Author: Baaghi TV

پاکستان کے ایک معتبر صحافی مبشر لقمان کو ظاہر جعفر کے وکیل کا نوٹس چور مچاۓ شور کے مترادف ہے۔
مبشر لقمان نے درندے کو درندا کہہ کا کون سا جُرم کیا ہے؟
کیا بُرائ کواچھائ کہا جا سکتا ہے۔؟
یا جُرم کرنے والا کسی بڑے ،بااثر یا طاقتور شخصیت کا بیٹا ہو تو اسکے جرم کی سنگینی کم ہو جاتی ہے؟
یا امریکی شہریت رکھنے والوں کو سات خون معاف ہوتے ہیں؟
اگر ایسا نہیں ہے تو مبشر لقمان نے نور مقدم کیس میں ظاہر جعفر کی انسانیت سوز حرکت کے بارے میں جو کچھ لکھا ہے-ہم سب اسے بطور صحافی،بطور انسان اور بحیثیت ایک زمہ دار پاکستانی کے مکمل طور پر
Endorse
کرتے ہیں۔ہم سب مبشر لقمان کے ساتھ ہیں۔اور اسکے اس سانحہ کے لئے اٹھاۓجانے والے ہر ایک قدم پر اسکے ساتھ ہوں گے۔
ظاہر جعفر کو دعوت دیتا ہوں کہ وہ ہر اس شخص کو نوٹس بھجواۓ،جو ظاہر جعفر کی درندگی پر احتجاج کر رہا ہے۔
اس نوٹس کا مطلب یہ ہے کہ کسی بھی وحشیانہ واقعے پر آواز نہ اٹھائ جاۓ۔
اگرکسی شخص کو بے دردی سے نہ صرف قتل کر دیا جاۓ بلکہ اس کا سر تن سے جدا کر دیا جاۓ۔
تو معاشرہ لب سی لے کہ جرم کرنے والا دوہری شہریت کا حامل ہے۔
اور یہ کہ وہ دولت کی فراوانی کی وجہ سے قانون سے بالاتر ہے۔
ظاہر جعفر کو چاہیے کہ لگے ہاتھوں وزیر اعظم پاکستان عمران خان کو بھی ایک نوٹس بھجوا دے۔کیونکہ انہوں نے بھی عوام سے براہ راست گفتگو میں واضح کیا تھا کہ نور مقدم کے قاتل کو قرار واقعی سزا ضرور ملے گی،خواہ وہ امریکی شہریت ہی کیوں نہ رکھتا ہو !
یہ نوٹس پاکستان کے ہر اس شخص کو ملنا چاہیے جو جنگل کے قانون کو نہیں مانتا۔
یہ نوٹس ہر اس شخص کو ملنا چاہیے،جو غلط کو غلط کہنے کی گستاخی کرے۔
یہ نوٹس اصل میں قانون کے مونہہ پر طمانچہ ہے کہ ایک قاتل ایک ایسے شخص کو ہرجانے کا نوٹس بھیج رہا ہے۔جو اسے درندگی پر اسےملامت کر رہا ہے۔
بجاۓ اس گھناونے فعل پر شرمندہ ہونے کے،اس پر آواز اٹھانے والوں کو نوٹس دے کر سوسائٹی کو یہ پیغام دیا جا رہا ہے کہ ہم قانون کو جوتے کی نوک پر رکھتے ہیں۔
انسانی جان کی ہمارے نزدیک کوئ اہمیت نہیں ہے۔ہم جس کو چاہییں،بھیڑ بکری کی طرح زبح کر دیں یا چیونٹی کی طرح مسل دیں۔
ایسے نہیں چلے گا۔
چور نالے چترا کی اجازت نہیں دی جا سکتی۔
ظاہرجعفر کے وکیل کے لئے بہتر ہے کہ وہ فی الفور اس نوٹس کو واپس لے ورنہ ہزاروں مبشر لُقمان سڑکوں پر ہوں گے،جو چیخ چیخ کر کہیں گے کہ نور مقدم کے بے رحم قاتل کو سر عام پھانسی دی جاۓ تاکہ آئندہ کسی کو،کسی خاتون کا سر تن سے جدا کرنے کی ہمت نہ ہو۔کسی کو پیسے کے بل بوتے پرقانون ہاتھ میں لینے کی ہمت نہ ہو-
میں پوری سول سوسائٹی کی طرف سے مبشر لقمان کو اس بھیانک واقعے کو دلیرانہ طریقے سے ہائ لائیٹ کرنے پر خراج تحسین پیش کرتے ہوۓ صڑف اتنا کہوں گا کہ
More power to mubasher luqman.

