Author: ڈاکٹرغلام مصطفی بڈانی

باغی ٹی وی ،ٹھٹھہ (راجہ قریشی نامہ نگار) وزیر اعلیٰ سندھ کے معاونین خصوصی صادق علی میمن اور سید ریاض حسین شاہ شیرازی نے کہا ہے کہ اساتذہ قوم کے معمار ہیں، اگر اساتذہ محنت، لگن، توجہ اور محبت سے پڑہائیں گے تو ہماری آنے والی نسلیں ایک اچھی قوم ثابت ہوکر اپنے ملک و قوم کی ترقی اور خوشحالی میں اپنا موثر کردار ادا کر سکتی ہیں۔ ان خیالات کا اظہار انہوں نے سندہ ہال ٹھٹھہ میں ضلع ٹھٹھہ کے تحصیل ٹھٹھہ اور میرپور ساکرو سے تعلق رکھنے والے 317 مرد و خواتین پاس (پی ایس ٹی ) پرائمری اسکول ٹیچرز میں آفر آرڈرز تقسیم کرنے کی تقریب سے خطاب کرتے ہوئے کیا۔ اس موقع پر پاکستان پیپلز پارٹی کے ضلعی جنرل سیکرٹری امتیاز احمد قریشی، پ پ پ رہنما عبدالحمید سومرو، جام احسان جوکھیو، ڈائریکٹر پرائمری و سیکنڈری عزیز اللہ اوڈہو، ڈی ای او پرائمری محمد رحیم سومرو ڈی ای او (سیکنڈری) محمد نصیر احمد میمن، اے ڈی ای اوز عبدالحمید سومرو ، نور سرائی، ایس ڈی اوز کے علاوہ دیگر تعلیمی افسران اور اساتذہ موجود تھے۔ تقریب سے خطاب کرتے ہوئے وزیر اعلیٰ سندہ کے معاونین خصوصی صادق علی میمن اور سید ریاض حسین شاہ شیرازی نے کہا کہ بچوں کو اچھی تعلیم دینا اور اخلاقی تربیت کرنا اساتذہ کی اہم اور بنیادی ذمہ داری میں شامل ہے۔ ان کا کہنا تھا کہ استاد علم کا سرچشمہ اور قوموں کی تعمیر و ترقی میں ان کا کردار اہمیت کا حامل ہوتا ہے، تعمیر انسانیت اور علمی ارتقاء میں استاد کے کردار سے کبھی کسی نے انکار نہیں کیا ہے۔ انہوں نے کہا کہ معاشرے کی فلاح و بہبود، جذبہ انسانیت کی نشوونما اور افراد کی تربیت سازی کی وجہ سے استاد کو قدر کی نگاہ سے دیکھا جاتا ہے۔ انہوں نے کہا صوبہ سندہ کی تاریخ میں پہلی بار اتنی بڑی تعداد میں پوری سندہ میں اساتذہ کی خالی آسامیوں پر میرٹ کی بنیاد پر بھرتیوں کا عمل جاری ہے جس کا کریڈٹ پاکستان پیپلز اور سندہ حکومت جاتا ہے – انہوں نے کہا کہ انہیں پوری امید ہے کہ میرٹ پر بھرتی ہونے والے اساتذہ اپنے فرائض سچائی، ایمانداری اور احسن طریقے سے انجام دیں گے تاکہ قوم کے معماروں کا مستقبل بہتر بنایا جا سکے۔ اس موقع ڈائریکٹر پرائمری و سیکنڈری عزیز اللہ اوڈہو، ڈی ای او سیکنڈری نصیر احمد میمن، ڈی ای او پرائمری محمد رحیم سومرو و دیگر نے بھی تقریب سے خطاب کیا – بعد ازیں معاونین خصوصی صادق علی میمن اور سید ریاض حسین شاہ شیرازی اور ڈائریکٹر پرائمری و سیکنڈری عزیز اللہ اوڈہو اور محکمہ تعلیم کے دیگر افسران نے پاس ہونے والے اساتذہ میں آفر آرڈرز بھی تقسیم کئے۔

