Author: +9251

ششی کپور آج بھی سامعین کے دلوں میں زندہ ہیں، کئی سدا بہار فلموں میں اپنی شاندار اداکاری کے جوہر دکھائے. ششی کپور اداکار پروڈیوسر لیجنڈ اداکار فلمساز پرتھوی راج کپور کے سب سے چھوٹے بیٹے تھے. ان کا اصل نام بلبیر راج کپور تھا، لیکن بعد میں انہوں نے اپنی اداکاری کا آغاز کرنے کے بعد اسٹیج کا نام ششی راج کپور اپنا لیا۔ وہ ایک مشہور چائلڈ آرٹسٹ تھے اور انہوں نے کئی فلموں میں اپنے بھائی راج کپور کے بچپن کے کردار کئے. ششی کپور کو دنیا سے رخصت ہوئے پانچ سال بیت گئے ہیں کل ان کی پانچویں برسی منائیں جائیگی.

انہوں نے اپنی بہترین اداکاری کے بل پر قومی فلم ایوارڈز اور دو فلم فیئر ایوارڈز حاصل کئے. انہوں نے انگریزی زبان کی متعدد بین الاقوامی فلموں میں بھی کام کیا. حکومت ہند نے انہیں 2011 میں پدم بھوشن اور 2014 میں دادا صاحب پھالکے ایوارڈ سے نوازا۔ ششی کپور نے اپنے کیریئر کا آغاز بطور چائلڈ ایکٹر اپنے بھائی راج کپور کی ہدایتکاری میں بننے والی فلم آگ (1948) سے کیا، اور یش چوپڑا کی دھرم پتر (1961) میں بطور ہیرو کام کیا.ششی کپور نے اپنے پورے کیرئیر میں کامیابیاں سمیٹیں. ان کا ایکٹنگ سٹائل ہو یا گانا پکچرائز کرنے کا انداز دونوں ہی دوسروں سے جدا تھے ، ان کا انتقال 79 سال کی عمر میں نمونیا کی وجہ سے ہوا۔

اداکار شان شاہد جواردو کے ساتھ پنجابی فلمیں کرتے رہے ہیں اور خود بہت اچھی پنجابی بولتے ہیں ان کو شاید ہی کسی دوسرے کا پنجابی ایکسینٹ پسند آتا ہے. یہی وجہ ہے کہ انہوں نے فواد خان اور حمزہ علی عباسی کو لے لیا ہے آڑھے ہاتھوں. شان نے اپنے ایک حالیہ بیان میں کہا ہےکہ اداکار فواد خان اور حمزہ علی عباسی کو پنجابی بولنے کی پریکٹس کرنی چاہیے تھی. ان دونوں نے مولا جٹ اور نوری نت کے کردار تو کر لئے ہیں لیکن محسوس یہ ہوتا ہے کہ انہوں نے محنت نہیں کی اور کرداروں کے ساتھ انصاف نہیں کیا. شان شاہد کے اس بیان کے بعد انہیں لیا جا

رہا ہے آڑھے ہاتھوں کیونکہ فواد خان اور حمزہ علی عباسی ایک بڑی تعداد میں فین فالونگ رکھتے ہیں. فواد اور حمزہ کے مداحوں کا کہنا ہے کہ شان کو اس طرح کی گفتگو کرنی چاہیے اپنی نسبت نئے لوگوں کی حوصلہ افزائی کرنی چاہیے. شان شاہد جتنا مرضی ان کی اداکاری پر سوال اٹھا لیں پسند انہیں ہی کیا جا رہا ہے. یاد رہے کہ مولا جٹ کے بعد شان شاہد کی فلم ضرار آئی ہے جس نے باکس آفس پر تسلی بخش بزنس نہیں کیا. شائقین نے شان اور کرن ملک کی اداکاری کو ضرور پسند کیا ہے لیکن فلم کو یکسر رد کر دیا ہے.

