Author: Baaghi TV

ہماری زندگی میں بعض لوگوں سے تعلقات اس حد تک بڑھ جاتے ہیں جنہیں کسی رشتے کا نام تو نہیں دیا جاتا لیکن انہیں نبھانا ضرور جاتاہے، ان میں ایک اہم تعلق دوستی کا بھی ہے۔ دوستی کا مفہوم بہت وسیع ہے۔ ہمارے معاشرے میں تقریباً سبھی لوگ کسی نہ کسی سے دوستی نبھا رہے ہیں
دوست کون ہوتا ہے، جس کے دل میں آپ کے لیے خلوص کا دریا موجیں مار رہا ہوتا ہے اور آپ کے پسینے پہ اپنا خون بہانے کو یہ ہر وقت تیار رہتا ہے۔ آپ کی خاطر جوئے خوں عبور کرنے کو بھی تڑپتا ہے، آسمان سے تارے توڑ کے لانے کو بھی پھڑکتا ہے
دوست ۔۔۔۔ کون ہوتا ہے؟
اس کی تعریف کے لئے میرے پاس الفاظ نہیں ہیں ۔۔ میں اپنے احساسات جو میں نے محسوس کیا میں اپنے جذبات جو میں نے دیکھے اپنی ایک بہت ہی پیاری دوست بہنوں جیسی بلکہ ان سے بھی بڑھ کر ہے اس کے بارے میں لکھوں گی ،، آپ سب مجھے آخر میں رائے دینا کیا میرا نظریہ صحیح ہے؟؟؟
دوست دو طرح کے ہوتے ہیں
اچھے دوست اچھی صحبت برے دوست بری صحبت
اچھے اور بُرے دوست کی مثال اس حدیث پاک سے سمجھئے چنانچہ فرمانِ مصطفےٰ صلَّی اللہ تعالٰی علیہ واٰلہٖ وسلَّم ہے: اچھے برے ساتھی کی مثال مُشک کے اٹھانے اور بھٹی دھونکنے(آگ بھڑکانے) والے کی طرح ہے، مُشک اٹھانے والا یا تجھے ویسے ہی دے گا یا تُو اس سے کچھ خرید لے گا یا اس سے اچھی خوشبو پائے گا اور بھٹی دھونکنے والا یا تیرے کپڑے جلادے گا یا تُو اس سے بدبو پائے گا۔(مسلم، ص1084،حدیث 6692
اب اچا دوست کیسا ہوتا ہے (1)اچھا ہم نشیں وہ ہے کہ اس کے دیکھنے سے تمہیں اللہ یاد آئے اور اس کی گفتگو سے تمہارے علم میں اضافہ ہو اور اس کا عمل تمہیں آخرت کی یاد دلائے۔ (جامع صغیر، ص247،حدیث:4063
(2)اچھا ساتھی وہ ہے کہ جب تو اللہ کو یاد کرے وہ تیری مدد کرے اور جب تو بُھولے تو یاد دلا دے۔ (جامع صغیر، ص244،حدیث:3999
اچھا دوست بھی اللہ کی ایک بہت بڑی نعمت ہے
کہ اگر کبھی دوست سے کوئی غلطی ہوجائے یا وہ بُری صحبت میں پڑ جائے تو فوراََ اس سے دوری اختیار کرنے کے بجائے اسے سمجھانا چاہئے کیونکہ اچھے دوست کے اوصاف میں سے اہم ترین وصف یہ بھی ہے کہ وہ اپنے دوست کو بری صحبت میں نہیں چھوڑتا، بلکہ اسے برائی سے نکالنے کی کوشش کرتا اور اس کے لئے بارگاہِ الٰہی میں دعا کرتا ہے،
دوست کون ہوتا ہے؟؟؟
جو آپ کو درد میں دیکھ کر تڑپ جائے
جس کی باتوں سے آپ کو تسکین ملے
