Author: Baaghi TV

ہمارے یہاں شیر کو بہادری کے علامت سمجھا جاتا ہے اور اسکو جنگل کا بادشاہ تصور کیا جاتا ہے لیکن بھیڑیے کے بارے میں بہت سی ایسی معلومات ہیں جن سے ہم میں سے اکثر لوگ بلکل ناواقف ہیں اور ان خصوصیات کو جاننے کے بعد یہ فیصلہ پڑھنے والے پر چھوڑتی ہوں کہ کیا واقعی شیر اس منصب کا حقدار ہے یا بھیڑیا!
ہم سب نے بہت شوق سے ڈراما سیریل ارطغرل دیکھا اور اس میں ایک حیران کن بات یہ دیکھی کہ جب کبھی کسی کی بہادری کی مثال دی جاتی تھی تو اسکو بھیڑیے سے تشبیہ دی جاتی ۔۔جب کہ ہمارے یہاں تو کسی کو بہادر کہنا ہو تو اسکو شیر کے نام سے بلایا جاتا ہے۔ جس طرح ہمارا قومی جانور مارخور ہے اسی طرح تُرک کا قومی جانور بھیڑیا ہے۔ اور بھیڑیوں سے متعلق جو معلومات ملی ہیں اور انکی جو خصوصیات پتہ چلی ہیں اس کے بعد آئیڈیا ہوتا ہے کے ترک انکو کیوں اتنی اہمیت دیتے ہیں۔ تُرک اپنے بچوں کو شیر کے بجائے بھیڑیا بولتے ہیں کیوں کہ انکے نزدیک شیر جیسا خونخوار ہونے سے بہت اچھا ہے کے بھیڑیے کی طرح غیرت مند اور نسلی بنا جائے۔

ویکیپیڈیا کے مطابق ” بھیڑیا ایک ایسا جانور ہے جو اپنی آزادی سے بہت پیار کرتا ہے اور کسی صورت اپنی آزادی پر سمجھوتہ نہیں کرتا۔ بھیڑیا وہ واحد جانور ہے جسکو سدھایا نہیں جا سکتا یعنی اس کو غلام نہیں بنایا جا سکتا باقی سب جانوروں بشمول شیر کے ، غلام بنایا جا سکتا ہے۔ بھیڑیا غضب کی تیز نگاہ رکھتا ہے اور اتنا پھرتیلا ہوتا ہے کے کسی جن کو بھی سامنے دیکھ کر اس پر چھلانگ مار کر اسکو ختم کر سکتا ہے۔

بھیڑئے کی بہترین خصوصیات میں والدین سے حسن سلوک، اسکی بہادری ، وفاداری اور خودداری شامل ہیں۔ جو کہ اسکا طرہ امتیاز ہیں۔
بھیڑیے کی ایک اور خاص بات یہ ہے کہ یہ مردہ جانور نہیں کھاتا جو کہ جنگل کے بادشاہ کی خصوصیات میں شامل ہے۔ بھیڑیا اپنی محرم مؤنث پر غلط نگاہ نہیں رکھتا یعنی وہ باقی تمام جانوروں کے برعکس اپنی ماں اور بہن کو شہوت کی نظر سے نہیں دیکھتا۔ وہ ہمیشہ اپنی بیوی کا وفادار رہتا ہے اور ادھر اُدھر مونہہ نہیں مارتا۔ اسی طرح اسکی مادہ بھی ہمیشہ اسکی وفادار رہتی ہے۔ اگر ان دونوں میں سے کوئی مر جائے تو دوسرا اسکے مرنے والی جگہ پر کم از کم تین ماہ تک کھڑا رہ کر افسوس اور ماتم کرتا ہے۔۔ بھیڑیے اپنی اولاد کو پہچانتے ہیں کیوں کہ وہ ایک ہی ماں باپ سے ہوتے ہیں۔

عربی میں بھیڑیے کو "ابن البار” یعنی نیک بیٹا کہتے ہیں۔۔ کیونکہ اسکے والدین جب بوڑھے ہو جاتے ہیں تو یہ انکا خیال رکھتا ہے انکے لیے شکار کر کے لاتا ہے۔ ایسی خاصیت اور کسی جانور میں نہیں۔بھیڑئے جب ایک جگہ سے دوسری جگہ منتقل ہوتے ہیں تو ایک خاص طریقے سے انکا کارواں چلتا ہے جو کے اسکی دفاعی صلاحیتوں کے متعلق بھی کافی معلومات فراہم کرتا ہے۔ کارواں کچھ اس طریقے سے چلتا ہے۔۔
سب سے آگے بہت بوڑھے اور بیمار بھیڑیے چلتےہیں۔ اُن کے بعد پانچ ایسے بھیڑیے ہوتے ہیں جو بلکل طاقتور اور مستند ہوتے ہیں وہ ان بیمار بھیڑیوں کا خیال رکھتے ہیں۔ انکو ہر قسم کی مدد فراہم کرتے ہیں۔
انکے بعد بہت چاق وچوبند، ہوشیار اور دفاع میں ماہر بھیڑیے ہوتے ہیں جو کہ کسی حملے کی صورت میں فوراً کارواں کا دفاع کر سکتے ہیں۔
درمیان میں سارے عام سے بھیڑیے ہوتے ہیں اور آخر میں ان سب کا قائد ہوتا ہے جو یہ نگرانی کرتا ہے کہ سب اپنے اپنے فرائض بخوبی سرانجام دے رہے ہیں کہ نہیں۔ عربی میں اس سربراہ کو الف کہتے ہیں یعنی جو سب سے الگ ہو اور اکیلا ہزار کے برابر ہوتا ہو۔
اس سربراہ کے لیے وہ اپنے میں سے سب سے بہترین کا انتخاب کرتے ہیں جس میں ہمارے لیے بھی ایک خاص سبق موجود ہے۔ان سب خصوصیات کی بنا پر تُرک بھیڑیے کا اتنا احترام کرتے ہیں اور اسکو اپنا قومی جانور بنا رکھا ہے۔
بھیڑئے مختلف اقسام کی آوازیں نکال سکتے ہیں جن میں گرانٹ, چیخنا، بھونکنا، سیٹی بجانا، اسکریچنگ اور سرگوشی شامل ہیں۔
یہ زبردست شکاری ہوتے ہیں۔ یہ پیک کی صورت میں رہتے ہیں اور ہر پیک کا ایک سربراہ یا رہبر ہوتا ہے۔

