Baaghi TV

Author: ڈاکٹرغلام مصطفی بڈانی

  • لنڈی کوتل: سڑک کی تعمیر میں غیر معیاری مواد کا استعمال، وزیر عدنان قادری کا نوٹس

    لنڈی کوتل: سڑک کی تعمیر میں غیر معیاری مواد کا استعمال، وزیر عدنان قادری کا نوٹس

    لنڈی کوتل،باغی ٹی وی (مہد شاہ شینواری) ورلڈ بینک کے تعاون سے بننے والی سڑک میں غیر معیاری مواد کا استعمال، ویڈیو سوشل میڈیا پر وائرل، وزیر عدنان قادری نے نوٹس لے لیا

    لنڈی کوتل (مہد شاہ شینواری): ضلع خیبر کی تحصیل لنڈی کوتل میں ورلڈ بینک کے تعاون سے بننے والی سڑک کی تعمیر میں غیر معیاری مواد کے استعمال کی ویڈیو سوشل میڈیا پر وائرل ہو گئی۔ ویڈیو کے وائرل ہوتے ہی صوبائی وزیر عدنان قادری نے فوری طور پر نوٹس لیتے ہوئے متعلقہ ٹھیکیدار کو سختی سے خبردار کیا اور کہا کہ سڑک کی تعمیر میں ناقص یا غیر معیاری مواد کا استعمال ہرگز برداشت نہیں کیا جائے گا۔

    صوبائی وزیر نے مقامی میڈیا کے نمائندوں سے بات کرتے ہوئے کہا کہ ترقیاتی منصوبوں میں کسی قسم کی کرپشن کو برداشت نہیں کیا جائے گا۔ ان کا مزید کہنا تھا کہ وہ خود موقع پر جا کر سڑک کا معائنہ کریں گے اور مواد کا ٹیسٹ لیبارٹری بھیجا جائے گا۔ انہوں نے واضح کیا کہ وہ کسی بھی کرپشن یا پرسنٹیج کا حصہ نہیں ہیں اور نہ ہی کسی دوسرے کی کرپشن کو برداشت کریں گے۔

    مقامی مشران اور فلاحی و سماجی تنظیموں کے رہنماؤں نے وزیر عدنان قادری کی جانب سے سڑک کی تعمیر میں غیر معیاری مواد کے استعمال کے خلاف نوٹس لینے پر ان کا شکریہ ادا کیا ہے۔

    ضلع خیبر کی تحصیل لنڈی کوتل میں ورلڈ بینک کے تعاون سے بننے والی سڑک کی تعمیر میں غیر معیاری مواد کے استعمال کی ویڈیو سوشل میڈیا پر وائرل ہو گئی۔ ویڈیو کے وائرل ہوتے ہی صوبائی وزیر عدنان قادری نے فوری طور پر نوٹس لیتے ہوئے متعلقہ ٹھیکیدار کو سختی سے خبردار کیا اور کہا کہ سڑک کی تعمیر میں ناقص یا غیر معیاری مواد کا استعمال ہرگز برداشت نہیں کیا جائے گا۔

    صوبائی وزیر نے مقامی میڈیا کے نمائندوں سے بات کرتے ہوئے کہا کہ ترقیاتی منصوبوں میں کسی قسم کی کرپشن کو برداشت نہیں کیا جائے گا۔ ان کا مزید کہنا تھا کہ وہ خود موقع پر جا کر سڑک کا معائنہ کریں گے اور مواد کا ٹیسٹ لیبارٹری بھیجا جائے گا۔ انہوں نے واضح کیا کہ وہ کسی بھی کرپشن یا پرسنٹیج کا حصہ نہیں ہیں اور نہ ہی کسی دوسرے کی کرپشن کو برداشت کریں گے۔

    مقامی مشران اور فلاحی و سماجی تنظیموں کے رہنماؤں نے وزیر عدنان قادری کی جانب سے سڑک کی تعمیر میں غیر معیاری مواد کے استعمال کے خلاف نوٹس لینے پر ان کا شکریہ ادا کیا ہے۔

  • ڈیرہ غازی خان: وزیر اعلیٰ پنجاب مریم نواز کی آمد،ہر طرف ناکہ بندی ،عوام کو مشکلات کا سامنا،انتظامیہ ناکام