وہ اگر خاموش ہو تو آپ سے رہا نہ جائے
جو آپ کا غم بانٹے
آپ کو خوش دیکھ کر خوش ہو
آپ کو پریشان دیکھ کر بےچین ہو جائے
ہر مشکل میں آپ کے ساتھ ہو
جو دھوپ میں سائے جیسا ہو
جو بارش میں چھتری ہو
جس کے بارے میں آپ سوچیں تو عجیب سی خوشی محسوس ہو
جو سوچے بنا ذہن میں ہو
جو صرف ذہن میں نہیں بلکہ دل پہ بھی حکومت کرتا ہو
جس سے مل کر آپ کو خوشی ملتی ہو
اور وہ خوشی بھی تمام غموں پہ حاوی ہو
جب وہ پاس ہو تو سب دکھ پریشانی آپ بھول جائیں
اور جب وہ دور ہو تو پھر اسی کے خیال میں رہیں
جو آپ کو بہت عزیز ہو اور سب سے خاص ہو
پھر جب وہ دوستی اس ذات کے لیے ہو جو مومنوں کا دوست ہے تو پھر اس دوستی کی شان تو اور بڑھ جاتی ہے
پھر دوست وہ ہوتا ہے ۔۔۔
جو آپ کو برے کاموں سے روکے
جو نیک کاموں کی رغبت دلائے
جو آپ کے ساتھ برا ہونے سے روکے
ان سب باتوں کے پیشِ نظر آپ کا دوست آپ کے سب سے زیادہ قریب ہوتا ہے۔
یہ ایک ایسا رشتہ ہے جو خون سے نہیں بلکہ دل سے بنتا ہے ، احساس سے بنتا ہے
جو آپ کے پاس تو نہ ہو مگر آپ کو اکیلا نہ رہنے دے
جو اپنی یادوں کا دائرہ آپ کے گرد لگا دے
جو کانٹوں میں گلاب ہو
جو آپ کی کل کائنات ہو

دوست دوست۔۔۔۔ جس کے لیے میرے پاس آج الفاظ ختم ہو گئے وہ ہوتا ہے دوست
"میری جان میرا مان ہو تم
ہاں میری جان ہو تم”
ٹویٹر ہینڈل
@K_A_R123

کہتے ہیں جان ہے تو جہاں ہے اگر جان ہو گی تو انسان کچھ کرنے کے قابل ہوگا،حکومت کی جانب سے صحت اور تعلیم کے شعبے میں بھاری بھرکم ہر سال بجٹ میں رکھی جاتی ہے اسکے باوجود سندھ میں صحت اور تعلیم کے شعبے پسماندگی کا شکار ہیں جیکب آباد میں صحت کا شعبہ انتظامی لاپرواہی کی وجہ سے بدحال ہو گیا ہے یو ایس ایڈ کی جانب سے جیکب آباد کی عوام کو علاج کی معاری سہولیات کے فراہمی کے لئے جدید اور اعلی طرز کی جمس ہسپتال تعمیر کرکے دی گئی لیکن افسوس کہ اتنا بہترین ادارہ پانچ سال سے مکمل فعال نہیں ہو سکا ہے جمس ہسپتا ل سیاسی مداخلت کی وجہ سے بدانتظامی کا شکار ہو گئی ہے 15جنوری 2016میں شروع کی گئی جمس ہسپتال میں اب تک ایمرجنسی کا شعبہ بند پڑا ہے جبکہ متعدد شعبے بھی غیر فعال ہیں جیکب آباد انسٹیٹیوٹ آف میڈیکل سائنسزز(جمس)کی سالانہ بجٹ 66کروڑ سے زائد ہے اتنی بجٹ رکھنے کے باوجود ادارے علاقے کے لوگوں کو علاج کی معیاری سہولیات فراہم کرنے میں ناکام ہے سیاسی