Author: +9251

آیوشمان کھرانہ نوجوان نسل کے نمائندہ فنکار ہیں وہ فلم ایک ایکشن ہیرو کی ریلیز کی تیاری کر رہے ہیں، جو 2 دسمبر 2022 کو ریلیز ہونے جا رہی ہے. انیرودھ آئیر کی ہدایت کاری میں بننے والی اس فلم میں آیوشمان ایک ایسے کردار میں نظر آئیں گے جو انہوں نے اس سے پہلے کبھی نہیں کیا. چند روز قبل آیوشمان نے فلم کی پہلی جھلک کی نقاب کشائی کی اور کیپشن میں لکھا، "پھٹا پوسٹر اور نکلا ایکشن ہیرو. کہا جا رہا ہے کہ اس فلم میں اکشے کمار بھی نظر آئیں گے .اکشے کمار ہندی سنیما کے اصل ایکشن ہیرو مانے جاتے ہیں .آیوشمان اور اکشے کمار پہلی بار ایک دوسرے کے ساتھ بڑی سکرین شئیر کررہے ہیں ان دونوں کے مداح انہیں ایک ساتھ دیکھنے کےلئے بےتاب دکھائی دے رہے ہیں. یاد رہے کہ آیوشمان کو حال

ہی میں انوبھوتی کشیپ کے ڈاکٹر جی میں راکل پریت سنگھ کے ساتھ مرکزی کردار میں دیکھا گیا تھا۔ یہ فلم 14 اکتوبر 2022 کو ریلیز کی گئی تھی اور ناقدین نے اس فلم کو بہت سراہا تھا.آیوشمان اداکارہ اننیا پانڈے کے ساتھ فلم ڈریم گرل 2 میں بھی ننظر آئیں گے۔ فلم کی ہدایت کاری راج شاندلیا نے کریں گے اور پرڈیوس ایکتا کپور کریں گی یہ فلم 29 جون 2023 کو سینما گھروں میں ریلیز ہونے جا رہی ہے۔دوسری طرف اکشے کے پاس اوہ مائی گاڈ ہے.

عالیہ بھٹ اور رنبیر کپور کی فیملی خوشی کے مارے پھولے نہیں سما رہی ، ہر فیملی ممبر رنبیر اور عالیہ کی بیٹی کو لیکر پرجوش ہے. عالیہ اور رنبیر کپور نے میڈیا کو ابھی اپنی بیٹی کی شکل نہیں‌دکھائی تاہم عالیہ کی والدہ سونی رازدان نے فلم اونچائی کی خصوصی اسکریننگ کے دوران پہلی بار اپنی پوتی کے بارے میں بات کی۔جب اس موقع پر ان سے سوال ہوا کہ کیا آپ اپنی بیٹی کو بچی کی پرورش یا اسکو سنبھالنے کےحوالے سے ٹپس دے رہی ہیں تو انہوں نے کہا کہ میں عالیہ کو بہت ساری ٹپس دے رہی ہوں ساتھ ہی یہ بھی کہا کہ عالیہ ایک ماں ہیں ان کو بہت ساری نئی چیزوں سے گزرنا ہے اور وقت انہیں بہت کچھ سکھا بھی دے گا . نانی نے اپنی پوتی کو قدرت کی بہترین نعمت قرار دے دیا۔ہم بہت خوش ہیں کہ سب

کچھ ٹھیک ہو گیا،انہوں نے اس موقع پر یہ بھی کہا کہ عالیہ بہت اچھی ماں ثابت ہوں گی. یاد رہے کہ عالیہ بھٹ کے حاملہ ہونے کی خبر جب انکے والد مہیش بھٹ کو ملی تو انہوں نے خوشی کا اظہار کرتے ہوئے کہا تھا کہ میں اپنی زندگی کے ایک نئے کردار کو ادا کرنے جا رہا ہوں. جس کے لئے بہت زیادہ پرجوش ہوں.عالیہ بھٹ فلم راکی ​​اور رانی کی پریم کہانی میں نظر آنے کے علاوہ ہارٹ آف سٹون سے ہالی ووڈ میں ڈیبیو کرنے جا رہی ہیں.

ہیرا پھیری، ویلکم اور آوارہ پاگل دیوانہ یہ وہ مشہور زمانہ فلمیں ہیں جنہیں آج بھی یاد کیا جاتا ہے اور دیکھا جاتا ہے. ان تینوں فلموں کے سیکوئلز دیکھنےکےلئے شائقین بےتاب ہیں. کہا جا رہا ہے کہ پرڈیوسر ساجد نڈیاڈ والا نے گزشتہ دنوں اکشے کمار کے آفس کے چکر لگائے اور ان کے سامنے ہیرا پھیری، ویلکم اور آوارہ پاگل دیوانہ کے سیکوئلز کے پرپورزل رکھے اور ان کو قائل کرتے رہے لیکن اکشے کمار قائل نہ ہو سکے اور انہوں نے تینوں فلموں کے سیکوئلز میں کام کرنے سے انکار کر دیا. کہا جا رہا ہے کہ ساجد نڈیاڈ والا اور اکشے کمار کی ملاقاتیں بے نتیجہ نکلی ہیں اور ساجد اب سوچ رہے ہیں کہ وہ کسی اور اداکار کے ساتھ فلمیں بنائیں . کارتک آریان کا نام ہیرا پھیری تھری کے لئے لیا جا رہا ہے. کہا جا رہا ہے کہ ہیرا پھیری، ویلکم اور آوارہ پاگل دیوانہ کے سیکوئل بنانے کےلئے ساجد نڈیاڈ والا نے اکشے کمار کو جو سکرپٹ سنائے انہیں وہ پسند نہیں آئےاور اکشے نے

