Author: +9251

معروف رائٹر خلیل الرحمان قمر جو ہر وقت خبروں میں رہتے ہیں، وہ جانتے ہیں کہ کیسے خبروں میں‌رہنا ہے شاید اس لئے وہ کچھ نہ کچھ ایسا کہہ دیتے ہیں یا کر دیتے ہیں کہ وہ نہ چاہتے ہوئے بھی سوشل میڈیا پر ٹرینڈ کرنے لگتے ہیں خبروں کی زینت بن جاتے ہیں. خلیل الرحمان قمر نے سوشل میڈیا پر حال ہی میں کی ایک پوسٹ ، پوسٹ میں انہوں نے ایک نوٹ شئیر کیا جس پر لکھا ہوا ہے کہ جہاں دو کلو میٹر پر لائیبریری اور تجربہ گاہ کی بجائے دربار اور مزار ہوں وہاں سائنسدان نہیں بلکہ ملنگ ہی پیدا ہوں گے. اس نوٹ کے کیپشن میں رائٹر نے لکھا ہے کہ میری

قوم کو جس دن یہ بات سمجھ آگئی اس دن ہم اپنی نبی کی بہترین امت بن جائیں گے. خلیل الرحمان قمر کی اس پوسٹ کے نیچے سوشل میڈیا صارفین نے کمنٹس کئے کسی نے ان کی ہاں میں‌ہاں ملائی تو کسی نے تنقید کے رخ کر لئے خلیل الرحمان قمر کی طرف یاد رہے کہ خلیل الرحمان قمر تنقید سے نہیں گھبراتے اور نہ ہی اپنے کہے ہوئے پر کبھی نادم ہوتے ہیں ان کو لگتا ہے کہ وہ جو بھی کہتے ہیں وہ سوچ سمجھ کر کہتے ہیں لہذا انہیں کوئی ٹینشن نہیں کوئی ان کے بارے میں‌کیا سوچتا ہے اور کیا نہیں.

نوے کی دہائی کی پاکستان فلم انڈسٹری کی صف اول کی اداکارہ ریما خان جن کی شادی امریکہ میں ہوئی ہے .شادی کے بعد سے اب تک ریما اپنے شوہر کے ساتھ انہی کے ملک یعنی امریکہ میں‌ رہتی ہیں. ریما پاکستان آتی جاتی رہتی ہیں. ریما کا بیٹا امریکہ میں زیر تعلیم ہے. ریما سوشل میڈیا پر کافی ایکٹیو رہتی ہیں اور وہ کیا کررہی ہیں کیا نہیں اس حوالے سے اپنے مداحوں کو اپ ڈیٹ کرتی رہتی ہیں حال ہی میں انہوں نے اپنی ایک وڈیو سوشل میڈیا پر شئیر کی ہے . جس میں وہ گاڑی چلاتی ہوئی نظر آرہی ہیں . ریما نہایت ہی دلکش لگ رہی ہیں اور گاڑی

چلاتے ہوئے وہ نصرت فتح علیخان کا گیت یہ شام پھر نہیں آئیگی سن رہی ہیں اور ساتھ میں اس گیت کو گنگنا بھی رہی ہیں اور ساتھ میں امریکہ کی سڑکوں کے خوبصورت نظارے بھی دکھا رہی ہیں. ریما خان نے اس وڈیو کے کیپشن میں‌لکھا ہے کہ مسنگ مائی کنٹری. ریما خان ایک محب وطن پاکستانی ہیں اس کا اظہار ان کے عمل سے ہوتا ہے. یاد رہے کہ وہ باہر کے ملک میں‌رہتی ضرور ہیں لیکن ان کا دل پاکستان کے ساتھ دھڑکتا ہے. ریما خان پاکستان میں ہر سال کسی نہ کسی چینل پر رمضان ٹرانسمیشن ضرور کرتی ہیں.

