Author: Baaghi TV

۔
ہزاروں پھول سے چہرے جھلس کے خاک ہوئے
بھری بہار میں اس طرح اپنا باغ جلا
ملی نہیں ہے ہمیں ارض پاک تحفے میں
جو لاکھوں دیپ بجھے ہیں تو یہ چراغ جلا

جدوجہد آزادی کی قربانیوں کا سلسلی یہیں ختم نہی ہوجاتا بلکہ یہاں سے بھارتی سفاکیت کی اس داستان کا آغاز ہوتا ہے جہاں پہ انسانیت بھی شرمسار ہے ۔ جب پاکستان بنا تو مسلمانوں نے ہجرت کرنی شروع کی تو نہتے مسلمانوں کو گاجر ، مولی کی طرح کاٹا گیا ، ماوں ، بہنوں کی عصمتوں کو تار تار کیا گیا ،بزرگوں نے کانپتے ہاتھوں سے جوان بیٹوں کی لاشیں اٹھائیں ،ماؤں نے دودھ کیلیے بلکتے شیر خواروں کے گلے اپنے ہاتھوں سے گھونٹے دیئے تاکہ ان کی آواز سے ہمارے دوسرے مسافروں کی جان خطرہ نہ ہو بہنوں ،بیٹیوں نے عزتوں کی پامالی کے ڈر سے کنویں میں چھلانگیں لگا کر اپنی جانوں کا نزرانہ پیش کیا۔

مال و دودلت ، زر ، زیور ،گھر بار عزتیں لٹائیں قافلوں نے جب سرزمیں پاکستان پر پہ پہنچے تو عجب منظر تھا ،آنکھوں سے اشک رواں تھے ،وطن کی مٹی کو چومتے جاتے اور ایک ہی بات کہتے جاتے

پاکستان کا مطلب کیا ،لاالہ اللہ

آج پاکستان کو بنے 74 سال بیت گئے لیکن قربانیوں کی یہ لا زوال داستاں آج بھی تازہ ہے اور ہر زبان پر ہے اس تحریر میں یہاں تک پہنچتے میرا قلم کئ بار رکا ،میرے اشک ہیں کہ روکنے کا نام ہی نہیں لے رہے۔ میں بارہا یہ سوچنے پہ مجبور ہوا کہ کیا ہم اس آزادی کا حق نبھا رہے ہیں ؟
کیا جس مقصد کے لیے یہ مملکت خداد حاصل کیا گیا ہم اس مقصد میں عمل کر رہے ہیں؟

ہم آج آزادی مبارک تو کہتے ہیں لیکن شاید اس کے مفہوم کو نہیں پہچانتے ،ہم گاڑیوں پہ پاکستانی جھنڈا تو لگاتے ہیں لیکن اسی گاڈی میں گانا انڈیا کا سون رہے ہوتے ہیں . ہمارے لیے پاکستان کی بنی چیزیں گھٹیاں اور غیر میعاری کیوں ہیں ؟
وہ بھارت جس نے ہمارے نہتے مسلمانوں کو قتل کیا ہمارے کچھ حکمران انہیں سے دوستانے نبھاتے نظر آتے ہیں ۔
ہمیں یہ سمجھنے کی اشاعت ضرورت ہے کہ پاکستان صرف زمیں کا اک ٹکڑا نہیں اک نام نہیں بلکہ پاکستان دو قومی نظریہ کی سر خروئ کا نام ہے ۔

اسلامی جمہوریہ پاکستان تو اک گوشہ عافیت کا نام ہے
پاکستان کاہر زرہ اسلامی روائتوں کا آمین ہے۔یہ وہی سرزمین ہے جسکا عشق ہمارے لہوں میں شامل ہے۔

وطن سے محبت تو ایمان ہوتی ہے یہ ملک ہمارے آباو اجداد کی وفائ کا صلہ ہے ۔اسے ہم نے ہی سنوارنا ہے
اس کی ترقی اور فلاح و بہبود کے لیے ملجل کر کام کرنا ہے۔جب ہم ملکر صدق دل سے کوشش کریں گے تو پھر بنے گا ایک خوشحال پاکستان۔