باغی ٹی وی ،ٹھٹھہ (راجہ قریشی نامہ نگار)سندھ یونیورسٹی لیکچرار کی قیادت میں طالبات کا مکلی ٹھٹھہ کے عالمی ثقافتی مقاماتِ کا دورہ
ٹھٹھہ پیس فلکس پروگرام کے تحت گذشتہ روز ٹھٹھہ شہر سے تعلق رکھنے والی طالبات کے ایک گروپ نے سندھ یونیورسٹی کی لیکچرار سیدہ فضا شاہ کی قیادت میں یونیسکو کے عالمی ثقافتی ورثے کے مقامات، مکلی اور شاہجہاں مسجد کے آثار قدیمہ کے ساتھ ساتھ کینجھر جھیل کا دورہ کیا۔ اس موقع پر انہوں نے نے بتایا کہ اس دورے کا مقصد تاریخی مقامات پر سیلاب کے اثرات کا احاطہ کرنا اور مقامی ورثے کے اداروں کو قدرتی آفات سے بچانے سے متعلق توجہ دلانا خاص طور پر نوجوانوں میں اس مسئلے سے متعلق شعور اجاگر کرنا تھا۔ انہوں نے کہا کہ مکلی کی تاریخی قبرستان میں بادشاہوں، مہارانیوں، اولیاء کرام، علماء کرام، گورنروں اور فلاسفر کی پانچ لاکھ کے قریب قبریں و مقبرے موجود ہیں اور مقبرے کے قریب واقع شاہ جہاں مسجد ہے۔ جسے مغل شہنشاہ شاہ جہاں نے 17ویں صدی میں پناہ دینے پر شکریہ کے طور پر ٹھٹھہ شہر کو تحفے میں دی تھی۔ سندھ یونیورسٹی کی لیکچرار سیدہ فضا شاہ نے مزید کہا کہ پیس فلکس ملک بھر میں قیام امن اور ترقی کے حصول پر کام کرنے والی ایک واحد تنظیم ہے ۔

باغی ٹی وی ،ڈی آئی خان (نامہ نگار)ڈیرہ اسماعیل خان۔ڈی پی او ڈیرہ کیپٹن (ر) نجم الحسنین لیاقت کی ہدایت پر ایس ڈی پی او پروآ ملک عابد اقبال کی زیر صدارت 12 ربیع الاول کے موقع پر اہلسنت والجماعت کے علماء کرام، آئمہ کرام کے ساتھ میٹنگ کا انعقاد، تفصیلات کے مطابق گذشتہ روز ڈی پی او ڈیرہ کیپٹن (ر) نجم الحسنین لیاقت کی ہدایت پر ایس ڈی پی او پروآ ملک عابد اقبال کی زیر صدارت عورت 12 ربیع الاول کے موقع پر اہلسنت والجماعت کے علمائے کرام آئمہ کرام کے ساتھ میٹنگ کا انعقاد ہوا، ایس ڈی پی او پروا ملک عابد اقبال نے ڈیرہ پولیس کی جانب سے عید میلاد النبی کے موقع پر کیے جانے والے سیکورٹی انتظامات کے حوالے سے آگاہ کیا، اور شرکاء کو ہرممکن سیکورٹی فراہم کرنے کے بارے میں اعتماد میں لیا۔
ایس ڈی پی او پروا ملک عابد اقبال نے نے علماء کرام کو ربیع الاول کے موقع پر امن و امان کی صورتحال کو بہتر سے بہتر بنانے کے لئے ڈیرہ پولیس کے ساتھ ہر ممکن تعاون کرنے کی اپیل کی۔ایس ڈی پی او پروآ ملک عابد اقبال کے تمام شہریوں کو ڈیرہ پولیس کی جانب سے مکمل حفاظت فراہم کرنے کی یقین دہانی کرائی اور کہا کہ امن و امان کے قیام کے لیے پروآ شہر کے شہریوں کا ڈیرہ پولیس کے ساتھ تعاون ناگزیر ہے، شر پسند عناصر کے ساتھ کوئی رعایت نہیں برتی جائے گی اور ان کے خلاف قانون کے مطابق ان کے ہاتھوں سے نمٹا جائے گا۔

