Author: Baaghi TV

گلگت بلتستان جسے 2009 سے قبل شمالی علاقہ جات یا ناردرن ایریاز کہااور لکھا جاتا تھا کو گورننس آرڈر 2009 کے نفاذ کے بعد گلگت بلتستان کے نام سے موسوم کیا گیا بنیادی طور پر یہ خطہ تنازعہ کشمیر کا اہم حصہ اور مسلہٕ کشمیر کا اہم فریق ہے 1947سے قبل گلگت بلتستان ریاست جموں وکشمیر کا حصہ تھا یہ خطہ مسلہٕ کشمیر سے منسلک ہونے کی وجہ سے براہ راست آٸین پاکستانيوں کا حصہ نہیں بن پایا ہے 1949 میں وفاقی حکومت نےمعاہدہ کراچی کی روشنی میں اس علاقے کا انتظام وانصرام براہ راست وفاقی حکومت نے اپنے ہاتھوں میں لیا اور وفاقی حکومت نے 1971 تک اس خطے کو ایف سی آر کے قوانين کے تحت ریگولیٹ کرکے چلایا 1971 میں زولفقار علی بٹھو شہید کی سربراہی میں اس وقت کی پیپلز پارٹی کی حکومت نے ان علاقوں سےپہلی بار ایف سی آر کے کالے قوانین کا خاتمہ کرکے ابتدائی سیاسی اصلاحات نافذ کیٸں اور جمہوری اداروں کا قیام عمل میں لایا جاگیرداری نظام کا خاتمہ کرکے اس پسماندہ خطے کے باسیوں کو پہلی بار سیاسی بنیادوں پر ایمپاور کرنے کی طرف سفر کا آغاز کیاگیا اور اس خطے کی پسماندگی کو مدنظر رکھتے ہوٸے گندم سمیت دیگر بنیادی اشیإ پر سبسڈی کا آغاز کیا 1971 سے لے تادم تحریر اس حطے کو مختلف انتظامی اصلاحاتی پیکجز کے زریعے وزارت امور کشمیر و گلگت بلتستان کے تحت چلایا جارہا ہے اگرچہ 2009 میں سابقہ پیپلز پارٹی کی حکومت نےایک صدارتی حکم نامہ گورننس آرڈر 2009 کے زریعے پہلی بار اس خطے کو انتظامی طور پر صوبے کا درجہ دیا اور علاقے کو اس کے پرانے نام گلگت بلتستان سے موسوم کیااور گلگت بلتستان اسمبلی اور کونسل کے ادارے کا قیام عمل میں لایا گیا لیکن اس کے واضح آٸینی تشخص کا سوال معمہ ہی بنا رہا بعد ازاں مسلم لیگ ن کی حکومت میں سرتاج عزیز کی سربراہی میں قاٸم کمیٹی کی سفارشات کی روشنی میں گورننس آرڈر 2018 گلگت بلتستان نافذ کیاگیا جس پر عوامی حلقوں نےشدید ردعمل دیا اورشدید عوامی احتجاج اور سپریم کورٹ آف پاکستان کے