آخر میں علامہ محمد اقبال کا یہ شعر بڑا یاد آ رہا ہے۔کہ

یہاں جو پھول کھِلے، وہ کھِلا رہے صدیوں
یہاں خِزاں کو گزرنے کی بھی مجال نہ ہو

خدا کرے کہ مرے اِک بھی ہم وطن کے لئے
حیات جُرم نہ ہو، زندگی وبال نہ ہو​

@RajaArshad56

میں یونیورسٹی میں دوستوں کی ساتھ کلاس میں پہچا تو تھوڑی دیر ہو گئی تھی کلاس کی بعد سی آر نے بتایا کہ یونیورسٹی کی طرف سے 14 اگست کے دن "جشن آزادی کے حوالے سے ایک پروگرام منعقد کیا گیا ہے جس میں جس میں تمام شعبہ جات کے طلبا تقریری اور ملی نغموں پر ٹیبلو پیش کریں گے.
مجھے اس طرح کے پروگرامز میں شرکت کرنے کی خاصی دلچسپی نہیں. ہاں البتہ دوستوں کی ہوصلہ افزائی کرنے ضرور جاتا ہوں. جس طرح تمام شعبہ جات نے اس پروگرام میں حصہ لیا وہیں ہماری کلاس میں بھی میرے کچھ دوستوں نے بھی ایک ملی نغمہ پر ٹیبلو بنایا.

14اگست کا دن آیا میں صبح جلدی تیار ہوکر یونیورسٹی پہنچا چونکہ دوستوں نے اس ایونٹ میں حصہ لیا تھا تو وہ بھی جلد ہی پہنچ گئے. پروگرام میں تھوڑی دیر تھی. ہم نے سوچا کیونہ تھوڑی پریکٹس کرلیں. میں نے تو ٹیبلو میں حصہ لیا نہیں تھا تو میں ایک سائیڈ پر بیٹھ کر انہیں دیکھنے لگا.

ہمارے ٹیبلو میں دو لڑکیاں اور تیں لڑکے شامل تھے. اسپیکر پر ملی نغمہ چلایا گیا جو کہ مجھے ملی نغمہ کم اور گانا زیادہ لگ رہا تھا. لڑکوں نے پینٹ شرٹ اور لڑکیوں نے بھی کچھ اسی طرح کے کپڑے پہنے ہوئے تھے. جب ملی نغمہ چلا تو سب ہاتھوں میں سبز ہلالی پرچم اٹھائے ڈانس کرنے لگے. یہ دیکھ کر میں نے ان سے کہا کہ یہ تو کوئی ملی نغمہ نہیں اور اس طرح آزادی کا جشن کون مناتا ہے؟

میری بات سن کر وہ سب کہنے لگے آج کل جشن آزادی ایسے ہی مناتے ہیں.

اتنی دیر میں اسٹیج سے آواز آئی کہ مہمان خصوصی آ چکے ہیں اور پروگرام کا آغاز ہو چکا ہے. سو ہم پہچ گئے پروگرام ہال میں سب سے پہلے سب سے پہلے باری تقاریر کر والوں کی آئی جس میں مختلف طلباء نے مختلف موضوعات پر تقاریر کیں. کسی نے ملکی سیاست پر تقریر کی تو کسی نے سیاست دانوں پر…. کسی نے ملکی مسائل پر تقریر کی اور کسی نے نظام تعلیم پر مگر افسوس ہے کسی نے ہمارے ان شہدا پر بات نہیں جو اس وطن عزیز کے آغوش میں دفن ہیں.

اب باری ہماری یعنی ٹیبلو کرنے والوں کی آئی. ایک کے بعد ایک لڑکے لڑکیوں کے گروپس نے ملی نغموں پر ٹیبلو کیا. مجھےتو وہ ٹیبلو کم اور ڈانس زیادہ لگ رہا تھا. یہ ملک جو لاالہ الااللہ کی بنیاد پر بنا اسی کے ملی نغموں پر لڑکے اور لڑکیاں اپنا جسم دکھا کر ڈانس کررہی تھیں.

