Baaghi TV

Author: ڈاکٹرغلام مصطفی بڈانی

  • اوکاڑہ: ڈپٹی کمشنر کی زیر صدارت انسداد ڈینگی اجلاس، مؤثر اقدامات کی ہدایت

    اوکاڑہ: ڈپٹی کمشنر کی زیر صدارت انسداد ڈینگی اجلاس، مؤثر اقدامات کی ہدایت

    اوکاڑہ (باغی ٹی وی، نامہ نگار ملک ظفر): ڈپٹی کمشنر کیپٹن (ر) فرخ عتیق خان کی زیر صدارت انسداد ڈینگی کے حوالے سے ایک اہم اجلاس منعقد ہوا، جس میں عوامی آگاہی اور حفاظتی تدابیر کے ذریعے اس مہلک مرض سے نجات پانے پر زور دیا گیا۔ ڈپٹی کمشنر نے متعلقہ محکموں کے افسران کو ڈینگی سرویلنس کے عمل میں کوئی کوتاہی نہ برتنے کی سخت ہدایت دی اور حکومت پنجاب کی گائیڈ لائنز پر مکمل عملدرآمد یقینی بنانے کا حکم دیا۔

    اجلاس میں چیف ایگزیکٹو آفیسر ہیلتھ ڈاکٹر سیف اللہ وڑائچ، ڈسٹرکٹ آفیسر ہیلتھ ڈاکٹر احمد کمال، اور محکمہ صحت سمیت دیگر متعلقہ محکموں کے افسران شریک تھے۔ اجلاس کو ڈینگی کی روک تھام کے لیے کیے جانے والے اقدامات، سرکاری ہسپتالوں میں ڈینگی کاؤنٹرز، ویکٹر سرویلنس، اور تمام محکموں کے اہلکاروں کی کارروائیوں کے بارے میں تفصیلی بریفنگ دی گئی۔

    ڈپٹی کمشنر کیپٹن (ر) فرخ عتیق خان نے ہدایات جاری کرتے ہوئے کہا کہ انسداد ڈینگی مہم میں تھرڈ پارٹی ویلیڈیشن کا عمل تسلسل سے جاری رکھا جائے۔ انہوں نے اس بات پر بھی زور دیا کہ انسداد ڈینگی کی کارروائیوں کو ڈیش بورڈ پر بروقت اپلوڈ کیا جائے اور عوام کو ڈینگی سے بچاؤ کے لیے مؤثر حفاظتی تدابیر اختیار کرنے کے حوالے سے آگاہی فراہم کی جائے۔

    ڈپٹی کمشنر نے کہا کہ ڈینگی سے بچاؤ کے لیے عوامی آگاہی اور حفاظتی تدابیر کلیدی اہمیت رکھتی ہیں۔ انہوں نے تمام متعلقہ محکموں کو ہدایت کی کہ وہ عوام کو ڈینگی سے بچنے کے لیے مناسب معلومات فراہم کریں اور انسداد ڈینگی کی مہم کو مزید فعال اور مؤثر بنایا جائے۔

  • ڈیرہ غازیخان:ڈسٹرکٹ کوآرڈینیشن کمیٹی کا اجلاس، ترقیاتی منصوبوں اور امن و امان کے امور پر غور

    ڈیرہ غازیخان:ڈسٹرکٹ کوآرڈینیشن کمیٹی کا اجلاس، ترقیاتی منصوبوں اور امن و امان کے امور پر غور

    ڈیرہ غازیخان (باغی ٹی وی،سٹی رپورٹر جواداکبر) ڈسٹرکٹ کوآرڈینیشن کمیٹی ڈیرہ غازی خان کا اجلاس کنوینئر و رکن قومی اسمبلی سردار عبدالقادر خان کھوسہ کی زیرصدارت منعقد ہوا۔ اجلاس میں ارکان اسمبلی محمد حنیف خان پتافی، سردار احمد خان لغاری، سردار صلاح الدین کھوسہ، ڈپٹی کمشنر محمد عثمان خالد، ڈی پی او سید علی، ممتاز خان قیصرانی، خواجہ نظام الدین محمود، پی اے محمد اسد چانڈیہ اور دیگر صوبائی و وفاقی محکموں کے افسران نے شرکت کی۔