حکم کے تناظر میں گلگت بلتستان کے آٸینی تشخص پروفاقی سطح پر کام کو مزید بہتری کے لیےجاری رکھا گیا اب اس حوالے سے خوش آٸند خبریں آرہی ہیں کہ گلگت بلتستان کو عبوری طور پر صوبہ بنانے کے لیے وفاقی وزیرقانون کی سربراہی میں جو کام ہورہاتھا اس پر مبنی ایک ڈرافٹ وزیراعظم کو پیش کردیا گیا ہے جس پر تمام سٹیک ہولڈرز کی مشاورت اور افہام و تفہيم کے بعد قومی اسمبلی میں پیش کاجاٸے گا اور اس خطے کو آٸین پاکستانيوں میں ترمیم کرکے زراٸع کے مطابق عبوری طور پر صوبے کا درجہ دینے پر مقتدر حلقوں میں غور ہورہا ہے جو کہ خوش آٸند ہے عبوری طور پر صوبے کا درجہ ملنے کے بعد اس خطے کو قومی اسمبلی وسینٹ میں نماٸندگی حاصل ہوگی اوراس طرح تاریخ میں پہلی بارشاید گلگت بلتستان کے عوام کی بھی ان ایوانوں میں آواز سنائی دے گی گلگت بلتستان بار کونسل نے بھی اپنے ایک قرارداد کے زریعے وفاقی حکومت سے مطالبہ کیا ہے کہ خطے کی پسماندگی اور دورآفتادگی کو مدنظر رکھتے ہوئے قومی اسمبلی میں کم از کم نو نشستيں اور سینٹ آف پاکستانيوں میں دیگر صوبوں کے برابر نماٸندگی دی جاٸے اور سپریم کورٹ آف پاکستان کا داٸرہ کار گلگت بلتستان تک بڑھاکر یہاں پر سپریم کورٹ کا رجسٹری بینچ قاٸم کیا جاۓ ضرورت اس امر کی ہے کہ گلگت بلتستان کے عوام کے خواہشات اور مطالبات پر توجہ دیتے ہوئے گلگت بلتستان کے آیٸنی تشخص کے مسائل کو حل نکالا جاۓ اور گلگت بلتستان کے عوام کا بھی یہ دیرینہ مطالبہ رہا ہے کہ گلگت بلتستان کے عوام کو صوبائی طرز پر دیگر صوبوں کی طرح کا نظام دیکر باقاعدہ آٸین پاکستان میں عبوری طور پر ترمیم کرکے تا تصفیہ مسلہ کشمیر آٸینی تحفظ فراہم کیا جاٸے اور قومی اسمبلی و سینٹ سمیت تمام قومی اداروں میں دیگر صوبوں کے طرز پرنماٸندگی دی جاٸے اگر مسلہٕ کشمیر کی وجہ سے کوٸی رکاوٹ و پیچیدگی درپیش ہے تو آزاد کشمیر طرز کا سیٹ اپ قاٸم کرکے اس خطے کی عوام میں پاٸی جانے والی بے چینی و احساس محرومی کا خاتمہ کیا جاسکتا ہے
Twitter Handle @Srufaq.

