Author: ڈاکٹرغلام مصطفی بڈانی

آقائے دوجہاں ﷺ سے اظہار محبت کو پیمانوں میں نہیں تولہ جا سکتا ۔ امیر عبدالقدیر اعوان
باغی ٹی وی ،ڈیرہ غازیخان (نامہ نگار) حضرت محمد ﷺ کی بعثت عالی عمرعزیز کے ٹھیک چالیس سال بعد ماہ مبارک ربیع الاول میں ہوئی یہ اللہ کریم کا مومنین پر بہت بڑا احسان ہے جب بعثت عالی پر بات کریں گے تو ہماری زندگی پابند ہو جاتی ہے احکام الٰہی کی کہ ہم ہر فعل میں جو آپ ﷺ نے اصول بیان فرما دئیے ہیں زندگی ان کے مطابق بسر کریں۔ آپ ﷺ نے کسی معاملے پر فیصلہ فرمایا تو فریقین میں سے اعتراض کرنے والے نے یہ معاملہ حضرت ابو بکر صدیق ؓ کے پاس پیش کیا تو آپ نے رد فرمایا اور اس نے پھر یہ معاملہ حضرت عمر فاروق ؓ کے سامنے پیش کیا تو انہوں نے جو ش میں آ کر اس کا سر قلم کرتے ہوئے کہا کہ آپ ﷺ کے فیصلے پر اعتراض کرنے والا گستاخ ہے اور اس کی یہی سزا ہے۔
امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان کا بعثت رحمت عالم ﷺ کانفرنس میں کنونشن سنٹراسلام آباد میں خواتین و حضرات کی کثیر تعداد سے خطاب!
انہوں نے کہا کہ اظہار محبت کو پیمانوں میں نہیں تولہ جا سکتا اور نہ ماہ و سال میں قید کیا جا سکتا ہے اللہ کریم ہمیں ایسی حقیقت عطا فرمائیں جو ہمارے کردار سے عیاں ہو اور اپنا کردار تعمیر میں ادا کریں اور اپنی اس ریاست جو ہماری ما ں جیسی ہے جس کی بنیادوں میں خون ہڈیاں اور بیٹیوں، بہنوں کی عزتیں لگی ہیں آج ہمیں انفرادی سطح سے لے کر اجتماعی طور پر اپنے وطن عزیز کے تحفظ کے لیے سوچنا ہو گا کہ میں اس کے لیے کیا کردار ادا کر رہا ہوں۔جب ہم اس کی تعمیر کو مقدم رکھیں گے تو اس کے ہر ادارے ہر شعبے کا تحفظ کرنا ہو گا اپنے ذاتی مفادات کو بالائے طاق رکھ کر قربانی دے کر اپنا حصہ ڈالنا ہوگا۔قومی اداروں میں قوانین کا اطلاق مساوات سے ہو۔بحیثیت امت ہم کوشش کریں کہ امت مسلمہ میں مثبت کردار ادا کر کے اتفاق کا سبب بنیں نتائج اللہ کریم پر چھوڑ دیں۔
یاد رہے کہ ربیع الاول کی نسبت سے سلسلہ نقشبندیہ اویسیہ کے تحت ملک بھر میں بعثت رحمت عالم ﷺ کے پروگرامز کا انعقاد کیا جا رہا ہے آج اسلام آباد میں پانچواں پروگرام منعقد ہوا۔اس پروگرام میں سیاسی و سماجی شخصیا ت نے بھر پور شرکت کی جن میں طاہر سرفراز اعوان
عبداللہ گل،چوہدری زمرد خاں چیئر مین بیت المال،عبدالقیوم سومرو،علی محمد خان،جاوید اخلاص کے علاوہ سلسلہ عالیہ کے زمہ داران جن میں میجر (ر) غلام قادری،ارشد صاحب،مانی بٹ،ڈاکٹر نوید بابر،صوفی بشیراحمد علوی صاحب،قاری عبدالخالق،صاحبزادہ شہید اللہ اعوان،صاحبزادہ شدید اللہ اعوان،جنرل سیکرٹری الاخوان حکیم عبدالماجد،سیکرٹری نشرواشاعت امجد اعوان بھی شامل تھے۔آخر میں انہوں نے ملکی سلامتی اور بقا کی اجتماعی دعا بھی فرمائی۔

