Baaghi TV

Author: +9251

  • شیری رحمان کا نام 2022 کی سب سے بااثر خواتین کی فہرست میں شامل

    شیری رحمان کا نام 2022 کی سب سے بااثر خواتین کی فہرست میں شامل

    شیری رحمان کا نام 2022 کی سب سے بااثر خواتین کی فہرست میں شامل

     فائنانشل ٹائیمز کی 25 سب سے بااثر خواتین کی فہرست میں شیری رحمان کا نام بھی شامل ہے۔ رپورٹ کے مطابق فائنانشل ٹائیمز کی جانب سے 2022 کی 25 سب سے زیادہ بااثر خواتین کی فہرست جاری کر دی گئی ہے جس میں وفاقی وزیر برائے ماحولیاتی تبدیلی سینیٹر شیری رحمان کا نام بھی شا مل ہے۔ فائنانشل ٹائیمز نے شیری رحمان کو ’تحمل سے گفت و شنید کرنے والی‘ خاتون کا لقب دے دیا۔ فہرست میں فن لینڈ کی وزیراعظم، نائب صدر کولمبیا، وزیراعظم بارباڈوس، میگھن مارکل اور دیگر کا نام بھی شامل ہے۔

    اسکاٹ لینڈ کی فرسٹ منسٹر نکولا اسٹرجنٹ نے شیری رحمان کی تعریف کرتے ہوئے کہا کہ گزشتہ ماہ COP27 میں شیری رحمان نے پاکستان میں ماحالیتی تبدیلی کی تباہ کاریون کے حوالے سے کا ایک طاقتور بیان دیا، شیری رحمان نے ماحولیاتی تبدیلی کے وجہ سے پیدا ہونے والی ناانصافی کو اُجاگر کیا۔ نکولا اسٹرجنٹ کا کہنا تھا کہ شیری رحمان نے بتایا کہ عالمی شمال اور عالمی جنوب کے درمیان ڈائلاگ کامیاب نہیں ہو رہا، شیری رحمان نے اپنی دلیل کی طاقت سے ترقی یافتہ ممالک کو اپنی بات سننے پر مجبور کیا۔
    مزید یہ بھی پڑھیں؛
    پہلے ٹیسٹ میچ میں انگلینڈ کا ٹاس جیت کر بیٹنگ کرنے کا کا فیصلہ، میچ شروع
    بلوچستان اسمبلی کے سامنے 8 روز سے جاری پشین بچاؤ تحریک کا دھرنا ختم
    ابراہیم زدران ایک روزہ میچ میں سب سے زیادہ رنز بنانے والے افغان کھلاڑی بن گئے
    اسکاٹ لینڈ کی فرسٹ منسٹر کا کہنا تھا کہ شیری رحمان نے ایک فنڈ قائم کرنے میں کلیدی کردار ادا کیا جس کی وجہ سے عالمی جنوب میں بہت سے لوگوں کو نئی امید ملی ہے، مجھے امید ہے کہ شیری رحمان ماحولیاتی انصاف اور عالمی مالیاتی اصلاحات کیلئے اپنی مہم جاری رکھیں گی۔

  • یاسر حسین کے پاس پیسے ختم ہو گئے

    یاسر حسین کے پاس پیسے ختم ہو گئے

    اداکار اور میزبان یاسر حسین ہیں بہت پریشان کیونکہ ان کے پاس جو پیسے تھے وہ ہو چکے ہیں ختم . بقول یاسر حسین ان کے پاس جتنے بھی پیسے تھے انہوں نے اس کی گاڑی خرید لی ہے. تفصیلات کے مطابق یاسر حسین نے اپنی سالگرہ کے موقع پر اپنی پسند کی ایک گاڑی خریدی اور گاڑی کافی مہنگی ہے. یاسر حسین نے اس گاڑی کی تصویر سوشل میڈیا پر شئیر کرکے لکھاکہ میری سالگرہ کے موقع پر میں نے خود کو ایک گاڑی گفٹ کی ہے اور یہ میری پسند کی گاڑی ہے میرے پاس جتنے پیسے تھے میں نے گاڑی پر لگا دئیے اور اب میرے پاس پیٹرول ڈلوانے کے لئے بھی پیسے نہیں ہیں کیا کروں. یاسر حسین کی اس پوسٹ کے بعد انہیں ان کے مداحوں کی جانب سے مختلف مشورے دینے کا سلسلہ شروع ہو گیا اور

    ان کے مداحوں نے بتایا کہ وہ اس مشکل گھڑی میں کیا کریں. یاد رہے کہ یاسرحسین کا شمار ان شوبز سلیبرٹیز میں ہوتا ہے جو بغیر سوچے سمجھے بول دیتے ہیں . لیکن پچھلے کچھ عرصے سے یاسر احتیاط سے بات کررہے ہیں . دوسری طرف انہوں نے فیروز خان کے گھریلو تشدد والے معاملے میں واضح پوزیشن لیتے ہوئے اداکار کا بائیکاٹ کرنے کا اعلان کیا ان کی اہلیہ اقراء عزیز نے بھی فیروز خان کے ساتھ پراجیکٹس کرنے سے منع کر دیا ہے.