آزادی کالفظ سنتےہی ذہنی وجسمانی گرہیں کھل جاتی ہیں اوراپنےدل کی مرضی کاچلن محسوس ہوتاہے۔دنیامیں وقتًافوقتًاقومیں آزادی کی نعمت سےمشرف ہوتی رہیں۔اِن گروہوں کےآزادی کےمطالبات کی اساس میں اختلاف پایاجاتاہے۔کئی اقوام نےنسل پرستی کےتحت آزادحیثیت کامطالبہ کیاتو کئی اقوام نےمشترکہ زبان کوبنیادبناکرعلیحدگی اختیارکی۔قصہ کوتاہ،جس گروہ نےکچھ مماثلت دیکھی،اُسی مماثلت کی بنیادپرآزادی حاصل کرلی۔ان آزادہونےوالی ریاستوں نےاپنی خودمختاری کی خاطرطویل جدوجہدکی جس میں جانی ومالی نقصان بھی ہوا۔مملکتِ خداداد پاکستان نے14اگست1947 کوفرنگیوں اورہندوؤں کےگٹھ جوڑکےنتیجےمیں جاری استحصال سےخلاصی پائی۔پاکستان کی آزادی اوردیگرممالک کی آزادی کی بنیادمیں کلی طورپرفرق ہے۔پاکستان خالصتًادین اسلام کی بنیادپرحاصل کیاگیا۔جس کےقیام کامقصدبیان کرتےہوئےقائداعظم رحمتہ اللہ علیہ نےفرمایا
٭ہم پاکستان کوایسی تجربہ گاہ بناناچاہتےہیں جہاں اسلام کےاصولوں کوآزماسکیں٭
پاکستان مذہب کی بنیادپرآزادی کی نعمت سےسرفرازہونےوالی اولین ریاست ہے۔جس کادستور "لاالہ الااللہ”کےمقدس نظریےسےماخوذہے۔یہ فطرتی امرہےکہ جس دن قوموں کوآزادی نصیب ہو،قومیں اس دن کومخصوص کرلیتی ہیں۔تاکہ آزادی جیسی نعمت کااحساس اجاگررہے۔ہرقوم اپنےمخصوص اندازمیں اپنایومِ آزادی مناتی ہے۔قومیں جس اندازمیں آزادی کاجشن مناتی ہیں،وہ خاص اندازاس قوم کی تہذیب وثقافت کی عکاسی کرتاہے۔عوامِ پاکستان بھی ہرسال چودہ اگست کوجذبہٓ حب الوطنی کےتحت نہایت جوش وخروش سےاپنےوالہانہ جذبات کااظہارکرتی ہے۔اس جشنِ آزادی کےدوران کئی ایسےکام ہوتےدکھائی دیتےہیں جوآزادقوم کاشیوہ نہیں۔چوک چوراہوں پرکھڑےہوکرباجےبجانااوربےہنگم آوازوں سےآسمان سرپہ اٹھالیناقطعًاجشنِ آزادی میں سےنہیں۔روڈ پرموٹرسائیکلوں کی ون ویلنگ اورراہگیروں سےاستہزا آزادقوم کاآئینہ دارنہیں۔یہ غیرمرتب ہنگامےآزادقوم کاشعارتونہیں البتہ ذہنی غلامی کاپتہ ضروردیتےہیں۔اگرکسی کےنزدیک جشنِ آزادی کایہ گٹھیااندازمعیارِآزادی ہےتووہ آزادی جسمانی توہوسکتی ہےمگرفکری غلامی وپستی کےسواکچھ بھی نہیں۔جشنِ آزادی تویہ ہےکہ قومی مفادکوذاتی مفادپرترجیح دی جائے۔عزمِ مصمم کیاجائےکہ پاکستان کی تعمیروترقی کےلیےاپنی تمام ترقوتیں صرف کردیں گے۔پاکستان کودرپیش مسائل کےتدارک کےلیےشانہ بشانہ کھڑےرہیں گے۔پاکستان سےماحولیاتی آلودگی کےخاتمےکےلیےصفائی مہم کاآغازکیاجائےتاکہ جشنِ آزادی منانامجموعی طورپرملک وملت کے لیےسودمندثابت ہو۔یومِ جشن آزادی وطن سےعہدِوفاکی تجدیدکادن ہے۔جشنِ آزادی قوم کی خوشحالی میں حائل رکاوٹوں کوختم کرنےکاذریعہ ہے۔مگرہمارےہاں عجیب رجحان زورپکڑگیا ہےکہ لوگ شورشرابے،بےہنگم آوازیں بلندکرنا،تیزرفتارموٹرسائیکلوں پرون ویلنگ کرناجشنِ آزادی خیال کرتے ہیں۔افسوس تواس امرپہ ہےکہ ان سارے خلافِ اقدارکاموں میں نوجوان نسل سرِفہرست ہے۔اگرکسی قوم کاقیمتی اثاثہ ہی لوازماتِ جشنِ آزادی سےبےخبرہوتواس قوم کےپائیدارمستقبل کی امیدعبث ہے۔
بقول قلندرِلاہوری اقبال رحمتہ اللہ علیہ
– [ ] ؔ فطرت افرادسےاغماض بھی کرلیتی ہے
– [ ] کبھی کرتی نہیں ملت کے گناہوں کومعاف
لہذا حب الوطنی کےحقیقی جذبےکےتحت عہدکریں کہ جشنِ آزادی کوصحیح معنوں میں منائیں گے۔سبزہلالی پرچم کی بےحرمتی اوروطن کےتقدس کی پامالی کوروکیں گے۔وطنِ عزیزپاکستان کی تعمیروترقی کےلیےاپناتن،من،دھن واردیں گے۔
ؔ کئی موجیں امڈتی ہیں توپھرطوفان بنتا ہے
مرےلوگوبڑی مشکل سےپاکستان بنتا ہے