نادیہ افگن کا شمار پاکستان ٹی وی انڈسٹری کے بہترین آرٹسٹوں میں ہوتا ہے. نادیہ سنجیدہ کردار ہوں یا کامیڈی پر کردار کو ایسے نبھاتی ہیں کہ شائقین عش عش کر اٹھتے ہیں. ڈرامہ سیریل سنو چندا میں ان کے کردار کو کون بھول سکتا ہے. ان کے کریڈٹ پر بے شمار ایسے ڈرامے ہیں جو قابل تعریف ہیں. نادیہ افگن کی ایک وڈیو وائرل ہو رہی ہے جس میں وہ کچھ گلے شکو کرتی نظر آرہی ہیں اور گلے شکوے وہ کررہی ہیں ایم ڈی پروڈکشن، ہم ٹی وی کی مارکیٹنگ ٹیم سے. نادیہ اس وڈیو کے شروع میں اپنے مداحوں سے کہہ رہی ہیں کہ آپ سب کا بہت شکریہ کہ میرے

شاہانہ کے کردار کو بہت پسند کیا اور سنو چندا میری وجہ سے دیکھا اور اب کالا ڈوریا بھی دیکھ رہے ہیں. اس کے بعدانہوں نے شکوہ کیا ایم ڈی پروڈکشن اور ہم ٹی وی کی مارکیٹنگ ٹیم سے انہوں نے کہا کہ کالا ڈرویا کی کسی بھی قسط میں میرا کام نظر ہی نہیں آرہا ہے، یہاں تک کہ ڈرامےکے ٹائٹل اور او ایس ٹی میں بھی میری ایک جھلک نہیں ہے. لگتا ہے ہم ٹی وی کو مجھ سے کوئی مسئلہ ہو گیا ہے ویسے مجھ سے اکثر لوگوں کو مسئلہ ہوجاتا ہے. میں اپنی اس وڈیو کو ایم ڈی پروڈکشن ، ہم ٹی وی کی مارکیٹنگ ٹیم ، ڈائریکٹر یاسر نواز اور رائٹر صائمہ چوہدری کو ٹیگ کر دیتی ہوں.

شہروز سبزواری اور صدف کنول کے گھر بچی کی ولادت کے بعد یہ جوڑا بہت زیادہ خبروں میں رہا. صدف کنول نے حال ہی میں ندا یاسر کے مارننگ شو میں شرکت کی اور انہوں نے کی کچھ دل کی باتیں. صدف کنول نے کہا کہ جب سے میں ماں بنی ہوں تب سے میرا دل کرتا ہے کہ میں ساری مائوں کی بہت زیادہ عزت کروں. جب سے میری بیٹی پیدا ہوئی ہے میری فیلنگز ہی کچھ اور ہیں. میں اپنی امی کو اب پہلے سے بھی زیادہ فون کرتی ہوں، ان کو روزانہ فون کرکے پوچھتی ہوں کہ امی آپ ٹھیک ہیں تو وہ کہتی ہیں کہ میں تو ٹھیک ہوں لیکن مجھے روزانہ فون کرنے کی بجائے اپنی اپنی بیٹی زارا کے ساتھ وقت گزارا کرو،ا س انٹرویو میں صدف کے ساتھ ان کی پھوپھو جو کہ

مشہور ایکٹریس ہیں ندا ممتاز وہ بھی موجود تھیں ، صدف نے کہا کہ میری زاراجب پیدا ہوئی تو میں بے ہوش تھی مجھے کچھ نہیں پتہ تھا ، میرے سامنے کہیں میری پھوپھو ندا ممتاز کھڑی تھیں ، میں بے ہوشی کے عالم میں کہہ رہی تھی کہ میرے ابو کھڑے ہیں، میرے ابو کا انتقال ہو چکا ہے اور میری پھوپھو کی شکل میرے ابو سے بہت ملتی ہے. مجھے خود تو نہیں پتہ میں پھوپھو کو ابو کہہ رہی تھی لیکن میرے شوہر شہروز نے بتایا کہ میں بے ہوشی کے عالم میں پھوپھو کو ابو کہہ رہی تھی.

