Author: +9251

وفاقی وزیر میاں جاوید لطیف کا کہنا ہے کہ ہم الیکشن سے بھاگنے والے نہیں، اگر کیسز اسی طرح التوا کا شکار رہے تو انتخابات کو کوئی نہیں مانے گا.
وفاقی وزیر میاں جاوید لطیف نے کہا ہے کہ ہم الیکشن سے بھاگنے والے نہیں، اگر ہماری اپیلوں کے فیصلے نہ آئے اور عمران خان کے کیسز اسی طرح التوا کا شکار رہے تو انتخابات کو کوئی نہیں مانے گا،ہر ادارہ اپنی آئینی حدود میں رہے، ان حالات میں الیکشن پر اربوں روپے خرچ کر کے قوم کوانتشار میں مبتلا نہ کیا جائے. پریس کانفرنس سے خطاب کرتے ہوئے انہوں نے کہا کہ پی ٹی آئی نے دونوں صوبوں کے وسائل حاصل کر کے ایک تقرری کو روکنے کی کوشش کی ، یہ دونوں صوبائی اسمبلیاں توڑنا چاہتے ہیں تاکہ اپنی چار سالہ کارکردگی کو چھپا سکیں تاہم عوام ان کے یہ اعمال نہیں بھولے گی۔

انہوں نے کہاکہ ہمارے بے گناہ ہونے کے باوجود سالہاسال سے ہماری اپیلیں التوا کر شکار ہیں۔ انہوں نے کہا کہ پاکستان ایک مقروض ملک ہے ۔ الیکشن پر اربوں روپے خرچ ہوتے ہیں۔ اگر ہماری اپیلوں کے فیصلے نہ آئے اور عمران خان کے کیسز اسی طرح التوا کا شکار رہے تو انتخابات کو کوئی نہیں مانے گا۔ انہوں نے کہا کہ تمام سیاسی جماعتوں کو الیکشن یکساں مواقع ملنے چاہیئں۔ میاں جاوید لطیف نے کہا کہ اب بات صرف توشہ خانہ کیس کی نہیں رہی ، ابھی تو رنگ روڈ، ڈالر ،گندم اور چینی سکینڈل پر فیصلے آنے ہیں۔ یہ فیصلے آ جائیں تو ہم صبح الیکشن کروا دیں گے۔ انہوں نے کہا کہ اب کھل کر چیزیں سامنے آنا شروع ہو گئی ہیں ۔
مزید یہ بھی پڑھیں؛
پہلے ٹیسٹ میچ میں انگلینڈ کا ٹاس جیت کر بیٹنگ کرنے کا کا فیصلہ، میچ شروع
بلوچستان اسمبلی کے سامنے 8 روز سے جاری پشین بچاؤ تحریک کا دھرنا ختم
ابراہیم زدران ایک روزہ میچ میں سب سے زیادہ رنز بنانے والے افغان کھلاڑی بن گئے
ان کا کہنا تھا کہ ان حالات میں الیکشن پر اربو ں روپے خرچ کرکے قوم کو انتشار میں مبتلا نہیں کیا جا ئے۔ انہوں نے کہا کہ نوازشریف کو بار بار ہٹا کر سزائیں دی گئیں۔ انہوں نے اسے کبھی عالمی سازش قرار دیا اور نہ ہی انہوں نے اسلحہ ہاتھ میں پکڑ کر انتقام لینے کی کوشش ۔ نوازشریف نے ہمیشہ آئین اور قانون کی بالا دستی کی بات کی مگر یہ شخص لوگوں کو آئین و قانون کے خلاف اکسا رہا ہے اور ان سے کہہ رہا ہے کہ پھر مجھے لے کر آئو، حالانکہ اس شخص نے آئین اور قانون کی وفاداری کا حلف اٹھا رکھا ہے ۔ اس شخص نے پہلے بھی ملکی معیشت کا بیڑا غرق کیااور اب بھی وہی سب کچھ کررہا ہے۔

مسرت جمشید چیمہ کا متنازعہ بیان؛ وزیر اعلی پنجاب نے شوکاز نوٹس بھیج دیا

وزیراعلیٰ پنجاب چودھری پرویز الٰہی کی ترجمان مسرت جمشید چیمہ کے اداروں کے خلاف متنازعہ بیان پر شو کاز نوٹس جاری کردیا گیا ہے۔ حکومت پنجاب کی ترجمان مسرت جمشید چیمہ کو شو کاز نوٹس ق لیگ کے مرکزی رہنما اور وزیراعلیٰ پنجاب چودھری پرویز الٰہی نے جاری کیا ہے۔ وزیراعلیٰ پنجاب نے جاری کردہ شوکاز نوٹس کے ذریعے متنازعہ بیان پر مسرت جمشید چیمہ سے وضاحت طلب کرلی ہے۔