  • سعودیہ اور سپین کے درمیان بحری جنگی جہازوں کی تیاری کے لیے مفاہمتی یادداشت پر دستخط

    سعودیہ اور سپین کے درمیان بحری جنگی جہازوں کی تیاری کے لیے مفاہمتی یادداشت پر دستخط

    سعودیہ اور سپین کے درمیان بحری جنگی جہازوں کی تیاری کے لیے مفاہمتی یادداشت پر دستخط کرلئے گئے.

    سعودیہ اور سپین کے درمیان ایک مفاہمتی یادداشت پر دستخط کیے گئے ہیں جس کے تحت سپین سعودی بحریہ کے لیے بحری جنگی جہاز تیار کرے گا۔ سعودی ویژن 2030 کے مطابق ان جنگی بحری جہازوں کی تیاری مقامی طور پر کیا جائے گی۔ سعودی خبر رساں ادارے ‘ایس پی اے’ کے مطابق سپین کی جہاز ساز کمپنی ناونتیا کے تیار کردہ یہ بحری جنگی جہاز کثیر الجہت جنگی ضرورتوں کو پورا کرنے کی صلاحیت کے حامل ہوں گے۔

    سعودی وزیر دفاع شہزادہ خالد بن سلمان نے اس بارے میں کہا ہے مقصد شاہی بحریہ کوہر طرح کے چلینجوں کے لیے تیار رکھنا ، بحری سلامتی کے لیے صلاحیتوں کو بڑھاوا دینا اور علاقائی سطح پر سلامتی اور تحفظ کو یقینی بنانا ہے۔ مفاہمتی یادداشت کے مطابق سپین کی کمپنی جہاز سازی کا یہ کام سوفیصد مقامی انداز میں کرے گی۔ جہاز میں ایک مربوط جنگی نظام کے علاوہ جہازوں کی مرمت کا نظام بھی سعودی بحریہ کے ساتھ مطابقت کا حامل ہو گا۔
    مزید یہ بھی پڑھیں؛
    پہلے ٹیسٹ میچ میں انگلینڈ کا ٹاس جیت کر بیٹنگ کرنے کا کا فیصلہ، میچ شروع
    بلوچستان اسمبلی کے سامنے 8 روز سے جاری پشین بچاؤ تحریک کا دھرنا ختم
    ابراہیم زدران ایک روزہ میچ میں سب سے زیادہ رنز بنانے والے افغان کھلاڑی بن گئے
    سعودی فوجی صنعتوں سے متعلق اتھارٹی کے سربراہ احمد العوھلی نے اس دستخط شدہ ایم او یو کے بارے میں کہا ‘ یہ یادداشت فوجی صنعت میں مقامی ترقی اور خود کفالت کے ویژن 2030 کے طے کردہ اہداف کی طرف پیش رفت ثابت ہوگی۔ واضح رہے مفاہمتی یادداشت پر دستخطوں کے لیے منعقدہ تقریب میں سعودی وزیر دفاع شہزادہ خالد بن سلمان اور سپین کے وزیر صنعت و تجارت نے شرکت کی۔

  • کراچی دنیا کا چھٹا سستا ترین جبکہ مہنگا ترین شہر سنگاپور اور سستا ترین شہر دمشق قرار

    کراچی دنیا کا چھٹا سستا ترین جبکہ مہنگا ترین شہر سنگاپور اور سستا ترین شہر دمشق قرار

    کراچی دنیا کا چھٹا سستا ترین جبکہ مہنگا ترین شہر سنگاپور اور سستا ترین شہر دمشق قرار

    برطانوی اشاعتی ادارے دی اکنامسٹ کی رپورٹ کے مطابق کراچی دنیا کے سستے ترین شہروں کی فہرست میں چھٹے نمبر پر ہے۔ برطانیہ کے معروف اشاعتی ادارے دی اکنامسٹ گروپ (The Economist Group) کے تحقیقاتی اور تجزیاتی شعبے دی اکنامسٹ انٹیلی جنس یونٹ (The Economist Intelligence Unit) نے رواں برس دنیا بھر کے 174 شہروں میں مہنگائی اور اس کے عوام پر اثرات کے جائزے کے لیے سروے کیا ہے۔
    سب سے زیادہ مہنگائی سروے کے مطابق دنیا کے بڑے شہروں میں گزشتہ سال کے دوران مقامی کرنسی کے لحاظ سے بنیادی ضروریات کی سہولیات اور اشیائے خور و نوش کی قیمتوں میں اوسطاً 8.1 فیصد اضافہ ہوا ہے اور یہ شرح گزشتہ 20 سال کی بلند ترین سطح ہے، جس کی وجہ یوکرین میں جنگ اور چین میں کووِڈ-19 کی پابندیوں کی وجہ سے پیدا ہونے والے عالمی لاگت ہے۔