@lalbukhari

وردی والوں کے ملکِ پاکستان پر، اس قوم پر اور ہم سب پر اتنے احسانات ہیں کہ ہم اگر ان کو الفاظ میں بیان کرنا چاہیں تو نا کر سکیں گے، کتابیں لکھیں تو کتابیں کم پڑ جائیں، ان کی قربانیوں کی داستانیں سنانیں لگیں تو وقت کم پڑ جاۓ، ان کی بہادری شجاعت کے قصے چھیڑیں تو سننے والے دنگ رہ جائیں، ان کی ملک سے محبت وفاداری اور جذبہ شہادت کے جذبے کو بیان کرنا نا ممکن ہے ۔
قصہ مختصر وردی والے ہی ہماری آن ہیں، ہماری شان ہیں ۔یہ وردی والے ہی ہوتے ہیں جو خود دشمن کی گولیوں ،ٹینکوں اور توپوں کے سامنے سینہ تان کر پوری رات کھڑے ہوتے ہیں تب ہم آرام سے ائیر کنڈیشن اور پنکھے لگا کر مزے کی پر سکون نیند سوتے ہیں ۔
یہ وردی والے ہوتے ہیں جو کہیں سیلاب ہو زلزلہ ہو لینڈ سلائڈنگ ہو یا ہو کوئی اور آسمانی آفت سب سے پہلے اور سب سے تیز اپنے لوگوں کی مدد کےلیے وہاں موجود ہوتے ہیں ۔جو ہمارے لیے نا گرمی کی پرواہ کرتے ہیں نا سردی کی, نا برف کی نا پسینے, کی بس اپنے لوگوں کی خدمت کےلیے ہر وقت موجود ہوتے ہیں ۔
یہ وردی والے ہیں جن کی وجہ سے ہمارا سب سے بڑا دشمن انڈیا جو ہم سے تقریباً دس گناہ بڑا ہے ہماری طرف میلی آنکھ سے نہیں دیکھ سکتا ہے ۔کیونکہ جذبہ شہادت لیے یہ وردی والے اپنے سے دس گناہ بڑے دشمن کو ہر وقت ناکوں چنے چبوانے کےلیے تیار ہوتے ہیں ۔
یہ ہی وردی والے ہیں جنہوں نے اندرونی اور بیرونی دشمنوں ، غداروں کو ایسا سبق سیکھایا ہے جو کبھی بھولنے پر بھی ان کو نا بھولے گا ۔
یہ ہی وردی والے ہیں جنہوں نے دہشتگردکی ایسی جنگ لڑی اور جیتی جو دنیا کوئی فوج نہیں جیت سکی۔
ان وردی والوں سے لڑنا نا ممکن ہے ۔کیونکہ یہ اپنے سے جنگ چھیڑنے والوں کو پھر بھاگنے کا موقع بھی نہیں دیتے ۔
یہ ہی وردی والے ہیں ہیں جو دنیا کہ ہر جگہ موجود ہیں ہر پہاڑ صحرا ،جنگل ،میدان ،دریا ،سمندر ،شہر ،بازار ہر جگہ موجود ہوتے ہیں کبھی یہ تکے بیچنے والے بن کر کلبھوشن یادیو جیسے گینگ کو پکڑتے ہیں تو کبھی یہ انڈیا کی فوج میں ہی گھس کر اس کو کتے کی موت دیتے ہیں خیر پہلے بھی کہا تھا ان کے قصے کہانیاں نا قابلِ بیان ہیں ۔
یہ ہی وردی والے ہیں جو افغانستان میں سویت یونین کو امریکہ کی مدد سے شکست دے کر ٹکڑے ٹکڑے کرتے ہیں تو پھر اسی امریکہ کو امریکہ ہی کی مدد سے بیس سال تک افغانستان میں زلیل کرنے کے بعد ایک درد ناک شکست دیتے ہیں ۔
یہ وردی والے کسی سے ڈرتے نہیں یہ وردی والے اللہ پر کامِل یقین رکھتے ہیں اور ان کا ایمان لاالہ اللہ ہوتا ہے ۔
یہ وردی والے اپنی قوم اور لوگوں کےلیے نا جان دینے سے ڈرتے ہیں نا ہی جان لینے سے ڈرتے ہیں ۔
یہ ہی وردی والے ہیں جن سے قوم دل وجان سے پیار کرتی ہے اور پیار کرنا بھی چاہیے کیونکہ یہ وردی والوں کا واحد ایسا ادارہ ہے جو دل وجان سے پاکستان کےلیے کام کر رہا ہے اپنے لوگوں کےلیے کام کر رہا ہے جو پاکستان کو مستحکم دیکھنا چاہتا ہے خوشحال دیکھنا چاہتا ہے ۔
وردی والوں کے پاکستان کےلیے احسانات ،قربانیاں ،داستانیں، قصے اتنے ہیں کہ اس کالم میں تو پورے آنے سے رہیں ہاں اگر آپ چاہتے ہیں کہ اس کالم کی اگلی قست آۓ تو ضرور کمنٹ کیجیے گا
فلحال کےلیے اتنا ہی ۔
پاکستان زندہ باد ،پاکستان پائندہ باد