@NiniYmz

پاکستان میں امیر طبقہ قانون سے بالاتر ہے ۔
قانون کو قانون سمجھنا تو دور کی بات کچھ طبقہ قانون کو جیب میں رکھے پیسے سے تشبیح دیتا ہے مطلب کہ قانون ان کے نزدیک صرف پیسہ ہی ہے جیسا چاہے وہ ظلم و بر بریت کی تاریخیں رقم کر لیں مگر قانون میں ترمیم ان کی جیب میں پڑا پیسہ کرا دیتا ہے ۔
معاشرے میں اس وقت ہو رہے ظلم و جبر کے واقعات میں اس ملک کے رٶسا امرا اور بااثر افراد زیادہ ملوث ہیں ۔
ایک امیر ، جاگیردار ، خان یا وڈیرہ جرم کر کے تھانے جا سکتے ہیں مگر قانون ان کو کچھ نہیں کہے گا بلکہ ان کے مخالف پہ چڑھاٸ کردینگے متعدد کیس بنا دینگے مختلف دفعات لگا دینگے اور شام کو روزی روٹی کر کے آنے والے تازہ مزدوری والے شخص پہ عذاب ٹوٹ پڑے گا بے چارہ گھر بھوکے بیٹھے اہل و عیال کیلۓ روٹی لے کے جانے والا راستے میں سے اٹھا کے تھانے بند کر دیا جاۓ گا ۔
جاگیرداروں ، وڈیروں کے ٹاٶٹ رات کو کھلے سانڈھ کی طرح چھوٹیں گے اور اس غریب کے گھر جا گھسیں گے اور وہ بدترین تشدد کا نشانہ بناٸیں گے کہ روح لرزا دینے والے مناظر دیکھنے کو ملیں گے ۔
غریب جاٸینگے تھانے انصاف کے حصول کیلۓ مگر آگے نہ سنی جاٸیگی ۔
زخمی جب ہسپتال جاٸینگے تو آگے ڈاکٹر صاحبان کو سردار صاحبان و جاگیرداران کے فون موصول ہو چکے ہونگے وہ معمولی زخموں کی رپورٹ بنا دینگے ۔
حالانکہ شدید زخمی ہونگے وہ پر نہیں ڈاکٹرز معمولی خراشیں ظاہر کر کے ڈسچارج کر دینگے ۔
اگر کوٸ غریب عدالت کا دروازہ جا کھٹکاۓ تو بھی جواب کچھ مختلف نہیں ہوگا پہلے پہل بھاری فیس کی مانگ ، ہسپتال سے جاری کردہ رپورٹ اور تھانے دی گٸ درخواست یا مقدمے کی کاپیاں دینی ہونگی ۔
بات یہاں یہ قابل غور ہے کہ ایک غریب جس کو تھانے سے ہی بھگا دیا جاۓ جس کی شدید چوٹوں کو معمولی چوٹیں ڈیکلیٸر کر دیا جاۓ وہ بے چارہ عدالت کیا موقف رکھے گا ۔
اس کا موقف بھی ثبوتوں کی عدم دستیابی کی وجہ سے کمزور اور وہ تو پہلے ہی کمزور یوں ایک امیر ، جاگیردار یا وڈیرہ اپنے پیسے سے قانون کو غریب کے خلاف کر دیتا ہے ۔
الغرض کہ پاکستان میں اگر عدم توجہ یا عدم انصاف غریب کیلۓ اور توجہ یا انصاف امیر کیلۓ متعین کردہ ہے ۔
یہ ملک ڈنڈے والوں کا ہے غریب یہاں یا تو پس جاتے ہیں یا انصاف کے حصول کیلۓ تگ و دو میں مارے جاتے ہیں ۔
ملک میں امیر ہی اپنی مرضی سے زندگی گزارنے کا حق رکھتے ہیں باقی غریب جیسے اس ملک کی شودر قوم ہوں ۔
انصاف کے حصول کو عام کرنے کیلۓ حکومت وقت سے گزارش ہے کہ وہ سب سے پہلے پولیس محکمے میں اصلاحات کرے ۔
چٹی دلالوں اور کرپٹ افسروں کو فوری معطل کر کے ان کی جگہ نوجوانوں کو بھرتی کرے ۔
ہسپتالوں کو ٹھیک کرے جہاں من پسند لوگوں کو من پسند رپورٹیں بنا کر دی جاتیں ہیں ڈاکٹروں کو لگام ڈالے جو سیاسی یا بااثر لوگوں کے
جج صاحبان انصاف پہ مبنی فیصلے کریں ۔
امیر اور غریب کیلۓ قانون برابر ہوں ۔
امیر و غریب کو مساوی حقوق حاصل ہوں ۔
ایک افسر غریب کے سامنے جوابدہ ہو ۔
تمام تھانوں کو کسی کے دباٶ میں نہ آنے کی ہدایات دی جاٸیں تاکہ منصفانہ طریقے سے تحقیقات کا آغاز ہو اور غریبوں کو بھی امیروں کی طرح
انصاف انصاف اور انصاف ملے ۔