    دی اکنامسٹ انٹیلی جنس یونٹ کی رپورٹ کے مطابق ترکی کا شہر استنبول (Istanbul)، ارجنٹائن کا بیونس آئرس (Buenos Aires ) اور ایران کے دارالحکومت تہران (Tehran) میں مہنگائی سب سے زیادہ بڑھی۔ وینزویلا کے شہر کراکس (Caracas) میں تو ایک سال کے دوران مہنگائی کی شرح 132 فیصد دیکھی گئی۔ ڈبلیو سی او ایل (WORLDWIDE COST OF LIVING) انڈیکس کے مطابق سب سے زیادہ اضافہ پیٹرول کی قیمت میں ہوا، پیٹرول کی قیمتوں میں مقامی کرنسی کے لحاظ سے سالانہ اوسطاً 22 فیصد اضافہ ہوا ہے۔

    مغربی یورپ کے شہروں میں مقامی کرنسی کے لحاظ سے گیس اور بجلی کی قیمتوں میں اوسطاً 29 فیصد اضافہ ہوا ہے جب کہ عالمی سطح پر گیس اور بجلی کی قیمتوں میں اوسطاً 11 فیصد اضافہ ہوا ہے۔ اسی طرح روس پر عائد تجارتی پابندیوں کے باعث خوراک اور گھریلو سامان کی قیمتیں بھی بڑھی ہیں۔ اس کے برعکس آرائشی اور تفریحی سامان اور خدمات کی قیمتیں کم ہوئی ہیں ، جس کی وجہ صارفین کی جانب سے بنیادی ضروریات کر ترجیح دینا ہے۔

    دی اکنامسٹ انٹیلی جنس یونٹ کی رپورٹ کے مطابق گزشتہ کئی برسوں کی طرح رواں برس بھی سنگا پور دنیا کا مہنگا ترین شہر ہے لیکن اس بار اس کے ساتھ نیویارک بھی سرفہرست ہے۔ دنیا کے مہنگے ترین شہروں میں تل ابیب ، ہانگ کانگ ، لاس اینجلس ، زیورخ، جنیوا، سان فرانسسکو، پیرس، کوپن ہیگن اور سڈنی ہیں۔

    سروے رپورٹ کے مطابق دنیا کا سب سے سستا شہر شام کا دارالحکومت دمشق (Damascus) ہے، جس کے بعد لیبیا کا شہرطرابلس (Tripoli)، ایران کا دارالحکومت تہران دنیا کا تیسرا سستا ترین شہر قرار پایا ہے۔ روشنیوں کے شہر کراچی کو پاکستان میں غریب پرور شہر کیا جاتا ہے، عالمی سطح پر بھی اس کی شہرت ایسی ہی ہے۔ دی اکنامسٹ انٹیلی جنس یونٹ کی رپورٹ کے مطابق زندگی گزارنے کے لیے بنیادی اخراجات کے اعتبار سے کراچی دنیا کا چھٹا سستا ترین شہر ہے، اس سے زیادہ سستے شہر دمشق، طرابلس، تہران، تیونس اور تاشقند ہی ہیں۔

  • عالمی یوم ایڈز؛ ایڈز کنٹرول کیلئے قانون میرج ایکٹ میں شامل کیا جائے گا. وفاقی وزیر صحت

    عالمی یوم ایڈز؛ ایڈز کنٹرول کیلئے قانون میرج ایکٹ میں شامل کیا جائے گا. وفاقی وزیر صحت

    عالمی یوم ایڈز؛ ایڈز کنٹرول کیلئے قانون میرج ایکٹ میں شامل کیا جائے گا. وفاقی وزیر صحت

    وفاقی وزیر صحت عبدالقادر پٹیل کا کہنا ہے کہ ایڈز کو کنٹرول کرنے کے لیے وفاق میں قانون لا رہے ہیں۔ وزیر صحت عبدالقادر پٹیل نے ایڈز کے عالمی دن پرمنعقد سیمینار میں میڈیا سے گفتگو میں کہا کہ ایڈز کے کنٹرول کیلئے قانون کو میرج ایکٹ میں شامل کیا جائے گا جس کی جلد منظوری لے لی جائے گی۔