    امن و امان اور ترقیاتی منصوبوں کا جائزہ
    اجلاس میں ضلع بھر میں امن و امان کی صورتحال، ترقیاتی سکیموں، میگا پراجیکٹس اور عوامی فلاح و بہبود کے منصوبوں کا تفصیلی جائزہ لیا گیا۔ اجلاس میں اتفاق کیا گیا کہ ڈیرہ غازی خان میں جاری ترقیاتی منصوبوں کی رفتار کو تیز کیا جائے گا، اور ٹریفک فلو کو بہتر بنانے کے لیے تجاوزات کے مکمل خاتمے کے لیے ضروری اقدامات اٹھائے جائیں گے۔

    سرکاری افسران کو ہدایات
    سردار عبدالقادر خان کھوسہ نے افسران کو ہدایت دی کہ لاء اینڈ آرڈر کے مسائل فوری طور پر حل کیے جائیں اور ترقیاتی منصوبوں میں تاخیر کا سبب بننے والے معاملات کو جلد نمٹایا جائے۔ انہوں نے کہا کہ حکومت پنجاب کی ہدایت پر ضلع میں گڈ گورننس، عوامی خدمات کی فراہمی اور ترقیاتی منصوبوں کی بروقت تکمیل کو اولین ترجیح دی جائے گی۔

    پبلک سروس ڈیلیوری اور دیگر مسائل
    سردار عبدالقادر خان کھوسہ نے اجلاس میں سرکاری افسران کو عوام کو چیکنگ کے دوران کسی قسم کی پریشانی سے بچانے کی ہدایت کی اور کہا کہ تحصیل سطح کے سکولوں میں پلے گراؤنڈز کے قیام اور مٹی بھرائی کے عمل کو جلد از جلد مکمل کیا جائے۔ انہوں نے مزید کہا کہ کارڈیالوجی ہسپتال کے اطراف میں تجاوزات کا خاتمہ اور ٹریفک کے مسائل کے حل پر خصوصی توجہ دی جائے۔

    ترقیاتی سکیموں پر تیز رفتار کام کی ضرورت
    اجلاس میں محمد حنیف خان پتافی نے غازی گھاٹ پل پر ٹول پلازہ کی منتقلی اور رکشہ اسٹینڈز کے قیام کی ضرورت پر زور دیا جبکہ سردار احمد خان لغاری نے دراہمہ میں مشترکہ چیک پوسٹ کے قیام اور ہسپتالوں کی ری ویمپنگ کے لیے فوری اقدامات کی ضرورت پر روشنی ڈالی۔ سردار صلاح الدین کھوسہ نے سرکاری سکولوں اور عمارات کی تعمیر میں سائنسی اصولوں کو مدنظر رکھنے اور پہاڑی علاقوں میں مشینری کی دستیابی یقینی بنانے کی ضرورت پر زور دیا۔

    پولیس اور دیگر محکموں کی کارکردگی
    ڈی پی او سید علی نے ضلع میں امن و امان کی صورتحال پر بریفنگ دیتے ہوئے کہا کہ پولیس چیک پوسٹوں پر سیکیورٹی کو مزید سخت کیا جا رہا ہے اور چوری شدہ گاڑیوں کی منتقلی کو روکنے کے لیے اقدامات کیے جا رہے ہیں۔ خواجہ نظام الدین محمود نے تونسہ کمپلیکس میں سپورٹس سرگرمیوں کے فروغ اور جرائم کی روک تھام کے لیے پولیس فورس کی تعیناتی کے حوالے سے بات کی۔

    ترقیاتی منصوبوں پر بریفنگ
    ڈپٹی ڈائریکٹر ڈویلپمنٹ امیر مسلم نے ضلع بھر میں جاری ترقیاتی سکیموں پر تفصیلی بریفنگ دی۔ اجلاس میں مختلف منصوبوں کی بروقت تکمیل اور معیار کو یقینی بنانے پر زور دیا گیا، جبکہ ضلع میں موجودہ مسائل کے حل کے لیے مزید اقدامات کرنے کا عزم کیا گیا۔

