Author: +9251

کراچی بندرگاہ پر سیکڑوں کنٹینر پھنس گئے؛ ملک میں پیاز، ادرک اور لہسن کی قلت کا خدشہ

بینکوں کی جانب سے ضروری دستاویزات کی عدم فراہمی کے باعث ملک میں ایک بار پھر پیاز، لہسن اور ادرک کی قلت کا خدشہ پیدا ہوگیا ہے۔ بینکوں کی جانب سے ضروری دستاویزات کی عدم فراہمی کے باعث کراچی کی بندرگاہ پر درآمدی پیاز ادرک اور لہسن کے سیکڑوں کنٹینرز پھنس گئے ہیں۔ ملک کے کمرشل بینکوں نے پیاز، ادرک اور لہسن کے درآمدی کنٹینرز کی کلیئرنس کے لیے دستاویزات کی فراہمی سے انکار کردیا ہے، کمرشل بینک زرمبادلہ نہ ہونے کو جواز بناکر دستاویزات کلیئر نہیں کررہے۔

کمرشل بینکوں کی جانب سے دستاویزات کی عدم فراہمی کی بنا پر کراچی کی بندرگاہوں پر درآمدی پیازم ادرک اور لہسن کے سیکڑوں کنٹینرز پھنس گئے۔ اس وقت کراچی پورٹ اور پورٹ قاسم پر پیاز کے 250، لہسن کے 104 اور ادرک کے 63 کنٹینرز پھنسے ہوئے ہیں اور ان کی مجموعی مالیت 55 لاکھ ڈالر کے لگ بھگ ہے۔ بندرگاہوں پر پھنسی درآمدی پیاز، لہسن اور ادرک بازاروں تک نہ پہنچی تو ان کی قیمتوں میں مزید اضافہ ہوگا۔
مزید یہ بھی پڑھیں؛
اسلام آباد کا سب سے بڑا شاپنگ مال سینٹورس سیل
پوری نیند خواتین کو عملی زندگی میں کامیاب بنا سکتی ہے. تحقیق
ہسپانیہ ساختہ جنگی بحری جہاز ’جلالۃ الملک حائل ‘ کی شاہی بحریہ میں باضابطہ شمولیت
درآمد کنندگان کا کہنا ہے کہ مارکیٹ میں پیاز کی قیمت پہلے ہی 175 روپے فی کلو ہے، کنٹینرز بروقت ریلیز نہ ہوئے تو اس کی تھوک (ہول سیل) قیمت میں 50 سے 80 روپے کلو تک اضافے کا خدشہ ہے۔ پاکستان فروٹ اینڈ ویجیٹبل ایسوسی ایشن (PFVA) نے معاملے کی سنگینی کے پیش نظر وفاقی وزارت تجارت سے مدد مانگ لی۔ پی ایف وی اے نے وفاقی وزارت تجارت کو خط میں کہا ہے کہ کنٹینرز ریلیز کرنے کے لیے اسٹیٹ بینک سے فوری اقدامات کو یقینی بنایا جائے۔

شاہ غلام قادر کا کہنا ہے کہ جب دعوت نامہ نہیں تھا تو وزیراعظم آزاد کشمیر کیوں گئے؟

منگلا یونٹ 5 اور 6 کی تجدید کاری کی تقریب کے دوران وزیرِ اعظم شہباز شریف اور وزیرِ اعظم آزاد کشمیر سردار تنویر الیاس کے درمیان تکرار ہوئی تھی اور اس حوالے وزیر اعظم آزاد کشمیر کا ایک ویڈیو بیان بھی وائرل ہے جس میں وہ کہہ رہے کہ مجھے اس تقریب کے نہیں بلایا گیا تھا اور جب ہم وہاں ہنچے تو مجھے وزیر اعظم کا انداز صحیح نہیں تھا. تاہم اس حوالے شاہ غلام قادر کا کہنا ہے کہ جب دعوت نامہ نہیں تھا تو وزیراعظم آزاد کشمیر کیوں گئے اس تقریب میں جہاں انہیں بلایا ہی ںہیں گیا تھا. کیونکہ جب آپ کو دعوت نامہ نہیں ملا تھا تو آپ اگر ایک باعزت شخص ہوتے تو وہاں ںہیں جاتے کیونکہ کوئی بھی عزت دار شخص بن بلائے نہیں جاتا ہے.