twitter handle @iamshabanakbar

آٹے کی لیٹ بلا وجہ بنا کر آپ رزق کو ضائع کیے جارہے ہو امی جی نے ڈانٹتے ہوئے کہا،
14 اگست قریب تھی جوش و خروش جذبہ جنون وطن کی محبت انگ انگ میں کوٹ کوٹ کر اجنبی طریقے سے ظاہری طور پر خون میں دوڑ رہی تھی
قسم اٹھائی ہوئی تھی کہ تب تک آسمان کی طرف نہیں دیکھنا جب تک ہم ہر جگہ سبز جھنڈیوں سے گھر کو سبز نہ کردیں
امی جی کی آواز ٹپکتی ہوئی میرے کانوں میں پڑی
ہم سبز جھنڈیوں کو دھاگے کی دھار کے اوپر تیزی سے سیدھا کررہے تھے تاکہ
آٹے کی لیٹ کو جھنڈی کے پیچھے والے حصے پر لگاتے ہوئے میرے منہ سے بے ساختہ اور تیزی سے یہ جملے نکلے کہ
امی جی ہم ہر حال میں جھنڈیاں لگا کر رہیں گے

امی جی نے میرے منہ سے یہ الفاظ سنتے ہی گہری سانس لی اور میرے کاندھے پر تھپکی دیتے ہوئے
مٔجھے کان سے پکڑ کر اٹھایا اور اپنے ساتھ بیٹھا کر پوچھا کہ آپ کو پتہ ہے اس دن کیا ہوا تھا؟

میں سوچ میں ڈوبا ہوا گم سٔم تِرچھی نگاہوں سے امی جی کی طرف دیکھ رہا تھا
میرے بولنے سے پہلے ہی امی جی بول پڑی کہتی بیٹا میں بتاتی ہوں آپ اس روز جھنڈیاں کیوں لگاتے ہیں آپ اس دن کو جوش وجذبے کے ساتھ کیوں مناتے ہیں

بیٹا!!!
اس دن ہمارا پیارا وطن آزاد ہوا تھا اس دن کو حاصل کرنے کے لیے ہمارے بچوں ہماری بہنوں ہماری بیٹیوں ہمارے بزرگوں تک نے قربانیاں دی تمہیں جھنڈیاں لگانے سے پہلے اس دن کی اہیمت اور قیمت کا پتہ ہونا چاہیے تاکہ تم پہلے سے بڑھ چڑھ کر جوش و خروش سے کو جھنڈیاں لگا سکو

ہمارے آباؤاجداد نے ایک الگ وطن ایک الگ تشخص کے لیے قربانیاں دی ہمارے وطن کو حاصل کرنے کے لیے دن رات کوششیں کی گئی ہزاروں جانیں گنوا کر اس وطن کی عظمت و شان کے لیے بے دریخ قربانیاں دے کر اس وطن کو حاصل کیا گیا
الگ ملت الگ قوم الگ پہچان کے لیے جو ہمارے بزرگوں نے خواب دیکھے تھے وہ 14 اگست کو پورے ہوئے
ہمارے قائد اعظم محمد علی جناح رح نے اس روز اپنے خوابوں اپنے خیالوں اپنے احساسات اپنے جذبوں کی تعبیر حاصل کی

