Author: ڈاکٹرغلام مصطفی بڈانی

گوجرہ ، باغی ٹی وی (نامہ نگار عبد الرحمن جٹ) محکمہ ڈاک کے افسران کی نااہلی سے عوام زہنی مریض بن گئے،محکمہ ڈاک لوگوں کو سروس مہیاکرنے میں ناکام ہو گیا۔رقوم کی ترسیل کا نظام ٹھپ ہو نے سے لوگوں کوشدیدمشکلات کا سامنا،مقامی عملہ لوگوں کو طفل تسلیاں دینے لگا،عوامی حلقے سراپا احتجاج بن گئے،دوسرے شہروں کو بجھوائی جانیوالی بذریعہ منی آرڈر رقوم کئی کئی روز تک متعلقہ لوگوں تک نہ پہنچ سکی۔مقامی ڈاک خانہ کے افسران عوام کوکوئی مثبت جواب نہ دے رہے ہیں متاثرین شدیدمشکلات کا شکار ہوکر رہ گئے ہیں اورروزانہ کی بنیاد پر پوسٹ آفس کا چکر لگا نے پر مجبورہیں جہاں پرانہیں مختلف حیلوں بہانوں سے ٹرخایا جا رہا ہے۔متاثرین نے اعلی حکام سے فوری طور پر نوٹس لینے،محکمہ ڈاک کی سروس کو بہتر بنانے کا پر زور مطالبہ کیاہے۔

ڈیرہ غازیخان،باغی ٹی وی (شہزادخان)ڈی پی او میاں محمد اکمل نے انتھونی یونائٹڈ چرچ اور گڈ نیوز چرچ ہائے کا وزٹ کیا۔
تفصیل کے مطابق ڈی پی او میاں محمد اکمل نے انتھونی یونائٹڈ چرچ اور گڈ نیوز چرچ ہائے کا وزٹ کیا۔دوران وزٹ ڈی پی او میاں محمد اکمل نے کرسمس ڈے کے حوالے کئے گئے سیکورٹی انتظامات کا جائزہ لیا۔ڈی پی او ڈیرہ غازیخان میاں محمداکمل نے کہا ہے کہ اسلام ہمیشہ اقلیتوں کے حقوق کا مکمل تحفظ کرتا ہے۔اقلیتوں کے مذہبی مقامات کی حفاظت ہماری اولین ذمہ داری ہے۔مسیحی برادری کے کرسمس تہوار پر ڈیرہ غازیخان پولیس کی طرف سے چرچ ہائے ہر سیکورٹی کے فول پروف انتظامات کئے گئے ہیں۔

:شیخوپورہ،باغی ٹی وی (محمد طلال سے)ڈپٹی کمشنر آفس میں مسیحی برادری کے مذہبی تہوار کرسمس اور سال نو کی خوشی میں حکومت پنجاب کی ہدایت پر ضلعی انتظامیہ کی جانب سے 300 مسیحی خاندانوں میں کرسمس فنڈز کے چیک تقسیم کئے گئے۔ ڈپٹی کمشنر نے صوبائی وزیر قانون پنجاب خرم شہزاد ورک ، صوبائی پارلیمانی سیکرٹری و ضلعی صدر پی ٹی آئی چوہدری عمر آفتاب ڈھلوں ، ایم پی اے ، مشیر وزیر اعلی پنجاب چوہدری شکیل عطاء اللہ ورک نے مسیحی برادری کی خوشیوں میں شریک ہونے کے لۓ 100 پونڈ کے 2 کیک بھی کاٹے۔صوبائی وزیر قانون پنجاب خرم شہزاد ورک نے تقریب سے خطاب کرتے ہوئے کہا کہ مسیحی برادری ہمارے لئے بہت احترام کی حامل ہے، کیونکہ پاکستان کی تعمیر وترقی میں انکے کردار کو کسی صورت فراموش نہیں کیا جا سکتا۔صوبائی پارلیمانی سیکرٹری پنجاب چوہدری عمر آفتاب ڈھلوں نے کہا کہ کرسچین کمیونٹی کے لوگ ہمارے بھائی ہیں ، انکے جان ومال کا تحفظ ریاست کی اولین ترجیحات میں شامل ہے۔ مشیر وزیر اعلی پنجاب چوہدری شکیل عطاء اللہ ورک نے کہا کہ مسیحی برادری کے مذہبی تہوار میں ہم سب کو بڑھ چڑھ کر حصہ لینا چاہیے۔ڈپٹی کمشنر طارق علی بسرا نے کہا کہ مسیحی برادری نے پاکستان کے قیام ، ترقی و خوشحالی اور تعمیر وطن میں بھرپور کردار ادا کیا ہے۔ تعلیم ، صحت اور دیگر شعبوں میں مسیحی برادری کی خدمات قابل ستائش ہیں۔ مسیحی برادری کی خدمات اور وطن سے محبت شک و شبہ سے بالا تر ہے۔ انہوں نے کہا کہ ملکر کرسمس کا تہوار منانے سے یگانگت ، محبت اور باہمی تعلقات کو فروغ ملتا ہے۔ہم مسیحی برادری کی خوشیوں میں برابر کے شریک ہیں۔ تقریب میں ایڈیشنل ڈپٹی کمشنر (ریونیو) سرمد تیمور ، اسسٹنٹ کمشنر کوآرڈینیشن سعدیہ جمال ، ڈپٹی ڈائریکٹر انفارمیشن فیصل جاوید ، ایڈمن آفیسر ڈپٹی کمشنر آفس اظہر عباس گیلانی ، پرسنل سٹاف آفیسر ٹو ڈپٹی کمشنر ملک شاہد اعوان ، محمد اعجاز چیف وارڈن سول ڈیفنس چوہدری محمد الیاس گجر ، مولانا محمد عالم ، مسیحی برادری کے رہنماوں نے بھی شرکت کی۔