  • میہڑ: انڈس ہائی وے پر مسلح ڈاکوؤں کی لوٹ مار، مزاحمت پر 2 افراد شدید زخمی

    میہڑ: انڈس ہائی وے پر مسلح ڈاکوؤں کی لوٹ مار، مزاحمت پر 2 افراد شدید زخمی

    میہڑ (باغی ٹی وی،نامہ نگار منظور علی جوئیہ) انڈس ہائی وے پر مسلح ڈاکوؤں نے مسافر گاڑیوں کو لوٹ مار کا نشانہ بنایا۔ اے سیکشن تھانہ کی حدود میں راج واہ نہر کے قریب تین نامعلوم مسلح ڈاکوؤں نے روڈ بلاک کر کے گاڑیوں کو روک لیا اور مسافروں سے لوٹ مار شروع کر دی۔

    لوٹ مار کے دوران مزاحمت کرنے پر ڈاکوؤں نے فائرنگ کی جس کے نتیجے میں غلام مصطفیٰ بروہی اور منظور بروہی شدید زخمی ہو گئے۔ ڈاکو فائرنگ کے بعد موقع سے فرار ہو گئے۔

    زخمیوں کو فوری طور پر تحصیل ہسپتال میہڑ منتقل کیا گیا، جہاں ان کی حالت تشویشناک ہونے کے باعث مزید علاج کے لیے لاڑکانہ ہسپتال ریفر کر دیا گیا ہے۔ پولیس نے واقعے کی تحقیقات شروع کر دی ہیں جبکہ ڈاکوؤں کی گرفتاری کے لیے علاقے میں سرچ آپریشن جاری ہے۔

  • سکھر: میر بابر علی خان لونڈ کا لغاری ہاؤس آمد پر پرتپاک استقبال

    سکھر: میر بابر علی خان لونڈ کا لغاری ہاؤس آمد پر پرتپاک استقبال

    سکھر (باغی ٹی وی ،نامہ نگار مشتاق لغاری) پاکستان پیپلز پارٹی ضلع گھوٹکی کے صدر اور ضلع کاؤنسل کے وائس چیئرمین میر بابر علی خان لونڈ نے آج لغاری ہاؤس کا اہم دورہ کیا۔ ان کی آمد پر لغاری خاندان کے افراد نے ان کا شاندار استقبال کیا، جہاں حاجی نثار احمد لغاری، جمیل احمد لغاری، عبد العزیز لغاری، صدام لغاری سمیت دیگر دوستوں نے پھولوں کی پتیاں نچھاور کر کے ان کا خیر مقدم کیا۔

    دورے کے دوران میر بابر علی خان لونڈ اور لغاری خاندان کے افراد نے باہمی دلچسپی کے امور پر تفصیلی گفتگو کی۔ ملاقات کے دوران سیاسی، سماجی اور علاقائی مسائل پر تبادلہ خیال کیا گیا، جس میں گھوٹکی ضلع کے ترقیاتی منصوبوں، عوامی فلاح و بہبود، اور مستقبل کے منصوبوں پر بات چیت ہوئی۔ میر بابر علی خان نے کہا کہ پیپلز پارٹی عوامی خدمت کے جذبے سے سرشار ہے اور پارٹی کی قیادت گھوٹکی ضلع کی ترقی کے لیے تمام وسائل بروئے کار لا رہی ہے۔

    میر بابر علی خان لونڈ نے حاجی نثار احمد لغاری کو حالیہ عمرہ کی سعادت حاصل کرنے پر خصوصی مبارکباد پیش کی۔ انہوں نے کہا کہ اللہ تعالیٰ کے گھر کی زیارت ایک عظیم نعمت ہے اور اس موقع پر لغاری خاندان کو مبارکباد پیش کرتا ہوں۔ اس دوران لغاری خاندان کی جانب سے میر بابر علی خان کو یادگاری تحائف پیش کیے گئے۔

    میر بابر علی خان لونڈ کے ہمراہ ان کے قریبی ساتھیوں نے بھی لغاری ہاؤس کا دورہ کیا، جن میں ادا زاہد علی لونڈ، چاچو محمد علی شیخ، اور انجینئر علی حیدر شیخ شامل تھے۔ لغاری ہاؤس میں ہونے والی اس ملاقات کو علاقے کی سیاسی و سماجی حلقوں میں انتہائی اہمیت دی جا رہی ہے۔