ہم نے اکثر یہ جملہ سنا ہے کہ "فطرت کبھی نہیں بدلتی” یہ جملہ ایک حقیقت ہے۔ اس جملے کے دو پہلو ہیں۔ ایک تو یہ کہ کسی انسان کی فطرت نہیں بدلتی دوسرا یہ کہ فطرت خود اپنے آپ کو نہیں بدلتی مطلب اپنے اصولوں پر سمجھوتہ نہیں کرتی۔ ایسے بہت سے فطرت کے قوانین ہیں جو کبھی نہیں بدلتے بلکہ موقع ملتے ہی نافذالعمل ہو جاتے ہیں۔ یاد رکھیں جو فطرت کے مطابق چلتے ہیں تو فطرت بھی ان کو آسانیاں فراہم کرتی ہے۔ اور جو اس کے مطابق نہیں چلتے پھر فطرت ان سے انتقام لیتی ہے۔ آج میں فطرت کے تین ایسے قوانین کا ذکر کروں گا جو کڑوے ضرور ہیں مگر ایک اٹل حقیقت ہیں۔

پہلا قانون فطرت:
اگر ہم کسی کھیت میں دانہ نہ ڈالیں تو قدرت اسے "گھاس پھوس” سے بھر دیتی ہے.
بالکل اسی طرح اگر ”دماغ” کو اچھی سوچوں سے نہ بھرا جائے تو کج فکری اسے اپنا مسکن بنا لیتی ہے۔ یعنی اس میں صرف الٹے سیدھے خیالات آتے رہتے ہیں اور وہ شیطان کی آماجگاہ بن جاتا ہے۔ پھر اس سے بچنا بہت مشکل ہوجاتا ہے۔
اس لیے ہمیشہ اچھی اور مثبت سوچوں کو ہی دماغ میں جگہ دی جائے اور فضول خیالات سے بچا جائے۔ کیونکہ فضول سوچوں سے شیطان حملہ آور ہوجاتا ہے اور انسان کے دل میں وسوسے ڈالتا ہے۔ اچھی سوچوں سے ہی اس کا مقابلہ کیا جاسکتا ہے۔ جتنا آپ برا سوچیں گے اتنا ہی پریشان اور مصیبت میں مبتلا ہوں گے لٰہذا اچھا سوچیں اور خوشحال زندگی گزاریں۔

دوسرا قانون فطرت:
جس شخص کے پاس "جو کچھ” ہوتا ہے وہ "وہی کچھ” بانٹتا ہے۔
* خوش مزاج انسان خوشیاں بانٹتا ہے۔
* غمزدہ انسان غم بانٹتا ہے۔
* ایک عالم علم بانٹتا ہے۔
* دیندار انسان دین بانٹتا ہے۔
* خوف زدہ انسان خوف بانٹتا ہے۔
* محبت کرنے والا انسان محبت بانٹتا ہے۔
* نفرت کرنے والا انسان نفرت بانٹتا ہے۔
* دانا انسان دانائی بانٹتا ہے۔
غرضیکہ جس کے پاس جو کچھ ہوگا وہ وہی بانٹے گا کیونکہ اس کے پاس دینے کے لیے وہی کچھ ہوگا۔ اس لیے ہمیں چاہیئے کہ اچھا بننے کی کوشش کریں اور ہمیشہ اچھائی بانٹیں۔ اپنی بری عادتوں کو چھوڑنے کی کوشش کریں جنتا ہوسکے دوسروں کا بھلا کریں۔ ہمارا کردار ہی ہماری پہچان ہوتا ہے۔

تیسرا قانون فطرت:
آپ کو زندگی میں جو کچھ بھی حاصل ہو اسے "ہضم” کرنا سیکھیں اسی میں ہماری بھلائی ہے کیونکہ اگر۔۔۔
* کھانا ہضم نہ ہو تو بیماریاں پیدا ہوتی ہیں۔
* مال و ثروت ہضم نہ ہو تو ریاکاری بڑھتی ہے۔
* بات ہضم نہ ہو تو چغلی اور غیبت بڑھتی ہے۔
* تعریف ہضم نہ ہو تو غرور میں اضافہ ہوتا ہے۔
* مذمت ہضم نہ ہو تو دشمنی بڑھتی ہے۔
* غم ہضم نہ ہو تو مایوسی بڑھتی ہے۔

