Author: +9251

اداکارہ صبا قمر جن کی اس برس فلم کملی ریلیز ہوئی اس فلم میں ان کی اداکاری نے ایک بار پھر ثابت کر دیا کہ صبا کا اداکاری میں کوئی ثانی نہیں ہے. ویسے تو صبا کی آن سکرین جوڑی بہت سارے فنکاروں‌کے ساتھ سراہی جاتی ہے لیکن میکال ذوالفقار کے ساتھ ان کی جوڑی کو بے حد پذیرائی ملتی ہے. ان دونوں‌کا آج کل ڈرامہ سیریل فراڈ چل رہا ہے جسے شائقین بے حد پسند کررہے ہیں. ان کے مداحوں کے لئے ایک اور خوشخبری ہے کہ صبا اور میکال کو ایک بار پھر سے دیکھ سکیں گے جی ہاں اس بار دونوں‌کو ایک ویب سیریز میں دیکھا جائیگا اس ویب سیریز کا نام منڈی ہے. ویب سیریز کی شوٹنگ مسلسل لاہور میں‌جاری ہے. اس ویب سیریز میں‌ میکال اور صبا کی لُکس کی تصاویر

حال ہی میں جاری ہوئی ہیں. ان تصاویر میں‌دیکھا جا سکتا ہے کہ دونوں‌ہی سیاستدان کے کردار کرتے نظر رہے ہیں.
ویب سیریز میں میکال ذوالفقار کے علاوہ نئیر اعجاز،عثمان پیر زادہ اور عینی جعفری سمیت بہت سے فنکار شامل ہیں۔اس پراجیکٹ کے ڈائریکٹر اویس خان بھی ہیں۔جب سے اس ڈرامے کی تصاویر جاری ہوئی ہیں صبا اور میکال کے پرستار اس ویب سیریز کو دیکھنے کےلئے بے چین ہیں . صبا قمر کا جس قسم کا حلیہ ہے اس کو دیکھ کر لگ رہا ہے کہ وہ مریم نواز کا کردار کررہی ہیں باقی تو ویب سیریز دیکھ کر ہی پتہ چلے گا کہ جو اندازے لگائے جا رہے ہیں‌وہ کس حد تک درست ہیں.

فلم جوائے لینڈ جسے فرانس کے سب سے بڑے فلمی میلے میں ایوراڈ سے نوازا گیا اور یہ اپنی نوعیت کی پہلی پاکستانی فلم ہے جسے فرانس کے فلمی میلے کانز میں اتنی عزت بخشی گئی. پاکستانی مداح بھی اسکو دیکھنے کےلئے بے تاب ہیں اور یہ فلم 18 نومبر کو پاکستان کے سینما گھروں میں ریلیز کی جا رہی ہے. لیکن اب خبر یہ بھی ہے کہ اب اس فلم کی نمائش کو روکنے کا مطالبہ جماعت اسلامی کے سینٹر مشتاق احمد کی طرف آیا ہے ان کا کہنا ہے کہ یہ فلم پاکستانی اقدار اور معاشرے کی روایات کے خلاف ہے اسلئے اس کی نمائش کسی صورت نہیں ہونی چاہیے . انہوں نے فلم کو پاکستانی معاشرتی اقدار پر حملہ اور ان کے خلاف قرار دیتے ہوئے اس پر

پابندی لگانے کا مطالبہ کیا اور ساتھ ہی اعلان کیا کہ وہ ’جوائے لینڈ‘ پر پابندی لگوانے کے خلاف مہم چلائیں گے۔ جوائے لینڈ ایسے طبقے کی نمائندگی کرتی ہے جس کو سوسائٹی والے بہت زیادہ اگنور کررتے ہیں . اس فلم کی کہانی ایک نوجوان اور ٹرانس جینڈر کے گرد گھومتی ہے جو کہ ڈانس کلب میں ملازمت کے دوران ایک دوسرے کی محبت میں گرفتار ہو جاتے ہیں۔یاد رہے کہ فلم کے ڈائریکٹر صائم صادق ہیں اور پرڈیوسر سرمد سلطان کھوسٹ ہیں کاسٹ میں علینہ خان ، ثورت گیلانی اور راستی فاروق و دیگر ہیں .