سفارش پرجمس ایکٹ کے قواعد کے خلاف ایسے شخص کوجمس کا ڈائریکٹر مقرر کیا گیا ہے جسے کے پاس جمس جیسے ادارے کو چلانے کا کوئی تجربہ ہے نہ اہلیت،تین سال سے مقرر ڈائریکٹر جمس میں کوئی بہتری نہیں لاسکے ہیں اور نہ ہی ایمرجنسی سمیت متعددبند شعبوں کو فعال کر سکے ہیں سول ہسپتال کے ادھار پر لئے گئے ڈاکٹرس کی بدولت جمس کو چلایا جا رہا ہے سول ہسپتال سے ڈاکٹر منگوانے کی وجہ سے سول ہسپتال کا نظام درہم برہم ہو گیا ہے جمس میں سیاسی مداخلت اور بدانتظامی کی وجہ سے 20سے زائد ماہر ڈاکٹر اور پیرا میڈکس عملہ نوکری سے استیعفی دیکر جا چکا ہے،ہسپتا ل کی مینٹیننس،ہاؤس کیپنگ،کینٹین اور سیکیورٹی کے ٹھیکے بھاری رشوت کے عیوض سفارش پر دینے کی وجہ سے ادارے میں دن بہ دن بگاڑ آتا جا رہا ہے،فرضی بلوں کے ذریعے فنڈس نکلوائے جا رہے ہیں لیکن ادارے میں کوئی تبدیلی نظر نہیں آرہی،جمس ہسپتال میں سہولیات کے فقدان،کرپشن اور ڈائریکٹر کے خلاف شہریوں اور سیاسی سماجی تنظیموں کی جانب سے شدید احتجاج کے بعد محکمہ صحت کی جانب سے ڈائریکٹر جمس عبدالواحد ٹگڑ کو ہٹانے کا فیصلہ کیا گیا اس حوالے سے نئے ڈائریکٹر کی تعیناتی کے لئے اشتہار بھی جاری کیا گیا جس پر دس سے زائد امیدواروں نے درخواستیں بھی جمع کرائی جو چار ماہ سے التوا کا شکار ہے اطلاع ہیں کہ موجودہ ڈائریکٹر کو ہٹانے کا فیصلہ موخر کردیا گیا ہے مزید یہ کہ سندھ حکومت کی جانب سے جمس ہسپتال کی توسیع کے لئے20 کروڑ روپے منظو ر کئے گئے ہیں رواں مالی سال کے لئے ہاؤس کیپنک اور مینٹیننس کے ٹھیکے نیلام کے بجائے موجودہ ٹھیکیدار کو توسیع کرکے دینے کی اطلاعات ہیں جبکہ سیکیورٹی کا ٹھیکہ سفارش پر دینے کا انکشاف ہوا ہے جمس کی پریکیورمنٹ کمیٹی کے چئیر مین اور ڈائریکٹر جمس عبدالواحد ٹگڑ،ڈی سی کے نمائندے کے طور پر شامل اسسٹنٹ کمشنر شہزاد احمد اور ڈاکٹر عصمت علی لہر نے گریفن سیکیورٹی سروسز کو ٹھیکہ دینے کی منظوری دے دی ہے اس فیصلے کے خلاف فرنٹ لائن سیکیورٹی سروسز کے افضل ملک نے ڈائریکٹر ایس ایس پی آر اے کراچی کو درخواست دیتے ہوئے جمس ہسپتال کی سیکیورٹی کا ٹھیکہ خلاف ضابطہ دینے کا الزام لگایا گیا افضل ملک نے اپنی درخواست میں کہاہے کہ 30جون کو جمس میں ہونے والی بولی میں تین کمپنیوں کو شارٹ لسٹ کیا گیا اور کہا گیا کمپنی کے اصل کاغذات جمع کرائے جائیں اور 25جولائی کو