Author: +9251

اداکارہ اور ماڈل ثناء نے چند روز قبل اپنے شوہر کے ساتھ علیحدگی کا اعلان ایک سوشل میڈیا پوسٹ کے زریعے کیا.اس کے بعد ہر طرف چہ مگوئیاں شروع ہو گئیں ، اس رشتے کے خاتمے کی وجوہات پر بات ہونے لگی. سوشل میڈیا پر بحث مباحثہ سے تنگ آکرثناء کے شوہر فخر نے لوگوں کو دیا جواب اور کہا کہ ہم نے باعزت طریقے سے علیحدگی کا فیصلہ کیا ہے لیکن بچوں کے لئے ہم ایک دوسرے کے ساتھ رابطہ رکھیں گے. لیکن اب ثناء بھی آگئی ہیں میدان میں. انہوں نے کہا ہے کہ ہم دونوں نے علیحدگی کا فیصلہ سوچ سمجھ کر کیا ہے اور ہم اپنے بچوں سے بہت زیادہ

پیار کرتے ہیں. ہم دونوں نے علیحدگی کا جو فیصلہ کیا ہے اس میں کسی کو بھی دخل اندازی کا حق نہیں ہے.اور کوئی ہماری فکر نہ کرے. یاد رہے کہ ثناء اور فخر کی شادی 14 سال رہی ان دونوں کے دو بچے بھی ہیں. ابھی تک دونوں کی علیحدگی کی وجوہات سامنے نہیں آسکیں. فخر کا کہنا ہے کہ وہ بچوں سے ملتے رہیں گے ، اور بچوں کو اپنے پاس بیرون ملک باہر بلاتے رہیں گے. میں پاکستان میں آئوں گا تو بچوں کے ساتھ رہوں گا تاکہ ان کے ذہن پر برا اثر نہ پڑے. دوسری طرف ثناء اپنے پراجیکٹس میں‌مصروف ہیں.

بالی وڈ کی چلبلی اداکارہ پرینیتی چوپڑا 34 برس کی ہو گئیں ہیں اگرچہ وہ ہائی پروفائل اداکارہ پریانکا چوپڑا کی کزن ہیں لیکن انہوں نے کبھی بھی اسٹارڈم کے احساس کو اپنے عاجزانہ رویہ پر حاوی نہیں ہونے دیا۔ وہ فلم انڈسٹری کی سب سے زیادہ ورسٹائل اداکاراؤں میں سے ایک ہیں. انہوں نے ہسی تو پھنسی، گول مال اگین اور میری پیاری بندو جیسی فلموں میں اپنی اداکاری کے جوہر دکھائے. ان کی خدمات کے اعتراف میں انہیں فلم فیئر اور نیشنل فلم ایوارڈز دئیے جا چکے ہیں. پرینیتی 2013 میں فوربس انڈیا کی 100 مشہور شخصیات کی فہرست میں شامل ہوئیں۔2022 میں پرینیتی چوپڑا نے کلرز ٹی وی پر ریئلٹی شو ہنرباز دیش کی شان کو جج کر کے ٹیلی ویژن کی دنیا میں قدم رکھا۔ پرینیتی چوپڑا

نےمانچسٹر بزنس اسکول سے بزنس، فنانس اور اکنامکس میں ٹرپل آنرز کی ڈگری حاصل کی. پرینتی چوپڑا کا شمار بالی وڈ کی ان اداکارائوں میں ہوتا ہے جنہوں نے شائقین اور ناقدین دونوں سے داد وصول کی. پرینیتی چوپڑا کئی برینڈز کی ایمبیسیڈر بھی ہیں. اداکارہ جہاں بہت اچھی اداکاری کرتی ہیں وہیں وہ بہترین گلوکارہ بھی ہیں انہوں نے گلوکاری کا آغاز میری پیاری بندو سے "مانا کے ہم یار نہیں” سے کیا،انہیں اس گیت کو گانے کے بعد بہت پذیرائی ملی اس کے بعد انہوں نے تیری مٹی سمیت کئی دوسرے گانے گائے ہیں۔اداکارہ 34 سال کی ہونے کا جشن منا رہی ہیں.