ڈیرہ اسماعیل خان،باغی ٹی وی(نامہ نگار )پروا میںمحکمہ تعلیم کے افسران کے تعلیمی شعبہ میں سدھار کے دعوے فائلوں تک محدود ،عملی اقدامات صفر، تحصیل پروا کے گائوں روڈہ شریف کے گورنمنٹ پرائمری اسکول(مردانہ)کے کمرے نہ ہونے کے باعث ننھے طالبعلم شدید دھند اور کڑاکے کی سردی میں کھلے آسمان تلے تعلیم حاصل کرنے پر مجبور، تحصیل پروا کے دیہی علاقوں میں کئی اسکولوں کی حالت زار اس سے مختلف نہیں ہے لیکن محکمہ تعلیم کے افسران عملی اقدامات اٹھانے کی بجائے مختلف پروگراموں میں فوٹوسیشن اورسیلفیوں تک ہی محدود ہیں ۔تفصیلات کے مطابق تحصیل پروا میں پڑھالکھاخیبرپختونخواہ کے دعوے کی دھجیاں اڑائی جارہی ہیں۔تحصیل پروا میںمحکمہ تعلیم کے افسران کے تعلیمی شعبہ میں سدھار کے دعوے فائلوں تک محدود ہیںجبکہ،عملی اقدامات صفرکے برابرہیں۔ تحصیل پروا کے گائوں روڈہ شریف کے گورنمنٹ پرائمری اسکول(مردانہ)کے کمرے نہ ہونے کے باعث ننھے طالبعلم شدید دھند اور کڑاکے کی سردی میں کھلے آسمان تلے تعلیم حاصل کرنے پر مجبورہیں۔ تحصیل پروا کے دیہی علاقوں میں کئی اسکولوں کی حالت زار اس سے مختلف نہیں ہے لیکن محکمہ تعلیم کے افسران عملی اقدامات اٹھانے کی بجائے مختلف پروگراموں میں فوٹوسیشن اورسیلفیوں تک ہی محدود ہیں ۔ڈیرہ کے عوامی سماجی تعلیمی حلقوںنے نئے تعینات ہونے والے ڈپٹی کمشنر ڈیرہ محمدقیصرخان سے اصلاح احوال کامطالبہ کیاہے۔

ڈیرہ اسماعیل خان،باغی ٹی وی(احمدنوازمغل کی رپورٹ)وزیراعظم پاکستان میاں شہبازشریف کے 26دسمبربروزسومواردورہ ڈیرہ کے سلسلے میں تمام انتظامات کو حتمی شکل دے دی گئی ہے،قائد جمعیت علماء اسلام(ف)مولانافضل الرحمان کی دعوت پر وزیراعظم پاکستان میاں شہبازشریف ڈیرہ اسماعیل خان تشریف لارہے ہیں اوروہ متعددمیگاپراجیکٹس کااعلان کریں گے جس سے ڈیرہ کی ترقی اورعوام کی خوشحالی کے نئے باب کا آغازہوگا۔ ان خیالات کا اظہارجمعیت کے رہنما اور امیدوارصوبائی اسمبلی حلقہ سٹی ون حاجی کفیل احمدنظامی نے کیا۔ انہوںنے کہاکہ 26دسمبربروزسوموارکوقائد جمعیت علماء اسلام (ف)کی خصوصی دعوت پر وزیراعظم پاکستان میاں شہبازشریف ڈیرہ اسماعیل خان کادورہ کریں گے اوروہ ڈیرہ کی ترقی کیلئے میگاپراجیکٹس کااعلان کریں گے ۔ انہوںنے کہاکہ وزیراعظم پاکستان کادورہ تاریخی ہوگا ۔انہوںنے کہاکہ وزیراعظم پاکستان میاں شہبازشریف کی آمدنیک شگون ہے اس سلسلے میں قائد جمعیت مولانافضل الرحمان کے احکامات پرتمام تیاریاں مکمل کرلی گئی ہیں اورانتظامات کو حتمی شکل دے دی ہے ۔انہوںنے کہاکہ وزیراعظم کا دورہ ڈیرہ کی ترقی میں اہم سنگ میل ثابت ہوگا۔ امیدوارصوبائی اسمبلی حلقہ سٹی ون حاجی کفیل احمدنظامی نے ڈیرہ کی عوام سے اپیل کی کہ جمعیت کے سنگ وزیراعظم پاکستان میاں شہبازشریف کاتاریخی استقبال کریںاوران کے دورے کوکامیاب بنائیں۔