Author: Aqsa Younas Rana

‎ایران اور امریکا کے درمیان بڑھتی ہوئی کشیدگی کے اثرات عالمی فضائی سفر پر بھی ظاہر ہونا شروع ہو گئے ہیں، ڈچ ایئر لائن کے ایل ایم نے اسرائیل کیلئے اپنی پروازیں معطل کرنے کا اعلان کر دیا ہے۔
‎غیر ملکی میڈیا رپورٹس کے مطابق ایئر لائن کا کہنا ہے کہ یکم مارچ سے اسرائیل جانے والی تمام پروازیں غیر معینہ مدت تک بند رہیں گی۔ کمپنی نے فیصلے کی وجہ خطے میں سیکیورٹی خدشات اور غیر یقینی صورتحال کو قرار دیا ہے۔
‎ادھر مشرق وسطیٰ میں کشیدگی مزید بڑھ گئی ہے، امریکا کی جانب سے جدید F-22 Raptor طیاروں کے مزید دستے خطے میں تعینات کیے گئے ہیں، جسے مبصرین طاقت کے اظہار کے طور پر دیکھ رہے ہیں۔
‎ایران کے وزیر خارجہ عباس عراقچی نے کہا ہے کہ امریکا نے ایران کے گرد بڑی فوجی موجودگی قائم کر رکھی ہے اور دباؤ ڈال کر ہتھیار ڈالنے پر مجبور کرنا چاہتا ہے، تاہم تہران اس دباؤ کو قبول نہیں کرے گا۔
‎بھارتی میڈیا کو دیے گئے ایک انٹرویو میں ایرانی وزیر خارجہ کا کہنا تھا کہ ماضی میں اسرائیلی حملوں کے باوجود ایران نے پسپائی اختیار نہیں کی، اور اگر دوبارہ دباؤ ڈالنے کی کوشش کی گئی تو اس کا بھی مقابلہ کیا جائے گا۔
‎علاقائی تجزیہ کاروں کے مطابق بڑھتی ہوئی فوجی سرگرمیوں اور سخت بیانات کے باعث مشرق وسطیٰ میں کشیدگی کم ہونے کے بجائے مزید شدت اختیار کرتی دکھائی دے رہی ہے، جس کے اثرات سفارتی اور تجارتی سرگرمیوں پر بھی پڑ سکتے ہیں۔

‎صحافت کو جمہوریت کا چوتھا ستون کہا جاتا ہے، لیکن جب یہی ستون حقائق کو مسخ کرنے لگے تو اس پر اعتبار کرنا مشکل ہو جاتا ہے۔ حال ہی میں سکائی نیوز (Sky News) کی جانب سے جاری کردہ ایک رپورٹ نے دنیا بھر کے تجزیہ کاروں اور مبصرین کو حیرت میں ڈال دیا ہے۔
سکائی نیوز اور ان کی اینکر یلدا حکیم نے ایک ایسی خبر نشر کی جس میں دعویٰ کیا گیا کہ افغانستان کی عسکری قیادت پاکستان کے اندر فضائی حملے کر رہی ہے۔ یہ خبر نہ صرف عسکری حقائق کے برعکس ہے بلکہ منطقی اعتبار سے بھی مضحکہ خیز ہے۔ سینیئر صحافی مبشر لقمان نے اس رپورٹ کو سرے سے "جھوٹا اور من گھڑت” قرار دیتے ہوئے اس کی شدید مذمت کی ہے۔ ان کا سوال بالکل جائز ہے: کیا یہ اینکرز سچائی پر مبنی خبریں دے رہے ہیں یا کسی خاص قسم کے نشے میں دھت ہو کر من مانی رپورٹنگ کر رہے ہیں؟
‎مبشر لقمان نے اس رپورٹنگ کے پیچھے یلدا حکیم کے ماضی اور ان کی ذاتی وابستگیوں پر بھی سخت سوالات اٹھائے ہیں۔ ان کا کہنا ہے کہ یہ وہی پاکستان ہے جس نے یلدا حکیم اور ان کے خاندان کو برسوں پناہ دی، انہیں تعلیم دلوائی، اور ان کی پرورش میں اہم کردار ادا کیا۔

مبشر لقمان کے مطابق، کچھ لوگ اس ملک کا نمک کھا کر اسی کے خلاف زہر اگلتے ہیں جس نے انہیں پناہ دی۔ ان کا ماننا ہے کہ یہ رویہ صرف ایک فرد کا نہیں بلکہ ایک سوچ کا عکاس ہے جو اپنے محسنوں کو بھلانے اور ان کے خلاف سازش کرنے میں عار محسوس نہیں کرتی۔پیشہ ورانہ غیر جانبداری: جب ایک صحافی اپنی ذاتی رنجشوں یا تعصبات کو اپنی پیشہ ورانہ ذمہ داریوں پر حاوی کر لیتا ہے، تو وہ حقائق کو توڑ مروڑ کر پیش کرنے پر اتر آتا ہے۔ سکائی نیوز کی یہ رپورٹ اسی اخلاقی پستی کی ایک مثال ہے۔
‎سب سے زیادہ قابلِ اعتراض اور مزاحیہ پہلو اس رپورٹ کا یہ ہے کہ اس میں "افغان فضائیہ” کے پاکستان پر حملوں کی بات کی گئی ہے۔ عسکری امور پر معمولی سمجھ بوجھ رکھنے والا شخص بھی جانتا ہے کہ یہ دعویٰ کتنا بے بنیاد ہے۔افغانستان کے پاس کون سی ایئر فورس ہے؟ سکائی نیوز اس کا جواب نہیں دے سکتا

