Author: ڈاکٹرغلام مصطفی بڈانی

ٹھٹھہ،باغی ٹی وی( نامہ نگار راجہ قریشی)کھیلوں کے ذریعے ہی نوجوانوں کو منشیات و دیگر سماجی برائیوں سے دور کرکے صحتمند سرگرمیوں کی جانب راغب کیا سکتا ہے۔ غضنفر علی قادری.کھیلوں کے فروغ سے عوام کو تفریح کے ساتھ ساتھ نوجوانوں کی جسمانی اور ذہنی نشو نما بھی ہوتی ہے۔ ڈپٹی کمشنر ٹھٹھہ
تفصیل کے مطابق ڈپٹی کمشنر ٹھٹھہ غضنفر علی قادری نے کہا ہے کہ کھیلوں کے فروغ سے عوام کو تفریح کے ساتھ ساتھ نوجوانوں کی جسمانی اور ذہنی نشو نما بھی ہوتی ہے اور کھیلوں کے ذریعے ہی نوجوانوں کو منشیات و دیگر سماجی برائیوں سے دور کرکے صحتمند سرگرمیوں کی جانب راغب کیا سکتا ہے۔ ان خیالات کا اظہار انہوں نے مکلی کرکٹ اسٹیڈیم میں حکومت سندھ اور سندھ کرکٹ ایسوسیئشن کی جانب سے انٹر اسکول کرکٹ چیمپئن شپ کے فائنل میچ کے بعد تقریب سے خطاب کرتے ہوئے کیا۔ ڈپٹی کمشنر نے کہا کہ ضلع میں کھیلوں کے انعقاد سے نوجوانوں کو اپنا ٹیلینٹ ظاہر کرنے کا موقع ملے گا تاکہ وہ اپنے ملک و قوم کا نام روشن کر سکیں۔ انہوں نے کہا کہ ضلع ٹھٹھہ کے نوجوانوں میں بہت میں بڑا ٹیلنٹ موجود ہے ان کی حوصلہ افزائی اور ہمت بڑھانے کی ضرورت ہے۔ انہوں نے کہا کہ جلد "اسپورٹس فار لائف” کے نام سے ایک اسپورٹس فیسٹیول کا بھی انعقاد کیا جا رہا ہے جس پر تیزی سے کام جاری ہے۔ ڈپٹی کمشنر نے کہا کہ مکلی کرکیٹ اسٹیڈیم کی بحالی و مرمت اور دیگر تمام مسائل جلد حل کیئے جائینگے تاکہ کھلاڑی پر سکون ماحول میں کھیلوں کا مقابلہ کر سکیں۔ بعد میں ڈپٹی کمشنر نے فاتح ٹیموں کے کھلاڑیوں میں ونر اور رنر ٹرافیاں تقسیم کیں اور ونر ٹیم کے لئے 10 ہزار روپے جبکہ رنر ٹیم کیلئے 5 ہزار روپے اور آرگنائزنگ کمیٹی کو 10 ہزار روپے کیش انعام دینے کا اعلان بھی کیا۔ تقریب سے ڈی ای او سیکنڈری حضور بخش خاصخیلی، ڈپٹی ڈائریکٹر سوشل ویلفیئر خدا بخش بہرانی، ڈی ای او اسپورٹس اسکول نور سرائی، فوکل پرسن سندھ اسپورٹس ایسوسیئشن محمد شریف گجر و ديگر نے بھی خطاب کیا۔ قبل ازیں گورنمنٹ بوائز ہائر سیکنڈری اسکول گھارو نے کانسیپٹ اسکول مکلی کو ہرا کر فائنل میچ جیت لیا۔ اس موقع پر سابق ڈی جی کالجز غلام مصطفی چارن، ضلعی صدر اسپورٹس ایسوسیئشن احمد علی بلوچ، چا‏ئلڈ پروٹیکشن افسر مہرین اقبال سومرو۔ اے ڈی ای او عبدالحم؛د سومرو، ڈسٹرکٹ انفارمیشن افسر محفوظ علی سومرو،فوکل پرسن اسکولز محمد صفدر ٹھٹھوی، سپرنٹنڈنٹ ڈی سی آفس سید ریاض حسین شاہ سمیت مختلف محکموں کے افسران، کھلاڑی، طلباء، والدین اور شائقین بھی موجود تھے۔ قبل ازیں نوجوان کھلاڑیوں کی جانب سے ڈپٹی کمشنر غضنفر علی قادری کا اسٹیدیم میں آنے پر والہانہ استقبال کیا گیا اور کھیلوں کے انعقاد و تعاون پر انہیں خراج تحسین بھی پیش کیا گیا۔

