Author: +9251

اداکارہ ماہرہ خان جو فی الحال تو دا لیجںڈ آف مولا جٹ کی کامیابی کو انجوائے کررہی ہیں . انہوں نے گزشتہ دنوں ٹویٹر پر آسک ماہرہ کا ایک سیشن رکھا . اس میں انہوں نے اپنے مداحوں کے مختلف سوالوں کے جوابات دئیے. چونکہ ماہرہ خان اور ہمایوں سعید کو ایک ساتھ بہت پسند کیا جاتا ہے اس حوالے سے ان کے مداحوں نے پوچھا کہ آپ دونوں ایک ساتھ کب دکھائی دیں گے تو ماہرہ خان نے جواب دیا کہ بہت جلد ، اس پر ہمایوں سعید نے جواب دیتے ہوئے لکھا ہاں ہم بہت جلد ایک دوسرے کے ساتھ دکھائی دیں گے لیکن کیا میں‌فلم کا نام بھی بتا دوں . ہمایوں سعید نے جب ایسا کمنٹ کیا تو ماہرہ خان اور ہمایوں سعید کے مداحوں میں خوشی کی لہر دوڑ گئی کہ ایک بار پھر ان دونوں‌کو ایک ساتھ دیکھنے کا موقع میسر آئے گا .

یاد رہے کہ ماہرہ خان اور ہمایوں سعید نے ایک ساتھ فلم بن روئے میں کام کیا تھا اس کے علاوہ ان کا ایک دوسرے کے ساتھ کوئی پراجیکٹ نہیں ہے. بن روئے میں دونوں کی جوڑی کو بہت زیادہ سراہا گیا تھا یہی وجہ ہے کہ شائقین چاہتے ہیں ایک بار پھر ان دونوں کو ایک ساتھ دیکھیں. ماہرہ کے بعد ہمایوں سعید نے بھی کنفرم کر دیا ہے دونوں ایک ساتھ جلد ہی دکھائی دیں گے .

پاکستانی اداکار فواد خان جن کی قسمت کا ستارہ تب سے بلند ہے جب سے وہ شوبز انڈسٹری میں آئے ہیں. فواد خان نے آج تک جو بھی پراجیکٹ کیا ہے انہیں‌کامیابی ہی ملی ہے. ویسے تو انہوں نے اپنے کیرئیر میں بہت ساری ہیروئنز کے ساتھ کام کیا ماہرہ خان کے ساتھ ان کی جوڑی کو جو شہرت حاصل ہوئی وہ اپنی مثال آپ ہے.دا لیجنڈ آف مولا جٹ کے بعد فواد خان کی فلم نیلوفر کا بہت زیادہ انتظار کیا جا رہا ہے. فواد خان خود نیلوفر کے پرڈیوسر ہیں. انہوں نے اس فلم میں اپنے ساتھ ماہرہ خان کو کاسٹ کیا ہے. فلم کی شوٹنگ مسلسل تین روز سے باغ‌جناح اوپن ائیر تھیٹر میں جاری تھی تاہم اب یہاں سے شوٹنگ مکمل ہو چکی ہے. یہاں کے باغات میں کچھ اہم سینز فلمائے گئے.

انٹرنیٹ پر کچھ تصاویر وائرل ہو رہی ہیں جس میں‌فواد خان کو دیکھا جا سکتا ہے کہ وہ کام میں بےحد مصروف ہیں.
یاد رہے کہ فلم نیلوفر کو اگلے سال ریلیز کیا جائیگا اگلے سال صرف نیلو فر نہیں ہو گی بلکہ فواد خان کی منی بیگ گارنٹی بھی ہو گی شائقین ان دونوں فلموں کا شدت سے انتظار کررہے ہیں. دیکھنا یہ ہے کہ مولا جٹ کی کامیابی کے بعد فواد کی آنے والی فلمیں باکس آفس پر اس کامیابی کو برقرار رکھ پاتی ہیں جو حال ہی میں‌مولا جٹ‌کی کامیابی سے فواد سمیت پوری ٹیم کو نصیب ہوئی ہے.

بالی وڈ اداکار رنبیر کپور نے حال ہی میں ایک انٹرویو میں کہا ہے کہ مجھے اس چیز سے ڈر لگتا ہے کہ میں جب ساٹھ برس کا ہوں گا میرا بچہ صرف بیس برس کا ہوگا . رنبیر کپور نے کہا ہے کہ میں اس وقت بیس برس کا ہوں اور میری بیٹی جب بیس برس کی ہو گی میں ساٹھ برس کا ہو چکا ہوں گا. اداکار نے کہا کہ مجھے اس فرق سے ڈر اور خوف محسوس ہوتا ہے. رنبیر کپور اپنی بیٹی کے ساتھ بہت محبت کرتے ہیں ان کا کہنا ہے کہ میرے گھر میں ننھی پری کی آمد نے مجھے مزید ذمہ دار بنا دیا ہے.

