Author: +9251

چھوٹی سکرین کے بڑے اداکار منیب بٹ نے حال ہی میں ایک انٹرویو دیا ہے اس میں انہوں نے کہا ہے کہ میں نے اپنی اہلیہ ایمن جو کہ سپر سٹار ہیں ان کو کبھی بھی کام کرنے سے نہیں روکا. میں نے ہمیشہ ان کی حوصلہ افزائی کی ہے. ان کی مرضی ہے وہ کام کریں یا نہ کریں . کام کرنے کا فیصلہ بھی ان کا اپنا ہے اور نہ کرنے کا فیصلہ بھی اپنا ہے. ہم کبھی ایک دوسرے کے فیصلوں پر اثر انداز نہیں‌ہوتے. ایمن نے خود ہی شادی کے بعد فیصلہ کیا کہ وہ اپنی بچی اور گھر کو وقت دیں گی لہذا انہوں نے کام سے بریک لی ہے. انہوں نے ایک سوال کے جواب میں کہا کہ

مجھ سے ایمن اگر کوئی مشورہ لیتی ہے تو میں اسکو اپنا مشورہ ضرور دے دیتا ہوں لیکن کبھی اس کے سامنے یہ شرط نہیں رکھی کہ وہ اسے مانے بھی. انہوں نے مزید کہا کہ ایمن کو جب بھی کام شروع کرنا ہو گا وہ کر لیں گی اور میں ان کا ساتھ دوں گا. یہ گمان بالکل غلط ہے کہ میں نے اسکو کام کرنے سے روکا ہے. ایمن اپنی مرضی اور فیصلے کرنے میں بالکل آزاد ہیں. یاد رہے کہ ایمن اور منیب کی شادی سے پہلے تک ایمن کام کررہی تھیں لیکن شادی ہوتے ہی انہوں نے کام چھوڑ دیا.

جب سے شعیب ملک اور ثانیہ مرزا کی طلاق کی خبریں گردش کررہی ہیں تب سے ہیں اداکارہ عائشہ عمر تنقید کی زد میں . ان کے بارے میں کہا جا رہا ہے کہ وہ اس شادی کی خرابی کی ذمہ دار ہیں. انہوں‌ نے اس جوڑے کا گھر توڑا ہے. تاہم دونوں کی طلاق کی خبروں کی باقاعدہ شعیب اور ثانیہ کی طرف سے تردید یا تصدیق نہیں ہوئی لیکن عائشہ عمر کو مسلسل سوشل میڈیا پر تنقیدکا سامنا ہے. ان پر ان کا گھر توڑنے کے الزامات مسلسل لگائے جارہے ہیں عائشہ عمر نے چپ سادھی ہوئی تھی اور اس معاملے پر بات کرنے سے گریز کررہی تھیں لیکن ایک مداح نے ان کو

بولنے پر مجبور کردیا مداح نے عائشہ عمر سے پوچھا کہ کیا آپ شعیب کے ساتھ شادی کرنے کا ارادہ رکھتی ہیں تو اس پر عائشہ عمر نے جواب دیتے ہوئے کہا کہ میرا ایسا کوئی ارادہ نہیں ہے کہ میں شعیب ملک کے ساتھ شادی کروں وہ دونوں آپس میں‌بے حد خوش ہیں انہوں نے یہ بھی لکھا کہ میرا نام شعیب ملک کے ساتھ بلاوجہ نہ جوڑا جائے. عائشہ عمر کے اس جواب سے ان کے کچھ مداحوں نے اتفاق کیا کہ ایسا نہیں ہونا چاہیے اور کچھ نے کہا کہ یہ خاتون ہی شعیب اور ثانیہ کے گھر ٹوٹنے کی وجہ ہے.

اداکارہ میرا جو کہ خبروں میں رہنے کا ہنر بخوبی جانتی ہیں ان کا ایک وڈیو کلپ وائرل ہو رہا ہے اس میں وہ اپنی خوبصورتی کا راز بتاتی ہوئی دکھائی دے رہی ہیں. میرا کہتی ہیں کہ میں ایک بہت اچھی انسان ہوں اسکے ساتھ ساتھ پاکیزہ بھی ہوں .انہوں نے کہا کہ میری خوبصورتی کا راز بس یہ ہے کہ میں اچھے کام کرتی ہوں، کسی کا دل نہیں دکھاتی اور انسانیت کی خدمت کرتی ہوں، یہی وجہ ہے کہ میرا چہرہ خوبصورت نظر آتا ہے. میرا کی اس وڈیو کے بعد سوشل میڈیا پر دلچپسپ تبصرے ہو رہے ہیں. کسی صارف کا کہنا ہےکہ میرا جان بوجھ کرایسے بیان دیتی ہیں کہ وہ

