسپتال میں‌ہر دم میری خدمت کی ، مجھے کسی چیز کی کمی نہیں آنے دی ، ہسپتال سے گھر پہنچا تو دو نرسیں پہلے پہنچ چکی تھیں ، ضروری آلات لگا دئیے گئے تاکہ مجھے معمولی مسئلے کےلئے ہسپتال نہ بھاگنا پڑے . میرے بیٹے نے تو میرے علاج کے

اخراجات بھی برداشت کئے . میری بیماری پر اسکا بہت پیسہ لگا. مجھے یاد ہے کہ میرا ہسپتال کا بل لاکھوں روپے بنا تھا لیکن وہ سارا میرے بیٹے نے ماتھے پر شکن لائے بغیر اداکیا . میں تو دعا کرتا ہوں کہ میرے بیٹے جیسا ہر کسی کا بیٹا ہو ، ایسی فرمانبردار اولاد ہو تو والدین کےلئے دنیا میں ہی جنت بن جاتی ہے . شہروز صحیح معنوں میں بیٹا ہونے کا حق ادا کررہا ہے . میری بہت ساری دعائیں میرے بیٹے کے ساتھ ہیں خدا اسکو خوش رکھے .

سوشل میڈیا کی ایک چھوٹی سی وڈیو سے راتوں رات شہرت پانے والی دنانیر مبین ایک سلیبرٹی بن چکی ہیں. انہوں نے ایک وڈیو سوشل میڈیا پر پوسٹ کی جس میں یہ کہہ رہی ہیں‌کہ یہ میں ہوں یہ میری دوستیں اور یہاں پارٹی ہورہی ہے. اس وڈیو نے ان کو دنیا بھر میں شہرت دلا دی یہاں تک کہ بالی وڈ‌کے بڑے اور نامور فنکار بھی دنانیر مبین کے دیوانے ہو گئے. دنانیبر مبین نہ صرف پڑے پراجیکٹس میں کام کررہی ہیں بلکہ وہ لکس سٹائل جیسے ایوارڈز کو بھی ہوسٹ کررہی ہیں. اس سال ہم ٹی وی کے لکس سٹائل ایوارڈز کے لئے دنانیر خصوصی طور پر لاہور تشریف لائیں

اور لکس سٹائل ایوارڈز کے ایک بڑے حصے کی میزبانی کی . دنانیر مبین نے حال ہی میں ایک برائیڈل شوٹ کر وایا ہے تصاویر دیکھ کراندازہ لگایا جا سکتا ہے کہ جیسے کہ یہ مہندی کی تقریب کےلئے کروایا گیا شوٹ ہے . شوٹ کی تصاویر سوشل میڈیا پر وائرل ہو رہی ہیں. دنانیر مبین پیلے رنگ کا لہنگا زیب تن کئے ہوئے ہیں اور نہایت ہی دلکش لگ رہی ہیں. یاد رہے کہ دنانیر مبین اس وقت بریںڈز کے لئے نمبر ون چوائس ہیں اور وہ ٹی وی میں بھی اپنا ایک مقام بنا چکی ہیں ، انہوں نے ندیم بیگ جیسے منجھے ہوئے ڈائریکٹر کی ڈائریکشن میں بنے ہوئے ڈرامے میں بھی کام کیا ہے.

سینئر اداکارہ اور ڈائریکٹر سنگیتا جو کہ آج کل ڈرامہ سیریل دو باند پانی کی شوٹنگ کررہی ہیں انہوں نے اپنے حالیہ انٹرویو میں کہا ہے کہ میں نے ثناء کو ڈرامے میں کاسٹ کیا تھا اس نے نو دن کی ریکارڈنگ بھی کروائی اور اس کے بعد ایکدم سے وہ پراجیکٹ یہ کہہ کر چھوڑ‌کر چلی گئی کہ مجھے پیسے نہیں ملیں گے. تفصیلات کے مطابق ثناء نے بہاولپور میں ابتدائی شوٹنگ کروائی جب لاہور میں شوٹنگ کروانے کی باری آئی تو اس نے کہا کہ میں‌تو کہیں اور شوٹنگ کررہی ہوں آپ میرے مینجر سے بات کریں. اس کے بعد سنگیتا نے ثناء کو پراجیکٹ‌سے ہی الگ کر دیا.

سنگیتا کہتی ہیں کہ میں‌ نے ثناء کو نو دن کی شوٹنگ کے نو لاکھ روپے دئیے تھے. اور اس نے نومبر میں لاہور میں جو اسکی شوٹنگ تھی اسکی تاریخیں کسی اور کو دے دیں اور مجھے کہہ دیا کہ مجھے پیسے نہیں ملیں گے. میں نے 45 سالہ کیرئیر میں آج تک کسی کے پیسے نہیں رکھے نہ کسی کو تنگ کیا عزت کے ساتھ کام کیا. سنگیتا نے کہا کہ ثناء بھول گئی ہے کہ اسکو سب سے پہلے میں نے ہی اپنی فلم ریشماں میں چانس دیا تھا اس نے اپنی زندگی کا بہترین ڈرامہ چھوڑا ہے اسکو یہ احساس ہوگا اور وہ پچھتائے گی.

