Author: +9251

کورونا نے جیسے ہی دنیا کو اپنی لپیٹ میں لیا معاملات زندگی منجمد ہو کر رہ گئے ایسے میں ڈیجیٹل پلیٹ فارمز جیسے کے نیٹ فلیکس ، پرائم وڈیو و دیگر نے اپنے تفریحی مواد کی وجہ سے مقبولیت حاصل کی۔اب تو فلمیں سینما میں ریلیز کرنے کا رواج کم ہوتا نظر آرہا ہے زیادہ تر فلم میکرز او ٹی ٹی پلیٹ فامرز پر فلمیں‌ریلیز کرنے کو ترجیح دے رہے ہیں. فلموں کے علاوہ، ہم کچھ حیرت انگیز اصلی OTT مواد اور ویب سیریز بھی دیکھ رہے ہیں جو ڈیجیٹل پلیٹ فارمز پر بہت بڑی کامیابی حاصل کررہے ہیں۔ حال ہی میں جوہی چاولہ نے اپنی ڈیجیٹل ڈیبیو ویب سیریز ہش ہش سے کی۔ آنے والے مہینوں میں بالی وڈ کے بہت سے دوسرے ستارے جیسے کرینہ کپور خان، سدھارتھ ملہوترا، شاہد کپور، اور دیگر بھی جلد ہی او ٹی ٹی پر دلچسپ فلموں اور ویب سیریز کے ساتھ نظر آئیں گے. کرینہ کپور سوجوئے

گھوش کی تھرلر فلم سے ڈیجیٹل ڈیبیو کرنے جا رہی ہیں. سدھارتھ ملہوترا اپنی آنے والی OTT سیریز انڈین پولیس فورس کے ساتھ نظر آئیں گے اس میں شلپا شیٹی، نکیتن دھیر اور وویک اوبرائے بھی ہیں۔ شاہد کپور راج اور ڈی کے کی سیریز فرزی میں کام کرنے کے لیے تیار ہیں، جس کا پریمیئر پرائم ویڈیو پر ہوگا.چند ہفتے قبل ورون دھون نے ایک ریل شیئر کرتے ہوئے اعلان کیا تھا کہ سارہ علی خان جلد ہی فلم اے وطن میرے وطن کے ساتھ ڈیجیٹل ڈیبیو کریں گی.کاجول بھی او ٹی ٹی پلیٹ فارم پر آنے کے لئے تیار ہیں .آدتیہ رائے کپور دی نائٹ مینیجر میں نظر آئیں گے.

اداکار فیروز خان جن کا اب ڈرامہ انڈسٹری کے لوگوں‌ نے بائیکاٹ کرنا شروع کر دیا ہے، انہوں نے بائیکاٹ پر رد عمل دیتے ہوئے کہا ہے کہ مجھے شوبز انڈسٹری سے بالکل بھی توقعات نہیں ہیں . انہوں نے ایسا کہہ کر بائیکاٹ کرنے والوں کو خبردار کر دیا ہے کہ انہیں‌ بائیکاٹ کرنے سے بالکل بھی فرق نہیں‌پڑتا. فیروز خان کے خلاف دن بہ دن لوگوں میں‌نفرت بڑھتی جا رہی ہے خصوصی طور پر تشدد کے ثبوت سامنے آنے پر. جب تک ان کے اہلیہ پر تشدد کے ثبوت سامنے نہیں آئے تھے تب تک شوبز سلیبرٹیز اس معاملے پر نہیں‌بولیں تھیں لیکن جیسے ہی ان کی

سابقہ اہلیہ نے تشدد کے ثبوت عدالت میں‌پیش کئے اس کے بعد اب ہر دوسری سلیبرٹی فیروز خان کے خلاف ہو گئی ہے. اداکارہ اقراء عزیز نے تو فیروز خان کے ساتھ کام کرنے سے انکار کر دیا ہتے اسی طرح سے دیگر اداکاربھی فیروز خان کے خلاف بول رہے ہیں .یاد رہے کہ فیروز خان کی انکی اہلیہ کے ساتھ طلاق ہو گئی ہے ان کے دو بچے ہیں اور انکی اہلیہ نے تشدد کرنے کے الزامات لگائے ہیں.فیروز خان آج کے دن تک ان الزامات کو رد کررہے ہیں سوشل میڈیا پر تو انہوں‌نے الزامات کو رد کر دیا ہے لیکن ابھی عدالت کو انہوں نے کسی قسم کا اس حوالے جواب داخل نہیں‌کروایا .