پی جا ایام کی تلخی کو بھی ہنس کے ناصر
غم کے سہنے میں بھی قدرت نے مزا رکھا ہے

اس لیے ہمیں چاہیئے کہ ہم حقیقت کا کھلے دل سے سامنا کریں بعض لوگ حقیقت سے انکار کرتے نظر آتے ہیں جبکہ حقیقت کو تسلیم کرنا ہی دانائی ہے۔ جس حال میں بھی ہوں اللّٰہ کا شکر ادا کریں۔ بعض لوگ ہمیشہ شکوہ کرتے نظر آتے ہیں کہ ہمارے حالات ایسے کیوں ہیں۔ کیا ساری مصیبتیں اور پریشانیاں ہماری قسمت میں ہی لکھی ہوئی ہیں۔ جس طرح کے حالات ہوں ان کے مطابق چلنا سیکھیں۔

وہ مرد نہیں جو ڈر جائے حالات کے خونی منظر سے
جس دور میں جینا مشکل ہو اس دور میں جینا لازم ہے

مولانا رومی صاحب کا قول ہے کہ "پرسکون وہ ہے جسے کم یا زیادہ کہ فکر نہیں”۔ ہر حال میں شکر ادا کرنا اپنی عادت بنالیں۔ شکوہ ظلمت سے بہتر ہے کہ کوئی دیپ جلائیں۔ اپنی اور دوسروں کی زندگی کو آسان بنائیں۔ خوش رہیں اور دوسروں کو بھی خوش رکھیں۔ جتنا ملے اس پر راضی ہوجائیں۔ اپنے عمل سے لوگوں کے دل جیتنے کی کوشش کریں۔ کیونکہ حقیقی فاتح وہی ہوتا ہے جو لوگوں کے دل جیتنا جانتا ہے۔ جو شخص قدرت پر راضی ہوجائے پھر قدرت بھی اس کے لیے آسانیاں پیدا کرتی ہے۔ اللّٰہ تعالیٰ ہم سب کو اپنی حفظ و امان میں رکھے اور آسانیاں پیدا فرمائے۔۔۔آمین

@Rumi_PK

‏
شاید ابھی تک کسی دانشور یا لیکھاری نے زندگی کی معنی کے بارے کچھ ایسا لیکھا ہو جو ھمارے پلے پڑ جائے، یا زندگی کی ایسی تعریف کی ھو جو سمجھنے میں اور دوسرں کو سمجھانے  میں آسان ہو لیکن ہم سمجھتے ہیں کہ جو زندہ ہے سانس لیتا ہے اسکے پاس زندگی ہے اور جو سانس نہیں لے سکتا اس کے پاس زندگی نہیں ہے۔ میرے حیال میں زندگی ایک کیفیت ہے جو انسان کو یہ احساس دلانے کی کوشش کرتا ہے کہ کسی کے ساتھ اچھائی کرنے خوشی ملے گی اور کسی ساتھ برائی کرنے پر درد اور بے چینی محسوس ہوگی۔
یا یو کہئے کہ زندگی ایک ایسی احساس ہے کہ محبت دینے یا ملنے پر انسان کو سکون ملتی ہے اور نفرت دینے یا ملنے پر انسان کو تکلیف دیتی ہے۔
خیر آئیں چلتے ہیں اس سوال کی طرف کے "زندگی کیا ہے”
"زندگی” یوں تو پانچ حروف ہے جو لکھنے اور پڑھنے میں بےحد اسان ہے لیکن اسکی مفہوم و مضمون انتہائی پیچیدہ ہے۔زیادہ تر لوگوں کا خیال ہے کہ زندگی سانس لینے کا نام ہے۔ جیساکہ میں نے بیان کیا کہ زندگی ہر اس انسان کے پاس ہے جو زندہ ہو، لیکن میں سمجھتا ہوں کہ زندگی کی معنی، مفہوم اور مضمون کچھ اور ہے، کچھ پیچیدہ اور نہ سمجھنے کی نزدیک ہے۔زندگی مشکل راہو پر سفر مسلسل کا نام ہے جو انسان کو ایک تکمیل تک اور منزل تک لے جاتی ہے۔زندگی کچھ کر گزرنے کا نام ہے جس میں انسان کے ساتھ پیش ہونے والے اچھے اور برے لمحات ہے۔زندگی جہد مسلسل کا نام ہے جو انسان اپنی کامیابی یا منزل مقصود کیلئے کرتا ہے۔زندگی سکھ دکھ کا نام ہے کیونکہ اگر انسان کے ساتھ پیسہ زیادہ ہوجائے تو موج مستی اور خواہشات کی دریا میں ڈوب جاتا ہے لیکن اچانک کسی خونی رشتہ دار کی موت کا سن کر سب کچھ بھول جاتا ہے۔زندگی میں جہاں کانٹے ھیں وہاں پھول بھی ہے شادی بیاہ اور دوستوں کی محفل خوشی دیتا ہے اور کسی موت یا برے حالات صدمہ پہنچاتی ہے۔زندگی تلخ بھی ہے شرین بھی ہے جب انسان بڑے حالات سے گزر رہا ہو تو تلح آگر اچھے حالات سے گزر رہا ہو تو شرین ۔زندگی وصل بھی ہے ہجر بھی ہے، جب ماں کی پیار ملے تو وصل جب اس ممتا سے دوری ہو تو ہجر ۔زندگی ساز ہے سُر اور سرور ہے، جب تک ان سب کا ساتھ ہو جس کا ساتھ اپکو چاہیے ہوتا ہے ۔زندگی عم بھی ہے خوشی بھی ہے، جب انسان پر اللہ تعالی کی نعمتوں کا بھرمار ہو تو خوشی اور جب اسکا اسقاط ہو تو غم۔زندگی جیو اور جینے دو کا نام ہے، مطلب خود بھی معاشرے میں بے ضرر بن جانا اور دوسرے کو بھی ضرر سے محفوظ رکھنا۔خود بھی انسانیت کے دائرے میں رہنا اور دوسروں کے ساتھ بھی ایسی ماحول میں گزر بسر کرنا۔زندگی حسن اخلاق کا نام ہے یعنی سب کیلئے اپنے اپکو ایک مکمل مسلمان بنانا ۔اور سب سے بڑھ کر زندگی حقوق اللہ اور حقوق العباد کو جاننے اور اس پر پورا اترنے کا نام ہے۔ شاید یہی زندگی کی محتصر تعریف، معنی اور مفہوم ہے کہ انسانوں سے محبت کیا جائے اور اللہ تعالی کے دئے ہوئے نعمتوں کا شکر ادا کریں۔