    وزیرصحت کا مزید کہنا تھا کہ پاکستان میں ایڈز کے 2 لاکھ 40 ہزار ایڈز مریض موجود ہیں۔ ملک میں ایڈز کی تشخیص کے لیے ٹیسٹ کروانے کی شرح نہ ہونے کے برابر ہے۔ لوگ ایڈز کا ٹیسٹ کروانے کو تیار نہیں ہوتے اور زبردستی ٹیسٹ نہیں کروایا جا سکتا۔ اپنوں کی دوری ،نفرت کے باعث لوگ ٹیسٹ کرانے سے گریز کرتے ہیں۔ایڈز کے حوالے سے آگاہی کی ضرورت ہے۔
    مزید یہ بھی پڑھیں؛
    پہلے ٹیسٹ میچ میں انگلینڈ کا ٹاس جیت کر بیٹنگ کرنے کا کا فیصلہ، میچ شروع
    بلوچستان اسمبلی کے سامنے 8 روز سے جاری پشین بچاؤ تحریک کا دھرنا ختم
    ابراہیم زدران ایک روزہ میچ میں سب سے زیادہ رنز بنانے والے افغان کھلاڑی بن گئے
    عبدالقادر پٹیل کا مزید کہنا تھا کہ پینا ڈول کی قیمت میں ہم نے نہیں اقتصادی رابطہ کمیٹی نے اضافہ کیا۔ دوا ساز کمپنی نے پروڈکشن بند کردی اس لئے اضافہ کرنا پڑا۔ چند روز میں 20 سے 21 دواؤں کی قیمت کم کردی جائے گی۔ ملک میں دواؤں کے خام مال کی کمی نہیں ہے۔ خیال رہے کہ آج یکم دسمبر کو دنیا بھر میں ایچ آئی وی (ایڈز) کے مہلک مرض سے بچاؤ کا دن منایا جا رہا ہے۔ اقوام متحدہ کی گزشتہ سال کی ایک رپورٹ کے مطابق اس وقت دنیا میں ایچ آئی وی وائرس سے متاثرہ افراد کی تعداد 3 کروڑ 40 لاکھ ہے۔ جبکہ ڈاکٹروں کے مطابق ایچ آئی وی کا وائرس غیر محفوظ جنسی ملاپ، انجکشن کے ذریعے نشہ آور ادویات کے استعمال اور دیگر ذرائع سے پھیلتا ہے۔ یہ وائرس انسانی جسم میں داخل ہونے کے بعد قوت مدافعت پر حملہ آور ہوتا ہے جس کے بعد متاثرہ شخص میں مختلف بیماریوں سے لڑنے کی صلاحیت ختم ہو کر رہ جاتی ہے اور یوں وہ آہستہ آہستہ موت کی طرف بڑھنا شروع کر دیتا ہے۔

  • اسمبلیاں توڑیں گئی تو جنرل الیکشن نہیں بلکہ صرف ان صوبوں میں الیکشن ہوں گے. وفاقی وزیر داخلہ

    اسمبلیاں توڑیں گئی تو جنرل الیکشن نہیں بلکہ صرف ان صوبوں میں الیکشن ہوں گے. وفاقی وزیر داخلہ

    اسمبلیاں توڑیں تو جنرل الیکشن نہیں صرف ان صوبوں میں الیکشن ہوں گے، رانا ثنا اللہ

     وزیر داخلہ رانا ثنا اللہ کا کہنا ہے کہ اگر صوبائی اسمبلیاں توڑی جاتی ہیں، تو پھر ان 2اسمبلیوں کے الیکشن ہوں گے۔جنرل الیکشن اپنے وقت پر ہوں گے وزیرداخلہ راناثنااللہ کا کہنا ہے کہ عمران خان جب حکومت میں تھے تو اپوزیشن کو ختم کرنا چاہتے تھے۔ساڑھے تین سال میں عمران خان نے کرپشن کا بیانیہ بنایا۔عمران خان کو چاہیے تھا قوم سے معذرت کرتے اور واپس پارلیمنٹ میں آتے۔