ماڈلنگ سے شہرت سیمٹنے والی ایمان علی اب فلم ٹچ بٹن میں نظر آرپہی ہیں . ایمان علی نے ماڈلنگ کے بعد فلموں اور ڈراموں میں کا رخ کیا، یہاں بھی انہیں بےپناہ عزت اور شہرت ملی. ایمان علی کافی عرصے کے بعد کسی پراجیکٹ میں‌نظر آرہی ہیں اور وہ پراجیکٹ ہے فلم ٹچ بٹن. فلم ٹچ بٹن کو اداکارہ عروہ حسین نے پرڈیوس کیا ہے. فلم میں ایمان علی مرکزی کردار ادا کررہی ہیں. ایمان علی اسی فلم کے سلسلے میں آج کل پرموشنز میں مصروف ہیں. ایمان علی نے پرموشن کے دوران ایک سوال کے جواب میں کہا ہے کہ میں کم کم اس لئے نظر آتی ہوں کیونکہ میں‌کم مگر معیاری کام کرنے کو ترجیح دیتی ہوں. ایمان علی نے کہا کہ بہت عرصے کے بعد مجھے ایک ایسی فلم اور پراجیکٹ آفر ہوا تھا جس میں مجھے لگا کہ نہ صرف

کام کرنے کا مارجن ہے بلکہ کردار بھی ہٹ کر ہے. ایمان علی نے کہا کہ میرا کردار سب کو بہت پسند آئیگا. میں نے روٹین سے ہٹ کر کام کرنے کی کوشش کی ہے. ایمان علی نے یہ بھی کہا کہ مجھے خوشی ہے کہ میرے مداحوں نے ہمیشہ مجھے بہت زیادہ محبت دی. چاہے میں نے ماڈلنگ کی یا فلم ڈرامہ ہر پلیٹ فارم پر میرے چاہنے والوں نے میرا ساتھ دیا مجھے بہت زیادہ پیار دیا ان کے پیار کی وجہ سے میرے حوصلے بلند ہوئے اور میں نے بہتر سے بہترین کام کرنے کی کوشش کی .

نوے کی دہائی کی خوبصورت اداکارہ لیلی جو کہ کافی عرصے سے فلموں اور شوبز کی چکا چوند سے دور ہیں. ان کا سوشل میڈیا پر ایک کلپ وائرل ہو رہا ہے جس میں انہوں نے بتایا ہے کہ وہ کس ہیرو کو پسند کرتی تھیں اور کس ہیروئین کی وجہ سے ان کا بریک اپ ہوا. لیلی کہتی ہیں‌کہ میں اداکار احسن خان کو بہت پسند کرتی تھی ہم دونوں کا افئیر بھی چل رہا تھا. ہم نے ایک ساتھ فلموں میں‌کام بھی کیا. لیکن میرا دل نہیں مانتا تھا کہ احسن خان کسی اور ہیروئین کے ساتھ کام کریں . جب ان کو فلمسٹار نرما کے ساتھ کام کرنے کی آفر ہوئی اور انہوں‌نے وہ آفر قبول بھی کر لی تو میں بہت ناراض ہوئی کہ کیوں اس کے ساتھ کام کررہے ہو، اس پر سینئر اداکارہ سنیگیتا بیگم نے مجھے کہا کہ تم دونوں نے آگے بڑھنا ہے یا

نہیں؟‌ ایک دوسرے کو کام کرنے دو اور جو رول جس کے ساتھ ملے کرو. لیکن میرے دل میں بات بیٹھ گئی اور کچھ لوگ بھی ایسی باتیں کرنے لگ گئے کہ نرما اور احسن خان کا افئیر چل رہا ہے تو میں احسن خان سے لڑتی تھی. بس دل میں شکوک و شبہات پیدا ہوئے تو پھر ہمارے درمیان دوریاں بڑھ گئیں اور احسن خان اپنی زندگی جینے لگے اور میں اپنی. لیکن مجھے خوشی ہےکہ جب میرے گھر کا مسئلہ بنا تو دنیا میں احسن خان کی واحد وہ انسان تھا جس نے مجھے کال کرکے ایموشنل سپورٹ دی اور مدد بھی کی .

