Author: ڈاکٹرغلام مصطفی بڈانی

سیالکوٹ (باغی ٹی وی بیوروچیف شاہد ریاض) ڈی جی فوڈ اتھارٹی محمد عاصم جاوید نے سیالکوٹ کا دورہ کیا اور صحت دشمن عناصر کے خلاف بھرپور کارروائیاں کیں۔ ان کی سربراہی میں فوڈ سیفٹی ٹیموں نے ہیڈمرالہ میں کریک ڈاؤن کے دوران 14 فوڈ پوائنٹس کی چیکنگ کی، جس میں 7 کو 1 لاکھ 30 ہزار روپے کے جرمانے عائد کیے گئے اور بھاری مقدار میں رینسڈ آئل اور بدبودار گوشت تلف کر دیا۔

ڈی جی فوڈ اتھارٹی عاصم جاوید کا کہنا تھا کہ پیور فوڈ ریگولیشنز کی سنگین خلاف ورزیوں پر کارروائیاں عمل میں لائی گئیں۔ چیکنگ کے دوران ٹوٹے فرش پر گندا پانی اور پروسیسنگ ایریا میں حشرات کی بہتات دیکھی گئی۔ میرج ہالز میں اشیاء کو نان فوڈ گریڈ پیپر میں رکھا پایا گیا اور ملازمین کے میڈیکلز سمیت دیگر ضروری ریکارڈ بھی غائب تھے۔

فش ہوٹلوں میں صفائی کے ناقص انتظامات پر بھی شدید برہمی کا اظہار کیا گیا۔ قوانین کے خلاف کاروبار کرنے والوں کو بھاری جرمانے عائد کیے گئے۔

ڈی جی فوڈ اتھارٹی عاصم جاوید نے کہا کہ خوراک کے کاروبار کرنے والوں کے لیے پنجاب فوڈ اتھارٹی کے قوانین پر عملدرآمد ضروری ہے۔ پنجاب بھر میں ہر چھوٹے اور بڑے فوڈ بزنس کی چیکنگ جاری ہے اور جعلساز مافیا کو پنجاب میں کوئی جگہ نہیں ملے گی۔ ملاوٹ کا خاتمہ ان کا نصب العین ہے اور اس کے لیے بھرپور اقدامات کیے جائیں گے۔

ڈسکہ،سیالکوٹ(باغی ٹی وی ،نامہ نگار+بیوروچیف) دھند کے باعث دو مختلف حادثات، متعدد افراد زخمی

تفصیل کے مطابق ڈسکہ سے بڈیانہ روڈ پر ننو والی سٹاپ کے قریب دھند کے باعث ایک مسافر بس حادثے کا شکار ہوگئی۔ یہ بس چوندہ (پسرور) سے فیصل آباد جا رہی تھی۔ خوش قسمتی سے تمام مسافر محفوظ رہے، تاہم 32 سالہ وسیم نامی مسافر کو معمولی چوٹیں آئیں، جنہیں ریسکیو 1122 کے عملے نے موقع پر ہی ابتدائی طبی امداد فراہم کی۔

اسی دوران سیالکوٹ کے قریب مرالہ روڈ پر چوڑ چک سٹاپ کے قریب ایک اور حادثہ پیش آیا۔ بوجہ شدید دھند، اینٹوں سے بھری ہوئی ٹرالی کو مزدا کوسٹر نے پیچھے سے ٹکر مار دی۔ عینی شاہدین کے مطابق دھند کے باعث حدِ نگاہ میں کمی اس حادثے کی بڑی وجہ بنی۔ حادثے کے نتیجے میں 6 افراد زخمی ہوئے، جن میں سے تین کو ریسکیو اہلکاروں نے فوری طبی امداد فراہم کی جبکہ تین افراد کو طبی امداد کے بعد قریبی ہسپتال منتقل کر دیا گیا۔

ان حادثات نے دھند کے دوران ڈرائیونگ کے خطرات کو اجاگر کیا ہے۔ متعلقہ حکام نے شہریوں کو ہدایت کی ہے کہ دھند کے موسم میں احتیاطی تدابیر پر عمل کریں اور ٹریفک قوانین کی سختی سے پاسداری کریں۔

ڈسکہ (باغی ٹی وی، نامہ نگار ملک عمران )دھند کے باعث مسافر بس الٹ گئی، تمام مسافر محفوظ

کتفصیل کے مطابق بڈیانہ روڈ پر ننو والی سٹاپ کے قریب آج صبح ایک مسافر بس دھند کے باعث حادثے کا شکار ہو گئی۔ یہ بس چوندہ (پسرور) سے فیصل آباد جا رہی تھی اور اس میں متعدد مسافر سوار تھے۔ علاقے میں گہری دھند اور حدِ نگاہ کم ہونے کے باعث بس الٹ گئی، تاہم تمام مسافر محفوظ رہے۔

حادثے کے دوران بس میں موجود 32 سالہ مسافر وسیم معمولی زخمی ہوا۔ موقع پر موجود ریسکیو 1122 کے اہلکاروں نے فوری طور پر اسے ابتدائی طبی امداد فراہم کی۔ مسافروں نے حادثے کے بعد خدا کا شکر ادا کیا کہ کوئی جانی نقصان نہیں ہوا۔

پولیس اور ریسکیو ٹیموں نے موقع پر پہنچ کر صورتحال کو کنٹرول کیا اور ٹریفک کی روانی بحال کی۔ دھند کے باعث علاقے میں حادثات کے خطرات میں اضافہ دیکھا جا رہا ہے، جس پر متعلقہ حکام نے شہریوں کو محتاط رہنے کی ہدایت کی ہے۔