    ملاقات کے اختتام پر میر بابر علی خان لونڈ نے لغاری خاندان کا شکریہ ادا کیا اور کہا کہ اس قسم کی ملاقاتیں نہ صرف باہمی تعلقات کو مضبوط کرتی ہیں بلکہ عوامی مسائل کے حل میں بھی مددگار ثابت ہوتی ہیں۔ انہوں نے مزید کہا کہ پیپلز پارٹی ہمیشہ سے عوام کے حقوق کے تحفظ کی ضامن رہی ہے اور گھوٹکی ضلع کی ترقی کے لیے ہر ممکن اقدامات کرے گی۔

    ملاقات کے دوران دونوں اطراف نے مستقبل میں مل کر کام کرنے اور علاقے کی بہتری کے لیے مزید اقدامات کرنے کے عزم کا اظہار کیا۔

  • گوجرانوالہ:چائلڈ پروٹیکشن ٹیم نے گھر پر چھاپہ ،4سالہ بچّی بازیاب ،ملزم گرفتار

    گوجرانوالہ:چائلڈ پروٹیکشن ٹیم نے گھر پر چھاپہ ،4سالہ بچّی بازیاب ،ملزم گرفتار

    گوجرانوالہ(باغی ٹی وی ،نامہ نگارمحمدرمضان نوشاہی) ایک دل دہلا دینے والے واقعے میں چائلڈ پروٹیکشن ٹیم نے پولیس کے ہمراہ ایک گھر پر چھاپہ مار کر 4 سالہ گھریلو ملازمہ بچی کو بازیاب کروالیا ہے۔ متاثرہ بچی نے بتایا کہ گھر کی مالکن اسے بہت زیادہ تشدد کرتی تھی۔

    پولیس نے اس واقعے میں ملوث گھر کے مالک ہمایوں شہزاد اور بچی کے والد عرفان کو گرفتار کرلیا ہے۔ چائلڈ پروٹیکشن آفیسر کی مدعیت میں گھریلو ملازمہ پر تشدد کا مقدمہ درج کرلیا گیا ہے۔

    پولیس کے مطابق 4 سالہ مسکان کو اس کے والد نے 12 ہزار روپے ایڈوانس اور ماہانہ تنخواہ پر ہمایوں شہزاد کے گھر ملازمہ کے طور پر دیا تھا۔ بازیابی کے بعد متاثرہ بچی کو چائلڈ پروٹیکشن بیورو کے سپرد کردیا گیا ہے۔

  • کشمور: اغوا کاروں نے بگٹی قبیلے کے افراد کو جان سے مارنے کی دھمکی دی، ویڈیو وائرل

    کشمور: اغوا کاروں نے بگٹی قبیلے کے افراد کو جان سے مارنے کی دھمکی دی، ویڈیو وائرل

    کشمور(باغی ٹی وی رپورٹ) سندھ کے ضلع کشمور میں تنگوانی تھانہ پیر جان سٹاپ کے قریب سے دو ہفتے قبل مسلح افراد کے ہاتھوں اغوا ہونے والے اسد اللہ بگٹی اور منظور بگٹی کی ویڈیو ایک بار پھر سوشل میڈیا پر وائرل ہو گئی ہے۔

    ویڈیو میں اغوا شدہ افراد اپنی جان کو خطرے میں بتاتے ہوئے مدد کی اپیل کر رہے ہیں۔ اغوا کاروں نے ان سے 10 کروڑ روپے کا تاوان طلب کیا ہے اور تاوان نہ دینے کی صورت میں انہیں جان سے مارنے کی دھمکی دی ہے۔

    یہ واقعہ تنگوانی غوث پور روڈ پر پیش آیا تھا جہاں سے مسلح افراد نے اسد اللہ بگٹی اور منظور بگٹی کو اغوا کر لیا تھا۔ پولیس نے اس واقعے کے بعد سے اب تک کوئی پیشرفت نہیں کی ہے۔

    اغوا شدہ افراد کی ویڈیو وائرل ہونے کے بعد علاقے میں خوف و ہراس کی فضا پھیل گئی ہے۔ مقامی لوگوں نے حکومت سے مطالبہ کیا ہے کہ وہ اغوا شدہ افراد کو جلد از جلد بازیاب کروائے۔