    ان کا کہنا ہے کہ عمران خان کو سیاسی روایات کے تحت مسائل پر بات کرنی چاہیے تھی۔26نومبر کو عمران خان ناکام ہوئے ، لانگ مارچ میں عوام نے ساتھ نہیں دیا۔عمران خان نے خیبرپختو نخوا اور پنجاب اسمبلیوں کوتوڑنے کی بات کرکے بحرانی کیفیت پیداکی۔جلسوں میں ناکام ہوکے، تقریریں کر کے، اسمبلیاں توڑنا، آئین، قانون، جمہوری عمل کی توہین ہے۔
    مزید یہ بھی پڑھیں؛
    پہلے ٹیسٹ میچ میں انگلینڈ کا ٹاس جیت کر بیٹنگ کرنے کا کا فیصلہ، میچ شروع
    بلوچستان اسمبلی کے سامنے 8 روز سے جاری پشین بچاؤ تحریک کا دھرنا ختم
    ابراہیم زدران ایک روزہ میچ میں سب سے زیادہ رنز بنانے والے افغان کھلاڑی بن گئے
    ان کا کہنا ہے کہ اگر سسٹم عمران خان کواقتدار دے تو کرپٹ نہیں، اگر نہ دے تو برا ہے۔سنا ہے پی ٹی آئی والے 20 دسمبر سے استعفے دیں گے۔اگر استعفے دینے کا فیصلہ کر لیا ہے تو 20 دسمبر تک انتظار کیوں ؟ عمران خان کو اگر کرپٹ سسٹم میں نہیں رہنا تو سینیٹ اور آزاد کشمیر سے باہر جائیں۔ انہوں نے کہا ہے کہ فری اینڈ فیئر الیکشن کے بنیادی تصور کو ختم کرنے کی کوشش کی جارہی ہے۔ہم کوشش کریں گے کہ اسمبلیاں توڑنے کے عمل میں معاون نہ ہوں۔ اسمبلیاں توڑنا کسی سیاسی جماعت اور نہ ملک کے حق میں ہے۔

    ان کا کہنا ہے کہ سیاسی عدم استحکام کو بھی روکنے کی کوشش کی جائے گی، جو بھی مسائل ہوں گے ان کو آئین اور قانون کے مطابق حل کیے جائیں گے۔جو بھی اس کو آئین کے تحت روکنے میں ہوسکتا ہے اس طرف جائیں گے۔ ان کا کہنا ہے کہ اگر صوبائی اسمبلیاں توڑی جاتی ہیں، تو پھر ان 2اسمبلیوں کے الیکشن ہوں گے۔جنرل الیکشن اپنے وقت پر ہوں گے۔ آئینی مدت پوری کریں گے۔اسمبلیاں توڑنے سے پہلے اسپیکر قومی اسمبلی کے پاس آئیں اور کہیں استعفے قبول کیے جائیں۔پارلیمنٹ لاجز، گھر،گاڑیاں،تنخواہیں اور مراعات نہیں چھوڑتے اور شور مچاتے ہیں۔

    انہوں نے کہا ہے کہ ہم الیکشن سے خوفزدہ نہیں ہیں۔کوئی نہ سمجھے کہ ہم الیکشن سے پیچھے ہٹیں گے۔ہم کمپین کریں گے، نواز شریف صاحب کمپین کے لیے میسر ہوں گے، یہ ان کی بھول ہے یہ جیت کے واپس آجائیں گے۔

  • پنجاب حکومت نے پاکستان سپورٹس بورڈ کوچنگ سینٹر لاہور کی زمین پر قبضہ کر لیا

    پنجاب حکومت نے پاکستان سپورٹس بورڈ کوچنگ سینٹر لاہور کی زمین پر قبضہ کر لیا

    پنجاب حکومت نے لاہور میں پاکستان سپورٹس بورڈ کوچنگ سینٹر کی زمین پر قبضہ کر لیا

    باغی ٹی وی نے پنجاب حکومت کا ایک اور اسکینڈل بریک کردیا ہے جس میں پی ٹی آئی کی زیر قیادت صوبائی حکومت نے پاکستان سپورٹس بورڈ (PSB) کے کوچنگ سینٹر کی زمین پر قبضہ کر لیا ہے. یکم دسمبر (آج) کو ڈائریکٹر جنرل، پاکستان سپورٹس بورڈ، اسلام آباد کو کوچنگ سنٹر کے زمینی امور کے بارے میں خط لکھا گیا ہے۔


    درخواست میں لکھا گیا ہے: ” ہم نے بارہاں لاہور کوچنگ سینٹر پر قبضہ کرنے کے حوالے سے پنجاب حکومت کی خراب نیت کے بارے میں اپنی شکایات اور خدشات کو پہنچانے کی پوری کوشش کی ہے۔” جبکہ اس خط میں استدعا کی گئی کہ ’’پاکستان اسپورٹس بورڈ (ہیڈ کواٹر) کو چاہیے کہ وہ مرکز اور پاکستان اسپورٹس بورڈ کے مفادات کو بچانے کی پوری کوشش کرے۔‘‘ اس میں مزید بتایا گیا کہ ہمارے ادارے میں یہاں تقریباً 43 ملازمین PSB کی چھتری تلے کام کر رہے ہیں۔
    مزید یہ بھی پڑھیں؛
    پہلے ٹیسٹ میچ میں انگلینڈ کا ٹاس جیت کر بیٹنگ کرنے کا کا فیصلہ، میچ شروع
    بلوچستان اسمبلی کے سامنے 8 روز سے جاری پشین بچاؤ تحریک کا دھرنا ختم
    ابراہیم زدران ایک روزہ میچ میں سب سے زیادہ رنز بنانے والے افغان کھلاڑی بن گئے
    علاوہ ازیں اس خط میں لکھا گیا کہ؛ یہاں یہ بتانا ضروری ہے کہ پنجاب اولمپک ایسوسی ایشن نے نومبر 1965 کو ایک قرارداد کے ذریعے تقریباً 20 ایکڑ اراضی ایک مستقل اسپورٹس ٹریننگ اینڈ کوچنگ سنٹر کے قیام کے لیے مختص کی تھی جس کے لیے زمین کا مکمل کنٹرول وفاقی حکومت کے پاس ہو گا۔ جبکہ یہ دعوٰی بھی کیا گیا کہ؛ حیران کن بات یہ ہے کہ 30 نومبر کو ایم ایس تووان (پرائیویٹ) لمیٹڈ مقامی پولیس کے ساتھ زبردستی سینٹر کے احاطے میں داخل ہوئے اور مین گیٹ کے داخلی دروازے کے بائیں جانب 10 کنال کے پلاٹ پر قبضہ کر لیا جہاں ہماری والی بال کے کورٹ اور باکسنگ رنگ تھے کو انہوں نے ہٹا کر پھینک دیا.