    ڈیرہ غازی خان: وزیر اعلیٰ پنجاب مریم نواز کی آمد،ہر طرف ناکہ بندی ،عوام کو مشکلات کا سامنا،انتظامیہ ناکام

    ڈیرہ غازی خان (سٹی رپورٹر جواد اکبر)وزیر اعلیٰ پنجاب مریم نواز کی آمد،ہر طرف ناکہ بندی ،عوام کو مشکلات کا سامنا،انتظامیہ ناکا،

    وزیر اعلیٰ پنجاب مریم نواز شریف کی شہر آمد کے موقع پر انتظامات کے دوران عوام کو شدید مشکلات کا سامنا کرنا پڑا۔ پاکستان چوک اور دیگر اہم مقامات پر گاڑیوں کی لمبی قطاریں لگ گئیں، جس کی وجہ سے شہریوں کی آمدورفت متاثر ہوئی۔ خاص طور پر بلوچستان جانے والے افراد اور کاروباری لوگ پریشانی کا شکار ہوئے، جب کہ مریض بھی گاڑیوں میں روکے گئے۔

    یہ صورتحال اس بات کی عکاسی کرتی ہے کہ وزیر اعلیٰ کی آمد کے دوران عوامی سہولت کے لئے مکمل انتظامات نہ کیے گئے، جس کی وجہ سے شہریوں کو شدید مشکلات کا سامنا کرنا پڑا۔ عوام کا کہنا ہے کہ حکومت کے اعلیٰ عہدیداران کی آمد کے دوران ان کے وعدے پورے نہیں ہوتے اور اس طرح کی ناکہ بندیوں کی وجہ سے ان کی روزمرہ زندگی متاثر ہوتی ہے۔

  • میرپورخاص: میئر عبدالرؤف غوری کی حاجی فاروق ملک کے بہنوئی محمد فیصل کے انتقال پر تعزیت

    میرپورخاص: میئر عبدالرؤف غوری کی حاجی فاروق ملک کے بہنوئی محمد فیصل کے انتقال پر تعزیت

    میرپورخاص،باغی ٹی وی( نامہ نگار سید شاہزیب شاہ) یونین کونسل 4 کے چیئرمین حاجی فاروق ملک کے بہنوئی محمد فیصل کے انتقال پر میئر میرپورخاص عبدالرؤف غوری نے تعزیت کی۔

    محمد فیصل کا ایکسیڈنٹ کے باعث دو روز قبل انتقال ہو گیا تھا اور ان کی تدفین کر دی گئی۔ تعزیت کرنے والوں کا سلسلہ جاری ہے، جس میں میئر عبدالرؤف غوری نے سٹلائٹ ٹاؤن پہنچ کر فاتحہ خوانی کی اور کہا کہ اللہ مرحوم کے درجات بلند کرے اور لواحقین کو صبر جمیل عطا فرمائے۔

    اس موقع پر ڈپٹی میئر سمیرہ بلوچ، ایم پی اے ہری رام کشوری لال، یونین کونسل کے چیئرمین اور دیگر شخصیات بھی موجود تھیں۔

    میئر عبدالرؤف غوری نے میڈیا سے گفتگو کرتے ہوئے کہا کہ میرپورخاص کے شہریوں کے لیے آئندہ چند ماہ ترقی کے حوالے سے بہت اہم ہیں اور انشاءاللہ شہر میں ریکارڈ ترقیاتی کام ہوں گے۔

  • گوجرہ: کمشنر فیصل آباد مریم خان کا ٹوبہ ٹیک سنگھ کا دورہ،ترقیاتی منصوبوں کی بروقت تکمیل کی ہدایات

    گوجرہ: کمشنر فیصل آباد مریم خان کا ٹوبہ ٹیک سنگھ کا دورہ،ترقیاتی منصوبوں کی بروقت تکمیل کی ہدایات

    گوجرہ،باغی ٹی وی( نامہ نگار عبد الرحمن جٹ) کمشنر فیصل آباد مریم خان نے ٹوبہ ٹیک سنگھ کا دورہ کیا، جہاں ڈپٹی کمشنر محمد نعیم سندھو، ایڈیشنل ڈپٹی کمشنرز، اسسٹنٹ کمشنرز، اور تمام محکموں کے سربراہان نے ان کا استقبال کیا۔