گریفن سیکیورٹی سروسز کو ٹھیکہ دے دیا گیا جس پر تحفظات ہیں گریفن سیکیورٹی نے غلط معلومات اور جعلی کاغذات جمع کرائے مذکورہ کمپنی ڈیڑھ سال سے معطل ہے،جس کمپنی کو جمس کی سیکیورٹی کا ٹھیکہ دیا گیا ہے وہ پی ٹی اے میں رجسٹر نہیں بینک اسٹیٹمنٹ بھی کم ہے سندھ روینیو بورڈ میں بھی شارٹ ہے،سیسی اور ای او بی آئی میں بھی شراکت نہیں جبکہ موکل کی تفصیل بھی درست نہیں ہے اور یہ سپر ا رولز کی خلاف ورزی ہے انصاف کی بہتری کے لئے فیصلہ کیا جائے،جمس کی پروکیورمنٹ کمیٹی کے رکن ڈاکٹر عصمت لوہر نے رابطے پر کہا کہ سیکیورٹی کا ٹھیکہ کس بنیاد پر گریفن کمپنی کو دیا گیا یہ تو ڈائریکٹر ہی بتا سکتے ہیں سار ے معاملات وہ دیکھتے ہیں میں رکن ضرور ہوں مجھ سے صرف درستخط لی جاتی ہے میں اس موقع پر تو کچھ ترمیم نہیں کر سکتا مستقل ملازم بھی نہیں ہوں کانٹریکٹ پر ہوں،جمس ہسپتال میں میرٹ کو نظر انداز کرکے سفارشی کلچر کو فروغ دیا گیا ہے جس کے باعث علاج گھر عذاب گھر بنتا جا رہا ہے جمس کو تباہی سے بچانے کے لئے سیاسی مداخلت،سفارشی کلچر کا خاتمہ انتہائی ضروری ہے جمس کے بورڈ آف گورننس کے ممبران کی بھی تبدیلی کی ضرورت ہے کیونکہ وہ ادارے کو فعال کرنے سمیت بہتر بنانے میں کچھ نہیں کر سکے ہیں بی او جی میں ایسے افراد کو شامل کیا جائے جو عوام کے حقیقی نمائندگی کرتے ہوں جمس کو مکمل فعال بنانے کے لئے اہل اور تجربہ کار ٖڈائریکٹر کی بھی ضرورت ہے تاکہ جمس جسیے بہترین ادارے سے نہ صرف جیکب آباد بلکہ سندھ اور بلوچستان کے افراد بھی علاج کی بہتر اور معیاری سہولیات سے مستفید ہو سکیں۔

@journalistjcd

ہم اور معاشرہ یہ ایک ایسا تعلق ہے جو کبھی ٹورنے سے بھی نہیں ٹوٹتا ۔معاشرہ ہم سے بنتا یہ بات ہم کیوں بھول جاتے ؟ جو ہم کرتے وہی سب دوسرے لوگ بھی کرتے اسے معاشرتی علوم کہتے کہ معاشرے کا علم ہونا ۔
اب یہاں ایک بات زیر غور رہے کہ جب ایک مرد ایک انسان کسی عورت کی عزت پامال کرتا ہے تو سبھی اس ایک شخص کے نقشے قدم پر کیوں چل پڑے؟
کیا ہمارے معاشرے میں عورت کی عزت کو اتنی آسانی سے نوچ دیا جاتا؟ اتنا آسان ہوتا کسی کی زندگی ایک پل میں برباد کرجانا؟
ہمیں دیکھایا جاتا تھا بچپن میں کہ مدرسے کا قاری جو قرآن سکھاتا ہے وہ باپ سے بھی اونچا رتبہ رکھتا لیکن ہمارے معاشرے میں ہم کیا دیکھ رہے ؟