ہمارے بہتر مستقبل کے لیے ہمارے متبادل ملک کے اسی روز ہماری کوششیں رنگ لائیں ہم غلامی کی زندگی بسر کررہے تھے
اسی روز ہمیں ہمارے قائدین نے غلامی کی زندگی سے ہمیں آزاد کیا اسی روز ہمیں سٔکھ چین سکون کا سانس ملا
اسی روز ہمیں اتحاد و اتفاق کا سبق دیا گیا اسی روز ہمیں مذہبی آزادی ملی جی ہاں 14 اگست وہ دن تھا اسی روز کے لیے شاعر مشرق علامہ محمد اقبال رحمۃ اللّٰہ نے جو خواب دیکھا تھا اسکو عملی جامہ قائد اعظم محمد علی جناح نے پہنایا 14 اگست 1947 وہ یادگار دن تھا جب ہمیں ایک الگ آزاد ملک پاکستان ملا یہی وہ وجہ ہے اس دن ہم اپنی آزادی اور اپنی کامیابی کا دن مناتے ہیں اس روز ہم اپنے خوشی کو یاد کرتے ہوئے جھنڈیاں لگاتے ہیں اپنے محسنوں کو یاد کرتے ہیں

میں بڑے انہماک اور توجہ کے ساتھ امی جی کی باتیں سن رہا تھا اتنے میں آواز آئی کہ آٹے کی لیٹ ضائع ہو چکی ہے نئ لیٹ بنانے کے لیے مزید آٹا درکار ہے تب امی جی نے خد لیٹ بنا کردی اور ہم نے دوبارہ جھنڈیاں لگانی شروع کردی

پاکستان زندہ باد
@Talha0fficial1

آج کی میری اس تحریر کا مقصد یوم آزادی
آزادی ایک نعمت ہے اس کی قدر ان کو ہی ہوتی ہے جن نے کچھ کھویا ہوتا ہے اس کے لیے یا جن کے پاس یہ نعمت نہی ہوتی
14 اگست 1947 کا دن ہمارے لئیے اس لئیے اہم ہے کیونکہ اس دن برصغیر پاک و ہند میں مسلمونوں کی طرف سے آزاد وطن کی خاطر چلائی جانے والی تحریک آزادی پروان چڑھی اور انہی کی کاوشوں اور قربانیوں کی بدولت ہمیں پیارا ملک پاکستان ملا آزادی ایک نعمت ہے اور آزادی کی اہمیت پوچھئیے کشمیر والوں سے جنہیں اپنے نوجوان زبحہ کرواتے اور اپنی عزتیں اپنی آنکھوں کےسامنے پامال ہوتے ہوئے دیکھتے انہیں نصف صدی سے اوپر گزر گئے ہیں آزادی کی نعمت پوچھئیے فلسطین والوں سے جہاں پر ظلم و بر بریت کی زندہ مثال قائم کی جارہی فلسطین کی آبادی کی بستیاں مسمار کر کے یہودیوں کو بسایا جا رہا ہے جہاں پر کلاشنکوفوں کے سایہ کے نیچے وہ اپنی مزہبی فرائض ادا کرتے ہیں آزادی کی نعمت پوچھئیے
14 اگست کا دن ایک خاص اہمیت کا حامل اور حب وطنی کا جذبے بھرپور ایک خاص دن ہوتا ہے ایک ایسا دن جس کا بچوں اور نوجوانوں کوعید کے دن کی طرح ہی انتظار ہوتا ہے گھروں ، چھتوں ، گاڑیوں ، موٹر سائیکلوں کو لوگ سجانا شروع کر دیتے ہیں کچھ تجزیہ نگاروں کے تجزیے بہت عجیب اور حیران کن انداز میں بات کرتے ہیں 14 اگست کی اہمیت اور اسکی بنیاد کو کھوکھلا کرنے کے لیے سازشیں کرتے رہتے ہیں انھیں غیرت کھانی چاہیں اور انھیں بتانا چاہتا ہوں کہ 14 اگست صرف ایک دن نہیں بلکہ ایک خاص تہوار ہے جس دن پاکستان معرض وجود میں آیا ۔۔
14 اگست آزادی اور جشنِ آزادی کا مفہوم کیا ہے عام لوگ اور بالخصوص نئی نسل کی اکثریت اس سے بالکل بے بہرہ ہے وہ بس یہ سمجھتے ہیں کہ ہم نے 14 اگست کو آزادی حاصل کی کس سے حاصل کی، کیوں حاصل کی، اور کیسے حاصل کی؟
ہمیشہ اپنے رہنما قائد اعظم محمد علی جناح کے قول "ایمان، اتحاد اور تنظیم” کی پاسداری کریں گے
تحریک پاکستان کے دوران برصغیر کے کونے کونے میں لے کے رہیں گے پاکستان، بن کے رہے گا پاکستان اور پاکستان کا مطلب کیا؟ لا الہ الا اللہ
یہ نعرے برصغیر کے مسلمانوں کے دلی جذبات کے حقیقی ترجمان تھے
14 اگست کے اس موقع پر سب دوست احباب سے درخواست یہ ہے کہ اس بات میں تو کوئی دو رائے نہیں ہے کہ ہم سب لوکل و قومی سطح پر اپنے گلی محلے، شہر اور پاکستان کی بہتری ہی چاہتے ہیں بس فرق صرف اتنا ہے کہ کسی کو اپنا مسیحا اور نجات دہندہ میں نظر آتا ہے تو کسی کو اے بی سی میں۔ لیکن مقصد سب کا ایک ہی ہے بہتری امن سکون بنیادی ضروریات زندگی میرٹ مظبوط معیشت اور آسان روزگار وغیرہ وغیرہ۔ تو ہمیں اس 14 اگست کے موقع پر بجائے نفرتیں بحثیں اور دوریاں پالنے کے ہر اس مثبت سوچ کی قدر کرنی چاہیے جسکا مقصد خیر خواہی ہے۔