دا لیجنڈ آف مولا جٹ پاکستان سیمت اورسیز میں دھوم مچائے ہوئے ہے. تازہ اطلاعات یہ ہیں کہ اس فلم نے برطانیہ میں صرف ایک دن میں 24 ہزار پائونڈ کما لئے ہیں یہ کسی بھی پاکستانی فلم کا اپنی نوعیت کا الگ ہی اعزاز ہے. اس سے قبل کسی بھی پاکستانی فلم نے پاکستان میں بھی اتنا بزنس نہیں کیا جتنا دا لیجنڈ آف مولا جٹ نے کیا ہے. برطانیہ میں اتنی بڑی کامیابی کو بہت زیادہ سراہا جا رہا ہے. دا لیجنڈ آف مولا جٹ دو سو کروڑ کے بزنس سرکل میں داخل ہو چکی ہے. بلکہ یوں‌کہنا چاہیے کہ دا لیجنڈ آف مولا جٹ نے دو سو کروڑ کما لئے ہیں. فلم 13 اکتوبر کو ریلیز کی گئی تھی اور چند ہی ہفتوں میں فلم کا بزنس آسمان کی بلندیوں‌کو چھو رہا ہے. اہم بات یہ ہے کہ پاکستانی فلم دا

لیجنڈ آف مولا جٹ نے بھارتی فلمیں ملی اور فون بھوت کو بھی پچھاڑ دیا ہے. بھارتی فلموں‌ سے کہیں زیادہ پاکستان فلم دا لیجنڈ آف مولا جٹ‌ بزنس کررہی ہے. یاد رہے کہ فلم کی پرڈیوسر عمارہ حکمت ہیں اور ڈائریکٹر بلالا لاشاری ہیں. فلم کو بھارتی فلمساز کرن جوہر نے بھی دیکھا ہے . فلم ہر طرف سے کامیابیاں اور تعریفیں سمیٹ رہی ہے. فواد خان ، حمزہ علی عباسی ، ماہرہ خان اور حمائمہ ملک کی اداکاری کو بہت زیادہ سراہا جا رہا ہے.

پاکستانی ڈرامے جہاں بہت مشہور ہیں وہیں ٹی وی کے آرٹسٹ بھی بہت مشہور ہیں انہی ڈراموں کی بدولت ان کی شہرت سرحد پار بھی پہنچتی ہے. رباب ہاشم کو بہت زیادہ پسند کیا جاتا ہے انہوں نے نہایت ہی کم وقت میں اپنی فنی صلاحیتوں کا لوہا منوایا ہے. رباب ہاشم کے کریڈٹ پر جتنے بھی ڈرامے ہیں وہ سب اے کلاس ہیں. ان کی صلاحیتوں سے کسی کو بھی انکار نہیں ہے. اپنے حالیہ انٹرویو میں انہوں‌نے کہا کہ میں سوشل میڈیا پر ملنے والی شہرت کو عارضی سمجھتی ہوں. مستقبل شہرت وہ ہوتی ہے کہ جو کسی کو بھی اسکے کام کی وجہ سے ملتی ہے . ایک آرٹسٹ کی کوشش ہونے چاہیے کہ اسے شہرت ہر طرح کے کردار کرکے ملے. سوشل میڈیا پر ملنے والی شہرت سستی ہوتی

ہے . اداکارہ رباب ہاشم نے کہا کہ میں کوئی خاص آئیڈیل تو نہیں لیکن شادی جب بھی ہوئی میں اپنے سسرالی ذمہ داریوں‌کو مکمل طور پر نبھائوں گی اور اگر وہ چاہیں گے تو میں کام کروں گی اگر نہیں چاہیں گے تو کام نہیں‌کروں‌گی. رباب ہاشم نے یہ بھی کہا کہ میں چاہتی ہوں‌کہ میرے حصے میں ایسے کردار آئیں جو یادگار ہوں اور مجھے ان کرداروں کے نام سے یاد رکھا جائے. رباب ہاشم نے مزید یہ بھی کہا کہ شائقین مجھے اب روتے دھوتے کرداروں میں کم دیکھیں گے.