مسجدوں میں مدارس میں گرجا گھروں میں اس عبادت گاہوں میں سب جگہ عورت ، خواہ وہ 1 سال کی بچی ہو یا 30 سال کی جوان لڑکی، شادی شدہ ہو یا 3 بچوں کی ماں ، مرد کا لباس اوڑھے بھیڑیے آپکو چاروں طرف نوچنے کیلئے ڈھونڈ رہے ہوتے ہر وقت ۔نظر رکھے ہوئے بیٹھے رہتے کہ کب کوئی بچی کوئی لڑکی کوئی خاتون بس ہو عورت گھر سے نکلے تو فورا سے اسے چھپٹنے کو تیار بیٹھے ہوتے ۔یہ ہمارے معاشرے کے وحشی دریندے ہیں ۔جو ہمیں نوچنے کو تیار بیٹھے ۔
بچوں کے ماں باپ سے یہاں شکوہ ہے مجھے وہ کیسے اپنے بچوں پر نظر نہیں رکھتے بچے جہاں بڑھتے ہیں انکے اساتذہ سے ملتے کیوں نہیں ۔
معاشرہ خراب ہے تو یہاں ریاست کی بھی نااہلی چیخ چیخ کر اس بات کا ثبوت دیتی ہے کہ ہم نے کسی بھی ریپسٹ کو سزا نہیں دی ۔
ریاست سے ایک بیان جاری ہوا کہ انکے عضو خاص کاٹ دیا جائے گا لیکن یہ بھی محض ہر بیانات کی ایک بیان ہی رہا ۔حوا کی بیٹی ہر روز کہیں نہ کہیں ان درندوں کے ہاتھوں کا شکار ہورہی لیکن ریاست صرف انصاف اگر دیتی ہے تو وہ ہے امراہ کو یا پھر ان لوگوں کو جو پاکستان سے باہر لوگ شور مچاتے ورنہ بیچارے ماں باپ یہاں اپنی بیٹیوں کو لیکر یا توں شہر چھوڑ کر چلے جاتے یا پھر رپورٹ درج نہیں کرواتے ۔
ریاست ہر معاملے کی طرح یہاں بھی سو رہی سب وحشی کھل کر سامنے آئیں کیونکہ ہمارے معاشرے کا یہ المیہ ہے ایک کام جب کوئی کرتا تو دوسرا بڑھ چڑھ کر اس میں اپنا حصہ ڈالتا ہے ۔افسوس ہم ایسے ہی معاشرے کا حصہ ہیں ۔جہاں کبھی کسی کو انصاف ملتے نہیں دیکھا ہا ن گناہ کرکے چھپ جاو یا بیچ میں ہی گھوموں پھرو کیونکہ یہاں انصاف ملنا ایسے ہے جیسے اونٹ کے منہ میں زیرہ۔

@FA_aLLi_

…
ویسے تو پورے پاکستان میں یوٹیلٹی سٹور مافیا نے یوٹیلٹی سٹورز پر قبضہ کیا ھوا ھے اور پنجاب میں بھی یہ قبضہ مافیا پیچھے نہیں ھے جس شہر یا یونین کونسل میں چلے جاو آپ کو چینی گھی اور آٹا نہیں ملے گا اگر غلطی سے کسی سٹور پر یہ چیزیں موجود ھوں بھی تو سٹور والے کہتے ہیں پہلے دوسرے ایٹمز لے لیں ایک ہزار کی خریداری کریں اس کے بعد آپ کو ھم یہ چینی وغیرہ بھی دے دیں گے اگر کسی کو صرف آٹا کی ضرورت ھے یا اگر اس مزدور کے پاس صرف ایک آٹا کے پیسے ہیں تو وہ بھلا دوسری چیزیں کیسے خریدے گا جب اسے یوٹیلٹی سٹور سے یہ چیزیں نہیں ملیں گیں تو پھر یقینا وہ کسی پرییویٹ دکاندار سے آٹا خریدے گا جو یوٹیلٹی سٹور سے کافی مہنگا ھوتا ھے.