دالیجنڈ آف مولا جٹ نے پاکستانی سینما میں ایک شاندار تاریخ رقم کی ہے. فلم کو پاکستان سمیت دنیا بھر میں بے حد پذیرائی مل رہی ہے. فلم حالانکہ پاکستان میں کچھ سینما کی چینز میں ریلیز نہیں‌ہوئی لیکن اس کے باوجود اس نے پاکستان میں بھی اچھا خاصا بزنس کر لیا ہے . دنیا کے جن جن ممالک میں فلم ریلیز ہوئی ہے لوگوں کا کمال ریسپانس حاصل کررہی ہے. فلم میں مولا جٹ کا کردار فواد خان نے کیا ہے جبکہ نوری نت کا کردار حمزہ علی عباسی نے کیا ہے دونوں‌کو ان کی جاندار اداکاری میں بے حد پسند کیا جا رہا ہے. فلم کی تقریبا کاسٹ کو پنجابی بولنی نہیں آتی تھی لیکن اس کے باوجود سب کی محنت عیاں ہے. فواد خان نے پنجابی ڈائیلاگز نہایت ہی خوبصورت انداز میں بولے ہیں

جبکہ حمزہ علی عباسی جن کو پہلے سے ہی پنجابی آتی تھی انہوں نے بھی بہترین انداز میں ڈائیلاگز بولے ہیں. لڑکیوں‌میں حمائمہ ملک کی اداکاری کو بہت سراہا جا رہا ہے. فلم کا ہر کردار اتنا خوبصورت ہے کہ دیکھنے والے کو اپنے سحر میں‌جکڑ لیتا ہے. فلم میں میوزک نہیں‌ہے لیکن ایک میوزیکل پرفارمنس ضرور ہے جسے صائمہ بلوچ نے نہایت ہی خوبصورت انداز میں ادا کیا ہے. دا لیجنڈ آف مولا جٹ پاکستان کی پہلی دو سو کروڑ کرنےوالی فلم بن گئی ہے.

بالی وڈ کے دبنگ سلمان خان جو کہ ڈینگی میں مبتلا ہو گئے تھے وہ اب صحیتاب ہو گئے ہیں. ڈینگی میں مبتلا ہونے کے بعد سلمان خان نے اپنی کام کے حوالے سے تمام شوٹنگز کو ملتوی کر دیا تھا. یہاں تک کہ بگ باس میں ان کی جگہ کرن جوہر دیکھے گئے ہیں. سلمان خان کے مداح پوری دنیا میں‌پائے جاتےہیں اپنے پسندیدہ اداکار کے ڈینگی میں‌مبتلا ہونے کی خبر سننے کے بعد ان کے مداح خاصے پریشان تھے لیکن ان کے لئے خوشخبری ہے کہ سلمان خان اب صحیتابی کی طرف بڑھ رہے ہیں اور بہت جلد وہ اپنی تمام تر شوٹنگز دوبارہ شروع کر دیں گے. بتایا جا رہا

ہے کہ سلمان خان نے طبیعت میں‌بہتری کے بعد اپنے بہنوئی کی سالگرہ میں شرکت کی ہے وہاں ان کے مداح ان کو دیکھ کر خوش ہوئے اور ان سے جب پوچھا کہ طبیعت کیسی ہے تو انہوں نے کہا کہ میں‌اب بالکل ٹھیک ہوں. یاد رہے کہ سلمان خان کے بہنوئی اتل اگنی ہوتری ہیں اور وہ بھی نوے کی دہائی میں بالی وڈ‌ میں آئے. گوکہ اتل اتنے بڑے سٹار نہیں‌بن سکے لیکن انہوں نے کافی مشہور فلموں میں‌کام کیا، اتل کی شادی سلمان خان کی بہن الویرا سے شادی ہوئی تھی. بتایا جا رہا ہےکہ سلمان خان جلد ہی بگ باس کے سیٹ پر بھی پہنچ جائیں گے.