    اس دوران کمشنر مریم خان کو وزیر اعلیٰ پنجاب مریم نواز شریف کے فلاحی اقدامات پر بریفنگ دی گئی، جن میں ستھرا پنجاب، صحت، تعلیم، ریونیو، اور عوامی سہولتوں کے منصوبے شامل تھے۔ کمشنر فیصل آباد نے ترقیاتی منصوبوں کی بروقت تکمیل کی ہدایات دیتے ہوئے شفافیت اور مانیٹرنگ کو مضبوط بنانے پر زور دیا۔

    انہوں نے تمام محکموں کے سربراہان کو اہداف کی تکمیل کے لیے واضح ہدایات دیتے ہوئے کہا کہ ترقیاتی منصوبوں میں کوتاہی برداشت نہیں کی جائے گی۔

    کمشنر مریم خان نے ڈپٹی کمشنر آفس کے سبزہ زار میں پودا بھی لگایا اور وزیر اعلیٰ پنجاب کے فلاحی منصوبوں کی آگاہی کے بارے میں قائم ڈیسک کا بھی جائزہ لیا۔

  • سیالکوٹ: معذور افراد کے لیے "ہمت کارڈ” کی تقسیم

    سیالکوٹ: معذور افراد کے لیے "ہمت کارڈ” کی تقسیم

    سیالکوٹ (باغی ٹی وی بیوروچیف شاہد ریاض) رکن صوبائی اسمبلی رانا عارف اقبال ہرناہ نے کہا کہ "ہمت کارڈ” کا اجراء وزیر اعلیٰ پنجاب کا تاریخی کارنامہ ہے، جو معذور افراد کی فلاح کے لیے ایک جامع اور مربوط پروگرام ہے۔

    انہوں نے سوشل ویلفیئر کمپلیکس میں معذور افراد میں ہمت کارڈز کی تقسیم کی تقریب میں شرکت کی، جہاں 990 افراد کو پہلے مرحلے میں ہمت کارڈز جاری کیے گئے۔

    رانا عارف اقبال نے کہا کہ ان کی کوشش ہے کہ حلقے کے تمام معذور افراد کو اس پروگرام سے فائدہ پہنچے اور ان کا حق ان تک پہنچایا جائے۔

    ڈپٹی ڈائریکٹر سوشل ویلفیئر شریف گھمن نے کہا کہ اس پروگرام کا پراسس مکمل طور پر شفاف رکھا گیا ہے، جس میں درخواست دہندگان کی فزیکل ویریفیکیشن اور اکاؤنٹ کھلوانا شامل ہے۔

  • منڈی بہاؤالدین: پاکستان انڈر 16 فٹ بال ٹیلنٹ ہنٹ پروگرام، منڈی بہاؤالدین کی ٹیم کی فتح

    منڈی بہاؤالدین: پاکستان انڈر 16 فٹ بال ٹیلنٹ ہنٹ پروگرام، منڈی بہاؤالدین کی ٹیم کی فتح

    منڈی بہاؤالدین،باغی ٹی وی (نامہ نگارافنان طالب)پاکستان انڈر 16 فٹ بال ٹیلنٹ ہنٹ پروگرام، منڈی بہاؤالدین کی ٹیم کی فتح

    ڈپٹی کمشنر ڈاکٹر فیصل سلیم کی زیر قیادت ضلعی انتظامیہ کھیلوں کے فروغ کے لیے سرگرم، پاکستان انڈر 16 فٹ بال ٹیلنٹ ہنٹ پروگرام کے فائنل ٹرائلز قائداعظم گراؤنڈ میں منعقد ہوئے۔ ایڈیشنل ڈپٹی کمشنر ریونیو محمد احمد ظہیر اور میجر محمد حارث نے مہمان خصوصی کی حیثیت سے شرکت کی۔

    تحصیل منڈی بہاؤالدین اور ملکوال کے درمیان کھیلے گئے فائنل میچ میں منڈی بہاؤالدین کی ٹیم نے تین کے مقابلے میں ایک گول سے فتح حاصل کی، اور تین لاکھ روپے کیش انعام جیتا، جبکہ رنر اپ ٹیم کو ایک لاکھ روپے انعام دیا گیا۔