چودھری پرویز الٰہی نے واضح طور پر کہا ہے کہ اداروں کے خلاف بیان بازی حکومت پنجاب کی پالسی کے صریحاً خلاف ہے۔ تاہم خیال رہے کہ مسرت چیمہ نے گزشتہ روز اداروں بارے ایک متنازعہ بیان دیا تھا جس کے بعد وزارت اعلی پنجاب کے آفس میں ایک تشویش پائی گئی تھی اور اس پر وزیر اعلی پنجاب پرویز الہی نے شدید برہمی کا اظہار کیا تھا.
مزید یہ بھی پڑھیں؛
پہلے ٹیسٹ میچ میں انگلینڈ کا ٹاس جیت کر بیٹنگ کرنے کا کا فیصلہ، میچ شروع
بلوچستان اسمبلی کے سامنے 8 روز سے جاری پشین بچاؤ تحریک کا دھرنا ختم
ابراہیم زدران ایک روزہ میچ میں سب سے زیادہ رنز بنانے والے افغان کھلاڑی بن گئے
علاوہ ازیں ذرائع نے بتایا کہ یہ کہ وزیر اعلی نے وزارت اعلی پنجاب سے منسلک تمام لوگوں کو واضح کیا کہ اس قسم کے کسی قسم کے بیان سے گریز کیا جائے اور اداروں بارے کوئی ایسی بات نہیں کی ورنہ ایسے لوگوں کے خلاف سخت کاروائی عمل میں لائی جائے گی جس کے بعد یہ بھی واضح کیا گیا کہ اگر کسی کو اپنا اس قسم کے بیانات دینے میں دلچسپی ہے تو اس آفس سے الگ ہوجائے.

پيڈ گوگل ايپس بند نہيں ہوں گے کیونکہ اب پيڈ گوگل ايپس بند نہيں ہوں گی آپریٹرز کو ادائیگیوں کے طریقہ کار پر عمل درآمد کیلئے ایک ماہ کا وقت مل گيا ہے.

پيڈ گوگل ايپس بند نہيں ہوں گی اور گوگل سروسز کی ادائیگیاں براہ راست بلنگ کے ذریعے ہوں گی۔ موبائل فون صارفين کيلئے اچھی خبر ہے کہ پاکستان میں اب پيڈ گوگل ايپس بند نہيں ہوں گی بلکہ گوگل سروسز کی ادائیگیاں براہ راست بلنگ کے ذریعے ہوں گی۔ اور ٹیلی کام آپریٹرز کو ادائیگیوں کے طریقہ کار پر عمل درآمد کیلئے ایک ماہ کا وقت مل گيا ہے۔ وزارت خزانہ نے وزیر آئی ٹی امین الحق کی تجویز مان لی ہے، اس حوالے سے وزيراعظم کے معاون خصوصی برائے خزانہ طارق باجوہ نے وفاقی وزير امین الحق سے رابطہ کر کے بتا ديا ہے کہ اسٹیٹ بینک کو ایک ماہ تک پالیسی پر عمل درآمد مؤخر کرنے کا کہہ ديا ہے۔

اس بارے میں خبر شیئر کرتے ہوئے سینئر صحافی متین حیدر نے لکھا کہ؛ وزارت خزانہ نے وزیر آئی ٹی سید امین الحق کی تجویز مان لی، گوگل کو ادائیگی پر راضی جبکہ امین الحق نے کہا پیمنٹس شیڈول کے مطابق کی جاسکیں گی، پیڈ گوگل ایپس بند نہیں ہونگی. اور اسٹیٹ بینک کو ہدایت کردی گئی کہ ایک ماہ تک پالیسی پر عملدرآمد مؤخر کردیں.

بہترین فیصلہ

— Malik Ramzan Isra (@MalikRamzanIsra) December 1, 2022

وفاقی وزیر آئی ٹی امين الحق کا کہنا ہے کہ گوگل ایپس کی پیمنٹس شیڈول کے مطابق کی جاسکیں گی، اس حوالے سے وزارت آئی ٹی، خزانہ اور اسٹیٹ بینک باہمی مشاورت سے لائحہ عمل مرتب کریں گے۔ ٹیلی کام آپریٹرز نے وزارت آئی ٹی سے معاملے پر معاونت کی اپیل کی تھی، جس پر امين الحق نے وزیر خزانہ اسحاق ڈار کو ادائیگیاں کرنے اور ٹائم فریم دینے کیلئے مراسلہ لکھا تھا۔