    کشمور: اغوا کاروں نے 10 کروڑ روپے کا تاوان نہ دینے پر اغوا شدہ بگٹی قبیلے کے افراد کو جان سے مارنے کی دھمکی دی، ویڈیو وائرل
    https://x.com/DrMustafa983/status/1844193416676323599

  • اوچ شریف :عظیم الشان محفلِ حسنِ قرأت کا انعقادکیاگیا

    اوچ شریف :عظیم الشان محفلِ حسنِ قرأت کا انعقادکیاگیا

    اوچ شریف(باغی ٹی وی ،نامہ نگارحبیب خان) انجمن طلباء اسلام اوچ شریف کے زیر اہتمام ایک عظیم الشان محفلِ حسنِ قرأت کا انعقاد کیا گیا۔ اس محفل میں دنیا کے مختلف ممالک سے تشریف لائے ہوئے قاریانِ کرام نے کلامِ پاک تلاوت کرکے حاضرین کو مسحور کر دیا۔

    محفل میں شرکت کرنے والے مہمانوں میں الشیخ القاری رجا ایوب (تنزانیہ)، الشیخ القاری السید عبداللہ مصری (مصر)، اور الشیخ القاری الکباب ایوب (تنزانیہ) شامل تھے۔ انہوں نے اپنے دلنشین انداز میں قرآن پاک کی آیات تلاوت کرکے حاضرین کے قلوب کو نورانی بنا دیا۔

    اس موقع پر انجمن طلباء اسلام اوچ شریف کے سیکرٹری اطلاعات و نشریات زین رضا بخاری نے کہا کہ قرآن پاک میں آئینہ حیات ہے۔ قرآن کی تعلیم پر عمل پیرا ہو کر دنیا و آخرت میں کامیابی حاصل کی جا سکتی ہے۔

    انہوں نے مزید کہا کہ قرآن پاک کی تلاوت کرنے سے دل کو سکون اور دماغ کو راحت ملتی ہے۔ قرآن پاک کی تعلیم پر عمل پیرا ہونے سے انسان کی زندگی میں مثبت تبدیلی آتی ہے۔

    محفل میں ایم پی اے اوچ شریف مخدوم سید عامر علی شاہ، صدر جماعت اہلسنت اوچ شریف حاجی غلام یسین سومرو سمیت دیگر شخصیات نے بھی شرکت کی۔

    اس محفل میں ہزاروں کی تعداد میں عوام نے شرکت کی اور کلامِ پاک سن کر اپنے قلوب کو نورانی بنایا۔

  • اوچ شریف:فلسطینیوں کے ساتھ یکجہتی ریلی، عالمی برادری کی خاموشی پر تنقید

    اوچ شریف:فلسطینیوں کے ساتھ یکجہتی ریلی، عالمی برادری کی خاموشی پر تنقید

    اوچ شریف (باغی ٹی وی ،نامہ نگار حبیب خان) اوچ شریف میں مولانا محمد شاہ جرار کی قیادت میں فلسطینی بھائیوں سے اظہار یکجہتی کے لیے ایک بڑی ریلی کا انعقاد کیا گیا۔ یہ ریلی الشمس چوک میں ہوئی جس میں مذہبی جماعتوں، شہریوں، نوجوانوں، بزرگوں اور مختلف سیاسی و سماجی شخصیات نے بڑی تعداد میں شرکت کی۔

    ریلی کے شرکاء نے فلسطینی عوام کی حمایت میں بینرز اور پلے کارڈز اٹھا رکھے تھے جن پر "فلسطینیوں کی آزادی ہمارا حق” اور "فلسطین کا مسئلہ، ہمارا مسئلہ” جیسے نعرے درج تھے۔ نعرے بازی کے ساتھ، شرکاء نے فلسطینی عوام کی قربانیوں کو سراہا اور عالمی برادری کی خاموشی پر شدید تنقید کی۔

    مولانا محمد شاہ جرار نے اپنے خطاب میں کہا، "یہ وقت ہے کہ ہم سب یکجا ہو کر فلسطینی عوام کی حمایت میں آواز اٹھائیں۔ ہمیں ان کی جدوجہد اور قربانیوں کو فراموش نہیں کرنا چاہیے۔” انہوں نے اسلامی ممالک کو فلسطین کے حقوق کے لیے متحد ہونے کی ضرورت پر زور دیا۔