    مزید یہ بھی کہا کہ یہ کل دس کنال ہے جس پر انہوں نے قبضہ کیا اور یہ سارا کچھ انہوں نے رات کے وقت زبردستی کیا ہے لہٰذا مندرجہ بالا کی روشنی میں درخواست کی جاتی ہے کہ اس معاملے کو اعلیٰ حکام تک پہنچائیں تاکہ زمین کا مسئلہ جلد از جلد حل کیا جائے۔ تاہم خیال رہے کہ اس حوالے پنجاب حکومت اور پاکستان سپورٹس بورڈ کا موقف لینے کیلئے باغی ٹی وی نے ان سے رابطہ کیا مگر کوئی جواب موصول نہیں ہے،

  • پی ٹی آئی پنجاب کے ارکان کا اسمبلیاں فوری تحلیل نہ کرنے کا مشورہ

    پی ٹی آئی پنجاب کے ارکان کا اسمبلیاں فوری تحلیل نہ کرنے کا مشورہ

    پی ٹی آئی پنجاب کے ارکان کا اسمبلیاں فوری تحلیل نہ کرنے کا مشورہ

     تحریک انصاف پنجاب کے ارکان نے پارٹی قیادت کو صوبائی اسمبلیاں فوری تحلیل نہ کرنے کا مشورہ دے دیا۔ ذرائع کے مطابق پنجاب سے تعلق رکھنے والے کچھ ارکان نے اسمبلیاں فوری تحلیل نہ کرنے کا مشورہ دیتے ہوئے کہا ہے کہ سیاسی کارڈز کھیلتے ہوئے ٹائمنگ کو مدنظر رکھا جائے ۔ارکان نے رائے دی ہے کہ اسمبلیوں کی تحلیل ایسے وقت میں کی جائے جب وفاقی اور دیگر 2 صوبوں کی اسمبلیوں پر تحلیل کرنے کے لیے دباؤ بڑھ سکے۔

    پی ٹی آئی ارکان نے اسمبلیاں فوری تحلیل نہ کرنے کا جواز پیش کرتے ہوئے بتایا ہے کہ اس وقت حلقوں میں ترقیاتی کاموں کے لیے اربوں روپے مالیت کے ٹینڈرز ہو چکے ہیں جب کہ کئی حکومتی منصوبے اپنی تکمیل کے آخری مراحل میں ہیں۔ دریں اثنا اسمبلیوں کی تحلیل کے معاملے پر تحریک انصاف کی اعلیٰ سطح کی کمیٹی نے اپنی سفارشات تیار کر لیں۔ ذرائع کا کہنا ہے کہ کمیٹی کے ارکان کی جانب سے 20 دسمبر تک اسمبلیاں تحلیل کرنے کی سفارش کی گئی ہے۔ قبل ازیں پارٹی کے وائس چیئرمین شاہ محمود قریشی کی زیر صدارت کمیٹی کے اجلاس میں سیاسی صورتحال کا جائزہ لیا گیا ۔