پروگرام کے اختتام پر سبز ہلالی پرچم مجھے زمیں پر پڑے نظر آئے اور اس طرح آزادی کا جشن منایا گیا. کیا اسی طرح آزادی کا جشن منایا جاتا ہے؟

ارے آزادی کا قدر تو ان سے پوچھیں جو آج بھی باڈر کے اس پار ظلم کی چکی میں پس رہے ہیں.
آزادی کی قدر و قیمت تو ان سے پوچھیں جنہوں نے کتنے ہی اپنے بچے شہید کروائے. کتنے ہی بچے یتیم ہوئے. آزادی کی قدر ہمارے اسلاف سے پوچھیں جن کی گردنیں تن سے جدا کرکے انہیں شہید کردیا گیا.
کتنی ہی ماؤں بہنوں کی عزتوں کو پامال کر دیا گیا لاکھوں مسلمانوں نے اسلام کی سب سے بڑی ہجرت کی اور اس پاک سرزمین پر آکر سجدہ شکر ادا کیا.

آزادی کی قدر ان سے پوچھیں.

خون کے دریا پار کیے تب خاک وطن آنکھوں میں بسی
سبز ہلالی پرچم جا کر تب اپنی پہچان ہوا

آج تلک اس پار کے کہساروں کی ہوائیں پوچھتی ہیں
کتنے آنچل تار ہوئے کس کس کا گھر سنسان ہوا

‏

انڈیا کے غیر قانونی قبضے،وادی چنار کی خصوصی حیثیت کے خاتمے اور اہل کشمیر کے فوجی محاصرے کو دو سال مکمل ہو چکے ہیں۔ وادی چنار کو دنیا کی سب سے بڑی جیل میں تبدیل کردیا گیا ہے۔ وادی چنار کی شناخت، سیاسی ، معاشی اور مذہبی حق چھین لیا گیا ہے۔

دو سال قبل انڈین وزیراعظم مودی حکومت نے پانچ اگست کو وادی چنار کو آئین میں حاصل خصوصی حیثیت ختم کردی تھی۔ وادی چنار کی آٸینی حیثیت تبدیل کرنے کے بعد وادی چنار میں کرفیو نافذ کردیا گیا تھا جو ایک غیر قانونی اقدام تھا

وادی چنار میں غاصب بھارتی فوج کشمیریوں کی نسل کشی کر رہی ہے اہل چنار کے باسیوں کو جیلوں میں ڈالا جارہا ہے ،سینکڑوں سے زیادہ نواجون کو شہید کردیا گیا، ماں بہنوں کی عزتوں کو پال کیا جارہا ہے، ساتھ ہی بزدل بھارتی فوج نے چادر اور چار دیواری کا تقدس پامال کرتی جارہی ہے، بچوں اور بزرگوں کو پیلٹ گنز
اور آنسو گیس کی شیلنگ کا نشانہ بنایا جارہا ہے ،بھارتی فوج نے مقبوضہ وادی میں بربریت کی انتہا کررکھی ہے سینکڑوں پابندیوں کے باعث وادی چنار کی عوام مشکلات ومصاٸب کا شکار ہیں وادی چنار لاک ڈاؤن پر لاک ڈاؤن کا شکار ہیں

مودی سرکار کی حکومت نے کورونا واٸرس کی آڑ میں پابندیوں کو مزید سخت کردیا تھا اس وقت پوری وادی چنار وحشت و بربریت کی تصویر پیش کر رہی ہے۔انٹرنیٹ اور موبائل فون سروس بند کر رکھی ہے،
ہسپتال و کاروبار بند ہیں اور اسکول کالج ،یونيورسٹیاں بند ہیں کشمیری قائدین اور سیاسی رہمناٶں کو پابند سلاسل رکھا گیا ،کشمیریوں کا علاج معالجے کی سہولت بھی نہیں دی جارہی ہے وہاں ادویات اور خوراک کی قلت پیدا ہو چکی ہے۔ وادی چنار کے باسی بھارتی ظلم و ستم ہونے کے باوجود انکے حوصلے پست نہیں ہوٸے ہیں ،بلکہ حریت کو مزید تقویت ملی

ہندوستان اندرونی خلفشار کا شکار ہوچکا ہے۔۔ ہندوستان نے وادی چنار پر اقوام متحدہ کی قراردادوں کی دھجیاں اڑائی ہیں وادی چنار کی عوام بھارت کے تسلط سے آزادی چاہتے ہیں ہندوستانی افواج جس طرح وادی چنار کے نوجوانوں کو شہید کرتی جارہی ہے اور اپنے حق کے لیے احتجاج کرنے والوں کے ساتھ وحشیانہ سلوک کرتی ہے یہ ظلم وستم کی انتہا ہے