قصور،باغی ٹی وی( نامہ نگار طارق نوید سندھو) گذشتہ روزہ مسلم لیگ (ن) یوتھ ونگ ضلع قصور کے جنرل سیکرٹری مہر یاسر سعید کی جانب سے بانی پاکستان قائد اعظم محمد علی جناح اور قائد پاکستان مسلم لیگ (ن) میاں محمد نواز شریف کے حوالے سے ڈیرہ مہر یاسر سعید پر ایک تقریب منعقد ہوئی تقریب کے مہمان خصوصی میاں سعد وسیم شیخ ایم این اے پارلیمانی سیکرٹری برائے پارلیمانی امور مہمان خصوصی تھے اس موقع پر بانی پاکستان قائد اعظم محمد علی جناح اور قائد پاکستان مسلم لیگ(ن) کی سالگرہ کے کیک بھی کاٹے گئے تقریب میں جنید وسیم شیخ، چوہدری اصغر علی، حاجی حاکم علی، راجہ عبدالقدوس، رانا شاہد، میاں اسد، عرفان جٹ کے علاوہ کار کنان کی بڑی تعداد نے شرکت کی۔ اس موقع پر میاں سعد وسیم شیخ نے خطاب کرتے ہوئے کہا کہ میاں محمد نوازشریف آج بھی پاکستان کے مقبول ترین لیڈر ہیں اور ان کی زیر س پرستی میاں محمد شہباز شریف وزیر اعظم پاکستان کی قیادت میں ملک کو حالیہ مشکلات سے نکال کر ترقی کی راہ پر گامزن کیا جا رہا ہے۔ انہو ں نے کہا کہ میاں محمد نواز شریف کی قیادت میں پاکستان میں اقتصادی ترقی کے لیے بہت بڑا کام کیا گیا اور ملک پاکستان کی معیشت دنیا کی ابھرتی ہوئی معیشتوں میں شمار ہو نے لگی مگر گزشتہ ساڑھے تین سالوں میں اس نا اہل ٹولے نے ملک کو اقتصادی طور پر مفلو ج کرکے رکھ دیا انہوں نے کہا کہ انشاء اللہ پاکستان ہمیشہ قائم رہنے کے لیے وجود میں آیا ہے اور بہت جلد میاں محمد نوازشریف کی سر پرستی میں ملک پاکستان معاشی طور پر سنبھل جائے گا اور ترقی کا دور دورہ ہو گا۔

ٹھٹھہ،باغی ٹی وی (نامہ نگار راجہ قریشی)پاکستان وٹرنری ایسوسی ایشن لاڑ ڈویژن کی جانب سے ڈی جی لائیو اسٹاک کے حق میں ریلی کجھ شر پسند عناصر ڈی جی لائیو اسٹاک کے خلاف سوشل میڈیا ٹرائل کررہے ہیں جو کہ برداشت نہیں کیا جائے گا رہنمائوں کا بیان
پاکستان وٹنری ایسوسی ایشن لاڑ ڈویژن کی جانب سے ایک احتجاجی ریلی مکلی پبلک پارک سے مین قومی شاہراھ تک نکالی گئی جس میں وٹرنری ایسوسی ایشن لاڑ ڈویژن کے علاؤہ سماجی رہنمائوں نے بھی بڑی تعداد میں شرکت کی قومی شاہراھ پر لاڑ وٹنری ایسوسی ایشن اور لائیو اسٹاک اینیمل کے افسران اور رہنمائوں نے ڈاکٹر منیر احمد جعفرانی ڈاکٹر قدوس میمن عبداللہ راجپر اور ڈاکٹر فاریہ سیال نے کہا کہ کچھ شر پسند بلیک میلر ڈی جی لائیو اسٹاک کے خلاف سوشل میڈیا ٹرائل کرکے انکی کردار کشی کررہے ہیں جسکی ہم سخت الفاظوں میں مذمت کرتے ہیں ڈی جی لائیو اسٹاک نظیر احمد کلھوڑو ایک ایماندار اور بہترین شخصیت کے مالک ہیں جنکے خلاف سوشل میڈیا ٹرائل بالکل برداشت نہیں کیا جائیے گا