سیکیورٹی ذرائع کے مطابق بلا اشتعال افغان جارحیت کا پاکستان کی سیکیورٹی فورسز پوری طاقت سے منہ توڑ جواب دے رہی ہیں،
پاک-افغان سرحد پر افغان طالبان نے متعدد مقامات پر بلا اشتعال فائرنگ کا آغاز کیا، جس کے فوری جواب میں پاکستانی سیکیورٹی فورسز نے بھرپور اور مؤثر کارروائی کی۔ پاکستانی سیکیورٹی فورسز کی جوابی کارروائی سے اخوان طالبان کے ٹھکانے تباہ اور خوارج بھاگ کھڑے ہوئے،
چترال سیکٹر میں پاکستانی فورسز نے افغان طالبان کی چیک پوسٹ کو نہایت درستگی سے نشانہ بنایا اور مکمل طور پر تباہ کر دیا۔ افغان طالبان نے پاک-افغان سرحد کے مختلف مقامات پر فائرنگ کی،
جوابی کارروائی باجوڑ کے ناوگئی سیکٹر، تیراہ خیبر، ضلع مومند اور ارندو سیکٹر چترال میں کی گئی، جہاں فورسز نے دشمن کو پسپا کر دیا۔ پاکستان کی سیکیورٹی فورسز نے جواب میں ناوگئی سیکٹر باجوڑ، تیراہ خیبر، ضلع مہمند اور ارندو سیکٹر چترال بھرپور جواب دیا،
خاص طور پر باجوڑ میں پاکستانی فورسز نے افغان کی دو چوکیاں تباہ کر دیں، جس سے طالبان کو بھاری نقصان پہنچا۔ سیکیورٹی فورسز نے باجوڑ میں افغان کی 2 چوکیاں تباہ کر دیں۔
افغان حکومت نے پاک،افغان سرحد کے مختلف مقامات پر فائرنگ کی، جس کے جواب میں درج ذیل سیکٹرز میں بھرپور اور سخت کارروائی کی گئی:

🔺 باجوڑ — ناوگئی سیکٹر
🔺 خیبر — تیراہ
🔺 ضلع مہمند
🔺 چترال — ارندو سیکٹر

▪️ باجوڑ میں افغان کی 2 چوکیاں تباہ کر دی گئیں
🔺 خیبر میں 5 افغان ہلاک کیے گئے

‎امریکی ریاست نبراسکا کے شہر اوماہا میں چلتی ٹریفک کے دوران سڑک اچانک دھنس گئی، جس کے نتیجے میں سگنل پر کھڑی دو گاڑیاں گڑھے میں جا گریں۔ خوش قسمتی سے دونوں ڈرائیور محفوظ رہے۔
‎پولیس کے مطابق واقعہ اس وقت پیش آیا جب ایک سرخ جیپ ایس یو وی اور ایک پک اپ ٹرک ٹریفک سگنل پر رکے ہوئے تھے کہ اچانک ان کے نیچے زمین بیٹھ گئی اور چند لمحوں میں گہرا گڑھا بن گیا جس نے دونوں گاڑیوں کو اپنی لپیٹ میں لے لیا۔
‎اوماہا پولیس کے لیفٹیننٹ ڈین مارٹن نے کہا کہ یہ واقعہ انتہائی غیر متوقع تھا اور وہاں موجود افراد کے لیے حیران کن ثابت ہوا۔
‎ریسکیو اہلکاروں کے پہنچنے سے پہلے ہی دونوں ڈرائیور اپنی مدد آپ کے تحت گاڑیوں سے نکل کر محفوظ مقام پر پہنچ گئے۔ پولیس کے مطابق کسی بھی شخص کے زخمی ہونے کی اطلاع نہیں ملی۔
‎واقعے کے بعد حکام نے احتیاطی طور پر شاہراہ کو بند کر دیا ہے اور مرمتی کام مکمل ہونے تک سڑک کئی روز تک بند رہنے کا امکان ہے۔

‎برازیل کی ریاست پارانا کے شہر کسکیول میں ایک شخص پر کتوں نے جان لیوا حملہ کیا تاہم غیر متوقع طور پر جیب میں موجود فون دھماکے سے پھٹنے سے وہ کتے کے کاٹنے سے محفوظ رہا۔

رینالڈو، جو ایک کار مکینک ہے، پیدل جا رہا تھا کہ اچانک اس پر دو بڑے کتوں نے گھیر کر حملہ کردیا۔ اس نے اپنی جان بچانے کی کوشش شروع کر دی۔ رینالڈو کے مطابق حملہ آور کتوں میں سے ایک گلے کی طرف لپکا، میں نے اسے مارا، لیکن پھر اس نے میری ٹانگ کاٹنے کی کوشش کی اور میری جیب میں موجود فون کو ہی پکڑ لیا اور اس کی بیٹری پھٹ گئی۔

گو کہ یہ خطرناک تھا، لیکن اس نے مجھے بچا لیا۔ فون صرف 20 دن پرانا تھا، مگر اس سے جان بچ گئی تاہم اس سے اس کی ہاف پینٹ جل گئیں اور ٹانگ پر جلنے کے زخم بھی آئے، لیکن حملہ آور کتے گھبرا گئے۔

رینالڈو نے پولیس کو فون کیا اور ان کتوں کے مالک نے اس سے معافی مانگنے کے علاوہ طبی اخراجات اور پھٹنے والے اسمارٹ فون کی قیمت ادا کرنے کی یقین دہانی کرائی جس کی وجہ سے رینالڈو نے اس کے خلاف مقدمہ درج نہیں کرایا۔