وادی چنار کے عوام کو ظلم و جبر آزماکر آزادی کے جنون و جذبے کو کچلنے کے گھناؤنے ہتھکنڈے استعمال کیے جارہے ہیں ہندوستانی فوج نے موباٸل اور انٹرنیٹ سروسز پر پابندی کے ذریعے وادی چنار کے لوگوں کی آواز کو دبانے کی جارحانہ کوششیں وادی چنار کے لوگوں کو شکست نہیں دے سکتیں ، ہندوستان کے پاس اب آزمانے کے لیے کچھ نہیں بچا ہندوستان کے ہتھیار ہمارے کشمیری بہن او بھاٸیوں کے جسموں کو چھلنی کرتے رہے اور انکے حوصلوں کو بلند کرتے رہے ہیں

ہندوستانی کا گھناؤنا چہرہ دنیا کے سامنے بے نقاب ہوچکا ہے اب وادی چنار کا مسئلہ ایک عالمی معاملہ بن چکا ہے وادی چنار دو ایٹمی ممالک کے درمیان سلگتی چنگاری ہے، بھارت کشمیر میں 73 سالوں سے ظلم و ستم کی انتہا کررہا ہے، عالمی برداری مسئلہ کشمیر کے حل کے لیے اپنا کردار ادا کرنا چاہیے اور اقوام متحدہ، وادی چنار کے عوام کو انصاف دلانے کےلئے کشمیر کا مسئلہ عالمی عدالت انصاف کو بھجوائے یہ وادی چنار کا حق خودارادیت کے حصول کی جنگ ہے اس لئے انسانی حقوق کے تمام کمیشنوں کو وادی چنار کے لوگوں کو انکا حق دینا چاہیے

وادی چنار کی بہادر عوام ہندوستانی فوج کے سامنے سیسہ پلائی ہوئی دیوار بن گئے ہیں وادی چنار کے شہداء کا لہو ایندھن بن کر آزادی کی شمع کو فیروزاں کرتا رہا گا ان شاء اللہ ہندوستان وادی چنارط میں اپنے مذموم مقاصد کی تکمیل کے لیے کوشاں ہیں مگر اللہ کے فضل وہ ہمیشہ منہ کے بل کی کھاٸے گا ۔

آخر میں بھارت کو پیغام دینا چاہتا ہوں کہ پوری پاکستانی قوم وادی چنار کی عوام کے ساتھ شانہ بشانہ کھڑی ہے-وادی چنار کی عظیم جدوجہد کو سلام پیش کرتے ہیں . پاکستان اور وادی چنار ایک لڑی میں پروے ہوئے ہیں ہمارے دل ایک ساتھ دھڑکتے ہیں پاکستان کشمیر اور کشمیر پاکستان کے بغیر ادھورا ہے، کشمیریوں کے ساتھ ہمارا رشتہ محبت، بھائی چارے ،اخوت اور لاالہ الااللہ کا ہے

وادی چنار کی عوام اپنے قیمتی لہو سے آزادی کی نئی تاریخ لکھ رہے ہیں ہم کل بھی وادی چنار کے ساتھ کھڑے تھے،آج بھی ساتھ کھڑے ہیں اور کل بھی ساتھ کھڑے رہیں گے-کوئی طاقت پاکستانیوں اور کشمیریوں کے اس لازوال رشتے کو ختم نہیں کرسکتی وادی چنار میں بے گناہ عوام کی شہادت پر دنیا اور اقوام عالم کی خاموشی کا کوئی جواز نہیں ہے دنیا ،اقوام عالم اور سلامتی کونسل کشمیریوں کو حق خودارادیت دے ۔

اللہ پاک کشمیر کو بھارتی فوج کی بربریت نجات دے آمین یارب العالمین!