میری آنکھوں دیکھا حال ضلع بھکر کی یونین کونسل بہل میں اگر آپ کسی بھی سٹور پر چلیں جاییں بیشک ایک ہفتہ لگاتار جاتے رہیں اور چینی گھی کا پوچھیں
تو سٹور والے کہیں گے ایک ماہ سے گھی چینی پیچھے سے آ بھی نہیں رھی اگر آپ اس وقت پہنچ جاییں جب اس یوٹیلٹی سٹور کی گاڑی آیی ھو تو کہتے ہیں ابھی ھم لوگوں نے گنتی کرنی ھے صبح آجاییں کیونکہ ان کی گاڑی ہمیشہ عصر کے وقت یوٹیلٹی سٹور کا سامان لاتی ھے جب آپ صبح جاوگے تو کہیں گے وہ گھی چینی تو ختم ھوگیی ہے کچھ اور چاھیے تو لے جاییں کیونکہ گھی اور چینی یہ راتوں رات بلیک میں بیچ دیتے ہیں
یونین کونسل بہل کے کچھ نیے نویلے سیاسی لوگ اور کچھ بلیک میلر مل کر یہ دھندہ کر رھے ہیں میرے پاس ثبوت بھی ہیں اور گواہ بھی…
لعنت ایسے لوگوں پر جو یوٹیلٹی سٹور کا راشن بھی نہیں چھوڑتے جو غریب طبقے کیلیے آتا ھے یہ لوگ بلیک میں بیچوا دیتے ہیں.
یہ وہ گدھ ہیں جو ہمیشہ مردار کھاتی ہیں یہ لوگ بھی گدھ ھی ہیں کیونکہ سبسڈی سے آیی چیزیں جو سب کا حق ھے اور خاص طور پر مزدور اور غریب طبقے کا زیادہ حق ھے جنہیں یہ گھی چینی اور آٹا ملنا چاھیے وہ بیچارے مزدور لوگ ان حرام خور مافیا کی وجہ سے کچھ نہیں خرید سکتے بھکر میں بھٹہ مزدور بہت زیادہ ہیں کیونکہ یہاں بھٹہ کا کام بہت زیادہ ھے جب میں بھٹہ پر کام کرنے والے مزدوروں کو لاین میں تین تین گھنٹے کھڑا دیکھتا ھوں تو بہت تکلیف ھوتی ھے پھر اتنی دیر لاین میں لگ کر بھی انہیں ایک کلو چینی یا آٹا کے بیس کلو کا تھیلا ملتا ھے تو سوچتا ھوں کہ کب ان حرام خوروں پر اللہ کا عذاب آے گا جو غریب کے حق پر ڈاکا مارے ھوے ہیں .
جو بھٹے کا مزدور دو یا تین گھنٹے لاین میں کھڑے ھوکر آٹا چینی یا گھی لے گا تو اس بیچارہ کا کتنا وقت برباد ھوگا اور اس بیچارے کا کتنا نقصان ہوگا لیکن ان حرام خوروں کو نہ شرم و حیا ھے
اور
نہ ھی خوف خدا…
ھماری حکومت سے درخواست ھے کہ تمام یوٹیلٹی سٹورز میں کیمرے لگاییں تاکہ اس مافیا سے جان چھڑایی جاسکے اور جو حکومت کی طرف سے کم نرخوں پر چیزیں دستیاب ہیں وہ غریب تک بھی پہنچ سکیں.

ان یوٹیلٹی سٹورز پر کام کرنےوالے دوستوں کوبھی سوچنا چاھیے کہ جب تم لوگوں کی دس سال سے تنخواہیں بند تھیں یوٹیلٹی سٹورز خسارے میں تھے تو اس حکومت نے تمہیں تنخواہیں دیں تمھارے سٹوروں پر ایٹم پورے کیے اور اب تم لوگوں نے حرام کھانا شروع کردیا ھے جب کویی مزدور یا گاہک آپ سے خریداری کرنے آتا ھے اور اس کو اس کی مرضی کی چیزیں نہیں ملیں گیں تو تمھارے سٹور بھی ایک دن بند ھوجاییں گے
کیونکہ اللہ کی لاٹھی بے آواز ھے
خدارا ابھی بھی وقت ھے ان بلیک میلروں سے بچو خود بھی حلال کھاو اور اپنی اولاد کو بھی حلال کھلاو

@KHANKASPAHI1