گلوکارہ آئمہ بیگ نے حال ہی میں ایک انٹرویو دیا ہے جس میں انہو‌ں نے کی ہیں کچھ دل کی باتیں. ان کا کہنا ہے کہ مجھے ڈانس کرنے کا بہت زیادہ شوق ہے ، میں نے اپنی بہن کی شادیوں پر ڈانس کئے ، اپنی وڈیوز میں جب بھی موقع ملتا ہے ڈانس کر لیتی ہوں ، ہاں اگر کسی فلم میں ڈانس کی آفر ہوئی تو ضرور کروں گی. آئمہ بیگ نے اس انٹرویو میں یہ بھی کہا کہ میرا پہلا شوق گانا گانا ہے اور وہی کررہی ہوں. آئمہ بیگ نے کہا کہ میرا نیا گانا پیار ہوا تھا بنانے سے قبل کیفی خلیل سے باقاعدہ اجازت لی. اجازت لئے بغیر گانا مناسب نہیں سمجھتی جس کی جو چیز ہے

اس سے اجازت لینا اخلاقیات کا تقاضا ہے جسے میں پورا کرتی ہوں. آئمہ بیگ نے یہ بھی کہا کہ میرا دل ٹوٹا تھا لیکن کیفی خلیل کے اس گانے نے میرا دل جوڑنے میں مدد کی ، میں‌نے اس گانے کو بہت سنا ، اب میرا دل جڑ گیا ہے اب میں ٹھیک ہوں. انہوں‌نے کہا کہ لوگوں کو سمجھنا چاہیے کہ ہم بھی انسان ہیں ہمارے بھی جذبات ہوتے ہیں ہمارا بھی دل ٹوٹتا ہے. یاد رہے کہ آئمہ بیگ کا حالیہ گانا پیار ہوا تھا یوٹیوب پر ٹرینڈ‌کررہا ہے اور بڑی تعداد میں لوگ اسے پسند کررہے ہیں.

بالی وڈ اداکارہ مادھوری ڈکشٹ نے اپنے حالیہ انٹرویو میں کیا ہے ایک شکوہ اور شکوہ بھی کچھ ایسا ہے ، ان کا کہنا ہے کہ میری تصاویر اور وڈیوز پر بہت سارے کمنٹس ایسے آتے ہیں جن میں لکھا ہوتا ہے کہ ارے بچے ہو گئے آپ کے ، اتنی زیادہ عمر ہو گئی ابھی بھی آپ ناچتی ہیں . تو مجھے بہت حیرت ہوتی ہے کہ بھئی کیا ہوا اگر بچے ہوگئے ہیں یا میری عمر زیادہ ہو گئی ہے. میرے بچے یا عمر زیادہ ہونے سے میری خواہشات مر گئی ہیں کیا؟ میرے اندر سے جینے کی تمنا ختم ہو گئی ہے کیا؟ مادھوری نے مزید کہا کہ کیوں یہ سوچا جاتا ہے کہ عورت پر ذمہ داریاں پڑ

گئی ہیں تو وہ کچھ اور نہیں کر سکتی خصوصی طور پر وہ نہیں کرسکتی جو اسکا دل کرتا ہے. میں اپنی گھریلو ذمہ داریاں پوری کر رہی ہوں تو اسکا مطلب یہ نہیں کہ میں اپنی خواہشات کو مار دوں اور وہ نہ کروں جس سے مجھے خوشی ملتی ہے. یاد رہے کہ مادھوری کا شمار نوے کی دہائی کی معروف اداکارائوں میں ہوتا ہے ، انہوں نے بہترین ڈانس اور اداکاری کی بدولت شائقین کی دلوں میں جگہ بنائی اور نمبر ون کی پوزیشن حاصل کی . انہوں نے 1999 میں شادی کی ان کے دو بیٹے ہیں.

سینئر اداکارہ صبا فیصل جنہوں نے چند روز قبل انسٹاگرام پر ایک وڈیو اپلوڈ کی جس میں انہوں نے اپنی بہو نیہا اور بیٹے سلمان کے بارے میں کہا کہ میرا ان سے کوئی تعلق نہیں ہے نہ میری بیٹی نہ بیٹوں اور شوہر کا ان کے ساتھ تعلق واسطہ ہے. بہو نیہا کے بارے میں کہا کہ جن گھروں میٰں نیہا جیسی لڑکیاں آجاتی ہیں وہ گھر تباہ ہوجاتے ہیں. اس کے جواب میں ان کے بیٹے اور بہو نے بھی انہیں سنا دیں. لیکن اب صبا فیصل نے لے لیا ہے یوٹرن اور اپنی اس وڈیو کو ڈیلیٹ کر دیا ہے جس میں انہوں نے اپنی بہو اور بیٹے کو ڈس اون کیا. اور اب ان کہنا ہے کہ انہوں‌ نے جو وڈیو اپلوڈ کی تھی اسکا مقصد صرف یہ تھا کہ میں ان کو سمجھا رہی تھی . انہوں نے حالیہ پوسٹ‌ میں اپنے بیٹے