تحریر حمزہ احمد صدیقی
‎@HamxaSiddiqi

دور حاضر میں بے روزگاری اور غربت میں خطرناک حد تک اضافہ ہو رہا ہے۔ بیروزگاری صرف کسی ایک ملک کا مسٸلہ نہیں ہے بلکہ یہ ایک عالمی سطح کا مسٸلہ بن چکا ہے جو دن بدن بڑھتا ہی جا رہا ہے۔ بیروزگاری کی بہت سی وجوہات ہیں جیسے کہ آبادی میں تیزی سے اضافہ ہو رہا ہے مگر وساٸل میں اتنی تیزی سے اضافہ نا ممکن یا کسی حد تک مشکل ہے کیونکہ وساٸل محدود ہوتے ہیں اور ہمارے ملک کی آبادی کا بیشتر حصہ نوجوان نسل پر مشتمل ہے دن بدن کالجز اور مختلف یونیورسیٹیز سے تعلیم مکمل کرنے والے نوجوان لڑکے اور لڑکیوں کی تعداد بڑھ رہی ہے مگر اس حساب سے نوکریوں کی تعداد میں اضافہ نہیں ہو رہا ہے اور ہوں بہت سے نوجوان مایوس ہو کر خودکشی جیسے عمل کو اپنا لیتے ہیں اور کچھ نوجوان بے راہ روی کی راہ اختیار کر لیتے کہ اب حلال طریقے سے تو ملنا مشکل ہے اور جابز نہ ملنے کی وجہ سے وہ چوری اور ڈاکہ وغیرہ جیسے جراٸم میں ملوث ہو جاتے
مختصر یہ کہ بےروزگاری بہت سے سماجی اور معاشرتی مسائل کو جنم دیتی ہے۔ بہت سی ماٸیں اپنے بچوں سمیت خودکشی کر لیتی ہیں کیونکہ ان کے پاس اتنے وساٸل نہیں ہوتے کہ وہ اپنے بچوں کو پال سکیں ایسے بہت سے واقعات سامنے آۓ ہیں اور بہت سے باپ جو مزدوری کی تلاش میں دربدر خوار ہونے کے بعد خودکشی کی طرف چلے جاتے ہیں ایسے واقعات سے ہمارا معاشرا بھرا پڑا ہے لیکن پھر بھی ان اقدامات کی روک تھام کے لیے ریاست کی طرف سے کوٸی بھی عملی اقدامات نہیں کیے جا رے۔ غربت کی ایک بڑی وجہ ہمارے معاشرے میں دولت کا فقط چند ہاتھوں میں محدود ہو کر رہ جانا بھی ہے اگر لوگ باقاعدگی سے ٹیکس ادا کریں اور حکومت عوام کے اس ٹیکس کی رقم کو پوری ایمانداری سے عوام کی فلاح و بہبود پر خرچ کرے اور انہیں بنیادی سہولیات کی فراہمی کو یقینی بناۓ مگر افسوس کہ بڑے بڑے سرمایہ دار اور سیاستدان بھی ٹیکس چوری میں شامل ہوتے یہاں تک کے عوام کے دیۓ ہوے ٹیکس کی رقم کو بھی اپنے زاتی سفر اور دیگر کاموں میں اُڑا دیتے۔ بیروزگاری اور غربت کے خاتمے کے لیے ان سب کا احتساب بہت ضروری ہے۔
بہت سے نوجوان جو اعلی تعلیم حاصل کرنے کے بعد ایک روشن مستقبل کا خواب آنکھوں میں لیے عملی زندگی میں قدم رکھتے ہیں اور پھر مسلسل جدوجہد کے باوجود بھی کامیابی نہ ملنے پر ڈپریشن کا شکار ہو جاتے ہیں جو کہ ایک خطرناک مسٸلہ ہے
بیروزگاری اور غربت جو کہ نہ صرف خود ایک بہت بڑا مسٸلہ ہے بلکہ یہ دوسرے بہت سے معاشرتی مساٸل پیدا کرتی ہیں اور اس کے ساتھ ساتھ ڈپریشن اور ٹینشن جیسی بیماریاں پیدا کرتی ہے جو انسان کو مایوسی کی طرف لے جاتی ہیں ۔
ہمیں وساٸل کو بہترین طریقے سے بروۓ کار لانا ہو گا اور شرح سود کو ختم کرکے لوگوں کو بلخصوص نوجوان نسل کو یہ ترغیب دینا ہو گی کہ وہ کاروبار کی طرف آۓ اس سے نہ صرف ان کے لیے اچھا روزگار پیدا ہو گا بلکہ مزدور طبقے کے لیے اور درمیانے طبقے کے لیے روزگار کے مواقع پیدا ہونگے اور ملک کافی حد تک اس خطرناک مسٸلے سے باہر نکل آۓ گا
اور جب روزگار کے مواقع پیدا ہونگے تو ملک سے غربت اور افلاس آہستہ آہستہ ختم ہوتی جاۓ گی اور اس کے ساتھ ساتھ بہت سے سماجی اور معاشی مساٸل حل ہو جاٸیں گی کیونکہ بیروزگاری، غربت اور افلاس سو مساٸل کی جڑ ہے. بیروزگاری اور غربت کی وجہ سے مزدور طبقہ اور درمیانی طبقہ زندگی کی بنیادی ضروریات صحت، تعلیم اور دیگر سہولیات سے محروم ہے۔
ہمیں اپنی نٸی نوجوان نسل کو کاروبار کی طرف راغب کرنا ہو گا کیونکہ جس تیز رفتاری سے آبادی بڑھ رہی ہے اس تیز رفتاری سے روزگار کے مواقع پیدا نہیں ہو رے جس سے ملکی حالت ابتری کی طرف جا رہی ہے. ہمیں آنے والی نسل کے بہتر مستقبل کے لیے آج ہی سے اقدامات کرنا ہونگے اپنے وساٸل کا بہتر اور حکمت عملی سے استعمال یقینی بنانا ہو گا اور کرپٹ سیستدان جو عوام کے ٹیکس کا پیسہ اپنی آساٸشات پر خرچ کرتے ہمیں ان کا احتساب کرنا ہو گا تا کہ عوام کے ٹیکس کا پیسہ بہتر طریقے سے انہی کی فلاح پہ خرچ اور غربت و افلاس کی چکی میں پستی عوام کو سہارا دیا جا سکے اور انہیں زندگی کی بنیادی سہولیات فراہم کی جا سکیں تا کہ ہمارا معاشرہ ایک صحت مند اور ترقی یافتہ معاشرہ بن سکے✨