"عرفان اللہ”‎@Muna_Pt‏”زندگی کیا ہے”
شاید ابھی تک کسی دانشور یا لیکھاری نے زندگی کی معنی کے بارے کچھ ایسا لیکھا ہو جو ھمارے پلے پڑ جائے، یا زندگی کی ایسی تعریف کی ھو جو سمجھنے میں اور دوسرں کو سمجھانے  میں آسان ہو لیکن ہم سمجھتے ہیں کہ جو زندہ ہے سانس لیتا ہے اسکے پاس زندگی ہے اور جو سانس نہیں لے سکتا اس کے پاس زندگی نہیں ہے۔ میرے حیال میں زندگی ایک کیفیت ہے جو انسان کو یہ احساس دلانے کی کوشش کرتا ہے کہ کسی کے ساتھ اچھائی کرنے خوشی ملے گی اور کسی ساتھ برائی کرنے پر درد اور بے چینی محسوس ہوگی۔
یا یو کہئے کہ زندگی ایک ایسی احساس ہے کہ محبت دینے یا ملنے پر انسان کو سکون ملتی ہے اور نفرت دینے یا ملنے پر انسان کو تکلیف دیتی ہے۔
خیر آئیں چلتے ہیں اس سوال کی طرف کے "زندگی کیا ہے”
"زندگی” یوں تو پانچ حروف ہے جو لکھنے اور پڑھنے میں بےحد اسان ہے لیکن اسکی مفہوم و مضمون انتہائی پیچیدہ ہے۔زیادہ تر لوگوں کا خیال ہے کہ زندگی سانس لینے کا نام ہے۔ جیساکہ میں نے بیان کیا کہ زندگی ہر اس انسان کے پاس ہے جو زندہ ہو، لیکن میں سمجھتا ہوں کہ زندگی کی معنی، مفہوم اور مضمون کچھ اور ہے، کچھ پیچیدہ اور نہ سمجھنے کی نزدیک ہے۔زندگی مشکل راہو پر سفر مسلسل کا نام ہے جو انسان کو ایک تکمیل تک اور منزل تک لے جاتی ہے۔زندگی کچھ کر گزرنے کا نام ہے جس میں انسان کے ساتھ پیش ہونے والے اچھے اور برے لمحات ہے۔زندگی جہد مسلسل کا نام ہے جو انسان اپنی کامیابی یا منزل مقصود کیلئے کرتا ہے۔زندگی سکھ دکھ کا نام ہے کیونکہ اگر انسان کے ساتھ پیسہ زیادہ ہوجائے تو موج مستی اور خواہشات کی دریا میں ڈوب جاتا ہے لیکن اچانک کسی خونی رشتہ دار کی موت کا سن کر سب کچھ بھول جاتا ہے۔زندگی میں جہاں کانٹے ھیں وہاں پھول بھی ہے شادی بیاہ اور دوستوں کی محفل خوشی دیتا ہے اور کسی موت یا برے حالات صدمہ پہنچاتی ہے۔زندگی تلخ بھی ہے شرین بھی ہے جب انسان بڑے حالات سے گزر رہا ہو تو تلح آگر اچھے حالات سے گزر رہا ہو تو شرین ۔زندگی وصل بھی ہے ہجر بھی ہے، جب ماں کی پیار ملے تو وصل جب اس ممتا سے دوری ہو تو ہجر ۔زندگی ساز ہے سُر اور سرور ہے، جب تک ان سب کا ساتھ ہو جس کا ساتھ اپکو چاہیے ہوتا ہے ۔زندگی عم بھی ہے خوشی بھی ہے، جب انسان پر اللہ تعالی کی نعمتوں کا بھرمار ہو تو خوشی اور جب اسکا اسقاط ہو تو غم۔زندگی جیو اور جینے دو کا نام ہے، مطلب خود بھی معاشرے میں بے ضرر بن جانا اور دوسرے کو بھی ضرر سے محفوظ رکھنا۔خود بھی انسانیت کے دائرے میں رہنا اور دوسروں کے ساتھ بھی ایسی ماحول میں گزر بسر کرنا۔زندگی حسن اخلاق کا نام ہے یعنی سب کیلئے اپنے اپکو ایک مکمل مسلمان بنانا ۔اور سب سے بڑھ کر زندگی حقوق اللہ اور حقوق العباد کو جاننے اور اس پر پورا اترنے کا نام ہے۔ شاید یہی زندگی کی محتصر تعریف، معنی اور مفہوم ہے کہ انسانوں سے محبت کیا جائے اور اللہ تعالی کے دئے ہوئے نعمتوں کا شکر ادا کریں۔