ان کا مزید کہنا تھا کہ اب ایسے بندے کو آپ کیا کہیں گے جسے کوئی بلانا نہ چاہتا ہو اور و زبردستی آجائے اور بچوں کی طرح زد کرنا شروع کردے لہذا یہ کوئی صحیح کام نہیں ہے اور انتہائی غیر اخلاقی حرکت ہے.
مزید یہ بھی پڑھیں؛
اسلام آباد کا سب سے بڑا شاپنگ مال سینٹورس سیل
پوری نیند خواتین کو عملی زندگی میں کامیاب بنا سکتی ہے. تحقیق
ہسپانیہ ساختہ جنگی بحری جہاز ’جلالۃ الملک حائل ‘ کی شاہی بحریہ میں باضابطہ شمولیت
خیال رہے کہ وزیرِ اعظم شہباز شریف کے خطاب ختم کرنے کے کلمات کے دوران بھی وزیرِ اعظم آزاد کشمیر سردار تنویر الیاس کچھ کہنے لگے تھے جبکہ وزیرِ اعظم شہباز شریف نے وزیرِ اعظم آزاد کشمیر سردار تنویر الیاس سے مخاطب ہو کر کہا کہ ذرا بیٹھ جائیں، پلیز! جبکہ ان کے دوبارہ بولنے پر وزیرِ اعظم شہباز شریف نے کہا کہ آپ سے بات کریں گے۔ وزیرِ اعظم شہباز شریف کے دوبارہ خطاب کی کوشش پر وزیرِ اعظم آزاد کشمیر سردار تنویر الیاس پھر بول پڑے۔ بار بار خطاب میں مداخلت پر وزیرِ اعظم شہباز شریف غصے میں آ گئے۔ جبکہ اس دوران شہباز شریف انہیں تاکید کرتے رہے کہ وزیرِ اعظم صاحب! بیٹھیں، آپ سے بات کریں گے۔

انٹرنیٹ اور انفارمیشن کمیونیکیشن ٹیکنالوجی کے استعمال کے فروغ میں ڈیجیٹل تقسیم بدستور بڑھ رہی ہے.

پاکستان نے اقوام متحدہ میں کہا ہے کہ انٹرنیٹ اور انفارمیشن کمیونیکیشن ٹیکنالوجی (آئی سی ٹی) کے استعمال کے فروغ میں عالمی ترقی کے باوجود ترقی یافتہ اور ترقی پذیر ممالک کے درمیان ڈیجیٹل تقسیم بدستور بڑھ رہی ہے۔

اقوام متحدہ میں پاکستان کے نائب مستقل نمائندہ عامر خان نےتخفیف اسلحہ پر آزادانہ تحقیق کرنے والے اقوام متحدہ کے ادارے (یو این آئی ڈی آئی آر)کے زیراہتمام ویبینار میں کہا کہ ترقی پذیر ممالک کی جدت، مواصلات، پائیدار ترقی اور اقتصادی ترقی کے غیر معمولی مواقع کے ذریعے پیش کردہ ڈیجیٹل تبدیلی کے فوائد حاصل کرنے میں ناکامی پہلے سے موجود ڈیجیٹل تقسیم کے مزید گہرا ہونے کے خطرے کو بڑھا رہی ہے۔

انہوں نے خبردار کیا کہ آن لائن پلیٹ فارمز اور سوشل میڈیا کے ذریعے غلط معلومات کا تیزی سے پھیلاؤ سماجی انتشار، مسابقتی قوم پرستی، امتیازی سلوک، نفرت انگیز تقاریر، نسل پرستی، زینو فوبیا ( غیر ملکیوں سے نفرت) ، اسلامو فوبیا اور متعلقہ عدم برداشت میں اضافہ کر رہا ہے۔ اعدادوشمار کے مطابق دنیا بھر میں دو ارب 90 کروڑ لوگوں کو انٹرنیٹ اورانفارمیشن کمیونیکیشنز ٹیکنالوجی تک رسائی حاصل نہیں اور ان میں سے 96 فیصدترقی پذیر ممالک میں رہائش پذیر ہیں۔