@b786_s

‏کچھ جنگیں یقین کی ہوتی ہیں اگر درد کی لہر سے ٹکرا جائیں تو بھی صبر کا دامن تھامے رکھناجسے تم بےبسی کہتے ہو وہی صبر کی وہ حد ہے جہاں فیصلے تمام ہوتے ہیں۔ کیا پتہ آج ہی تمہیں سرخرو کردیا جائے۔ عرش پر تمہاری فتح کی تیاری کی جارہی ہو۔۔۔۔ تَوَکَل٘ عَلَی اللّٰہ♥️
اور جس نے اللہ پر بھروسہ رکھا اسے میں نے کامیاب پایا حد سے زیادہ پریشانی تمہیں شکر سے دور کر دے گی۔۔ کیونکہ تمہاری آنکھیں اور دل مستقبل کے ممکنات پر ٹکی رہیں گی، جبکہ ان میں سے کئی معاملات تو ایسے ہیں کہ آنے والے دنوں میں ہوں گے بھی نہیں۔۔ لہذا جب تک تم مسلسل نامعلوم کی فکر میں لگے رہو گے، سامنے موجود نعمت سے بھی غافل رہو گے۔۔ پھر اسکے شکر میں بھی ناکام رہو گے۔۔ وہ نعمتیں جو اللہ نے تمہیں دے رکھی ہیں اور جو کہ لگاتار دی جا رہی ہیں۔۔