‎@Muna_Pti :ٹویٹر

جب میں نے اقبال کے بارے میں پڑھا تو اقبال کا تصوراتی مرد مومن میرے دل کو چھو گیا اسکو پڑھنے کے بعد مجھے بہت سی باتیں سمجھ آئی جو اس سے پہلے میرے ذہن و گمان میں بھی نہیں تھی۔۔ جب ہم اسکول میں ہوتے تھے تو پڑھایا جاتا تھا کہ اقبال ہمارے قومی شاعر ہیں پھر جب کالج میں آئے تو اقبال کی کئی شعر و شاعری پڑھی لیکن اسے کبھی سمجھنے کی کوشش نہیں کی اور نا ہی دلچسپی ظاہر کی لیکن جب مرشد عمران خان نے اپنے جلسوں میں کئے گئے خطاب کے دوران کہا کہ اجکل کا نوجوان اقبال کو پڑھے کہ وہ کتنا بڑا شاعر مشرق ہے اور اگر زندگی گزارنی ہے تو اقبال کے شاہین بن کر زندگی گزارو۔۔
پھر میں نے اقبال کو پڑھنا شروع کیا تو مجھے معلوم ہوا کہ اقبال صرف قومی شاعر ہی نہیں بلکہ علامہ اقبال ایک بڑے مفکر عظیم المرتبت شاعر تھے

علامہ اقبال نے اپنی شاعری کے ذریعے امت مسلمہ کو ایک پیغام دیا اور اپنی نظموں کے ذریعہ انسانیت کی رہنمائی کی ان کی شاعری انسانی زندگی کو راہ راست پر لگانے کا ایک بہترین کارگروسیلہ ہے ۔۔

جب بھی اقبال کی شاعری پڑھیں تو اسے سمجھنے کی کوشش ضرور کریں تاکہ اسکا اثر ہمارے دلوں میں ہو سکے

اب ہم آتے ہیں اقبال کے تصوراتی مرد مومن کی جانب کہ اقبال کا تصوراتی مرد مومن کیا ہے؟

اس کی اساس خالصتاً اسلامی تعلیمات پر مبنی ہے

انسان کامل یا مرد مومن کی زندگی جو آئین الٰہی کے مطابق ہوتی ہے ،فطرت کی عام زندگی میں شریک ہوتی ہے اور اشیاء حقیقت کا راز اس کی ذات پر منکشف ہو جاتا ہے پھر وہ اپنی منزل پر پہنچ کر انسان کامل کی غرض کی حدود سے نکل کر جوہر کے دائرے میں داخل ہوتا ہے اس کی آنکھ خدا کی تخلیق کردہ کائنات پر اس کا کلام خدا کا کلام اور اس کی زندگی خدا کی زندگی بن جاتی ہے یہی وہ نکتہ ہے جہاں انسانیت اور الہیت ایک ہو جاتی ہے اور اس کا نتیجہ انسان ربانی کی پیدائش ہے۔۔

"ہر لخطہ ہے مومن کی نئی شان نئی آن ”
"گفتار میں کردار میں اللہ ہی ہر بان ”
"قہاری و غفاری و قدوسی و جبروت ”
” یہ چار عناصر ہوں تو بنتا ہے مسلمان”
"یہ راز کسی کو نہیں معلوم کہ مومن”
"قاری نظر آتا ہے حقیقت میں ہے قرآن ”
"جس سے جگر میں ٹھنڈک ہو وہ شبنم ”
"دریاؤں کے دل جس سے دہل جائیں وہ ہے طوفان٫

اقبال کا مرد مومن حیات و کائنات کے قوانین کا اسیر نہیں بلکہ حیات و کائنات کو اسیر کرنے والا ہے۔
قرآن مجید نے انسانوں کو تسخیر کائنات کی تعلیم دی ہے ۔۔۔
شاہین کا شکار پرندے ہیں لیکن انسان کا شکار انسان کو نہیں ہونا چاہیے جب میں نے پڑھا تو معلوم ہوا کہ اقبال اپنی قوم کے نوجوانوں کو اپنی صفات کا حامل دیکھنے کے خواہشمند تھے اس لیے انہیں شاہین کے بچوں کہہ کر مخاطب کرتے تھے شاہین کو اس طرح علامت بنا کر اس سے پہلے کبھی کسی شاعر نے پیش نہیں کیا تھا۔۔
اقبال کی باتوں میں انسان کی خودمختاری کا بھی بہت بار ذکر کیا گیا ہے۔۔

مرد مومن میں ایمان کی مضبوطی ، دینی جذبہ اور ذات الٰہی کی شکر گزاری ہوتی ہے میں اقبال کو قرآن کا شاعر کہتی ہوں یہ وہی خوبی ہے جس سے میں اقبال کی ذات سے بے حد متاثر ہوئی ۔۔
جس نے بھی اقبال کو پڑھا سب نے اپنے اپنے خیالات کا اظہار کیا اور ہر کسی کا موقف انتہائی خوبصورت تھا میں چاہتی ہوں کہ آپ بھی اپنے طور پر اقبال کے بارے میں پڑھیں اور سمجھیں انشاء اللہ ضرور آپکی ازدواجی زندگی میں اور معاشرے میں اپکو ایک بہترین مسلمان،اور انسان بنے میں مدد ملے گی جس کے مثبت نتائج سامنے آئے گے ۔۔