    ریلی میں موجود سیاسی جماعتوں کے رہنماؤں نے بھی فلسطینی عوام کے ساتھ یکجہتی کا عزم ظاہر کیا اور پاکستان حکومت سے مطالبہ کیا کہ وہ فلسطینی حقوق کی حمایت میں عملی اقدامات کرے۔

    ریلی کے اختتام پر فلسطینی عوام کے لیے خصوصی دعا کی گئی، اور اس عزم کا اظہار کیا گیا کہ فلسطینیوں کے حقوق کی حمایت میں جدوجہد جاری رکھی جائے گی، تاکہ عالمی برادری کو یہ باور کرایا جائے کہ فلسطین کا مسئلہ انسانی حقوق کا اہم ترین مسئلہ ہے جس پر خاموشی اختیار کرنا ناقابل قبول ہے۔

  • ننکانہ:محکمہ تعلیم میں کرپشن ،کیا ڈپٹی کمشنربھی خاموش رہیں گے؟

    ننکانہ:محکمہ تعلیم میں کرپشن ،کیا ڈپٹی کمشنربھی خاموش رہیں گے؟

    ننکانہ صاحب (باغی ٹی وی نامہ نگاراحسان اللہ ایاز) سی ای او ڈسٹرکٹ ایجوکیشن اتھارٹی، احسن فرید کی جانب سے دیے گئے احکامات کی خلاف ورزی کا معاملہ سامنے آیا ہے، جس میں سابق ڈسٹرکٹ ایجوکیشن آفیسر ایلیمنٹری منیر احمد 20 دن گزرنے کے باوجود جواب جمع کروانے میں ناکام رہے۔ یہ معاملہ تب سامنے آیا جب مقامی شہری سمیع اللہ نے اختیارات کے ناجائز استعمال اور انصاف کی فراہمی میں تاخیر کی شکایت کی۔

    تفصیلات کے مطابق مقامی شہری سمیع اللہ کی جانب سے سی ای او ڈسٹرکٹ ایجوکیشن اتھارٹی احسن فرید کو تحریری درخواست دی گئی جس میں کہا گیا کہ سابق ڈسٹرکٹ ایجوکیشن آفیسر ایلیمنٹری منیر احمد نے اپنے اختیارات کا ناجائز فائدہ اٹھاتے ہوئے ایک اہم کیس میں مبینہ طور پر جانبداری سے کام لیا۔ درخواست میں کہا گیا کہ گورنمنٹ پرائمری سکول چک نمبر 14 کے ہیڈ ماسٹر، نذیر احمد، جو سکول فنڈز میں مبینہ خوردبرد میں ملوث پائے گئے تھےانہیں باقاعدہ انکوائری میں گناہگار ثابت ہونے کے باوجود منیر احمد نے اپنی "پرسنل انکوائری” میں بری کردیا۔

    درخواست گزار کا موقف تھا کہ یہ فیصلہ انصاف کے تقاضوں کے عین مطابق نہیں تھا اور اس سے قانون کی بالادستی کو نقصان پہنچا ہے۔ اس پر سی ای او ایجوکیشن نے فوری ایکشن لیتے ہوئے منیر احمد کو 16 ستمبر کو جاری کردہ لیٹرنمبر 1838 میں ہدایت دی کہ وہ 18 ستمبر تک اپنا جواب جمع کروائیں۔

    تاہم 20 دن گزرنے کے باوجود منیر احمد کی جانب سے کوئی جواب موصول نہیں ہوا جس پر شہری سمیع اللہ نے ڈپٹی کمشنر محمد تسلیم اختر راؤ سے فوری نوٹس لینے اور انصاف کی فراہمی کا مطالبہ کیا۔

    شہری سمیع اللہ کا کہنا تھا کہ سابق ڈسٹرکٹ ایجوکیشن آفیسر کی جانب سے اختیارات کا ناجائز استعمال اور جواب دہی سے انکار تعلیم کے نظام کی شفافیت کے لیے نقصان دہ ہے اور اس معاملے میں فوری کارروائی کی ضرورت ہے۔