خبروں میں رہیں اور کسی صارف کا کہنا ہے کہ شاید میرا کو خود بھی پتہ نہیں ہوتا کہ وہ کیا بو ل رہی ہیں. حال ہی میں میرا نے شان شاہد کی فلم ضرار کی سکریننگ میں شرکت کی وہاں ان سے جب پوچھا گیا کہ ان کو شان کی فلم کیسی لگی تو وہ کچھ سیکنڈز خاموش رہنے کے بعد بولی اچھی فلم ہے ضرور بولیں ایسا محسوس ہو رہا تھا کہ انہوں نے شاید کچھ یاد کر رکھا تھا جو انہوں‌نے میڈیا کے سامنے بولنا تھا اور وہ نہیں بول سکیں . میرا کنفیوژ ہو گئیں اور صرف اتنا ہی کہہ سکیں کہ شان شاہد ایک حقیقی سٹار ہے ضرار ضرور دیکھیں .

اداکار شان شاہد جن کی حال ہی میں فلم ضرار ریلیز ہوئی ہے . انہوں‌نے اپنے انٹرویو میں کہا ہے کہ میں جب گنڈاسہ پکڑتا تھا تو مجھ پر تو بہت تنقید ہوتی تھی لیکن آج فلم انڈسٹری کو دوبارہ پائوں پر کھڑا کرنے کےلئے اسی گنڈاسے کی ضرورت پڑی ہے ، شان شاہد نے کہا کہ گنڈاسہ کلچر اتنا ہی برا ہوتا تو کئی برسوں کے بعد آج کے فنکار گنڈاسہ نہ پکڑ رہے ہوتے . انہوں‌نے کہا کہ دا لیجنڈ آف مولا جٹ اور ضرار کا بالکل بھی مقابلہ نہیں ہے مولا جٹ ایک بڑے بجٹ کی فلم تھی ہاں لیکن میری دعا ہے کہ ضرار بہت اچھا بزنس کرے. انہوں‌نے مزید یہ بھی کہا کہ دا لیجنڈ آف مولا جٹ‌ہٹ ہوئی تو مجھے لگا کہ پرانی فلم مولا جٹ ہٹ ہوئی ہے. انہو‌ں نے کہا کہ یہ وقت سینما انڈسٹری کے لئے بہت

اچھا ہے ہم سب کو مل کر کام کرنے کی ضرورت ہے . آڈینز ہماری فلموں پر ایک بار پھر اعتبار کرنے لگی ہے. مجھے خوشی ہےکہ میری فلم ضرار کو پسندکیا جا رہا ہے . جس کی بھی فلم ہٹ ہوتی ہے مجھے خوشی ہوتی ہے کیونکہ یہ چیز پاکستان سینما انڈسٹری کے لئے بہت اچھی ہے. شان نے کہا کہ جس طرح سے مولاجٹ کو کامیابی نصیب ہوئی ہے میری فلم کو بھی ہو میری دعا ہے.

وکی کوشل ہندی فلم انڈسٹری کے مقبول ترین اداکاروں میں سے ایک ہیں۔چند ہی برسوں میں انہوں نے ہندی فلم انڈسٹری میں اپنا نام اور مقام بنا لیا. وکی کی فلم گوندا میرا نام 16 دسمبر کو ریلیز ہونے جا رہی ہے. وکی کوشل بالی وڈ اداکارہ کترینہ کیف کے شوہرہیں اور وہ آج کل اپنی اسی فلم کی پرموشنز میں مصروف ہیں اسی سلسلے میں وہ پہنچے شہناز گل کے شو میں . دونوں نے ایک گرمجوشی سے ایک دوسرے کو گلے لگایا ، میڈیا کے لئے پوز دیا تو چند لوگوں نے شہناز گل کو پنجاب کی کترینہ کیف کہہ دیا جس پر وکی اور شہناز دونوں کھل کر ہنسے اور خوش ہوئے.بعد ازاں شہناز گل نے انسٹاگرام پر وکی کوشل کے حوالے سے ایک پوسٹ لکھی انہوں‌ نے لکھا کہ بہت کم ہی آپ کسی ایسے

سٹار سے ملتے ہیں جن سے مل کر آپ محسوس کرتے ہیں کہ آپ بھی سٹار ہیں، ان کو مل کر ایسا لگتا ہے کہ جیسے آپ ان کو صدیوں سے جانتے ہیں اور بہت پرانی ملاقاتیں ہیں. انہوں نے اپنی اس پوسٹ میں وکی کوشل کو حقیقی سٹار بھی کہا. مزید لکھا کہ میں آپ سے ایکبار پھر مل کر بہت خوش ہوں.میری دعا ہے کہ آپ کی فلم سپر ہٹ ہو آپ ایک حقیقی سٹار ہو جسے دیکھنے کےلئے لوگوں کو سینما گھروں میں ضرور جانا چاہیے.