تاہم خیال رہے کہ اس سے قبل کہا گیا تھا کہ ملک میں گوگل ایپلی کیشن کی ممکنہ بندش پر وفاقی وزیرآئی ٹی و ٹیلی کام امین الحق نے وزیر خزانہ اسحاق ڈار کو خط لکھا تھا کہ وزیرخزانہ معاملے کا فوری نوٹس لیتے ہوئے اسٹیٹ بینک کو ادائیگی جاری رکھنے کی ہدایت کریں وفاقی وزیر آئی ٹی و ٹیلی کام امین الحق کی جانب سے جاری ہونے والے بیان میں کہا گیا تھا کہ کچھ روز قبل تمام ٹیلی کام آپریٹرز کی جانب سے وزارت آئی ٹی کو خط لکھا گیا تھا، جس میں اسٹیٹ بینک کی جانب سے گوگل کو ادائیگی روکنے کے حوالے سے خدشات کا اظہار کیا گیا تھا۔

وفاقی وزیر کا کہنا تھا کہ معاملے کی سنگینی پر تمام اسٹیک ہولڈرز سے مشاورت کے بعد وزارت خزانہ کو مراسلہ لکھنے کا فیصلہ کیا گیا ہے۔ وفاقی وزیر امین الحق کا کہنا تھا کہ اسٹیٹ بینک کی جانب سے ادائیگی روکنے سے پاکستان میں پیڈ گوگل ایپلی کیشن سروسز معطل ہوجائیں گی، اور صرف فری گوگل ایپلی کیشنز کی سروسز برقرار رہیں گی۔ امیں الحق کا کہنا تھا کہ ٹیلی کام انڈسٹری پہلے ہی مشکلات کا شکار ہے اس طرح کے فیصلے معاملات مزید خراب کرسکتے ہیں، جب کہ بین الاقوامی اداروں کو ادائیگی روکنے کا عمل پاکستان کی ساکھ متاثر کرسکتا ہے۔ وفاقی وزیر آئی ٹی نے مطالبہ کیا تھا کہ وزیر خزانہ اسحاق ڈار معاملے کا فوری نوٹس لیتے ہوئے اسٹیٹ بینک کو ادائیگی جاری رکھنے کی ہدایت کریں۔

دھند کے باعث جج کی گاڑی کو موٹر وے پر روکنے پر اہلکار معطل کردیئے گئے ہیں.

نیشنل ہائی ویز اور موٹروے پولیس (NHMP) نے دو پٹرولنگ افسران کو مبینہ طور پر سیالکوٹ موٹر وے (M-II) پر سفر کرنے سے جج کو روکنے کے الزام میں انہیں معطل کر دیا ہے جو کہ دھند کی وجہ سے بند تھی۔ ذرائع کے مطابق سیالکوٹ لاہور موٹر وے کو تین روز قبل دھند کے باعث ٹریفک کے لیے بند کر دیا گیا تھا، جب اے ٹی سی جج کی سرکاری گاڑی اور اس کے ساتھ آنے والا پولیس سکواڈ صبح ساڑھے آٹھ بجے کے قریب مریدکے انٹر چینج سے زبردستی بیریئر عبور کر کے موٹر وے میں داخل ہوا۔ جبکہ ہیڈکوارٹر سے کال موصول ہونے پر، دو پٹرولنگ افسران – شاکر علی اور حیدر علی نے جج کی گاڑی کو اگلے انٹرچینج پر روکا۔ پٹرولنگ آفیسر نے موٹروے میں زبردستی داخل ہونے پر گاڑیوں کے چالان کر دیئے۔

The National Highways and Motorway Police (NHMP) has suspended two patrolling officers from service, allegedly for stopping an anti-terrorism court judge from travelling on Sialkot Motorway (M-II) that was closed due to fog. pic.twitter.com/mgaVXS6tXe

— Malik Ramzan Isra (@MalikRamzanIsra) December 1, 2022

سوشل میڈیا پر گردش کرنے والی ایک فوٹیج میں دیکھا جاسکتا ہے کہ پٹرولنگ افسران نے جج کے قافلے کو روکا اور گاڑیوں کا چالان تیار کر رہے ہیں. ایک پولیس اہلکار نے نام ظاہر نہ کرنے کی شرط پر ڈان اخبار کو بتایا کہ جج اپنے قافلے کو روکنے پر ناراض ہو گئے اور انہوں نے دھمکی دی کہ "وہ عدالت کو موٹر وے پر ہی لگائیں گے اور روکنے والے ان اہلکار افسران کے خلاف دہشت گردی کی دفعات کے تحت کارروائی کریں گے.

جبکہ اس پولیس اہلکار نے پٹرولنگ افسران کی معطلی کو بلاجواز قرار دیتے ہوئے کہا کہ وہ صرف قانون پر عمل درآمد کر رہے ہیں۔ انہوں نے چیف جسٹس آف پاکستان سے مطالبہ کیا کہ وہ اس واقعے کی تحقیقات کا حکم دیں اور "دو پٹرولنگ افسران کو انصاف فراہم کریں”۔ جبکہ این ایچ ایم پی کے ترجمان نے اس خبر پر بات کرنے سے گریز کیا.