@naveedofficial_

بچپن میں میرے بھائی جان جب مجھ سے پوچھتے تھے پاکستان کس نے بنایا میں رٹے رٹائے طوطے کی طرح بول دیتی تھی قائداعظم نے لیکن دل میں سوچا کرتی تھی اتنا بڑا پاکستان قائداعظم نے کیسے بنایا ہوگا میری نظر میں گھر سڑکیں وغیرہ تھیں کہ یہ قائداعظم نے بنایا اب سوچتی ہوں تو ہنسی آتی ہے اپنی بچپن کی سوچ پر ۔لیکن اتنی عقل نہیں تھی کہ بھائی جان سے پوچھ لوں اس بارے میں۔۔خیر پھر جوں جوں بڑی ہوتی گی تاریخ کی بنادی چیزیں نصاب میں پڑھنی شروع کی تو اندازہ ہوا میرا پاکستان کس قدر قربانیوں ۔خون کی ندیاں بہانے۔کے بعد حاصل ہوا تھا ۔۔پھر میری دادی امی نے پاکستان کی تاریخ آنکھوں دیکھی مجھے بھی بتائی کیونکہ میرا بہت وقت گزرا اپنی دادی امی کے ساتھ ان سے پاکستان بننے کے بعد کے آنکھوں دیکھے واقعات سن سن کر ایسے لگتا تھا جیسے میں بھی ان کے ساتھ یہ واقعات اپنی آنکھوں سے دیکھے آج سے 73 سال پیچھے چلے جائیں ۔ تاریخ کے اوراق پلٹیں ایک ٹرین اسٹیشن پر رکی نظر آئے گی جموں کشمیر سے جب میرے اباواجداد نے ہجرت کی ان کے پاس بس ایک چھوٹی سی پوٹلی تھی جس میں جلدی میں کچھ ضروری چیزیں رکھی ہوئی تھی اپنا قیمتی سازوسامان پیچھے چھوڑ کر درد کی داستان لے کر حجرت کے لیے رخت سفر باندھ لیا میرے ددھیال اس دور کے بہت امیر ترین جاگیردار تھے لیکن بے سروسامانی کی حالت میں انھیں اپنے محل نما گھر چھوڑنے پڑھے اسٹیشن پر ایک ٹرین کھڑی تھی جس میں ہمارے بزرگ دھڑکتے دل کے ساتھ سوار ہوگے لیکن یہ نہیں پتہ تھا ابھی اور تکلیف دہ امتحان باقی ہیں ۔ابھی سفر شروع بھی نہیں ہوا تھا ہندوں نے مسلمانوں پر حملہ کردیا ہر طرف خون ہی
خون ، کٹی پھٹی لاشیں ، خوف سے پتھرائی ہوش حواس سے عاری چند زندہ لاشیں بھی ہیں
کون ہیں یہ ۔ یہ بھی وہی ہیں جو ہجرت کے راہی بنے ۔
جو الگ اسلامی و فلاحی ریاست کا حسین خواب لیے کاروبار، جائیداد ، زمینیں ، مال مویشی سب قربان کر کے نکلے مگر ہجرت کہاں پھولوں کی سیج ہے ۔