یاد رہے کہ رنبیر کپور کی عالیہ بھٹ کے ساتھ شادی رواں برس اپریل کے مہینے میں‌ہوئی تھی . دونوں ایک دوسرے کے دیوانے ہیں ، گزشہ ماہ ان دونوں کے گھر ایک ننھی پری کی آمد ہوئی. عالیہ اور رنبیر کے علاوہ ان دونوں کی فیملیز کافی خوش ہیں ان کا کہنا ہے کہ اس بچی کو دیکھنے کےلئے ہم سب بہت بےتاب تھے. تاہم رنبیر کہتے ہیں‌ کہ بیٹی کی دیکھ بھال کے لئے مجھے سب کام چھوڑ کر گھر کیوں نہ بیٹھنا پڑا میں بیٹھ جائوں گا لیکن عالیہ کو کام سے نہیں روکوں گا نہ ہی بچی کی پرورش میں‌کوئی کمی آنے دوں گا .

لیجنڈ اداکار دلیپ کمار طویل علالت کے بعد 7 جولائی 2021 کو انتقال کر گئے تھے ان کا انتقال ان کے مداحوں اور خصوصی طور پر اہلیہ کے لئے بہت بڑا دھچکا تھا . دلیپ کمار کے انتقال کے بعد سائرہ بانو کافی اداس رہتی ہیں اور
کم کم ہی کہیں‌جاتی ہیں . حال ہی میں انہوں نے ایک تقریب میں شرکت کی اس تقریب میں سائرہ بانو کی شرکت کی وڈیو وائرل ہو رہی ہے. جس میں‌انہیں‌دیکھا جا سکتا ہے کہ وہ دلیپ کمار کی تصویر دیکھ کر جذباتی ہو گئیں .ویڈیو میں سائرہ بانو دلیپ کمار کی آنے والی دستاویزی فلم ‘دلیپ کمار، ہیرو آف ہیروز’ کے پوسٹر کی طرف چلتی ہوئی

دکھائی دے رہی ہیں اس دوران سائرہ بانو کی آنکھیں دیکھی جائیں تو وہ نم نظر آتی ہیں. یاد رہے کہ دلیپ کمار کی پہلی برسی کے موقع پر سائرہ بانو نے اعتراف کیا کہ وہ اپنے پیارے شوہر کے انتقال کی وجہ سے شدید صدمے میں ہیں اور وہ اس صدمے سے خود کو نہیں‌ نکال سکتیں . انہوں نے یہ بھی کہا تھا کہ یوسف کے بغیر میری زندگی کے رنگ پھیکے ہیں ، ساری دنیا کی دولت ایک طرف اور دلیپ کمار اور ان کی محبت ایک طرف .
یاد رہے کہ دلیپ کمار اور سائرہ بانو نے 1966 میں شادی کی تھی سائرہ بانو دلیپ کمار سے 22 سال چھوٹی تھیں.

حال ہی میں‌ ماہرہ خان نے سعودی عرب میں جاری ریڈ سی انٹرنینشل فلم فیسٹیول میں شرکت کی ہے ان کی اس فلم فیسٹیول میں شرکت کافی سراہی جا رہی ہے . اداکارہ کو وہاں ہرتیک روشن کے ساتھ بیٹھے دیکھا گیا. کہا جا رہا ہے کہ دونوں کے درمیان پاکسان اور بھارتی فلموں پر بات چیت ہوئی . لیکن ماہرہ خان کو سعودی عرب جانا پڑگیا ہے مہنگا . تفصیلات کے مطابق سعودی ایئر لائن نے پاکستانی سپراسٹار ماہرہ کا سامان گم کردیا، اس حوالے سے ماہرہ خان نے ٹوئٹ کیا اور لکھا کہ میں تین دن سے سعودی عرب میں ہوں اور میرا بیگ مجھے نہیں دیا جا رہا ہے. یہ بیگ سعودی ائر لائنز نے گم کیا ہے اس میں کپڑوں سمیت بہت سا دیگر قیمتی سامان تھا۔ دن میں بار بار رابطہ

کررہی ہوں لیکن مجھے کچھ بھی نہیں بتایا جا رہا ہےانہوں نے یہ بھی لکھا کہ مجھے امید ہے کہ اس ٹویٹ کے ذریعے سعودی ائر لائنز والے مجھے جلد جواب دیں گے۔ماہرہ خان تاحال سعودی عرب میں ہیں لیکن ان کا بیگ ابھی تک نہیں‌مل سکا نہ ہی سعودی عرب کی ائیر لائن نے اداکارہ کو اس حوالے سے کسی قسم کا جواب دیا ہے یہی وجہ ہے کہ ماہرہ خان کو ٹوئٹ‌ کرنا پڑا .