رنویر سنگھ بالی وڈ کے سب سے زیادہ پسند کیے جانے والے اداکاروں میں سے ایک ہیں۔ اداکار اس وقت اپنی آنے والی فلم سرکس کی ریلیز کے لیے تیاریوں میں‌ مصروف ہیں۔ یہ 2022 کی سب سے زیادہ انتظار کی جانے والی فلموں میں سے ایک ہے۔ فلم میں پوجا ہیگڑے، جیکولین فرنینڈس اور ورون شرما نے بھی اہم کردار ادا کیے ہیں۔ روہت شیٹی کی ہدایت کاری میں بننے والی اس فلم کے ٹریلر کی نقاب کشائی آج ایک تقریب میں کی گئی اور رنویر کے ساتھ دیپیکا پڈوکون کے خصوصی ڈانس نمبر نے مداحوں کو حیران کردیا۔ ٹریلر لانچ ایونٹ کے دوران رنویرنے میڈیا سے بات چیت کی انہوں نے سپر اسٹار شاہ رخ خان کے بارے میں بھی بات کی انہیں اپنا آئیڈیل کہا۔ کنگ خان

نے اپنے اداکاری کے سفر کا آغاز سرکس کے نام سے ایک ٹیلی ویژن شو سے کیا جس میں مکرند دیش پانڈے، پون ملہوترا، رینوکا شاہانے اور دیگر نے بھی اداکاری کی۔ جب رنویر سے سوال کیا گیا کہ کیا وہ ایس آر کے کی طرح ہی چل رہے ہیں تو وہ سپر اسٹار پر محبت کی بارش کرتے نظر آئے۔ رنویر نے کہا کہ "شاہ رخ خان برسوں سے بادشاہ ہیں اور ہم سب ان کی وجہ سے اداکار بنے ہیں۔ وہ میرے آئیڈیل ہیں انکی انڈسٹری کے لئے جو خدمات ہیں میں اسکا ایک فیصد بھی کرلوں تو بڑی بات ہو گی .

آج کل سوشل میڈیا کا دور ہے کبھی بھی کسی بات پر بحث شروع ہو جاتی ہے ایسی باتوں پر بھی بحث شروع ہوجاتی ہے جن کا سرے سے ہی کوئی وجود نہیں‌ہوتا ہے. ایسی ہی ایک بحث چھیڑی گئی کترینہ کیف کے حوالے سے. کترینہ کیف کو گزشتہ روز ممبئی ائیر پورٹ‌ پر ڈھیلا ڈھالا کرتا زیب تن کئے ہوئے دیکھا گیا، جس کے بعد ان کے امید سے ہونے کی چہ مگوئِیاں شروع ہوگئیں۔ بھارتی میڈیا کے مطابق سوشل میڈیا پر وائرل تصاویر میں اداکارہ نے ہلکے بادامی رنگ کے کرتے کے ساتھ نارنجی رنگ کا دوپٹہ پہنا ہوا ہے جس میں وہ خاصی خوبصورت نظر آرہی

ہیں. کترینہ کیف اور وکی کوشل نے ایسی کسی بات کی تردید کی ہے نہ ہی تصدیق کی ہے. ان دونوں کی طرف سے اس معاملے پر خاموشی ہے. لیکن سوشل میڈیا پر یہ بات محض اس لئے کی جا رہی ہے کیونکہ اداکارہ نے ڈھیلا ڈھالا کرتا زیب تک کر رکھا تھا. یاد رہے کہ کترینہ کیف نے گزشتہ برس اداکار وکی کوشل کے ساتھ شادی کی دونوں ہنسی خوشی زندگی بسر کررہے ہیں. کترینہ کیف کا نام کئی سال تک سلمان خان کے ساتھ لیا جاتا رہا لیکن انہوں‌نے شادی کے لئے وکی کوشل کا انتخاب کیا یوں سلمان خان کے ساتھ کترینہ کیف کے افئیر کی خبریں دم توڑ‌گئیں کیونکہ کترینہ کیف کی شادی کے انتظامات میں سلمان خان پیش پیش تھے .