عزتیں تار تار ہوئیں ، بیٹیاں لٹ گئیں ، بھوک سے بلکتے معصوموں کی اگر رونے کی آواز بڑھتی تو گلا دبا دیا جاتا کہ کہیں بلوائیوں کو خبر نہ ہو جائے۔
وہ سب ہمارے اسلاف نے جھیلا جو بیان کرنے بیٹھیں تو آنکھیں کتنی دفعہ بھیگتی ہیں اندازہ ہی نہیں ہوتا۔ دل خون کے آنسو روتا ہے کہ ہم نے بہت کچھ کھو کر یہ آزاد ملک ، یہ چھوٹا سا زمین کا ٹکڑا حاصل کیا ہے جب اس پر کوئی میلی نظر ڈالنے کی کوشش کرتا ہے تو ہم اپنے جذبات کنٹرول نہیں کر پاتے
جب بھی اسلامی فلاحی ریاست کا خواب دیکھا گیا قربانیاں دینی پڑیں ۔ 1400 سال پیچھے کی تاریخ اٹھا لیں ۔
سو سرخ اونٹ کا انعام رکھا گیا۔
اعلان ہو گیا ۔کہ جو بھی محمد ﷺ اور انکے ساتھی کو پکڑ لائے گا اسکو انعام میں سو سرخ اونٹ دئیے جائیں گے عربوں میں اونٹوں کی یہ قسم بہت نایاب اور مہنگی ترین تھی
سراقہ بن مالک پیچھا کرتے کرتے پہنچ گیا۔ دیکھ بھی لیا مگر حق کی نشانیاں اپنی آنکھوں سے دیکھ کر سمجھ گیا پلٹ آیا۔
دن پہاڑوں میں چھپتے چھپاتے سفر کرتے ہوئے اور راتوں کو غار میں پناہ لیتے ہوئے یہ ہجرت کا سفر جاری یے ۔
محمد رسول اللہ ﷺ ہیں ساتھ صدیق اکبر ؓ ہیں
غار میں سوراخ بند کرنے کو جب اشیاء کم پڑیں تو پاؤں کی ایڑی لگا دی ۔ سانپ نے ڈس لیا۔
آزمائش، مصائب ، خوف ، سفر جیسا عذاب کا دوسرا نام ہجرت ہے
مصعب بن عمیر مکہ کا شہزادہ ، خوشبوؤں سے پہچانا جاتا کہ یہاں مصعب گئے ہیں
ایک دفعہ لباس اتارا پھر وہ نہیں پہنا ۔ نیا ہی زیب تن کیا۔ اتنے شاہانہ انداز سے ذندگی بسر کرنے والوں پر پھر ایسا وقت بھی آیا کہ جب مدینہ ہجرت کر کے پہنچے تو ٹاٹ سے جسم لپیٹا ہوا تھا یہ ہجرتوں کے مرحلے بہت کٹھن ہوتے ہیں۔
مگر سوال یہ ہے کہ وہاں تو تاریخ نے دیکھایا کہ انصار و مہاجر کی اخوت ، بردباری، سخاوت اور تربیت رسول اللہ نے وہ معاشرہ وہ ریاست تشکیل دی کہ آج بھی نمونہ ہے ۔ قابل ستائش، قابل تقلید ، قابل فخر اس معاشرہ نے جنم لیا جس کی حدیں ہر اعتبار سے بڑھتی ہی گئیں ۔
جانثار بڑھتے گئے ۔ پاسبان بڑھتے گئے ۔
اسلامی حدود ایک خلیفہ اسلام کے دور میں 11 لاکھ مربع میل، پھر 22 لاکھ ، پھر 44 لاکھ ، پھر 65 لاکھ مربع میل کی وسعت پکڑ گئیں۔۔۔