بالی وڈ کی معروف اداکارہ و رقاصہ ملائکہ اورڑہ اپنے سٹائل اور خوبصورتی کی وجہ سے رہتی ہیں اکثر خبروں میں. سلمان خان کے بھائی ارباز کے خان کے ساتھ طلاق کے بعد ان کا رشتہ جڑا بونی کپور کے بیٹے ارجن کپور کے ساتھ . ملائکہ ارجن کو قریب چار سال سے ڈیٹ کررہی ہیں. اس لئے وہ رہتی ہیں کافی چرچا میں . حال ہی میں ان دونوں کے حوالے سے ایک خبر گردش کررہی تھی کہ ملائکہ پریگنینٹ ہو گئیں ہیں ، جب یہ خبر پہنچی ملائکہ کے کانوں تک تو انہوں‌نے سخت ناراضگی کا اظہار کرتے ہوئے ایسی خبر بنانے اور پھیلانے والوں کو کھری کھری سنا دیں انہوں‌نے کہا کہ ایسی خبربے بنیاد ہے اور غیر اخلاقی حرکت ہے جو کی جا رہی ہے . ایسی کوئی خبر سچ نہیں ہے کہ میں پریگنینٹ ہوں. انہوں نے کہا کہ یہ کس قسم کی جرنلیزم ہے جو کی جا رہی ہے یوں ملائکہ نے اپنی پریگننسی کی خبروں پر ری ایکشن دیا.

یاد رہے کہ ارجن کپور اور ملائکہ اروڑہ کی شادی کی خبریں کافی عرصہ سے گردش کررہی ہیں لیکن ان دونوں کی طرف ایسی خبروں کی ابھی تک تو تردید ہی کی جارہی ہے .تاہم ارجن کپور اس معاملے میں کافی کلئیر دکھائی دیتے ہیں ان کہنا ہے کہ میں ابھی کیرئری بنا رہا ہوں شادی کا ارادہ نہیں ہے.

معروف ڈائریکٹرابو علیحہ جو فلم سپر پنجابی لاہور میں شوٹ کررہے ہیں انہوں نے اپنے خصوصی انٹرویو میں کہا ہےکہ ان کی فلم کی ہیروئین صائمہ بلوچ کو سپر پنجابی میں دا لیجنڈ آف مولا جٹ کی کامیابی کے بعد نہیں لیا بلکہ وہ ان کو پہلے سے جانتے تھے اور ان کی صلاحیتوں کی قدر کرتے تھے لیکن ان کو بہت وقت لگا دوسروں کو قائل کرنے میں کہ وہ ایک مکمل ٔپیکج ہیں. دا لیجنڈ‌آف مولا جٹ ہٹ ہوئی تو صائمہ بلوچ کو نوٹس کیا گیا جبکہ میں بہت پہلے سے ان کو جانتا ہوں انکی اداکاری کی صلاحیتوں کا معترف ہوں. انہوں‌نے کہ سپر پنجابی دیکھ کر شائقین بوریت کا شکار نہیں ہوں گے. اس فلم کی شوٹنگ لاہور میں ہی کی جا رہی ہے ہم اس فلم کے زریعے انڈیا کے پنجاب کی آڈینز کو بھی

ٹارگٹ‌کررہے ہیں. بہت سارے سکھ اور لوگ لاہور سے محبت کرتے ہیں اسے دیکھنا چاہتے ہیں ہم نے اس فلم میں اسی چیز کو دکھانے کی کوشش کی ہے. محسن عباس حیدر کی گو یہ پہلی پنجابی فلم ہے لیکن وہ بہت زبردست کام کررہے ہیں. ابو علیحہ نے کہا کہ ہمیں دا لیجنڈ آف مولا جٹ‌کی کامیابی کو کیش کروانا چاہیے مزید اچھی پنجابی فلمیں بننی چاہیے تاہم ہم سپر پنجابی کی شکل میں کوشش کررہے ہیں.

اداکار شان شاہد جن کی حال ہی میں‌فلم ضرار ریلیز ہوئی ہے وہ پہنچے لاہور کے ایک سینما گھر میں. شان شاہد نے سینما میں سرپرائز وزٹ دیا اور ضرار دیکھنے والوں کے ساتھ سیلفیاں بنوائیں . شان شاہد کو دیکھ کر ان کے مداحوں کی خوشی کی انتہا نہ رہی. ان کے مداحو‌ں نے ان کی فلم کی تعریف کی اور اس موقع پر شان سے کہا کہ مسلسل کام کرتے رہیے. شان شاہد نے سینما میں اپنے مداحوں کے ساتھ کوالٹی ٹائم گزارا. مداحوں نے شان کے ساتھ ساتھ کرن ملک کے کام کی بھی بے انتہا تعریف کی . شان نے خود اپنے مداحوں کے موبائل پکڑ کر سیفلیاں بنوائیں اور ضرار دیکھنے کے لئے آنے والوں کا شکریہ ادا کیا .