    ایڈیشنل ڈپٹی کمشنر اور میجر محمد حارث نے کھیلوں کی اہمیت پر روشنی ڈالی اور کہا کہ اس پروگرام سے نوجوان کھلاڑیوں کو اپنی صلاحیتوں کو دنیا کے سامنے لانے کا موقع ملے گا۔

  • ڈسکہ: انسانی اسمگلنگ کا شکار 18 سالہ ابوبکر مراکش کشتی حادثے میں جاں بحق

    ڈسکہ: انسانی اسمگلنگ کا شکار 18 سالہ ابوبکر مراکش کشتی حادثے میں جاں بحق

    ڈسکہ،باغی ٹی وی (نامہ نگار ملک عمران) مراکش سے اسپین جانے والی کشتی حادثے کا شکار، 18 سالہ ابوبکر کی زندگی کا خواب چکنا چور

    ڈسکہ میں موضع دھرم کوٹ کے 18 سالہ ابوبکر کی اسپین پہنچنے کی آرزو، 34 لاکھ روپے ادا کر کے، حادثے کا شکار ہو کر دم توڑ گئی۔ ابوبکر کا تعلق ڈسکہ کے نواحی گاؤں دھرم کوٹ سے تھا اور وہ اپنے چار بھائیوں میں سب سے بڑا تھا۔ ایجنٹ اعجاز بٹ نے ابوبکر کو اسپین پہنچانے کے لیے 34 لاکھ روپے وصول کیے تھے۔

    ابوبکر کے تایا اکرم گجر کے مطابق زندہ بچ جانے والوں نے اطلاع دی کہ ابوبکر کو مراکش کے قریب سمندر میں تشدد کا نشانہ بنا کر پھینک دیا گیا۔ ابوبکر کے والدین غم سے نڈھال ہیں اور گاؤں کی فضا سوگوار ہے۔

    ان کا مطالبہ ہے کہ انسانی اسمگلرز کے خلاف سخت کارروائی کی جائے اور بیٹے کی میت کو واپس لانے کا انتظام کیا جائے تاکہ وہ اپنے ہاتھوں سے تدفین کر سکیں۔

  • ننکانہ صاحب: گرلز کالجز میں بی ایس پروگرام کا آغاز، خواتین کی تعلیم میں انقلابی قدم

    ننکانہ صاحب: گرلز کالجز میں بی ایس پروگرام کا آغاز، خواتین کی تعلیم میں انقلابی قدم

    ننکانہ صاحب،باغی ٹی وی(نامہ نگاراحسان اللہ ایاز) وزیر اعلیٰ پنجاب مریم نواز شریف کے ویژن کے مطابق خواتین کی تعلیم کو فروغ دینے کے لیے ڈپٹی ڈائریکٹر کالجز محمد ارشد چوہدری کی قیادت میں ضلع ننکانہ صاحب کے 6 گرلز کالجز میں بی ایس پروگرامز کا آغاز کیا گیا ہے۔

    اس اقدام سے پہلے طالبات کو اعلیٰ تعلیم کے لیے لاہور یا فیصل آباد جانا پڑتا تھا، جس سے والدین کو مالی اور سماجی مشکلات کا سامنا تھا۔ محمد ارشد چوہدری کی کاوشوں سے اب طالبات کو مقامی سطح پر اعلیٰ تعلیم کی سہولت میسر ہوگی، جو علاقے میں خواتین کی تعلیم کو فروغ دینے میں سنگ میل ثابت ہوگا۔

    بی ایس پروگرام کا آغاز نہ صرف طالبات کو تعلیم یافتہ بنانے میں مدد کرے گا بلکہ انہیں سماجی اور معاشی طور پر خودمختار بھی بنائے گا۔ تعلیم یافتہ خواتین اپنے خاندانوں کی بہتر تربیت کے ساتھ ساتھ معاشرے کی ترقی میں بھی اہم کردار ادا کریں گی۔