مگر کیا ہمارے اسلاف کی 73 سال پہلے کی قربانیوں کے عوض ہم نے اس دھرتی کو کیا دیا۔
گریبان میں جھانکیے۔ خود کو دیکھیں ہم کس دوراہے پر کھڑیں ہیں۔
معصوم بچوں اور کنوؤں میں کود کر عزت بچاتی بہنوں بیٹیوں کے روز محشر سوالوں کے جواب کیسے دے سکیں گے
اسلامی و فلاحی ریاست کی پھیلتی سرحدوں کا خواب تو دور اسلامی معاشرہ ہی تشکیل دے لیتے ۔
اخلاقی پستی ، بے راہ روی ، خون سفید ہو چکے ، دھرتی ماں کو نوچ نوچ کر کھاتے والے ہم ، اغیار کی خوشی کے لیے ہم نے ہمارے بے حس حکمرانوں نے کیا کچھ نہیں کیا۔
مسلمانوں کے خون کے پیاسوں کو کبھی ساڑھیاں، کبھی آم، کبھی لسٹیں فراہم کیں۔ اور کبھی اپنی فوج کی پیٹھ پر چھرا گھونپ دیا گیا پھر جب ان غداروں کو ایکسپوز کیا جاتا ہے تو پاکستان کی ہڈیاں نوچ کر کھانے والوں کے دفاع میں پاکستان میں چھپی کالی بھڑیں آجاتی ہیں ۔جب بھی معاملہ ملک کی سلامتی پر آیا پاکستان میں چھپے پاکستانی ڈریس میں انڈیا کے ایجنٹوں نے معصوم کم پڑھے لکھے پاکستانیوں کو اپنے ساتھ ملا کر خوب پاکستان کا مذاق اڑایا اور بعض اوقات میں سوچتی ہوں ان کو لگام ڈالنے والا بھی کوئی نہیں جو یہ ہمارے ملک میں دھندناتے پھر رہے ہیں
ہم مجرم ہیں قائداعظم کے ہم نہیں نکال پارہے ملک کی جڑیں کھوکھلی کرنے والے ناسوروں کو ۔ہمارے سیکورٹی ادارے بھی انڈین ایجنٹوں کو عوام کی عدالت میں پیش نہیں کرسکے جو اتفاق فاونڈری میں ملازمت کرتے پکڑے گے تھے
ہم مجرم ہیں ان شہیدوں کے جن کے لہو سے یہ گلشن سینچا گیا۔
30 سال میں پہلی دفعہ پاکستان کی باگ ڈور ایسے انسان کے ہاتھ میں آئی ہے کہ اب امید ہوچلی کہ ہم اپنا کھویا ہوا وقار بحال کرنے میں کامیاب ہوجائیں گے وہ وقت دور نہیں ہم اپنے سبز پاسپورٹ فخر سے لوگوں کو دکھایا کریں گے کہ ہم پاکستانی ہیں اور لوگ رشک سے ہماری طرف دیکھا کریں گے ان شاءاللہ پاکستان رہتی دنیا تک شاد آباد رہے گا کیونکہ یہ اسلام پر بنا ہے ۔۔پاکستان ذندہ باد ہے ذندہ باد رہے گا ان شاءاللہ ۔۔۔

"