بالی وڈ کی نوجوان نسل کی نمائندہ فنکارہ کیرتی سینن کی ہے دنیا دیوانی اور وہ ہیں دیوانی جس کی انہوں‌نے کھل کر بتا دیا ہے. کیرتی سینن نے سوشل میڈیا پر ایک وڈیو شئیر کی ہے جس میں وہ مادھوری ڈکشٹ کے ساتھ رقص کرتی ہوئی نظر آرہی ہیں. کریتی سینن نے لکھا کہ مادھوری کے ساتھ ڈانس کرنا میرے لئے فخر کی بات ہے انہی کو دیکھ کر میں‌نے ڈانس کرنا سیکھا تھا. ان کے ڈانس نے مجھے متحرک کیا کہ میں بھی ڈانس کروں، میرا ہمیشہ سے خواب رہا ہے کہ میں مادھوری ڈکشٹ کے ساتھ ڈانس کروں اورمیری خواہش پوری ہو گئی ہے مجھے ان کے ساتھ ڈانس

کرنے کا موقع ملا. انہوں‌نے کہا کہ مادھوری ہی وہ خاتون ہیں جن کےلئے میرا دل دھک دھک کرتا ہے. میں ان کی سب سے بڑی مداح ہوں . سال ہا سال ان کی اداکاری دیکھی ان کا ڈانس دیکھا اور ہمیشہ دل میں حسرت رہی کہ میں ان جیسا ڈانس اور اداکاری کروں. میں‌نے ان سے بہت کچھ سیکھا ہے جو یقینا میرے فلمی کیرئیر میں‌میرے کام آئیگا. یاد رہے کہ کیرتی سینن نے نہایت وقت میں اپنا نام اور مقام بنایا ہے اور کیرتی کا شمار ہندوستان کی ٹاپ ٹین اداکارائوں میں ہوتا ہے.

گلوکارہ و اداکارہ رابی پیرزادہ کی کچھ سال پہلے کچھ پرائیویٹ وڈیوز لیک ہوئیں تھیں اس کے بعد سوشل میڈیا پر ایک طوفان بپا ہو گیا. رابی پیرزادہ ایک صدمے کی کیفیت میں آگئیں کیونکہ انہوں نے کبھی سوچا نہیں تھا کہ ایسا بھی ہوسکتا ہے. رابی پیرزادہ نے حال ہی میں ایک انٹرویو میں اس حوالے سے کھل کی ہے بات انہوں‌نے کہا کہ جب میری پرائیویٹ وڈیوز لیک ہوئیں اس وقت میں صدمے کی کیفیت میں‌تھی. اور میری وڈیو میری سہیلی کے بھائی نے لیک کی تھیں جو بعد میں ایک حادثے میں‌مارا گیا تھا. انہوں نے کہا کہ میں‌نے وڈیو لیک ہونے کے بعد کسی سے کچھ نہ کہا لیکن اللہ کے گھر جا کر بدعائیں کیں ان لوگوں کے لئے جنہوں نے میری وڈیوز کو آگے سے آگے بڑھایا.

انہوں نے کہا کہ میں ایک باغی طبیعت کی لڑکی تھی میری وڈیوز دیکھ کر میرے گھر والے شاکڈ نہیں‌ہوئے تھے میں تو بس اتنا ہی کہوں گی کہ جو کچھ بھی ہوا اس میں وہ بھی کافی حد تک ذمہ دار تھے . میں ان کے بارےمیں‌مزید کچھ نہیں‌کہنا چاہتی لیکن یہ ضرور کہوں‌گی میرے دل سے بدعائیں نکلیں ان سب کے لئے جنہوں‌نے مجھے بدنام کیا میرا جینا مشکل بنایا اور میری وڈیو پوری دنیا میں‌وائرل کیں. میں نے انصاف کےلئے اللہ کے گھر کا دروازہ کھٹکھٹا رکھا ہے.