    شہری کی درخواست پر سی ای او ایجوکیشن کی طرف سے جاری کردہ احکامات کے باوجودمنیر احمد کی حکم عدولی پر سی ای او ایجوکیشن بھی بے بس نظر آئے ہیں۔ درخواست گزار نے مطالبہ کیا کہ ڈپٹی کمشنر اس معاملے کا فوری نوٹس لیں اور قانون کے مطابق سخت کارروائی کریں تاکہ آئندہ کسی سرکاری افسر کو اختیارات کے غلط استعمال کا موقع نہ مل سکے۔

    مقامی شہریوں نے بھی اس معاملے پر تشویش کا اظہار کیا ہے اور مطالبہ کیا ہے کہ ایسے واقعات کے خلاف سخت کارروائی کی جائے تاکہ تعلیم کے شعبے میں بدعنوانی اور اختیارات کے ناجائز استعمال کا خاتمہ کیا جا سکے۔

  • میرپورخاص:گندم کی وافر مقدار میں کاشت کے لیے زرعی سیمینارز کا شیڈول جاری

    میرپورخاص:گندم کی وافر مقدار میں کاشت کے لیے زرعی سیمینارز کا شیڈول جاری

    میرپورخاص(باغی ٹی وی، سید شاہزیب شاہ کی رپورٹ) ایڈیشنل ڈائریکٹر ایگریکلچر ایکسٹینشن میرپور خاص،ذوالفقار علی جاگیرانی نے ربیع پلان-25 2024 کے تحت ضلع، تحصیل اور یونین کونسل کی سطح پر گندم کی وافر مقدار میں کاشت کے لئے زرعی سیمینار منعقد کرانے کا شیڈول جاری کر دیا ہے۔

    سیمینارز کے انعقاد کا مقصد کاشتکاروں کو گندم کی بہتر پیداوار کے لئے آگاہی فراہم کرنا ہے۔ اس سلسلے میں مندرجہ ذیل تاریخوں اور مقامات پر سیمینارز کا انعقاد کیا جائے گا,14 اکتوبر ٹاؤن ہال جھڈو,15 اکتوبر یو سی آہوری، علاقے ٹنڈو کولاچی,16 اکتوبرایگریکلچر آفس کوٹ غلام محمد، یو سی روشن آباد,17 اکتوبر ایگریکلچر آفس ڈگری، یو سی فضل بھمبروں، یو سی میر امام بخش,18 اکتوبر یو سی میر غلام حسین، گاؤں میر خالد تالپور، یو سی کنگورو,19 اکتوبر یو سی جواریہ سر، گاؤں نواب یوسف تالپور,21 اکتوبر یو سی آفس بیلاڑو شاخ، یو سی نوکوٹ، یو سی خداداد، علاقے سکریاری، یو سی پبن، گاؤں ناگن,22 اکتوبریو سی آفس دلاور حسین، یو سی حاجی ہادی بخش، ڈھونکائی کے علاقے ڈینگان رستی، یو سی صوفن شاہ، گاؤں 170 سی

    اسی طرح 23 اکتوبر یو سی آفس میروا، یو سی رئیس خیر محمد بھرگڑی، گاؤں ہاشم بھرگڑی،24 اکتوبریو سی ٹنڈو جان محمد،25 اکتوبر ٹاؤن ہال کھان، یو سی میرخدا بخش، گاؤں حاجی عبداللہ جروار،28 اکتوبر 12 میل اسٹاپ سندھڑی، گاؤں دولت لغاری، یو سی آفس پرانا میرپور،29 اکتوبر یو سی مکھن سموں، سمن گوٹ، یو سی آفس کھان، یو سی آفس کھیراو، گاؤں جھلوری، یو سی آفس ترک علی مری، یو سی آفس بلوچ آباد،30 اکتوبر یو سی آفس میروا گورچانی، یو سی آفس جھڑبی،31 اکتوبر یو سی آفس چٹوڑی

    ایڈیشنل ڈائریکٹر ذوالفقار علی جاگیرانی نے تمام کاشتکاروں سے اپیل کی ہے کہ وہ ان سیمینارز میں شرکت کریں تاکہ وہ جدید زرعی تکنیکوں سے آگاہ ہو سکیں اور اپنی پیداوار کو بڑھانے کے لئے بہتر حکمت عملی اپنائیں۔ یہ اقدام علاقائی زراعت کی ترقی کے لئے ایک اہم سنگ میل ثابت ہوگا۔