    طالبات اور ان کے والدین نے اس اقدام کو بے حد سراہا ہے۔ والدین کا کہنا ہے کہ اب طالبات کو دوسرے شہروں کا رخ نہیں کرنا پڑے گا، اور یہ فیصلہ علاقے کی ترقی میں ایک مثبت قدم ثابت ہوگا۔

    ڈپٹی ڈائریکٹر کی خدمات کو خراج تحسین
    محمد ارشد چوہدری نے اپنی قیادت سے ثابت کیا کہ عزم اور نیت سے بڑے مقاصد حاصل کیے جا سکتے ہیں۔ ان کا یہ اقدام ننکانہ صاحب کے لیے ایک تعلیمی انقلاب کے طور پر یاد رکھا جائے گا۔

    آنے والی نسلوں کے لیے مشعل راہ
    یہ فیصلہ خواتین کی تعلیم اور خودمختاری کے فروغ کے لیے ایک مثال بن چکا ہے، جو صوبے بھر کے لیے مشعل راہ ہوگا۔ تعلیم ہی وہ راستہ ہے جو کسی بھی معاشرے کو ترقی کی بلندیوں تک پہنچا سکتا ہے۔

  • اوچ شریف: تیز رفتار ٹرالے کی ٹکر سے موٹرسائیکل سوار شدید زخمی، ڈرائیور فرار

    اوچ شریف: تیز رفتار ٹرالے کی ٹکر سے موٹرسائیکل سوار شدید زخمی، ڈرائیور فرار

    اوچ شریف،باغی ٹی وی (نامہ نگار حبیب خان ) تیز رفتار ٹرالے کی ٹکر سے موٹرسائیکل سوار شدید زخمی، ڈرائیور فرار

    تفصیل کے مطابق اوچ شریف میں قومی شاہراہ پر سوئی گیس کوٹنگ پلانٹ موڑ کے قریب افسوسناک حادثہ پیش آیا، جس میں تیز رفتار ٹرالے (نمبر TMC-595) نے موٹرسائیکل (نمبر ACG-8898) کو ٹکر مار دی۔

    حادثے کے نتیجے میں موٹرسائیکل سوار شفیق ولد منظور احمد شدید زخمی ہو گیا۔ ریسکیو عملے نے زخمی کو فوری طور پر طبی امداد فراہم کی اور رورل ہیلتھ سینٹر اوچ شریف منتقل کیا۔ ڈاکٹروں کے مطابق شفیق کی ٹانگ کی ہڈیاں بری طرح ٹوٹ گئی ہیں اور اس کی حالت تشویشناک بتائی جا رہی ہے۔

    حادثے کے بعد ٹرالے کا ڈرائیور موقع سے فرار ہونے میں کامیاب ہو گیا۔ پولیس نے جائے حادثہ سے شواہد اکٹھے کر کے ڈرائیور کی تلاش شروع کر دی ہے۔

  • تنگوانی: روڈ حادثے میں 50 سالہ سہراب قمبرانی جاں بحق

    تنگوانی: روڈ حادثے میں 50 سالہ سہراب قمبرانی جاں بحق

    تنگوانی ،باغی ٹی وی(نامہ نگارمنصور بلوچ) تنگوانی کے قریب ٹھل،کندھ کوٹ ہائی وے پر پیش آنے والے دلخراش حادثے میں محمد اسماعیل قمبرانی گاؤں کے رہائشی 50 سالہ سہراب قمبرانی جاں بحق ہو گئے۔

    اطلاعات کے مطابق آج صبح سہراب قمبرانی رکشے پر سوار ہو کر شہر جا رہے تھے کہ اچانک ان کا پاؤں رکشے کے چین میں پھنس گیا۔ اس کے نتیجے میں وہ رکشے سے سڑک پر گھسیٹتے چلے گئے۔ شدید زخموں کی وجہ سے موقع پر ہی ان کی موت واقع ہو گئی۔

    حادثے کے بعد مقامی انتظامیہ نے جائے وقوعہ پر پہنچ کر قانونی کارروائی مکمل کی اور لاش کو ورثا کے حوالے کر دیا۔ علاقے کے عوام نے حادثے کو ہائی وے پر حفاظتی تدابیر کی عدم موجودگی اور رکشہ ڈرائیورز کی غفلت کا نتیجہ قرار دیا ہے۔