بچپن سے ہم میں سے اکثر کچھ جملے سنتے آرہے ہیں اور سن سن کے ہم میں سے اکثریت کو اس سے شدید چڑ ہوچکی ہے اور وہ یہ کہ پاکستان اس وقت اپنی تاریخ کے نازک ترین دور سے گزر رہا ہے پاکستان کسی انتشار کا متحمل نہیں ہوسکتا پاکستان ایک ترقی پذیر ملک ہے۔ آپ نے بھی یقینی طور پہ ایسے جملے لاتعداد بار سنیں ہونگے۔ اگر ان جملوں کی گہرائی میں جایا جائے اور اعدادوشمار، منطق سے اندازہ لگایا جائے کہ 74 سال گزرنے کے باوجود پاکستان اتنے برے حالات میں کیوں ہے۔اگر دیکھا جائے تو پاکستان کے سب سے بڑے مسائل میں سے ایک ہے غربت اور پسماندگی، ہمارے ملک میں 30 فیصد آبادی غربت کی لکیر سے نیچے رہتی ہے اس کا مطلب ہے کہ ساڑھے 6 کروڑ لوگ دن میں 300 روپے سے کم کماتے ہیں اب سوچیں اگر ایک شخص روازنہ کے 300 روپے کماتا ہے تو اس کی تنخواہ 9000 روپے بنتی ہے اب آپ خود اندازہ لگا لیں کہ 9000 میں گزارہ ہوسکتا یے یا نہیں۔ پاکستان میں اوسطا ایک گھر میں پانچ سے چھ افراد رہتے ہیں اور ان لوگوں کا کفیل بھی عام طور پہ ایک ہی شخص ہوتا ہے جو گھر کا سربراہ ہوتا ہے۔ اب آپ اندازہ کریں جو لوگ دیہاڑی کا 300 روپے کماتے ہیں وہ کس طریقے سے اپنا گزارہ کرتے ہوں گے کس طرح سے وہ اپنے بچوں کو پڑھائیں گے ان کی خوراک کا بندوبست کریں گے ان کی پرورش کریں گے۔ پچھلے 74 سالوں میں کسی ایک حکومت نے بھی غربت ختم کرنے کا پروگرام ترتیب نہیں دیا۔ بینظیر انکم سپورٹ اور احساس جیسے پروگرامز نے ہماری قوم کو مزید سست اور بھیک مانگنے پہ مجبور کردیا۔ ایک چینی محاورے کا ترجمہ ہے کہ اگر کوئی شخص بھوکا ہے تو اس کو مچھلی نہ دیں بلکہ اس کو مچھلی پکڑنا سکھا دیں لہذا ہماری حکومت کے لئے لوگوں کو ہر ماہ امداد دینے کی بجائے ان کو پیسے دینے کے بجائے ان کے اندر ہنر مہارت پیدا کریں ان کو ووکیشنل ٹریننگ دیں تاکہ وہ اپنا کوئی چھوٹا سا کام یا بزنس کرسکیں۔ کوئی مکینک کی دوکان کھول سکے کوئی پلمبر الیکٹریشن کا کام کرسکیں تاکہ اپنی روزی روٹی کا بندوبست خود کر سکیں۔
ایک اور گھمبیر مسئلہ جس پہ لوگ بات نہیں کرتے وہ ہے فوڈ سیکورٹی کا ہے۔ پاکستان میں 5سال سے کم عمر 38 فیصد بچے خوراک کی کمی کا شکار ہیں، سندھ میں یہ شرح 50 فیصد تک ہے۔ خوراک کی کمی کی وجہ سے بچہ اپنی عمر کے حساب سے جسمانی اور ذہنی طور پہ نشوونما رک جاتی ہے اس وجہ سے آئندہ اپنی زندگی میں محنت کرنے کے باوجود بھی اپنی صلاحیتوں کو پہچان نہیں پاتا۔ غربت، ناخواندگی، سماجی عدم مساوات، حفظان صحت کی حالت اسکی چند بڑی وجوہات ہیں۔ یہ اتنا بڑا مسئلہ ہے اگر حکومت نے اس پہ توجہ نہ دی تو اگلے پانچ سے دس سالوں میں لوگ کھانا نہ ملنے کی وجہ سے غذائی قلت کا شکار ہوں گے اور مرنا شروع ہوجائیں گے. ہیومن ڈویلپمنٹ انڈیکس کے حساب سے پاکستان کا دنیا میں 154واں رینک ہے۔ ہیومن ڈویلپمنٹ انڈیکس بنیادی طور پہ کسی بھی ملک کا صحت کا نظام، تعلیم کا نظام، زندگی گزارنے کے معیار کو دیکھتا ہے۔ پاکستان کے لئے ہیومن ڈویلپمنٹ انڈیکس رینکنگ میں 154ویں نمبر پہ ہونا ایک بہت ہی شرمناک بات ہے کیونکہ ہمارے پڑوسی ممالک بھی ہم سے آگے ہیں، بھوٹان 129ویں، بنگلہ دیش 133ویں، بھارت 131ویں، سری لنکا 72ویں اور مالدیپ 95ویں نمبر پہ ہے۔ اس سے اندازہ لگا لیں کہ ہمارے ملک میں انسان کے زندہ رہنے کے لئے بنیادی سہولیات ہی میسر نہیں ہیں، نہ تعلیم کا نظام ہے نہ صحت کا نظام ہے نہ کھانے کا نظام ہے نہ ہی کوئی زندگی گزارنے کا معیار ہے جو امیر ہے وہ امیر تر ہے اور جو غریب ہے وہ غریب تر ہوتا جارہا ہے۔