یہ بھی حقیقت ہے کہ فکرمند ہونا ایک فطری سا عمل ہے، مگر ہر لمحہ ہی فکرمند رہنا تو ”بیماری” ہوئی۔۔ اس لیے جب بھی ایسی کیفیت ہو تو لمحے بھر کو رک جاؤ۔۔ گہری سانس لو۔۔ اور دل سے کہو کہ میرا رب تو "الوکیل” ہے۔۔ وہ میرے تمام تر معاملات کو سنبھالے ہوئے ہے۔۔ میرے بھی اور اس سارے عالَم کے بھی۔۔ اسے کہو کہ میرا اللہ سب سے بڑھ کر طاقتور ہے۔۔ وہ میری مشکل کو پلک جھپکنے میں آسان کر سکتا ہے۔۔ وہ تو وہ ہے جس نے اتنے وسیع و عریض آسمان کو زمین پر گرنے سے روک رکھا ہے
پھر تم نے کیسے سوچ لیا کہ وہ تمہیں تکلیفوں کے پہاڑ تلے ریزہ ریزہ ہونے دے گا؟ کیا تمہیں معلوم نہیں وہ ہی ہے، صرف وہی ہے جو تکالیف دور کرتا ہے؟؟ہم اس کے ایک کن کے محتاج ہیں
کہو اپنی روح سے کہ اپنے رب کے سامنے سجدے میں گر پڑے۔۔ اپنے دل سے بولو کہ کھولے اپنی آنکھیں اور دیکھے کہ اسکے رب نے کیسی کیسی نعمتوں میں اسے گھیر رکھا ہے۔۔
اللہ کے دیئے گئے انمول گِفٹس تم سے کہیں بھی دور نہیں، مگر ان کو دیکھو تو سہی، پہچانو تو سہی۔پھر انہیں اسکی فرمانبرداری میں استعمال کرو۔ اس کی شکرگزاری کرو
‏نعمتوں کا شکر ادا کرنے سے ان میں اضافہ ہوتا چلا جاتا
اللہ سے باتیں کیا کریں اس شعور سے آگے بڑھ کرکہ وہ السمیع البصیر ہے وہ دعا کو پسند فرماتا ہے صرف اس لیے کہ دعااللہ تعالیٰ کی برتری کا احساس بھی ہے اور بندے کے شکر کا اظہار بھی۔
سو اللہ تعالیٰ سے دعا کیجئےیقین کریں آپ خود کو ہلکا پھلکا محسوس کریں گے۔ دو یا تین منٹ سے سلسلہ شروع کریں۔۔ آہستہ آہستہ وقت کا دورانیہ بڑھے گا۔۔آنکھوں سے آنسو بھی جاری ہوں گے اور دل میں ایک اطمینان اترتا چلا جائے گا۔
وہ ستر ماؤں جتنی محبت کرنے والی ہستی۔۔۔۔ آپ ۔۔۔ آپ کی ہمتوں کو بلند کر دے گا۔
اس پاک ذات پر بھروسہ رکھیں

یہ ہو ہی نہیں سکتا الله نے جو آپ کے لیۓ لکھ دیا ہے وہ کسی اور کے پاس چلا جائے ۔
تو پھر مطمئن ہو جائیں صاف دل اور صاف نیت کے ساتھ جینآ سیکھیں
خود کو سمجھیں _خود کو سمجھائیں خود کو سکھائیں
ہاں جہاں ہو تم__چاھے جتنا بھی تمھاری زات ٹوٹ چکی ھے__تھک چکی ھے__اسے مزید ڈسٹرکشن کے بجائے__کنسٹرکشن کی طرف لے کے جاؤ__
یقین مانو ضائع نا کرو خود کو!!!
جو گزر گیا__اس سے سیکھو نا کہ ساتھ لے کے گھومو__
جو ہونا تھا__وہ تمھاری ایمیجنیشنز تھیں جن کا ھونا نا ھونا مکمل کوئی نہیں جانتا کے ممکن تھا بھی یا نہیں__
اپنا آج جیوجو حقیقت میں تمھارا ھے__بس تمھارا ھے__کسی کی پابند نہیں ہو تم__
نا اپنی ہنسی کیلئے__نا رونے کیلئے__
تو لو اب سے اپنی لائف کا ‘یو ٹرن’__ابھی بھی دیر نہیں ھوئی۔
میں الله سے دعا کرتی هوں کہ جو مشرق سے مغرب کا مالک جو ارض و سماء کاخالق جو بخشنا چاهے تو سو سال کے گناہ ایک پل میں معاف کر دیتا هے وہ الله آپکو صحت اور کامل ایمان والی زندگی عطافرماۓ. اور اپنے خزانوں سے وسیع رزق حلال عطا فرما.
آمین بجاہ النبی الامینﷺ
twitter.com/Farzana_Blogger?s=09