باغی ٹی ، ڈیرہ اسماعیل خان (نامہ نگار)گومل یونیورسٹی پرووسٹ سیکشن کے انچارج پرووسٹ ڈاکٹر سمیع اللہ خان محسود اور ڈپٹی پرووسٹ حفیظ الرحمان نے گومل یونیورسٹی میں مختلف شاپنگ سنٹرز، ہوٹلز، جوس سنٹرز، شوارمہ شاپ کا دورہ کیا۔دورے کے موقع پرانہوں نے طلباء کے مسائل سنے اور فوری حل کرنے کی یقین دہانی کرائی اور دکانداروں کو ہدایات جاری کیں۔دکانداروں کو سرکاری نرخنامہ کی لسٹیں آویزاں کرنے کے احکامات جاری۔تفصیلات کے مطابق گومل یونیورسٹی پرووسٹ سیکشن کے انچارج پرووسٹ ڈاکٹر سمیع اللہ خان محسود اور ڈپٹی پرووسٹ حفیظ الرحمان نے گزشتہ روزگومل یونیورسٹی میں مختلف شاپنگ سنٹرز، ہوٹلز، جوس سنٹرز، شوارمہ شاپ کا دورہ کیا۔دورے کے موقع پرانہوں نے طلباء کے مسائل سنے اور فوری حل کرنے کی یقین دہانی کرائی اور دکانداروں کو ہدایات جاری کیں۔دکانداروں کو سرکاری نرخنامہ کی لسٹیں آویزاں کرنے کے احکامات جاری کیے۔انہوں نے کہاکہ نرخنامہ کی لسٹ نہ ہونے کی صورت میں کوئی سمجھوتہ نہیں کیاجائے گا۔دکاندار کھانے پینے کی اشیاء کوصاف ستھرارکھیں۔ پھل،سبزیاں، دودھ، جوس، دہی، وغیرہ کو مکھیوں سے ڈھانپ کر رکھیں۔ باسی سبزیاں اور پھل فروٹ ہر گز فروخت نہ کریں۔ قانون کے مطابق کوئی دکاندار،ہوٹلز، دودھ دہی اور جوس فروخت کرنے والاطلباء وگاہکوں سے زائد رقم ہرگزوصول نہ کرے اورمہنگی اشیاء فروخت نہ کرے۔اگرکوئی دکاندارمہنگی خریدوفروخت کرتے ہوئے پکڑا گیا تو اس کے ساتھ قانونی کاروائی کی جائے گی۔

باغی ٹی وی ، ڈیرہ اسماعیل خان(نامہ نگار)پاکستان پیپلز پارٹی کے پارلیمانی لیڈرو ممبرصوبائی اسمبلی احمدکریم خان کنڈی نے خیبرپختونخواہ کی صوبائی حکومت کی جانب سے مطالبات کی منظوری کیلئے آنے والے اساتذہ پربدترین تشدداورشیلنگ کی سخت الفاظ میں مذمت کی ہے۔انہوں نے کہاکہ صوبائی حکومت کانہتے پرامن اساتذہ پر تشددبزدلانہ فعل ہے جس کی پرزورالفاظ میں مذمت کرتاہوں اوراساتذہ کواپنی حمایت کایقین دلاتاہوں۔ان خیالات کااظہارپاکستان پیپلز پارٹی کے پارلیمانی لیڈرو ممبرصوبائی اسمبلی احمدکریم خان کنڈی نے کیا۔ انہوں نے کہاکہ خیبرپختونخواہ کی صوبائی حکومت کی جانب سے مطالبات کی منظوری کیلئے آنے والے اساتذہ پربدترین تشدداورشیلنگ کی سخت الفاظ میں مذمت کی ہے۔ انہوں نے کے پی کے حکومت کی طرف سے اساتذہ کرام کے اپنے جائز حقوق کے لیے پرامن دھرنے پر تشدد،فائرنگ لاٹھی چارج اورشیلنگ کی پرزور مذمت کرتے ہوئے کہا کہ پی ٹی آئی کی صوبائی حکومت اپنے قائد عمران خان کے مزاج کے مطابق تشدد پسند اور انتشار پسند ذہنیت کے مالک ہے۔ پاکستان پیپلز پارٹی کے پارلیمانی لیڈرو ممبرصوبائی اسمبلی احمدکریم خان کنڈی نے کہاکہ پاکستان پیپلزپارٹی نہ صرف اساتذہ کرام بلکہ تمام سرکاری ملازمین کے حقوق کے حصول کے لیے ان کے شانہ بشانہ کھڑی ہے۔
دوسری طرف پاکستان پیپلز پارٹی ڈیرہ ڈویژن کے پریذیڈنٹ انجینئر امان الحق خان غزنی خیل نے اپنے ایک تحریری بیان کے ذریعے کے پی کے حکومت کی طرف سے اساتذہ کرام کے اپنے جائز حقوق کے لیے پرامن دھرنے پر تشدد فائرنگ لاٹھی چارج اور شلنگ کی پرزور مذمت کرتے ہوئے کہا کہ پی ٹی آئی کی صوبائی حکومت اپنے قائد عمران خان کے مزاج کے مطابق تشدد پسند اور انتشار پسند ذہنیت کے مالک ہے،صوبہ بھر میں ہر طبقہ فکر سے وابستہ لوگ پریشان ہیں اور ذہنی اذیت کا شکار ہیں۔تفصیلات کے مطابق پاکستان پیپلز پارٹی ڈیرہ ڈویژن کے پریذیڈنٹ انجینئر امان الحق خان غزنی خیل نے اپنے ایک تحریری بیان کے ذریعے کے پی کے حکومت کی طرف سے اساتذہ کرام کے اپنے جائز حقوق کے لیے پرامن دھرنے پر تشدد فائرنگ لاٹھی چارج اور شلنگ کی پرزور مذمت کرتے ہوئے کہا کہ پی ٹی آئی کی صوبائی حکومت اپنے قائد عمران خان کے مزاج کے مطابق تشدد پسند اور انتشار پسند ذہنیت کے مالک ہے۔صوبہ بھر میں ہر طبقہ فکر سے وابستہ لوگ پریشان ہیں اور ذہنی اذیت کا شکار ہیں۔انہوں نے مزید کہا کہ صوبائی حکومت نے صوبہ خیبر پختونخوا کو شدید مالی بحران سے دوچار کر دیا ہے حتیٰ کہ سرکاری ملازمین اور پنشنر بروقت ماہانہ تنخواہ و پنشن سے محروم کر دیے گئے ہیں۔انجینئر امان الحق خان نے مزید کہا کہ پاکستان پیپلز پارٹی نہ صرف اساتذہ کرام بلکہ تمام سرکاری ملازمین کے حقوق کے حصول کے لیے ان کے شانہ بشانہ کھڑی ہے