پاکستان کے بدترین ہیلتھ نظام کی بات کی جائے تو ڈاکٹر مریض کا تناسب 1 اور 1300 کا ہے مطلب یہ ہے کہ 1300 مریضوں کے لئے صرف ایک ڈاکٹر موجود ہے جبکہ ہسپتالوں میں 1608 مریضوں کے لئے صرف ایک بیڈ موجود ہے۔ حکومت پاکستان جی ڈی پی کا صرف 1.1فیصد ہیلتھ پہ خرچ کرتی ہے۔ پاکستان دنیا کے صرف ان تین ممالک میں شامل ہے جن میں ابھی بھی پولیو کا مرض موجود ہے باقی دو نائجیریا اور افغانستان ہیں۔
پاکستانی قوم ٹیکس سے بھاگتی ہے جس کی وجہ سے پاکستان کا ٹیکس ریونیو صرف 9.6فیصد ہے آئی ایم ایف کے مطابق ترقی پذیر ممالک کا ٹیکس ریونیو کم سے کم 15فیصد ہونا چاہیے۔ اتنا کم ٹیکس جمع ہونے کی وجہ سے حکومت کے پاس پیسے نہیں ہوتے کہ کوئی ترقیاتی کام کرسکے اور جو ٹیکس جمع ہوتا یے وہ اربوں ڈالرز میں لئے گئے قرضوں کی اقساط دینے میں نکل جاتا ہے۔ جبکہ اگر عوام کی بات سنیں تو کہتے ہیں کہ ہمارے حکمران، سیاستدان کرپٹ اور چور ہیں۔ اور ہم خون پسینے، محنت و مشقت سے کمایا گیا پیسہ حکومت کو کیوں دیں جبکہ کوئی سہولیات نہیں ہیں۔ 2021 میں بھی پاکستان کی خواندگی کی شرح 60فیصد ہے اسکا مطلب یہ ہے کہ 100 میں سے صرف 60 ایسے ہیں جو پڑھ لکھ سکتے ہیں جبکہ خواتین کی شرح صرف 46فیصد ہے۔ یہ ایک بہت ہی بڑی وجہ ہے پاکستان کے ترقی میں پیچھے رہ جانے کی اور اسی وجہ سے ہم تیسری دنیا کے ممالک میں شمار ہوتے ہیں کیونکہ ہماری خواتین کو پڑھایا نہیں جاتا جسکی وجہ سےوہ معیشت میں اپنا حصہ نہیں ڈال سکتیں اور ہمارا اتنی بڑی تعداد میں انسانی ریسورس ضائع چلا جاتا ہے۔ ایک اور مسئلہ جس پہ شرمندگی اور افسوس ہوتا ہے وہ ہے ہم اپنی نااہلی اور تنگ نظری کی وجہ سے ڈیمز نہیں بنا سکے۔ پاکستان شاید دنیا کا واحد عجیب وغریب ملک ہے جس میں لوگ سیلاب اور خشک سالی دونوں سے مرتے ہیں۔ ڈیم پانی کو محفوظ کرتا یے جس سے کوئی بھی ملک اپنی زرعی ضروریات کو پورا کرتا ہے، اس کے ساتھ ڈیم کے پانی سے بجلی بنائی جاتی ہے۔ پاکستان چونکہ ایک زرعی ملک ہے اور بجلی کی بھی شدید کمی ہے لہذا ہمارے لئے ڈیمز بنانا نہایت ضروری ہے. ڈیم کی اہمیت کا اندازہ اس بات سے لگا لیں کہ بھارت نے 74 سال میں 3500 سے زیادہ چھوٹے اور بڑے ڈیمز بنائے ہیں جبکہ پاکستان نے اتنے ہی سالوں میں صرف 150 ڈیمز بنائے ہیں ان میں اکثر چھوٹے ڈیم ہیں اور وہ بھی 50-60 سال پہلے تعمیر ہوئے تھے۔
اگر مسائل کی وجوہات کی بات کی جائے تو سب سے پہلے قیادت کا بحران ہے دوسری وجہ اداروں میں کرپشن، بے ایمانی اور نااہلی ہے تیسری وجہ میرٹ کا نہ ہونا اور اس کے بعد ہمارے ملک میں جمہوریت کا کمزور ہونا بھی ایک بڑی وجہ ہے۔ انصاف کا نہ ہونا، تعلیم پہ توجہ نہ دینا اور اسکے ساتھ ذہن سازی، اخلاقیات سازی کا فقدان اور وسائل کی منصفانہ تقسیم نہ ہونا بھی بڑی وجوہات ہیں۔
یہ اتنے گہرے اور گھمبیر مسائل ہیں کہ ان کو حل کرنے کے لئے بھرپور توجہ اور وسائل کی ضرورت ہے۔ لیکن کہیں نہ کہیں سے تو شروعات کرنی ہیں تاکہ پاکستان کا شمار بھی انسانی ترقی کے حوالے سے دنیا کے صف اول کے ممالک میں ہوسکے۔ انشاء اللہ

tweets @KharnalZ