گلوکار و اداکار علی ظفر جو جتنے سنجیدہ دکھائی دیتے ہیں اتنے ہی نٹ کھٹ بھی ہیں. علی سوشل میڈیا پر کافی متحرک رہتے ہیں اور مزے مزے کی وڈیوز اپلوڈ کرتے رہتے ہیں، علی کبھی اپنے کھانے بنانے کی وڈیو اپلوڈ کرتے ہیں تو کبھی شائقین سے براہ راست ًمخاطب ہونے کی وڈیوز مداحوں کی نذر کرتے ہیں. حال ہی میں علی ظفر نے اپنے انسٹاگرام اکائونٹ پر ایک وڈیو اپلوڈ کی ہے جس میں وہ لڑکیوں کی طرح میک اپ لگائے ہوئے ہیں انہوں نے چہرے پر مکل میک اپ کر رکھا ہے اور اس وڈیو میں کہتے نظر آرہے ہیں” پتہ نہیں آج کل لڑکوں کو کیا ہو گیا ہے لڑکیوں کی طرح میک اپ لگا کر ٹک ٹاک پر وڈیو ڈالتے رہتے ہیں، الُو کے … کہہ کر خاموش ہوجاتے ہیں. علی

ظفر کی یہ وڈیو کافی وائرل ہو رہی ہے اور انہیں میک اپ میں پسند کیا جا رہا ہے. علی ظفر چونکہ طنزو مزاح بہت اچھا کر لیتے ہیں اسلئے شائقین ان کی وڈیوز سے کافی محظوظ ہوتے رہتے ہیں. سوشل میڈیا پر علی ظفر کافی پاپولر ہیں اور بہت زیادہ فین فالونگ بھی رکھتے ہیں. یاد رہے کہ علی ظفر نے نہ صرف پاکستان بلکہ اپنی گائیکی اور اداکاری کا لوہا بھارت میں بھی منوایا . بالی وڈ کی نامور شخصیات علی ظفر کے کام کی دیوانی ہیں ان میں رنویر سنگھ کا نام قابل زکر ہے.

فلم ٹچ بٹن جس کی ریلیز چار سال سے تاخیر کا شکار ہے کو آخر کار ریلیز کرنے کا فیصلہ کر لیا گیا ہے فلم 11 نومبر کو سینما گھروں کی زینت بننے جا رہی ہے. اس سلسلے میں فلم کی پرموشنز کا آغاز ہو گیا ہے. گزشتہ روز فلم ٹچ بٹن کا کراچی میں ٹریلر لانچ کیا گیا . ٹریلر میں فرحان سعید اور عروہ حسین دکھائی دئیے. عروہ حسین فلم کی پرڈیوسر ہیں جبکہ فرحان سعید نے فلم میں مرکزی کردار ادا کیا ہے. فرحان کے علاوہ دیگر کاسٹ میں فیروز خان، ایمان علی اور سونیا حسین و دیگر کے نام شامل ہیں.ترکی اور کراچی میں شوٹ ہونے والی اس فلم کا شائقین کو کافی

عرصے سے انتظار تھا. فرحان سعید اور عروہ حسین ٹریلر لانچ کی تقریب میں ایک دوسرے دور دور نظر آئے اور ایکدوسرے نظریں ملاتے نظر نہیں آئے. قاسم علی مرید کی ہدایتکاری میں بنی اس فلم میں ایمان علی کافی عرصے کے بعد دکھائی دے رہی ہیں. ایمان کئی سال سے شوبز کی چکا چوند سے دور نظر آتی ہیں. عروہ حسین جو کہ اس فلم کی پرڈیوسر ہیں انہیں اس فلم سے خاصی توقعات وابستہ ہیں ان کا ماننا ہے کہ فلم تازہ ہوا کا جھونکا ثابت ہوگی، فلم میں ایکشن رومانس کامیڈی پر چیز دیکھنے کو ملے گی.