ڈائریکٹر مصنف سید نور کی اہلیہ پنجابی فلموں‌کی سپر ہٹ اداکارہ صائمہ کی ایک وڈیو سوشل میڈیا پر وائرل ہو رہی ہے جس میں وہ ترکش آئسکریم کی خریداری کررہی ہیں. وڈیو میں‌دیکھا جا سکتا ہے کہ صائمہ ترکش آئسکریم ڈیمانڈ‌کررہی ہیں . صائمہ کو ترکش آئس کریم روایتی انداز میں‌دی جارہی ہے جسکو دیکھ کر صائمہ کافی خوش ہو رہی ہیں . صائمہ نور ویسے تو بہت کم کم سوشل میڈیا پر آتی ہیں لیکن آئسکریم لینے کی وڈیو نے صائمہ کے مداحوں کو کر دیا ہے خوش. اس وڈیو پر طرح‌طرح‌کے تبصرے ہو رہے ہیں. صائمہ کے مداح ان کو بہت زیادہ سراہتے ہیں یہی وجہ ہے کہ اداکارہ کی آئسکریم لیتے ہوئے کی وڈیو وائرل ہو رہی ہے لوگ پسند کررہے ہیں. یاد رہے کہ صائمہ

نور حال ہی میں‌انسٹاگرام پر آئیں ہیں وہاں اپنی کبھی کبھار وڈیو اور پوسٹس شئیر کرتی رہتی ہیں. یاد رہے کہ صائمہ نور پاکستان فلم انڈسٹری کی وہ ہیروئین ہیں جنہوں نے اپنی اداکاری کے زریعے لاکھوں کروڑوں دلوں پر راج کیا . انہوں‌نے سید نور کے ساتھ شادی کی ، ان کی خود کی اولاد نہیں‌ہے لیکن رخسانہ نور کے بچوں‌کو اپنا بچہ سمجھتی ہیں اور سید نور اور رخسانہ نور کے بچے صائمہ کو بے حد پسند بھی کرتے ہیں.

ریڈ سی انٹرنیشنل فلم فیسٹیول میں پریانکا چوپڑا کے ساتھ ساتھ کاجول بھی موجود تھیں . اس موقع پر شاہ رخ خان نے اپنی ہی فلم دل والے دلہنیا لے جائیں گا ایک گانا گایا . اس گانے کی وڈیو سوشل میڈیا پر وائرل ہو رہی ہے اس میں شاہ رخ خان اور کاجول ایک دوسرے کے ساتھ کافی خوش دکھائی دے رہیں. یوں ریڈ سی انٹرنینشل فلم فیسیٹول میں شاہ رخ خان اور کاجول کا نشہ چھا گیا.ویڈیو کا آغاز ایس آر کے کے دل والے دلہنیا لے جائیں گے کا مشہور گانا ‘تجھے دیکھا تو’ کے ساتھ ہوتا ہے۔ ہجوم نے ان کے لیے خوشی کا اظہار کیا اور کاجول نے سامنے بیٹھے لوگوں‌نے دل

کھول کر تعریف کی . اس گانے کے بعد شاہ رخ خان نے دل والے دلہنیا لے جائیں گے کہ کچھ ڈائیلاگز بولے تھے. شاہ رخ خان اور کاجول بالی وڈ کی مشہور جوڑیوں میں سے ایک ہیں۔ ان کی آن اسکرین کیمسٹری کو ہمیشہ ہی بہت پسند کیا گیا آج بھی ان کو ایک ساتھ دیکھ شائقین میں‌خوشی کی لہر دوڑ‌جاتی ہے. ان دونوں کی فلم دل والے دلہنیا لے جائیں گے کو ریلیز ہوئے بھی 27 سال بیت گئے ہیں لیکن اس فلم کا جادو آج بھی سر چڑھ کر بول رہا ہے. یاد رہےکہ شاہ رخ خان کی اور کاجول کی جوڑی بالی وڈ‌کی سب سے زیادہ پسند کی جانے والی جوڑیوں میں‌سے ایک ہیں.