پاکستانی مندوب نے کہا کہ ڈیجیٹل تقسیم کو ختم کرنے کے لیے ایسی رکاوٹوں کو دور کرنے کی ضرورت ہوگی جن کا سامنا ترقی پذیر ممالک کو نئی ٹیکنالوجیز سے منسلک ہونے اور ان تک رسائی کے لیے مناسب ماحول، وسائل، انفراسٹرکچر، تعلیم، صلاحیت، سرمایہ کاری اور کنیکٹویٹی کی صورت میں درپیش ہے۔ انہوں نے کہا کہ اس کے ساتھ ہی غیر روایتی جنگ کی جگہ کی اہمیت اور ہائبرڈ وارفیئر کی زبردستی طاقت کے ذریعے تبدیل ہونے والے اسٹریٹجک مقابلے کے نئے دور نے بین الاقوامی تعاون کے لیے جگہ کو بری طرح کمزور کر دیا ہے۔
مزید یہ بھی پڑھیں؛
اسلام آباد کا سب سے بڑا شاپنگ مال سینٹورس سیل
پوری نیند خواتین کو عملی زندگی میں کامیاب بنا سکتی ہے. تحقیق
ہسپانیہ ساختہ جنگی بحری جہاز ’جلالۃ الملک حائل ‘ کی شاہی بحریہ میں باضابطہ شمولیت
انہوں نے کہا کہ اس میں کوئی شک نہیں کہ ایک کھلا، مستحکم، قابل رسائی، محفوظ اور پرامن سائبر سپیس ، سائبر صلاحیت کے لیے ایک جامع فریم ورک بنانے کی ضرورت پہلے سے کہیں زیادہ ہے۔پاکستانی مندوب نے کہا کہ ڈیجیٹلائزیشن کی مختلف جہتوں میں حقیقی اور پائیدار پیش رفت کے لیے خاص طور پر ترقی پذیر ممالک میں مہارتوں میں اضافہ اور موثر تربیت کی ضرورت ہوتی ہے اور یہ ٹیکنالوجی کے فوائد کے حصول کے لیے ضروری ہے جس میں ابھرتی ہوئی ٹیکنالوجیز کا زیادہ موثر استعمال کیا جائے اور انٹرنیٹ کے محفوظ اور نتیجہ خیز استعمال کو یقینی بنایا جائے ۔ انہوں نے اس سلسلے میں ٹیکنالوجی کی منتقلی اور تکنیکی مدد کو ترجیح دینے کی ضرورت پر زور دیا جس کی بنیاد پر انفارمیشن کمیونیکیشن ٹیکنالوجی (آئی سی ٹی)سے متعلق سائنس، ٹیکنالوجی، مصنوعات اور خدمات تک کھلی، منصفانہ اور غیر امتیازی رسائی حاصل ہو۔

بھارت تاریخی بابری مسجد کو اس کی اصل جگہ پر دوبارہ تعمیر جبکہ ذمہ دار وں کو سزا د ے. ترجمان دفتر خارجہ

پاکستان نے بھارتی حکومت سے تاریخی بابری مسجد کو اس کی اصل جگہ پر دوبارہ تعمیر کرنے اور اس کی تباہی کے ذمہ دار مجرموں کو سزا دینے کا مطالبہ کیا ہے۔ دفتر خارجہ کی ترجمان نے ہندو انتہا پسندوں کے ہاتھوں تاریخی بابری مسجد کی شہادت کے 30 سال مکمل ہونے کے موقع پر منگل کو ایک بیان میں بابری مسجد کی جگہ پر ہندو مندر کی جاری تعمیر کی مذمت کی۔ بھارت میں بڑھتے ہوئے اسلامو فوبیا اور نفرت انگیز جرائم کا نوٹس لینے کی ضرورت پر زور دیتے ہوئے پاکستان نے بین الاقوامی برادری، اقوام متحدہ اور متعلقہ بین الاقوامی اداروں سے اپیل کی کہ وہ انتہا پسند ”ہندوتوا“ حکومت سے بھارت میں اسلامی ورثے کے مقامات کے تحفظ کے لیے اپنا کردار ادا کریں۔
مزید یہ بھی پڑھیں؛
اسلام آباد کا سب سے بڑا شاپنگ مال سینٹورس سیل
پوری نیند خواتین کو عملی زندگی میں کامیاب بنا سکتی ہے. تحقیق
ہسپانیہ ساختہ جنگی بحری جہاز ’جلالۃ الملک حائل ‘ کی شاہی بحریہ میں باضابطہ شمولیت
بیان میں کہا گیا ہے کہ آج بھارت کے شہر ایودھیا میں ہندو انتہا پسندوں کے ہاتھوں تاریخی بابری مسجد کے انہدام کی 30 ویں برسی ہے، یہ موقع بھارت میں اس وقت سے بڑھتے ہوئے مسلم مخالف جنون کی ایک افسوسناک یاد دہانی ہے۔ ترجمان نے کہا کہ ہم بابری مسجد کی تباہی کے ذمہ دار مجرموں کی بریت کی مذمت کرتے ہیں۔ ترجمان نے اپنے بیان میں کہا کہ بھارت میں ہندو بالادست گروہ وارانسی کی گیانواپی مسجد سمیت کچھ دیگر مساجد کو مندروں میں تبدیل کرنے کا مطالبہ کررہے ہیں، ان مطالبات سے بابری مسجد جیسے مزید واقعات ہوسکتے ہیں۔ ترجمان نے کہا کہ بھارتی مسلمانوں کی مذہبی آزادیوں پر مسلسل حملہ ہورہا ہے، بھارت میں حکمران جماعت بدستور مسلمانوں کے خلاف جذبات کو بھڑکا کر نفرت کو ہوا دے رہی ہے۔