سینئر اداکار فردوس جمال جنہوں نے پاکستان ٹیلی ویژن کے سنہرے دور میں بہترین کام کرکے اپنا نام اور مقام بنایا . آج ان کا شمار پاکستان کے لیجنڈری فنکاروں میں ہوتا ہے. فردوس جمال کم مگر معیاری کام کو ترجیح دیتے ہیں لیکن پچھلے کچھ برسوں سے سکرین سے کچھ دوری بنائے ہوئے ہیں. حال ہی میں ان کے بیٹے حمزہ فردوس نے سوشل میڈیا پر ایک پوسٹ لکھی ہے جس میں انہوں نے کہا ہے کہ میرے والد فردوس جمال کینسر جیسے مرض سے جُوج رہے ہیں اور آج کل وہ شوکت خانم ہسپتال سے اپنا علاج کروا رہے ہیں. میں جانتا ہوں کہ یہ سخت علاج ہے، لیکن

کیا کیا جائے یہی زندگی ہے . لیکن میں سمجھتا ہوں کہ فردوس جمال کے پرستار ، دوست ، کولیگز ، فیملی ہر کوئی ان کے ساتھ کھڑا ہے . مجھے یقین ہے کہ میرے والد کینسر جیسے مرض کو شکست دیں گے.حمزہ نے جیسے ہی یہ پوسٹ‌ شئیر کی ، تو انڈسٹری والے ان کے کولیگز نے نیک تمنائوں کا اظہار کیا . یاد رہے کہ حمزہ فردوس بھی اداکار ہیں لیکن وہ بھی اپنے والد کی کم مگر معیاری کام کو ترجیح دیتے ہیں . فردوس جمال ایک نڈر فنکار ہیں جو ، کچھ بھی دل میں نہیں‌رکھتے جو سمجھ میں آئے بول دیتے ہیں پھر چاہے کوئی تنقید ہی کیوں نہ کرے.

دا لیجنڈ آف مولا جٹ کی ریکارڈ توڑ‌کامیانی نے بالی وڈ میں بھی دھوم مچا دی ہے . ہردوسرا آرٹسٹ‌اس فلم پر بات کرتا نظر آرہا ہے . حال ہی میں رنبیر کپور نے سعودی عرب میں‌جاری ریڈ سی انٹرنیشنل فلم فیسٹیول میں شرکت کی . اس میں ان سے سوال ہوا کہ آپ کیا سمجھتے ہیں کہ پاکستان اور ہندوستان کو پروڈکشن کرنی چاہیے تو انہوں نے کہا کہ یقینا کرنی چاہیے. پھر انہوں‌نے کہا کہ میں پاکستان کو دا لیجنڈ آف مولا جٹ کی کامیابی پر مبارکباد پیش کرتا ہوں . جب میزبان نے ان سے سوال کیا کہ آپ کو اگر موقع ملے تو پاکستانی فلم کام کریں گے تو انہوں نے کہا کہ یقینا میں بخوشی کام کرنا چاہوں گا.

رنبیر کپور کی یہ وڈیو انٹرنیٹ‌ پر وائرل ہو رہی ہے اور پاکستانیوں کی طرف سے رنبیر کپور کی طرف سے تعریفی کلمات کو بہت زیادہ سراہا جا رہا ہے. رنبیر کپور اس وڈیو میں‌باقاعدہ طور پر مولا جٹ‌کہتے ہوئے سنائی دے رہے ہیں. اس فیسیٹول میں سجل علی نے بھی شرکت کی اور اب ماہرہ خان بھی ریڈ‌سی انٹرنینشل فلم فیسیٹول میں دکھائی دی ہیں ، ماہرہ وہاں ہرتیک روشن کے ساتھ بیٹھی ہوئی دکھائی دیں. ماہرہ اور ہرتیک روشن کی ملاقات کی تصاویر انٹرنیٹ پر وائرل ہو رہی ہیں.

بالی وڈ‌ اداکارہ دیپیکا پڈوکون جن کا حال ہی میں روہت شیٹی کی فلم سرکس میں گانا کرنٹ‌لگا رہے ریلیز ہوا ہے نے دھوم مچا دی ہے . دیپیکا پڈوکون کے بارے میں روہت شیٹی نے کہا ہے کہ میری فلم سنگھم اگین میں دیپیکا پڈوکون ایک پولیس آفیسر کا کردار ادا کریں گی . انہوں نے کہا کہ عموما ہوتا یہ ہےکہ مرد ہی پولیس والے بن کر ایکشن کرتے ہیں لیکن سنگھم اگین میں دیپیکا بھی پولیس والی بن کر ایکشن کردار کرتی نظر آئیں گی. روہت شیٹی کا کہنا ہے کہ جس طرح سے سنگھم کی پہلی فلموں کا پسند کیا گیا ہے اسی طرح‌سے سنگھم اگین کو بھی پسند کیا جائیگا. انہوں نے کہا کہ کرنٹ لگا رہے ایک آئٹم سانگ ہے جسے بہت ہی خوبصورت انداز میں فلمایا گیا ہے. دیپیکا کی