@iitx_hadii

ایسی سَرزَمین جس کے لیے ہمارے آباواجداد نے بہت قربانیاں دیں اور اپنے لہوُ دے کے ایک مملکت حاصل کی جس کو پاکستان کہتے ہیں عَلامہ اقبال مفٙکر پاکستان کے خواب کو مملکت پاکستان بنانے میں قائداعظم محمد علی جناح کی کوشش اور ہمارے تمام آباواَجداد کی قربانیاں شامل ہیں اسلام کا پرچم لہرانے ، آزادی سے جینے اور امن کا گہوارہ بنانے کے لیے یہ مٹی کا ٹکڑا حاصل کیا گیا یہ مٹی کا ٹکڑا ہمارے لیے اپنی جان سے بڑھ کے ہے اسکی حفاظت کے لیے تادم ہم لڑتے رہینگے کوئی میلی آنکھ سے بھی دیکھے گا ہم اسکی آنکھیں چیر دیں گے اپنی عبادت و فرائض انجام دینے اور ہندوؤں کے تسلط سے نکلنے کے لیے یہ وطن عزیز حاصل کیا گیا ہم اپنے شہداء اور آباواجداد کی قربانیاں رائیگاں نہیں جانے دیں گے انگریزوں کے چُنگل سے نکلنے کے بعد ہم ہندووں کے زیر تسلط آجاتے اور ہمیشہ کے لئیے غلامی کی زنجیر میں جھکڑ دیے جاتے سانس لینا صرف جینا نہیں ہوتا ایک جَدوجہد کا نام جینا ہے اور یہی جَدوجہد وطن پاکستان کی صورت میں حاصل ہوئی. کوشش کے بغیر کچھ بھی ممکن نہیں آزادی کا سورج 14 اگَست 1947 کو طلوع ہوا اس جَدوجہد سے کتنے چہروں پہ مسکان آئی آزادی کیا ہے ؟اس گھڑی کے کارواں سے پوچھےجن کی انتھک کوشش جب پروان چڑھی تو کیا تاثرات تھے آنکھوں کی چمک بتاتی تھی کہ انکے لیے وطن عزیز حاصل کرنا کیا معنی رکھتا تھا وہ خود تو اب نہ رہے پر اپنی نسلوں کے لیے مثالِ جہاں بنے۔دنیا کی تاریخ میں سُنہرے حروف میں یہ سبق دے گئےکہ کیسے انسان کی کوشش اسکو کامیاب کرتی ہے جب تک کوشش نہ کی جائے کچھ حاصل نہیں.
اس وقت سرمایہ تک درکار نہ تھا بے گھر افراد کے پاس کھانا پینا تک دستیاب نہ تھا کچھ کو چھت تک نصیب نہ تھی. درویشی سی حالت تھی جہاں پڑاوُ ڈال لیا حالات بہت ناسَازگار تھےآمدورَفت کے ذرائع تک موجود نہ تھے پر موجودہ دور میں رَبّ پاک کا کرم ہے اس ملک میں سب کچھ موجود ہے بس اس ملک کے غداروں کی وجہ سے حالات خراب رہتے ہیں ورنہ اب تک ترقی یافتہ ممالک میں پاکستان سرِفہرست ہوتا جس ملک کے لیے ہمارے آباواجداد نے جانوں کے نذرانے دیے اس ملک کو اسی میں موجود غداروں نے لوٹ لیا ہمیشہ اس ملک کو آپنوں سے نقصان پہنچا۔
ہر سال ہم جشّنِ آزادی مناتے ہیں اور اپنے آباواجداد کی جَدوجہد کو سراہتے ہیں ۔ پہلے پہل آزادی کے دن جسم میں ایک روح جیسے پھونک دی جاتی ایک احساس سا پیدا ہوتا لہو میں آزادی کی ایک لہر دوڑتی جنون ہے آزادی ۔ پرواز ہے آزادی
اب بھی جوش و خروش سے آزادی کی تقریب منائی جاتی ہے وطن سے محبت کبھی کم نہیں ہوسکتی جشن آزادی منانے کا انداز ضرور بدلہ ہے پر وطن پہ جانثار ہونے کے لیے لہو میں گرم جوشی اب بھی ویسی ہی موجود ہےحالات بدلتے گئے کارواں بڑھتا گیا بہت سے بُرے حالات آئے دہشت گردی، سیلاب، زلزلے جیسی مشکلات سے بھی سامنا کرنا پڑا پر میرے وطن کے جیالوں جانبازوں نے کبھی ہمت نہ ہاری ہر طرح کے حالات سے مقابلہ کیا اور اپنی جدوجہد کو روکا نہیں اس ملک کے حالات جو کچھ لوٹیروں کی وجہ سے خراب ہیں ان حالات سے نکلنے کے لیے اس ملک کو اس قوم کے ہر فرد کی ضرورت ہے ہم سب مل کے اپنے ملک کو مضبوط بنانا ہے اپنی جَدوجہد جاری رکھنی ہے وطن حاصل تو کرلیا اب اس کو ترقی یافتہ ممالک میں سر فہرست لانا ہے اس ملک کے رکھوالے بنے اس دھرتی سے ہی ہمارا امن وایمان ہے۔

#

@Hu__rt7