یاد رہے کہ شان شاہد کی فلم ضرار وطن سے محبت کی اہمیت کو اجاگر کرتی ہے اس فلم کو شان نے خود ڈائریکٹ کیا ہے کرن ملک نے اس فلم میں ایک صحافی کردار بخوبی نبھایا ہے. شائقین فلم کو بہت پسند کررہے ہیں . بین الاقوامی معیار کی بنی اس فلم میں ندیم بیگ فلم دم مستم کے بعد نظر آئے ہیں. فلم کا میوزک بہت زبردست ہے کہانی شان شاہد نے خود ہی لکھی ہے فلم کا ایک بڑا حصہ انگلش ڈائیلاگز پر مبنی ہے.

بالی وڈ اداکارہ دیویا دتا نے اپنے انٹرویو میں کہا ہے کہ انہوں نے شاہ رخ خان کو پہلی بار ایک سٹوڈیو میں دیکھا میں سیڑھیوں سے نیچے اتر رہی تھی اور وہ اوپر جا رہے تھے.میں نے جب ان کو دیکھا تو میں نے کہا کہ او مائی گاڈ یہ تو وہ لڑکا ہے جو فوجی ڈرامہ میں آتا ہے. شاہ رخ خان چلے گئے. انہوں نے کہا کہ بعد میں شاہ ر‌خ خان مختلف فلموں میں آئے میرا بھی دل کرتا تھا کہ میں شاہ رخ خان کے ساتھ فلم کروں. ایکبار مجھے کسی نے کہا کہ جائو تم شاہ رخ خان کے ساتھ ملو اور اس خواہش کا اظہار کرو. میں شاہ رخ خان کے ساتھ ایک سیٹ پر ملنے گئی اور وہاں دیکھا کہ جہاں

شوٹنگ ہو رہی تھی جس وین میں شاہ رخ خان بیٹھے تھے اس کے باہر شاہ رخ شاہ رخ کے نعرے لگ رہے تھے اتنے ہجوم میں انہوں نے میرے لئے ہاتھ باہر نکالا اور میرا ہاتھ پکڑ کر مجھے وین کے اندر بلا لیا بولے کیا کھائو پیو گی میں نے کہا کہ کافی پیوں گی. بہت عزت احترام کے ساتھ شاہ رخ خان نے مجھ سے بات کی اور میں‌نے کہا کہ میرے ساتھ ایک پکچر کر لیجیے . دیویا نے کہا کہ شاہ رخ خان اچھے آرٹسٹ ہونے کے ساتھ اچھے انسان بھی ہیں.

معروف مصنف خلیل الرحمان قمر نے اپنے حالیہ انٹرویو میں کہا ہےکہ ان کی جب شادی ہوئی تھی تو ان کی اہلیہ کم عمر تھیں اور وہ چاہتے تھے کہ وہ کسی ایسی دوستی میں نہ پڑے جس سے وہ غلط فیصلے کرے یا جس سے اسکا گھر خراب ہو. اس لئے اسے مشورہ دیا تھا کہ تم طلاق یافتہ عورتوں کے ساتھ دوستی نہیں رکھو گی . میں نے اس کو بولا تھا کہ تم نہایت کم عمر ہو اس لئے بہت ضروری ہے کہ تم ایسی عورتوں کے ساتھ دوستی نہ رکھو جن کی طلاق

ہو چکی ہے. خلیل الرحمان قمر نے کہا کہ میں نے اپنی اہلیہ کو طلاق یافتہ عورتوں سے دوستی رکھنے سے منع خاص کر اس لئے کیا تھا کیونکہ وہ میری اہلیہ کا بسا ہوا گھر حسرت سے بھی دیکھ سکتی تھیں یوں‌ہماری زندگی میں بھی الجھنیں آسکتی تھیں. انہوں نے کہا کہ اگر میں نے اپنی اہلیہ کو ایسی عورتوں سے دوستی کرنے سے منع کیا تھا تو مجھے اس چیز پر کوئی پچھتاوا نہیں ہے کیونکہ میری اپنی سوچ ہے اور اگر کسی کو برا لگے گا تو اسکی مرضی ہے لیکن میری سوچ کا اپنا انداز ہے. خلیل الرحمان قمر نے کہا کہ گھر بسانے کے لئے ضروری ہے کہ شوہر جن باتوں سے منع کر ے اس سے بیوی باز رہے.