اداکارہ اقراء عزیز جن کی آن سکرین جوڑی جہاں بہت سارے دوسرے ہیروز کے ساتھ مقبول ہے وہیں ان کی جوڑی اداکار فیروز خآن کے ساتھ بھی بہت زیادہ سراہی جاتی ہے. دونوں کو ڈرامہ سیریل خدا ور محبت میں بہت زیادہ پسند کیا گیا. شائقین ان کو ساتھ دیکھنے کے لئے بےتاب ہیں. سانول یار پیا ڈرامہ کی یہ جوڑی اب ٹوٹنے کو ہے کیونکہ اقراء عزیز نے فیروز خان کے ساتھ کام کرنے سے انکار کر دیا ہے. اداکارہ نے سوشل میڈیا پر کہا ہے کہ وہ ایسے انسان کے ساتھ کام نہیں کریں گی جو اہلیہ پر تشدد کرتا تھا. ان کے ساتھ کام نہ کرنے کا فیصلہ مشکل ضرور ہے

لیکن ضروری ہے کیونکہ اقراء عزیز نے مزید کہا ہے کہ میں چاہتی ہوں کہ گھریلو تشدد کا شکار علیزے کو میں سپورٹ‌ کروں اورفیروز خان کے ساتھ کام نہ کرنےکا فیصلہ اسی سلسلے کی ایک کڑی ہے. یاد رہے کہ جب سے علیزے نے جسمانی تشدد کے ثبوت عدالت میں پیش کئے ہیں تب سے شوبز انڈسٹری میں‌کہا جا رہا ہے کہ فیروز خان کا بائیکاٹ‌کیا جائے اس کے ساتھ کام کرنے سے انکار کیا جائے. فیروز خان کے ساتھ کام نہ کرنے کا سلسلہ چل نکلا ہے بہت سارے فنکار اداکار کے ساتھ کام کرنے سے انکار کر چکے ہیں.

پرائیڈ آف پرفارمنس کا اعزاز حاصل کرنے والے اداکار امان اللہ نے سٹیج کی دنیا پر راج کیا. انہوں نے طویل عرصے تک سٹیج ڈرامہ کیا. امان اللہ کو پاکستان میں اسٹینڈ اپ کامیڈی کا بانی قرار دیا جاتا ہےامان ایک بڑی فین فالونگ پاکستان سمیت دنیا بھر میں رکھتے تھے. ان کی بیٹی زرگون نے حال ہی میں‌اپنے والد کے ساتھ محبت کا اظہار کرتے ہوئے سوشل میڈیا پر ایک وڈیو جاری کی ہے جس میں وہ اپنے والد کے ساتھ گزرے ہوئے لمحات دکھا رہی ہیں ان کی اس وڈیو کے بیک گراونڈ میں بالی وڈ کی فلم اگنی پت کا گانا او سیاں سنا جاسکتا ہے۔ زرگون کی جانب سے جاری کی گئی اس وڈیو کو سوشل میڈیا پر بہت زیادہ سراہا جا رہا ہے. وڈیو خاصی وائرل بھی ہو رہی ہے. یاد رہے کہ

امان اللہ آخری وقت میں گردوں اور پھیپڑوں کے عارضے میں مبتلا تھے اور اسی حالت میں انتقال کر گئے تھے. امان اللہ کا جانا یقینا سٹیج کے لئے اور شوبز انڈسٹری کے لئے بہت بڑا دھچکا تھا اور ایسا خلا ء تھا جو کہ کبھی پورا ہوا ہے نہ ہوا سکتا ہے. زرگون امان سوشل میڈیا پر کافی ایکٹیو بھی رہتی ہیں اور وہ خود بھی شوبز سے ہی منسلک ہیں‌گو کہ بہت زیادہ کام نہیں‌کررہی ہیں لیکن انہوں نے اپنے والدکی فیلڈ کو نہیں چھوڑا .