معذرت کرلی. کہا جا رہا ہے کہ اکشے کمار کا کہنا ہے کہ وہ اپنے مداحوں کے مزاج سے اچھی طرح واقف ہیں اور وہ صرف کسی بھی سپر ہٹ فلم کے سیکوئل میں کام کرنے کےلئے سکرپٹ‌پر کمپرومائز نہیں‌کر سکتے . یاد رہے کہ ہیرا پھیری، ویلکم اور آوارہ پاگل دیوانہ یہ وہ تینوں فلمیں ہیں جن کے سیکوئل ماضی میں بنائے گئے لیکن انہیں ناکامی کا سامنا کرنا پڑا اس لئے پرڈیوسر کی کوشش تھی کہ کسی طرح‌سے اکشے کمار ہاں کر دیں لیکن انہوں نے ہیرا پھیری، ویلکم اور آوارہ پاگل دیوانہ کے سیکوئلز میں کام نہ کرنے کا کہہ کر ہمیشہ کے لئے اس باب کو بند کر دیا ہے.

کارتک آریان جو سوشل میڈیا کے شوقین ہیں اور اس وقت شہر کے مصروف ترین اداکاروں میں سے ایک ہیں۔ بھول بھولیا 2 کی کامیابی کے بعد کارتک کئی پروجیکٹس کے لیے بیک ٹو بیک شوٹنگ کر رہے ہیں۔ کارتک اپنی ٹھوس اداکاری اور مداحوں کی جانب سے ملنے والے زبردست پیار کی وجہ سے خاصے فلم میکرز کی اولین چوائس بن گئے ہیں. کہا جا رہا ہے کہ یہ اداکار ہیرا پھیری تھری میں نظر آئیں گے. ہیرا پھیری تھری وہ فلم ہے جس کا بےچینی سے انتظار کیا جا رہا ہے. ہیرا پھیری جس میں اکشے کمار ،پاریش راول اور سنیل شیٹی نے کام کیا تھا اسے آج تک پسند کیا جاتا ہے. شائقین ان تینوں کو ایک ساتھ ایک بار پھر دیکھنے کے لئے بےتاب ہیں.لیکن اب ایسا لگ رہا ہے کہ ہیرا پھیری تھری میں اکشے کمار کی بجائے

کارتک آریان کام کریں گے. ہیرا پھیری 3 کا اعلان اس سے قبل ابھیشیک بچن، جان ابراہم، سنیل شیٹی اور پریش راول کے ساتھ کیا گیا تھا لیکن کئی وجوہات کی بنا پر فلم کو روک دیا گیا . خبریں یہ بھی آئیں تھیں کہ اکشے کمار نے کہا ہے کہ وہ ہیرا پھیری، ویلکم اور آوارہ پاگل دیوانہ کے سیکول میں کام نہیں کریں گے.یاد رہےکہ اکشے کمار کی فلم بھول بھلئیاں جو کہ سپر ہٹ تھی اس کے سیکول میں کارتک آریان کولیا گیا . اطلاعات یہی ہیں کہ ہیرا پھیری تھری میں بھی کارتک آریان ہی ہوں گے.

بالی وڈ میں حال ہی میں 15 سال مکمل کرنے والے اداکار رنبیر کپور اس وقت خوشی سے جھوم رہے ہیں کیونکہ ان کے گھر ننھی پری کی آمد ہوئی ہے. کہا جا رہا ہے کہ رنبیر عالیہ اور پنی بیٹی کو ہسپتال سے ڈسچارج ہونے کے بعد گھر لے آئے ہیں اور گھر لانے کے چند گھنٹوں کے بعد وہ شوٹنگ کرنے کےلئے نکل پڑے. رنبیر کپور ذمہ دار باپ اور ذمہ دار شوہر ہونے کے ساتھ ایک ذمہ دار پروفیشنل بھی ہیں. یہی وجہ ہے کہ رنبیر کپور بیٹی کو ہسپتال سے گھر لاکر پہنچ گئے ہیں اپنے کام پر . سوشل میڈیا پر ایک وڈیو سرکولیٹ کررہی ہے جس میں دیکھا جا سکتا ہے کہ رنبیر اپنی گاڑی

سے اتر کر شوٹنگ کی جگہ پہنچے ہیں . یاد رہے کہ جب رنبیر اور عالیہ کے گھر بیٹی کی پیدائش ہوئی تو دونوں نے سوشل میڈیا پر لکھا کہ ہماری بیٹی کا پیدا ہونا ہماری زندگی کی سب سے اچھی خبر ہے. رنبیر اور عالیہ حال ہی میں برہمسٹرا میں نظر آئے۔ یہ فلم باکس آفس پر زبردست ہٹ ثابت ہوئی۔ اب رنبیر شردھا کپور کے ساتھ لو رنجن کی اگلی فلم میں نظر آنے کے لیے تیار ہیں۔ ان کے پاس رشمیکا مندنا، انیل کپور اور بوبی دیول کے ساتھ اینیمل بھی ہے۔