انہوں نے کہا کہ جیسا کہ اسلامی تعاون تنظیم (او آئی سی) نے اپنے مختلف اعلانات کے ذریعے مطالبہ کیا ہے، ہم بھارتی حکومت سے مطالبہ کرتے ہیں کہ بابری مسجد کو اس کی اصل جگہ پر دوبارہ تعمیر کیا جائے اور اس کی تباہی کے ذمہ دار مجرموں کو سزا دی جائے۔

ترجمان نے اپنے بیان میں مزید کہا کہ بین الاقوامی برادری کو بھارت میں بڑھتے ہوئے اسلامو فوبیا، نفرت انگیز تقاریر اور نفرت انگیز جرائم کا نوٹس لینے کی ضرورت ہے۔ ہم بین الاقوامی برادری، اقوام متحدہ اور متعلقہ بین الاقوامی اداروں سے اپیل کرتے ہیں کہ وہ انتہا پسند ”ہندوتوا“ حکومت سے بھارت میں اسلامی ورثے کے مقامات کے تحفظ کے لیے اپنا کردار ادا کریں۔ انہوں نے کہا کہ بھارتی حکومت کو اقلیتوں بالخصوص مسلمانوں اور ان کی عبادت گاہوں کے تحفظ کو یقینی بنانا چاہیے۔

کوئی یہ سمجھے کہ 6، 7 ماہ میں معیشت ڈوب سکتی ہے تو یہ اس کی بھول ہے. وفاقی وزیر

وفاقی وزیر منصوبہ بندی احسن اقبال کا کہنا ہے کہ اپوزیشن کو مثبت یو ٹرن لےکر اسمبلی میں آنا چاہیے۔ اسلام آباد میں 7ویں خانہ و مردم شماری اور ماسٹرز ٹرینرز ٹریننگ سیشن کی افتتاحی تقریب سے خطاب کے دوران اھسن اقبال نے کہا کہ ریاست اس وقت تک ذمہ داریاں ادا نہیں کرسکتی جب تک مکمل ڈیٹا نہ ہو، ریاست کے پاس افراد کے اعداد وشمار نہ ہوں تو ترقی ممکن نہیں۔

وفاقی وزیر نے کہا کہ مردم شماری کے ذریعے این ایف سی سمیت قومی وسائل اور سیاسی نمائندگی کی تقسیم کا فیصلہ ہوتا ہے، ملک میں پہلی دفعہ ڈیجیٹل مردم شماری کی جارہی ہے، جس پر 34 ارب روپے خرچ ہوں گے۔ احسن اقبال نے مزید کہا کہ پاکستان کی آبادی میں اضافہ تیزی سے ہو رہا ہے، پاکستان کے وسائل میں کمی اور آبادی بے قابو ہورہی ہے، آبادی کا تناسب ایسا رہا تو 2050 تک پاکستان کی آبادی 34 کروڑ تک ہوگی، آبادی کنٹرول کرنے سے دین خطرے میں نہیں پڑتا۔
مزید یہ بھی پڑھیں؛
اسلام آباد کا سب سے بڑا شاپنگ مال سینٹورس سیل
پوری نیند خواتین کو عملی زندگی میں کامیاب بنا سکتی ہے. تحقیق
ہسپانیہ ساختہ جنگی بحری جہاز ’جلالۃ الملک حائل ‘ کی شاہی بحریہ میں باضابطہ شمولیت
وزیر منصوبہ بندی نے کہا کہ اگست 2023 تک اسمبلی کی مدت پوری ہوگی، سیلاب سے متاثرہ سندھ اور بلوچستان میں 6 سے 8 ماہ الیکشن نہیں کروا سکتے، اپریل تک ملک میں مردم شماری ہوگی پھر 4 ماہ الیکشن کمیشن کوحلقہ بندیوں کے لئے درکار ہوں گے۔ احسن اقبال کا کہنا تھا کہ معاشی بحران ہمارا پیدا کردہ نہیں ہے، اپوزیشن الیکشن کے نعرے لگا رہی ہے، آزاد کشمیر کے نتائج نے ان کی تسلی کردی ہوگی۔ ملک اندرونی اور بیرونی مالی مشکلات کا سامنا کر رہا ہے، اپوزیشن کو مثبت یو ٹرن لےکر اسمبلی میں آنا چاہیے، کوئی یہ سمجھے کہ 6، 7 ماہ میں معیشت ڈوب سکتی ہے تو یہ اس کی بھول ہے۔