چھوٹی عمر میں شوبز انڈسٹری میں آنے والی لائبہ خان نے نہایت ہی کم عرصے میں نام بنایا ہے . انہوں نے اپنے حالیہ انٹرویو میں کہا ہے کہ میں حافظ قرآن ہوں . نو سال کی عمر میں ، میں نے قرآن مجید حفظ کر لیا تھا. اور یہ بات میں بہت زیادہ لوگوں کو بتاتی نہیں تھی. انہوں نے کہا کہ فہد مصطفی اور دانش تیمور میرے کرش ہیں. انہوں نے ایک سوال کے جواب میں انہوں نے کہا کہ میں‌ آج تک رینٹ کے گھر میں رہتی ہوں اور میں نے اپنی ماں کو شفٹنگ کے دوران بہت زیادہ پریشان ہوتے دیکھا ہے. ہمارے گھر کی جب میں‌شفٹنگ ہوتے دیکھتی تھی تو بہت پریشان ہوتی تھی میری امی بہت سر کھپاتی تھیں . میرے دل میں یہ سب دیکھ کر خواہش پیدا ہوتی تھی کہ خدایا مجھے اتنے پیسے دے کہ میں اپنی

امی کو ایک گھر بنا کر دوں. اور میں اپنی امی کو گھر بنا کر دوں گی. انہوں نے مزید کہا کہ میں نے تو گھر میں سب کو کہہ رکھا ہے کہ میری شادی کی جب تک بات نہ کریں جب تک کہ میں اپنی امی کو گھر نہ بنا کر دے دوں . میرا یہی ٹارگٹ ہے کہ میں اپنی امی کو گھر بنا کر دوں اسکے لئے کوشش کررہی ہوں. یاد رہے کہ لائبہ خان نیو کمرز میں سے ایک ایسی اداکارہ ہیں‌جنہوں کیرئیر کی شروعات میں ہی نامور لوگوں کے ساتھ کام کیا ہے. ان کی فین فالونگ بھی کافی زیادہ ہے.

اداکار فیروز خان جنکی ذاتی زندگی ہے اچھے خاصے مسائل کا شکار ان کا گھر ٹوٹ چکا ہے ان کی اہلیہ نے ان پر جسمانی تشدد کے الزامات عائد کئے اور ثبوت بھی عدالت نے پیش کر دئیے. دونوں‌کے درمیان طلاق ہو چکی ہے اب بچوں کے ملنے کے معاملے پر عدالت کہہ چکی ہے کہ اداکار اپنے بچوں سے ایک مہینے میں دو بار مل سکتے ہیں‌لیکن اس سے پہلے انہیں اپنا پاسپورٹ عدالت میں جمع کروانا ہوگا. اس ساری صورتحال میں بھی فیروز خان پریشان دکھائی نہیں دئیے ان کے حوصلے بلند ہیں کیونکہ انہوں نے حال ہی میں ایک ٹویٹ کیا ہے جس میں انہوں نے خود

پر تنقید کرنے والوں کو دیا ہے واضح پیغام ، انہوں نے اس ٹویٹ میں‌لکھا ہے کہ میں‌بہت مضبوط ہوں مجھے چلنے کے لئے سہاروں کی ضرورت نہیں ہے میں بہت پر اعتماد ہوں اب مجھے روکا نہیں‌جا سکتا. ایسا لگتا ہےکہ فیروز خان نے یہ ٹویٹ ان کے لئے کیا ہے جن کو لگتا ہے کہ شاید فیروز خان اپنی ذاتی زندگی کے معاملات کی وجہ سے پریشان ہیں اور انہیں‌مزید پریشان کیاجاسکتا ہے. فیرو خان نے ایسا سوچنے والوں‌کو واضح پیغام دے دیا ہے کہ میں بہت مضبوط ہوں لہذا کسی کا کسی قسم کا وار مجھ پہ اثر نہیں‌کر سکتا.فیروز خان کے حمایتی ان کے اس ٹویٹ کو سراہ رہے ہیں کہ جس میں‌انہوں‌نے پیغام دیا ہے کہ میں بہت مضبو ہوں.