صبورعلی کا شمار پاکستان ٹیلی ویژن انڈسٹری کی بہترین اداکارائوں میں‌ ہوتا ہے. صبور علی سجل علی کی چھوٹی بہن ہیں. صبور علی آج کیرئیر کی ان اونچائیوں پر ہیں جہاں پر ان کے پاس ایک انٹرنیشنل پراجیکٹ بھی ہے سجل بھارت میں بھی کام کر چکی ہیں جبکہ صبور علی ابھی پاکستانی ٹی وی تک ہی محدود ہیں. صبور علی ٹی وی ڈراموں میں روتی ہوئی دکھائی دیتی ہیں لیکن ذاتی زندگی میں‌ وہ کافی ہنس مکھ ہیں. صبور جیسا کہ سب جانتے ہیں‌سوشل میڈیا پر متحرک رہتی ہیں انہوں‌نے حال ہی میں ایک وڈیو شئیر کی ہے جس میں وہ خود کافی خوبصورت

لگ رہی ہیں ، انہوں نےٹک ٹاک طرز کی ایک وڈیو بنائی ہے جس میں وہ کہہ رہی ہیں کہ لڑکیاں تو چلو میک اپ کر کے خوبصورت دکھائی دیتی ہیں یہ لڑکے کیسے خوبصورت بن جاتے ہیں.اور کہاں سے آتے ہیں یہ اتنے حیسن لڑکے.صبور علی کی اس قسم کی مزاحیہ وڈیو اور سوالات پر ان کے مداح کافی محظوظ ہوئے اور ان کی وڈیو کے کمنٹس باکس میں کمنٹس کئے. آئزہ خان نے لکھا کہ یہ تب ایسا ہوتا ہے جب آپ کے گھر میں کوئی خوبصورت لڑکا موجود ہو. آئزہ کے کمنٹ نے بھی سوشل میڈیا صارفین کے لئے ایک نئی بحث چھیڑ دی .

بالی وڈ کے کنگ شاہ ر‌خ خان نے اپنی سالگرہ کے موقع پرمداحوں‌ کو دیا فلم پٹھان کا ٹیزر جاری کرکے ایک خوبصورت تحفہ. پٹھان کے ٹیزر کو جہاں بہت پسند کیا گیا ہے وہیں اس فلم کے ٹیزر پر اچانک تنقید ہونا شروع ہو گئی ہے. سوشل میڈیا پر اس فلم کے بائیکاٹ کے ٹرینڈ چلنے شروع ہو گئے ہیں. اس قسم کا ٹرینڈ چلانے والوں‌ کا کہنا ہے کہ فلم کا ٹیزر بالکل بھی متاثر کن نہیں ہے اور نہ ہی یہ فلم ہٹ ہوتی دکھائی دے رہی ہے. ان کا یہ بھی کہنا ہے کہ فلم کا ٹریلر دیکھنا بہت بڑی غلطی ہےیہ فلم کسی صورت نہیں چلے گی. شاہ رخ خان چار سال کے بعد بڑی

سکرین پر پٹھان جیسی فلم سے واپسی کررہے ہیں. یاد رہے کہ فلم پٹھان کے پوسٹر کو بہت زیادہ سراہا گیا تھا اور اب ٹیزرکو بھی بہت سراہا گیا ہے لیکن یہ بائیکاٹ کا ٹرینڈ ایکدم سے کہاں سے آ گیا ہے یہ سمجھنا زرا مشکل نظر آرہا ہے تاحال. پٹھان فلم میں شاہ رخ خان کے ساتھ دیپیکا پڈوکون اور جان ابراہیم بھی ہیں اور شاہ رخ خآن چار سال کے بعد بڑی سکرین پر اپنا جادو چلانے کے لئے تیار ہیں لیکن ایسا محسوس ہو رہا ہے کہ اس فلم کے خلاف بائیکاٹ کا ٹرینڈ ایک سوچی سمجھی سازش ہے.