صلاحیتوں سے کسی کو بھی انکار نہیں‌ہو سکتا . اس لئے مجھے یقین ہے کہ یہ پولیس والی خاتون کا کردار بہت ہی خوبصورت طریقے سے نبھا لیں گی. یاد رہے کہ سنگھم اگین میں دیپیکا کے ساتھ اجے دیوگن ہوں گے اس فلم کی شوٹنگ اگلے برس شروع ہو گی اور روہٹ‌شیٹی کا دعوی ہے کہ اس فلم کو بھی پہلے کی طرح بہت زیادہ پسند کیا جائیگا .ان کا یہ بھی کہنا ہے کہ دیپیکا اور اجے کو ایک ساتھ بھی پسند کیا جائیگا.

بگ باس 13 میں شہناز گل نے شرکت کی ، شہناز اپنی خوبصورت ادائوں اور خوبصورت باتوں کی وجہ سے جہاں سب کی پسندیدہ بن گئیں وہیں سلمان خان بھی ہو گئے ان پر فدا . سلمان خان اس قدر ہوئے شہناز گل پر فدا کہ انہوں نے ان کو بگ باس کے بعد اپنی فلم کسی کا بھائی کسی کی جان میں‌کاسٹ‌کر لیا. آج کل بگ باس 16 چل رہا ہے اس کی میزبانی حسب روایت سلمان خان ہی کررہے ہیں. اس میں وہ ہر ہفتے کسی نہ کسی سلیبرٹی کو بلا کر پارٹیسیپینٹس سے ملواتے ہیں . حال ہی میں انہوں نے شہناز گل کو شو میں بلایا . وہاں شہناز نے سلمان خان سے کہا

کہ میری تعریف کریں ،تو سلمان خان نے کہا کہ آپ بہت خوبصورت ہیں اور آپ فلم میں‌بہت خوبصورت بھی نظر آئی ہیں. سلمان خان نے تو یہاں تک کہہ دیا کہ شہناز شہرت میں تو آُ پ نے کترینہ کیف کو بھی پیچھے چھوڑ دیا ہے. اس پر شہناز گل بہت خوش ہوئیں .سلمان خان نے کہا کہ شہناز آپ دھیرے دھیرے اپنے تمام خواب پورے کررہی ہیں. یاد رہے کہ شہناز گل کو کترینہ کیف کے ساتھ ملایا جاتا ہے ،شہناز خود بھی کہتی ہیں‌کہ وہ پنجاب کی کترینہ کیف ہیں.

اداکار عثمان پیرزادہ جو آج کل ویب سیریز منڈی کی شوٹنگ میں‌مصروف ہیں انہوں نے حال ہی میں کہا ہے کہ ثمینہ پیرزادہ کی اپنی پسند نہ پسند ہے اگر وہ عمران خان کو ٹھیک سمجھتی ہے اور اسکو سپورٹ‌ کرتی ہے تو یہ اسکا حق ہے میں اسکو کیوں منع کروں .اچھی بات ہے کہ وہ سیاسی طور پر زندہ ہے چیزوں کو معاملات کو سمجھتی ہے. میں خود کسی سیاستدان سے متاثر نہیں ہوں. اس ملک کا سب بڑا مسئلہ کرپشن ہے جو سالوں سے چلتی آرہی ہے. جب تک اس کا خاتمہ نہیں ہو گا حالات جوں کے توں رہیں گے. عثمان پیرزادہ نے کہا کہ ثمینہ اور میں سیاست پر بحث نہیں‌کرتے لیکن مجھے اتنا پتہ ہے کہ وہ کسی صورت عمران خان کی برائی برداشت نہیں کرتی . ہر انسان کو اپنی

رائے دینے کا پسند نہ پسند رکھنے کا حق ہے لہذا ہمیں ایک دوسرے کی رائے کا احترام کرنا چاہیے. یاد رہے کہ عثمان پیرزادہ اور ثمینہ پیرزادہ دونوں ہی ڈراموں میں کام کررہے ہیں پچھلے کچھ عرصے میں یہ دونوں ایک ساتھ کسی پراجیکٹ‌ میں‌نظر نہیں‌آئے. تاہم ان کے مداح ان دونوں کو ایک ساتھ دیکھنے کےلئے بے چین رہتے ہیں. ثمینہ پیرزادہ انٹرویوز تو نہ ہونے کے برابر دیتی ہیں لیکن سوشل میڈیا پر ہر دم ایکٹیو رہتی ہیں .