باغی ٹی وی ، ڈیرہ اسماعیل خان( نامہ نگار) کڑی شموزئی بینظیر انکم سپورٹ پروگرام سنٹرعملے کی جانب سے فی کارڈ پانچ سوروپے کٹوتی کا سلسلہ جاری،متاثرہ غریب عوام نے ڈپٹی کمشنر ڈیرہ نصراللہ خان اوربینظیرانکم سپورٹ پروگرام کے انچارج سے کڑی شموزئی میں عملے کی لوٹ مار پر احتجاج کیا ہے اورنوٹس لے کر قانونی کاروائی کامطالبہ کیا ہے۔تفصیلات کے مطابق کڑی شموزئی بینظیر انکم سپورٹ پروگرام سنٹرعملے کی جانب سے فی کارڈ پانچ سوروپے کٹوتی کا سلسلہ جاری ہے۔متاثرہ غریب عوام نے ڈپٹی کمشنر ڈیرہ نصراللہ خان اوربینظیرانکم سپورٹ پروگرام کے انچارج سے کڑی شموزئی میں عملے کی لوٹ مار پرسخت احتجاج کیا ہے اورنوٹس لے کر قانونی کاروائی کامطالبہ کیا ہے۔انہوں نے کہاکہ غریب عوام پہلے ہی مہنگائی کی چکی میں پسی ہوئی ہے اورحکومت کی جانب سے ملنے والی امداد پر بھی عملے نے500 روپے کٹوتی کے نام پرلوٹ مارجاری کی ہوئی ہے جس کی وجہ سے ان کی پریشانیوں میں مزید اضافہ ہوگیاہے۔

باغی ٹی وی ،ڈیرہ اسماعیل خان(نامہ نگار)سٹریٹ لائٹس کی وجہ سے شہریوں کو شدید مشکلات کا سامنا،شہر میں خراب سٹریٹ لائٹس کی وجہ سے شہریوں کو شدید مشکلات کا سامنا،حکومت کے بلند و بانگ دعووں کے باوجود گڈ گورننس صرف افسران کے سوشل میڈیا تک ہی محدود ہو چکی ہے اور عملی کام نہ ہونے کے برابر ہے بیوروکریسی فضول اور غیر اہم کاموں میں مصروف ہے جبکہ عوام کے دیرینہ اور بنیادی مسائل کے حل کی جانب کسی کی کوئی توجہ نہیں,شہر کے اکثریت گنجان آباد علاقوں میں سٹریٹ لائٹس خراب ہیں میونسپل کمیٹی اور پیسکوکے آپس کے مسائل کیوجہ عوام کو فٹبال بنایا جاتا ہے شہر کی مرکزی شاہراہوں پر نصب سٹریٹ لائٹس چند عرصہ قبل سڑک کی تعمیر کے دوران پینل خرابی کیوجہ سے ناکارہ ہو گئیں جنکی مرمت کے لیئے متعدد مرتبہ کو آگاہ کیا گیا مگر روایتی ٹال مٹول کیساتھ درخواست گذار کو وقتی مطمئن کر دیا جاتا ہے مگر عملی کام زیرو ہے رات کے وقت نمازیوں باالخصوص ضعیف العمر افراد کو گلیوں میں پیدل چلنے میں شدید مشکلات کا سامنا کرنا پڑتا ہے عوامی حلقوں نے متعلقہ اعلی حکام سے مطالبہ کیا ہے کہ سٹریٹ لائٹس کے نظام کو بہتر بنا کر عوام کی جان و مال کا تحفظ فراہم کیا جائے۔