Author: Aqsa Younas Rana

مارچ 2026 میں دنیا کو ایک نادر فلکیاتی تحفہ ملے گا سال کا پہلا اور واحد مکمل چاند گرہن، جسے "بلڈ مون” بھی کہا جاتا ہے۔ اس دوران چاند سرخ رنگ میں ڈوب جائے گا۔
تفصیلات کے مطابق، یہ گرہن 3 مارچ کو ہوگا۔ ناسا کے مطابق، چاند کا پورا ڈسک تقریباً 12 منٹ تک گہرے سرخ رنگ کا ہو جائے گا، جو دیکھنے والوں کے لیے یادگار منظر پیش کرے گا۔ یہ 2026 کا سب سے بڑا آسمانی مظاہرہ ہوگا اور اسے ننگے آنکھوں سے، بغیر کسی آلے کے، مکمل محفوظ دیکھا جا سکتا ہے۔
‎کہاں اور کیسے دیکھیں؟
مکمل نظارہ: شمالی اور وسطی امریکہ، مشرقی ایشیا، آسٹریلیا، اور پیسفک کے کچھ علاقوں میں۔
جزوی نظارہ: وسطی ایشیا اور جنوبی امریکہ کے کئی حصوں میں۔
نظر نہیں آئے گا: افریقہ اور یورپ میں۔
یہ گرہن 2028 تک دوبارہ نہیں آئے گا، اور زمین پر صرف تقریباً 2 فیصد لوگ اسے شروع سے آخر تک دیکھ سکیں گے۔ ناسا کی ہدایت ہے: صاف آسمان والے کھلے مقام پر جائیں، اونچائی سے دیکھیں آنکھوں کی کوئی خاص حفاظت کی ضرورت نہیں۔

دماغ کی رگ پھٹنا جسے انگریزی میں Brain Hemorrhage (برین ہیمرج) کہتے ہیں، یہ ایک ایسا خاموش حملہ ہے جس کی علامات ظاہر ہوتے ہی ابتدائی اقدامات کرلیے جائیں تو مریض کی جان کافی حد تک بچائی جاسکتی ہے۔ دماغ کی خون کی نالی میں پیدا ہونے والے غبارے جیسے ابھار کو طبی اصطلاح میں برین اینیوریزم کہا جاتا ہے۔

ماہرین کے مطابق جب دماغ کی کسی شریان کی دیوار کمزور ہو جائے تو وہاں خون جمع ہو کر اسے غبارے کی طرح پھلا دیتا ہے۔ اگر یہ ابھار پھٹ جائے تو دماغ میں خون رسنے لگتا ہے جسے ہیموریجک اسٹروک کہا جاتا ہے، اور یہ صورت حال جان لیوا ثابت ہو سکتی ہے۔

برین ہیمرج کی ممکنہ وجوہات میں بلند فشارِ خون، سگریٹ نوشی، خاندانی تاریخ، سر پر چوٹ، خون کی شریانوں کی پیدائشی کمزوری سمیت ابتدائی اور انتباہی علامات شامل ہیں۔

ماہرین کا کہنا ہے کہ برین ہیمرج سے متعلق درج ذیل علامات کو ہرگز معمولی نہ سمجھیں:
– اچانک اور شدید سر درد
– متلی اور الٹی
– گردن میں اکڑن یا درد
– روشنی سے حساسیت
– اچانک مرگی کا دورہ پڑنا
– پلکوں کا جھک جانا یا چہرے زخم یا چہرے کے کسی ایک حصے میں کمزوری
– اچانک بے ہوشی
– بولنے یا سمجھنے میں دشواری
– چکر آنا یا چلنے میں توازن کا مسئلہ
– آنکھ کے پیچھے درد
– بینائی دھندلا جانا یا دوہرا نظر آنا
– شخصیت یا رویے میں اچانک تبدیلی محسوس کرنا

ایران کے سپریم لیڈر آیت اللہ خامنہ ای نے شہادت کے لیے تیار رہنے کا اعلان کرتے ہوئے اپنے جانشین کا نام نامزد کر دیا ہے اور اختیارات کی تقسیم کے اقدامات کر لیے ہیں۔ خامنہ ای نے جانشینی اور اختیارات کی تقسیم سے متعلق اقدامات کر لیے ہیں اور جانشینوں کی فہرست تیار کر لی ہے۔ ایران نے امریکا کے دباؤ کے آگے نہ جھکنے کا اعلان کیا ہے۔
امریکا اور ایران کے درمیان جنگ کے خدشات مزید بڑھ گئے ہیں، لڑاکا طیاروں سے بھرا دوسرا امریکی بحری بیڑا جیرالڈ فورڈ بحیرہ روم میں داخل ہوگیا ہے۔ ایرانی صدر مسعود پزشکیان کا کہنا ہے کہ عالمی طاقتیں ایران کو جھکنے پر مجبور کرنے کے لیے صف بندی کر رہی ہیں، لیکن ایران اس دباؤ کے سامنے سر نہیں جھکائے گا۔
اقوام متحدہ نے ایران امریکا کشیدگی پر تشویش کا اظہار کیا ہے اور کہا ہے کہ تنازعات کے حل کے لیے سفارت کاری کو ترجیح دی جائے۔ ایران نے گذشتہ روز اقوام متحدہ کو خط لکھا تھا کہ ایران کسی بھی جارحیت کی صورت میں دفاع کا حق استعمال کرے گا اور اس کے نتائج کی ذمے داری امریکا پر ہوگی۔


امریکا کے شمال مشرقی علاقوں میں شدید برفانی طوفان کے پیشِ نظر الرٹ جاری کر دیا گیا ہے۔
امریکی محکمہ موسمیات کا کہنا ہے کہ یہ طوفان مشرقی ساحل کے قریب پہنچ کر ایک خطرناک "بم سائیکلون” کی شکل اختیار کر سکتا ہے۔ حکام کے مطابق طوفان کے دوران 70 میل فی گھنٹہ کی رفتار سے یخ بستہ ہوائیں چلنے کا امکان ہے، جبکہ بوسٹن، نیویارک اور اٹلانٹک سٹی سمیت متعدد شہروں میں دو فٹ تک برفباری ہو سکتی ہے۔
‎شدید برفباری اور تیز ہواؤں کے باعث بجلی کی فراہمی میں تعطل اور مواصلاتی نظام درہم برہم ہونے کا خدشہ ظاہر کیا گیا ہے۔ صورتحال کے پیشِ نظر انتظامیہ نے شہریوں کو گھروں میں رہنے اور غیر ضروری سفر سے گریز کرنے کی ہدایت جاری کی ہے۔
‎مزید برآں، بوسٹن اور قریبی علاقوں میں ایمرجنسی نافذ کرنے پر غور کیا جا رہا ہے تاکہ برف ہٹانے والی مشینوں کے لیے راستہ صاف رکھا جا سکے اور امدادی سرگرمیوں میں سہولت فراہم ہو۔