    اجلاس میں میاں اسلم اقبال ،محمود الرشید ،حماد اظہر،اعجاز چودھری اور دیگر ارکان شریک ہوئے ۔ذرائع کے مطابق اعلیٰ سطح کی کمیٹی کی سفارشات پر پارلیمانی بورڈز کے اجلاسوں کے بعد تاریخ کا حتمی فیصلہ عمران خان کریں گے۔ دوسری جانب چیئرمین پی ٹی آئی کے ساتھ اہم سیاسی رہنماؤں کی ملاقات کا سلسلہ جاری ہے۔ ذرائع کے مطابق عمران خان آج زمان پارک لاہور میں اپنی رہائش گاہ پر موجود ہیں، جہاں اہم سیاسی رہنما ان سے ملاقات کریں گے۔ وزیراعلیٰ پنجاب چودھری پرویز الٰہی بھی آج سابق وزیراعظم سے دوپہر کے بعد اہم ملاقات کریں گے۔
    مزید یہ بھی پڑھیں؛
    پہلے ٹیسٹ میچ میں انگلینڈ کا ٹاس جیت کر بیٹنگ کرنے کا کا فیصلہ، میچ شروع
    بلوچستان اسمبلی کے سامنے 8 روز سے جاری پشین بچاؤ تحریک کا دھرنا ختم
    ابراہیم زدران ایک روزہ میچ میں سب سے زیادہ رنز بنانے والے افغان کھلاڑی بن گئے
    عمران خان سے وزیر اعلیٰ کی ملاقات میں پنجاب اسمبلی کی تحلیل سمیت دیگر امور پر مشاورت ہوگی جب کہ چودھری پرویز الٰہی عمران خان کو اپنی مکمل حمایت کا اعادہ کریں گے۔ ذرائع کے مطابق پی ٹی آئی پارلیمانی پارٹی کا اجلاس کل ڈھائی بجے 90 شاہراہِ قائد اعظم ایوان وزیراعلیٰ میں ہوگا، جس میں ارکان اسمبلی سے اسمبلیوں کی تحلیل کے معاملے پر رائے لی جائے گی۔

  • پیٹرولیم مصنوعات پر آئندہ 15 روز میں 36 ارب سے زائد لیوی وصول کی جائے گی

    پیٹرولیم مصنوعات پر آئندہ 15 روز میں 36 ارب سے زائد لیوی وصول کی جائے گی

    پیٹرولیم مصنوعات پر آئندہ 15 روز میں 36 ارب سے زائد لیوی وصول کی جائے گی؛ پٹرولیم مصنوعات پر ڈیویلپمنٹ لیوی میں 5 ارب روپے سے زیادہ کا اضافہ

    حکومت اگلے 15 روز میں مجموعی طور پر 36 ارب سے زیادہ لیوی وصول کرے گی۔ حکومت نے پٹرولیم مصنوعات پر ڈیویلپمنٹ لیوی میں 5 ارب روپے سے زیادہ کا اضافہ کردیا ہے، اس حوالے سے باضابطہ نوٹیفکیشن جاری کردیا گیا ہے۔ نوٹیفکیشن کے مطابق حکومت اگلے 15 روزمیں مجموعی طور پر 36 ارب سے زیادہ لیوی وصول کرے گی۔ پٹرول سے 25 ارب 96 کروڑ، ہائی اسپیڈ ڈیزل سے 10 ارب 18 کروڑ ریونیو جمع ہوگا۔

    دستاویز کے مطابق ہائی اسپیڈ ڈیزل پر پٹرولیم لیوی میں 12 روپے 41 پیسے فی لیٹر اضافہ کر دیا گیا ہے، ڈیزل پر لیوی 12 روپے 59 پیسے سے بڑھ کر 25 روپے فی لیٹر کر دی گئی ہے، جب کہ پٹرول پر پہلے ہی 50 روپے لیٹر ڈیویلپمنٹ لیوی وصول کی جا رہی ہے۔ دستاویز میں مزید بتایا گیا ہے کہ مٹی کے تیل پر لیوی 5 روپے 98 پیسے سے بڑھا کر 7 روپے 1 پیسہ کر دی گئی ہے، اور لائٹ ڈیزل آئل پر لیوی 7 روپے90 پیسے سے بڑھا کر15 روپے 39 پیسے فی لیٹر مقرر کردی گئی ہے۔

    مزید یہ بھی پڑھیں؛
    پہلے ٹیسٹ میچ میں انگلینڈ کا ٹاس جیت کر بیٹنگ کرنے کا کا فیصلہ، میچ شروع
    بلوچستان اسمبلی کے سامنے 8 روز سے جاری پشین بچاؤ تحریک کا دھرنا ختم
    ابراہیم زدران ایک روزہ میچ میں سب سے زیادہ رنز بنانے والے افغان کھلاڑی بن گئے
    اس سے قبل خبر آئی تھی کہ حکومت نے آئندہ 15 روز کے لیے پیٹرول اور ہائی اسپیڈ ڈیزل کی قیمتیں برقرار رکھنے جبکہ مٹی کا تیل اور لائٹ ڈیزل سستا کرنے اعلان کر دیا گیا تھا اور اس بارے میں وزیرخزانہ اسحاق ڈار کا کہنا تھا کہ پیٹرول اور ہائی اسپیڈ ڈیزل کی قیمت برقرار رہے گی جبکہ لائٹ ڈیزل کی قیمت میں ساڑھے 7 روپے جبکہ مٹی کے تیل کی قیمت میں10 روپے فی لیٹر کمی کردی گئی۔