سلمان ، بہو نیہا اور بیٹی سعدیہ فیصل کو بھی ٹیگ کیا. اور لکھا کہ سمجھانے اور کردار پر انگلی اٹھانے کے فرق کو سمجھیں، اور اپنے مداحوں سے اپیل کی کہ آپ سب ہمارے خاندان والوں کے لئے دعا کریں. یاد رہے کہ صبا فیصل اور ان کے بیٹے سلمان اور بہو نیہا کے درمیان معاملات ٹھیک نہ ہونے کی وجہ سے انہوں نے سوشل میڈیا پر وڈیو اپلوڈ‌کی ، اس سے قبل جب بھی ایسی باتیں سامنے آئیں صبا فیصل نے انکار کیا لیکن ایکدم سے نہ صرف ان کی خبروں کی تصدیق کر دی بلکہ اپنے ہی بہو اور بیٹے کو ڈس اون بھی کر دیا.

سوشل میڈیا پر ایک وڈیو وائرل ہو رہی ہے جس میں دیکھا جا سکتا ہے بھارتی اداکار وویک اوبرائے پاکستانی گلوکارہ عابدہ پروین کی تعریف کررہے ہیں. وڈیو دیکھ کر محسوس ہو رہا ہے کہ ووریک اوبرائے نے عابدہ پروین کا لائیو شو دیکھا ہے اور ان کو گاتے ہوئے سنا ہے. وویک اوبرائے وڈیو میں کسی کا شکریہ ادا کررہے ہیں ،اور کہہ رہے ہیں کہ شکریہ مجھے یہاں آنے کا موقع دیا اور مجھے لیجنڈ فنکارہ کو دیکھنے کا شرف حاصل ہوا ، میں‌ تو عابدہ پروین کا بہت بڑا مداح‌ہوں اور میری خوش نصیبی ہے کہ ان کو آج میں‌نے اپنے سامنے بیٹھے دیکھا ہے . وویک کے عابدہ پروین کے متعلق ان کمنٹس کو سوشل میڈیا پر بہت زیادہ سراہا جا رہا ہے.

یاد رہے کہ پاکستانی گلوکار بھارت میں بہت زیادہ مقبول ہیں اور عابدہ پروین کے مداح تو پوری دنیا میں پائے جاتے ہیں. ان کی گائیکی کئی نئے آنے والوں‌کے لئے مشعل راہ ہے. عابدہ پروین نے اپنی منفرد گائیکی کی بدولت مداحوں کے دلوں میں‌وہ جگہ بنا لی ہے جس کو لفظوں میں بیان نہیں کیا جا سکتا. ان کی اپنی ایک منفرد انداز گائیگی ہے جو انہیں دوسروں سے ممتاز کرتی ہے. بھارتی فنکاروں کے ساتھ بھارتی میوزیشنز بھی عابدہ پروین کے دیوانے ہیں.

بہت کم ایسا ہوتا ہے کہ کوئی ہیروئین کسی دوسری ہیروئین کی تعریف کرے اور اس کے کام کو سراہے . لیکن یہ خوبی پائی جاتی ہے سونم کپور میں‌، تبہی تو انہوں‌نے جم کر کر دی ہے کترینہ کیف کی تعریف . انہوں نے حال ہی میں‌کہا ہے کہ کترینہ کیف باقی ہیروئنز کی نسبت کافی مختلف ہیں . وہ مختلف قسم کی فلمیں کرتی ہیں اور ان کی فلمیں اسی لئے چلتی ہیں اور کامیابی سے ہمکنار ہوتی ہیں کیونکہ وہ ایک بڑی فین فالونگ رکھتی ہیں. میں‌نہ صرف ان کے حسن اور کام کی بلکہ سکرین پریزینس کی دیوانی ہوں. سونم کپور نے دل کھول کر کر دی کترینہ کیف کی تعریف.

یاد رہے کہ سونم کپور اور کترینہ کیف بہت اچھی سہیلیاں ہیں‌دونوں اکثر ایک دوسرے کے ساتھ خوشگوار لمحات شئیر کرتے ہوئے دکھائی دیتی ہیں. سونم کپور کے ہاں حال ہی میں ایک ننھی پری کی آمد ہوئی اس پر کترینہ کیف نے انہیں مبارکباد کے میسجز کرنے کے ساتھ ان کی بیٹی کو جلد سے جلد دیکھنے کی خواہش کا اظہار کیا .کترینہ کیف اور وکی کوشل کی شادی کو حال ہی میں ایک سال ہوا ہے اور سونم کپور نے ان دونوں کو ان کی شادی کی سالگرہ کی مبارکباد دی .