بالی وڈ‌ کنگ شاہ رخ خان جو کہ سعودی عرب میں موجود تھے وہاں انہوں نے پہلے اپنی فلم ڈنکی کی شوٹنگ مکمل کی اس کے بعد انہوں نے عمرے کی ادائیگی کی اور پھر وہاں ریڈ‌ سی فلم فیسٹیول میں شرکت کی وہاں انہیں ان کی فنی خدمات کے اعتراف میں ایوارڈ سے نوازا گیا. اس موقع کی ایک وڈیو وائرل ہو رہی ہے جس میں دیکھا جا سکتا ہے کہ جب شاہ رخ خان ایوارڈ وصول کررہے تھے اس وقت پریانکا چوپڑا ان کے سامنے بیٹھی ہوئی تھیں . اس موقع پر پریانکا چوپڑا بڑی آستینوں کے ساتھ چمکدار خاکستری گاؤن کے ساتھ میں ہیروں کا قیمتی ہار پہنے ہوئیں تھیں. پریانکا چوپڑا نے ریڈ کارپٹ پر فوٹوگرافرز کو پوز بھی دیا. خبریں یہ بھی ہیں‌کہ اس

موقع پر پریانکا کے ساتھ ساتھ کاجول بھی موجود تھیں اور اپنے دوست کو ملنے والے ایوارڈ‌کی خوشی منا رہی تھیں . یاد رہے کہ شاہ رخ خان کی اگلے برس تین فلمیں ریلیز ہونے جا رہی ہیں جن میں ڈنکی ، پٹھان اور جوان شامل ہیں .
جبکہ پریانکا چوپڑا روسو برادرز کی ویب سیریز Citadel on Amazon Prime اور دو فلموں: Ending Things اور Love Again میں نظر آئیں گی۔ پریانکا اگلے برس کترینہ اور عالیہ بھٹ کے ساتھ فلم کی شوٹنگ کریں گی.

عدنان صدیقی جو کافی حساس طبیعت رکھتے ہیں انہوں نے بھارت میں‌بڑھتی ہوئی انتہا پسندی پر تشویش کا اظہار کیا ہے .عدنان حال ہی میں‌بھارتی ریاست کرناٹک کی یونیورسٹی میں پیش آنے والے واقعے پر شدید برہم ہوگئے ہیں انہوں نے کہا ہے کہ ایک استاد کا کام ہوتا ہے کہ طالب علموں کو اچھے شہری بنائے. لیکن کرناٹک کی یونیورسٹی میں ایک ہندو ٹیچر نے مسلمان طالب علم کو دہشت گرد کہہ کر اپنا قد چھوٹا کر لیا ہے. ٹیچر تو انتہا پسندی کو فروغ نہیں دیتے .انہوں نے کہا کہ ٹیچر تو کبھی بھی مسلم کیا کسی بھی مذہب کے خلاف نفرت اور شر انگیزی نہیں‌پھیلایا

کرتے. یہ ٹیچر بطور انسان اور استاد بری طرح ناکام ہو گیا ہے اور ہار گیا ہے. کیونکہ اس نے جو حرکت کی ہے وہ ٹیچر کے رتبے پر سوالیہ نشان ہے. یاد رہےکہ حال ہی میں بھارتی ریاست کرناٹک کی یونیورسٹی میں ایک طالب علم کو ہندو ٹیچر نے دہشت گرد کہا ہے ٹویٹر پر اس واقعہ کو لیکر کافی تبصرے ہو رہے ہیں لہذا عدنان صدیقی بھی پیچھے نہیں‌رہے اور انہوں نے سنا دی ہیں کھری کھری اس ٹیچر کو. بھارت میں‌یہ پہلا واقعہ نہیں ہے کہ کسی تعلیمی ادارے میں‌کسی مسلمان کے ساتھ ایسا ہوا ہے اس سے پہلے بھی کئی واقعات سامنے آچکے ہیں‌.