ٹھٹھہ،باغی ٹی وی (نامہ نگار راجہ قریشی)نوری ڈیویلپمنٹ فاؤنڈیشن کو سندھ بھر میں فعال کیا جائے گا-یاسمین شاہ
تفصیل کے مطابق ٹھٹھہ نوری ڈیویلپمنٹ فاؤنڈیشن کو سندھ بھر میں فعال کیا جائے گا اور یونین کاؤنسل کی سطح پر یونٹ قائم کئے جائینگے تاکہ زیادہ سے زیادہ خواتین تک رسائی ممکن ہو سکے۔ نوری ڈیولپمنٹ فاؤنڈیشن کا الیکشن مرکزی جنرل سیکریٹری ماریہ محمد کی سربراہی میں منعقد ہوا الیکشن میں یاسمین شاہ کا پینل بلامقابلہ کامیاب ہوا جس کے مطابق صدر یاسمین شاہ، نائب صدر انوشے عالم، جنرل سیکریٹری معراج علی شاہ، خزانچی ارسلان علی اعوان جبکہ ممبر گورننگ باڈی نفیسہ شاہ، عائشہ گزدر، نیلوفر، فرخ انجم شاہ، ملک ظفر احمد بناء مقابلے منتخب ہوئے الیکشن میں کامیابی کے بعد یاسمین شاہ نے میڈیا کے نمائندوں سے گفتگو کرتے ہوئے کہا ہے کہ نوری ڈویلپمنٹ فاؤنڈیشن نے ہمیشہ خواتین کے حقوق کی بات کی ہے اب مزید اس کو فعال کیا جائے گا۔

ننکانہ صاحب باغی ٹی وی ( نامہ نگار احسان اللہ ایاز )ماحولیاتی آلودگی اورسموگ کے خاتمے کے لیے ہر ممکنہ اقدامات اٹھائے جائیں-ڈپٹی کمشنر
حکومت پنجاب کی خصوصی ہدایت پرماحولیاتی آلودگی اورسموگ کے خاتمے کے لیے ہر ممکنہ اقدامات اٹھائے جائیں تاکہ ضلع بھر کی عوام کو بہتر اور صاف ستھرا ماحول مہیا کیا جاسکے، متعلقہ محکمہ جات روزانہ کی بنیاد پر سموگ کا باعث بننے والے عناصر کے خلاف سخت قانونی کاروائیاں جاری رکھیں۔ ڈپٹی کمشنر ننکانہ صاحب احمر نائیک نے ان خیالات کا اظہاراینٹی سموگ سکواڈ کی کارکردگی کا جائزہ لیتے ہوئے کیا۔اسسٹنٹ ڈائریکٹر ماحولیات ننکانہ نے اس موقع پر اینٹی سموگ کنٹرول پروگرام کی خلاف ورزی کرنے والوں کے خلاف کاروائیوں کے حوالے سے ڈپٹی کمشنر ننکانہ کو تفصیلی بریفنگ دی ۔ ڈپٹی کمشنر ننکانہ نے کہا کہ حکومت پنجا ب کی جانب سے جن اشیاءکے جلانے پرپابندی عائد کی گئی ہے وہ حالیہ موسم میں سموگ پیدا کرنے کا باعث بنتی ہیں، عوام کو سموگ کے خطرہ سے بچانے کے لیے محکمہ ماحولیات سمیت تمام اداروں کی جانب سے فیلڈسٹاف دیہاتوں،قصبوں اور شہروں میں اپنی ڈیوٹی کو سو فیصدیقینی بنائیں اور فصلوں کی باقیات،کوڑاکرکٹ ،ربڑ کی مصنوعات جلانے والوں پر خصوصی نظر رکھیں خلاف ورزی کرنے والوں کے خلاف سخت قانونی کاروائی کرتے ہوئے ان کے خلاف مقدمات درج کروائیں اور سخت سے سخت قانونی کاروائی عمل میں لائیں