    وزارت خزانہ کے مطابق پیٹرول کی قیمت 224 روپے 80 پیسے جبکہ ہائی اسپیڈ ڈیزل کی قیمت 235 روپے 30 پیسے فی لیٹر برقرار رکھنے کا فیصلہ کیا گیا۔ اس وقت کے اعلامیے کے مطابق 10 روپے کمی کے بعد مٹی کے تیل کی نئی قیمت 181 روپے 83 پیسے جبکہ ساڑھے 7 روپے کمی کے بعد لائٹ ڈیزل کی نئی قیمت179 روپے لیٹر مقرر کر دی گئی۔ وزیرخزانہ کا مزید کہنا تھا کہ ٹیکس گوشوارے جمع کرانے کی تاریخ میں 15 دن کی توسیع کردی گئی ہے۔ خیال رہے کہ گزشتہ دو ماہ سے حکومت کی جانب سے پیٹرول کی قیمتوں میں کوئی اضافہ نہیں کیا گیا۔

  • عالمی یوم ایڈز؛ نوجوانوں میں ایڈز کے بڑھتے واقعات تشویشناک ہیں. وزیراعظم شہبازشریف

    عالمی یوم ایڈز؛ نوجوانوں میں ایڈز کے بڑھتے واقعات تشویشناک ہیں. وزیراعظم شہبازشریف

    وزیراعظم شہبازشریف کا کہنا ہے کہ نوجوانوں میں میں ایڈز کے بڑھتے واقعات تشویشناک ہیں.

    وزیراعظم محمد شہباز شریف نے کہا ہے کہ ہمیں آج کے دن ایڈز سے منسوب بدنامی کے خاتمہ کا عہد کرنا چاہیے۔ آج جمعرات کو عالمی یوم ایڈز کے حوالے سے اپنے ٹویٹ میں وزیراعظم نے کہاکہ بچوں اور کم عمر افراد میں ایڈز کے بڑھتے ہوئے کیسز باعث تشویش ہیں۔ وزیراعظم نے وزارت صحت پر زور دیا کہ وہ ایڈز کی ٹیسٹنگ، اس کے خلاف آگاہی پیدا کرنے اور روک تھام پر توجہ مرکوز کرے


    خیال رہے کہ آج یکم دسمبر کو دنیا بھر میں ایچ آئی وی (ایڈز) کے مہلک مرض سے بچاؤ کا دن منایا جا رہا ہے۔ اقوام متحدہ کی گزشتہ سال کی ایک رپورٹ کے مطابق اس وقت دنیا میں ایچ آئی وی وائرس سے متاثرہ افراد کی تعداد 3 کروڑ 40 لاکھ ہے۔ جبکہ ڈاکٹروں کے مطابق ایچ آئی وی کا وائرس غیر محفوظ جنسی ملاپ، انجکشن کے ذریعے نشہ آور ادویات کے استعمال اور دیگر ذرائع سے پھیلتا ہے۔ یہ وائرس انسانی جسم میں داخل ہونے کے بعد قوت مدافعت پر حملہ آور ہوتا ہے جس کے بعد متاثرہ شخص میں مختلف بیماریوں سے لڑنے کی صلاحیت ختم ہو کر رہ جاتی ہے اور یوں وہ آہستہ آہستہ موت کی طرف بڑھنا شروع کر دیتا ہے۔
    مزید یہ بھی پڑھیں؛
    پہلے ٹیسٹ میچ میں انگلینڈ کا ٹاس جیت کر بیٹنگ کرنے کا کا فیصلہ، میچ شروع
    بلوچستان اسمبلی کے سامنے 8 روز سے جاری پشین بچاؤ تحریک کا دھرنا ختم
    ابراہیم زدران ایک روزہ میچ میں سب سے زیادہ رنز بنانے والے افغان کھلاڑی بن گئے
    جبکہ پاکستان کا شمار بھی دنیا کے ان ممالک میں ہوتا ہے جہاں ایچ آئی وی سے متاثرہ افراد کی بڑی تعداد موجود ہے۔ علاوہ ازیں نیشنل ایڈز کنٹرول پروگرام کے مطابق اس وقت ملک میں ایچ آئی وی وائرس سے متاثرہ مریضوں کی تعداد کافی بڑھ گئی ہے۔ تاہم ماہرین کا کہنا ہے کہ یہ تعداد اس سے زیادہ ہو سکتی ہے کیونکہ معاشرتی مسائل کی وجہ سے بہت سے لوگ اس بیماری کی تشخیص ہونے کے بعد اپنے نام کا اندراج کروانے سے گھبراتے ہیں۔