الیکشن کمیشن آف پاکستان نے توشہ خانہ ریفرنس میں سابق وزیراعظم عمران خان کو گزشتہ روز نااہل قرار دے دیا۔اس فیصلے کے بعد ان کے حامیوں میں کافی غم و غصہ پایا جاتا ہے ان کا ماننا ہے کہ عمران خان ایک طاقت بن کر ابھر رہے ہیں اسی لئے ان کو نااہل قرار دیکر سیاسی گیم سے باہر کیا جارہا ہے. عمران خان جن کو شوبز کے سٹارز کی بڑے پیمانے پر حمایت حاصل ہے وہ سب اس فیصلے کے بعد کافی پریشان ہیں اداکارہ غنا علی نے کہا کہ جب آپ کسی کا مقابلہ نہیں کر سکتے تو اسکو نااہل کر دیتے ہو اور عمران خان کے ساتھ ایسا ہی ہوا ہے، سینئر اداکارہ ثمینہ

پیرزادہ نے کہا کہ کسی کے آنے اور کسی کے جانے کی قیمت کب تک اور کتنی ادا کرنی ہے ، یہ کیا مذاق ہے؟جبکہ منیب بٹ نے ٹویٹ کیا کہ ” کوئی رہ تو نہیں گیا”، انہوں نے ٹوچہ خانہ اک بہانہ کا ہیش ٹیگ بھی استعمال کیا. یوں عمران خآن کے حامی شوبز ستارے کافی ہیں غصے میں ان کا مطالبہ ہے کہ اس فیصلے کو واپس لیا جائے . منیب بٹ ، ثمینہ پیرزادہ اور غنا علی کے علاوہ بھی شوبز ستارے غصے سے بھری پوسٹیں کررہے ہیں. دوسری طرف جیسے ہی یہ فیصلہ آیا عمران خان کے حامی سڑکوں پر نکل آئے.

گلوکار عاصم اظہر جنہیں بہت پسند کیا جاتا ہے وہ آج کل آسٹریلیا میں‌موجود ہیں ان کی ایک وڈیو وائرل ہورہی ہے جس میں وہ سر پہ ٹوپی پہنے ہوئے اذان دے رہے ہیں. جی ہاں عاصم اظہر نے میلبرن میں جمعہ کی اذان دی اور اذان اتنی خوبصورت طریقے سے دے رہے ہیں کہ سن کر مزہ آجائے. جب وہ اذان دے رہے ہیں ان کے اردگرد کافی سارے مسلمز بھی بیٹھے ہوئے دکھائی دے رہے ہیں. اس وڈیو کو خاص کر عاصم اظہر کے اذان دینے کے عمل کو بہت زیادہ پسند کیا جا رہا ہے . سوشل میڈیا صارفین اس وڈیو پر دلچپسپ تبصرے کررہے ہیں. عاصم اظہر کی گلوکاری کے تو سب دیوانے ہی تھے لیکن انہوں نے ایک غیر ملک میں اذان دیکر سب کو کر لیا ہے اپنا مزید

گرویدہ. یاد رہے کہ عاصم اظہر ہانیہ عامر کے ساتھ دوستی کی وجہ سے کافی خبروں‌ میں رہے ہیں، لیکن جب سے ہانیہ کے ساتھ ان کا رشتہ ختم ہوا ہے وہ خبروں میں نہیں‌ہیں. عاصم اظہر نے ہانیہ کئ بعد میرب نامی ایک آرٹسٹ سے منگنی کی ہے دونوں کا فی خوش دکھائی دیتے ہیں اور ایک دوسرے کےساتھ گھومتے پھرتے بھی پائے جاتے ہیں. میرب نوجوان نسل کی نمائندہ فنکارہ ہیں جنہیں کافی پسند کیا جاتا ہے.