باغی ٹی وی ،ڈیرہ غازیخان . ہارس ٹریڈنگ کا الزام لگانے والے خود ہارس ٹریڈنگ کے مجرم ثابت ہو گئے، امیدوار ایم پی اے ڈی جی خان سٹی مسلم لیگ ن طارق علی خان کاکڑ
عمران کی جمہوریت کیخلاف سازش اور ملک کے ساتھ کھیل کے بعد موجودہ آڈیو لیک نے عمران کا مکروہ چہرہ عوام کے سامنے آشکار کر دیا،
تفصیلات کے مطابق سینئیر رہنما و امیدوار ایم پی اے مسلم لیگ ن نواب طارق علی خان کاکڑ نے امجد سردار اور دیگر مسلم لیگی رہنماؤں کے ساتھ میڈیا سے گفتگو کرتے ہوئے کہا کہ پاکستان کے آج کے تمام مسائل عمران خان کے پیدا کردہ ہیں، ن لیگ کی قیادت ملک کو تمام بحرانوں سے نکالنے کی صلاحیت رکھتی ہے، اور وقت گزرنے کے ساتھ معاشی استحکام آ رہا ہے، مہنگائی کم کرنا ن لیگ کی اولین ترجیح ہے۔ایک سوال کے جواب میں انہوں نے کہا کہ وہ اگلے الیکشن میں ہر صورت ڈی جی خان شہر کی نشست سے امیدوار ہوں گے اور ڈی جی خان شہر کی امن و امان کی بگڑتی صورتحال اور شہر کو کھنڈر بنانے پر جلد یوسی سطح پر پی ٹی آئی کی پنجاب حکومت کے خلاف احتجاج کا سلسلہ شروع کرنے کا اعلان بھی کیا

باغی ٹی وی ،ڈیرہ غازی خان ( نامہ نگار) مشنر ڈیرہ غازی خان ڈویژن لیاقت علی چٹھہ نے کارپوریشن آفس میں ہفتہ وار کھلی کچہری لگائی۔میونسپل سروسز سے متعلق عوامی شکایات سن کر داد رسی کے احکامات جاری کئے ۔مرد اور خواتین سائلین کی تحریری اور زبانی درخواستوں پر احکامات دئیے۔کمشنر لیاقت علی چٹھہ نے کہا کہ 12 ربیع الاول کے جلوس کے روٹس کی صفائی کی جائے۔کمشنر لیاقت علی چٹھہ نے کہا کہ شاہ سکندر روڈ پر نئی سیوریج لائن کی تنصیب شروع کردی گئی ہے اور سکیم کے مکمل فنڈز جاری کردئیے گئے ہیں۔کمشنر لیاقت علی چٹھہ نے سائلین کی درخواستوں پر مختلف علاقوں میں سیوریج مسائل کے حل کےلئے موقع دیکھنے کےلئے ٹیمیں بھیجنے کے احکامات بھی دئیے۔کمشنر نے کہا کہ کار سرکار میں مداخلت پر مقدمات درج کرائے جائیں۔سرکاری فرائض میں کوتاہی اور عدم دلچسپی برداشت نہیں ہوگی۔کمشنر لیاقت علی چٹھہ نےکارپوریشن کے ریٹائرڈ ملازمین کے پنشن اور دیگر واجبات کی ترجیحی بنیادوں پر ادائیگی کی بھی ہدایات دیں۔انہوں نے کہا کہ عمارتی میٹریل اور ملبہ شاہراہوں پر ڈالنے والوں کے خلاف کارروائی کےلئے دفعہ 144 کے نفاذ کی شفارشات بھیجی جائیں گی۔اس موقع پرڈائریکٹر ڈویلپمنٹ رانا عبید الرشید ،ڈائریکٹر لوکل گورنمنٹ ملک محمد رمضان،ایس ای پبلک ہیلتھ جواد کلیم،سی او کارپوریشن جواد الحسن گوندل ،ایکسئین عدنان نسیم اور دیگر افسران بھی موجود تھے۔