Baaghi TV

Author: ڈاکٹرغلام مصطفی بڈانی

  • سیالکوٹ: نگہبان رمضان پیکج کے تحت 49 ہزار498مستحقین کے گھروں کی دہلیز تک راشن بیگ پہنچادیئے گئے،ڈپٹی کمشنر

    سیالکوٹ: نگہبان رمضان پیکج کے تحت 49 ہزار498مستحقین کے گھروں کی دہلیز تک راشن بیگ پہنچادیئے گئے،ڈپٹی کمشنر

    سیالکوٹ، باغی ٹی وی( بیوروچیف شاہد ریاض سے)ڈپٹی کمشنر سیالکوٹ محمد ذوالقرنین نے کہا ہے کہ نگہبان رمضان پیکج کے تحت 49 ہزار498مستحقین کے گھروں کی دہلیز تک راشن بیگ پہنچادیئے گئے،

    ضلع سیالکوٹ کی چاروں تحصیلوں کے اسسٹنٹ کمشنرزکے زیر نگرانی پیکج کی تقیسم کا کام تیزی سے جاری ہے اس ضمن میں تما م ریونیو افسران کو ٹائم لائن دے دی گئی ہے جس پر عملدرآمد کوہر صورت یقینی بنایا جائے گا۔

    یہ بات انہوں نے آج نگہبان رمضان پیکج کے سلسلہ میں ریونیو افسران کے خصوصی اجلاس سے خطاب کرتے ہوئے کہی۔ ڈپٹی کمشنر نے کہاکہ نگہان رمضان پیکج کیلئے تیار کئے جانے والے راشن بیگز میں اشیائے خورد و نوش کی معیار کو یقینی بنانے کیلئے فوڈ اتھارٹی آٹا، گھی، چاول، چینی اور بیسن کے باقاعدگی سے سمپل لیکر سرٹیفیکیٹ جاری کررہی ہے ۔

    انہوں نے کہاکہ وزیر اعلیٰ کے وژن کے عین مطابق پورے احترام سے عزت نفس مجروح کئے بغیر گھر گھر راشن کی تقسیم آئندہ چند روز میں مکمل کرلی جائے گی ۔

    انہوں نے افسران کو ہدایت کی کہ رمضان پیکج کے مستحقین کی ویری فیکشن اور ڈسٹری بیوشن کو تیز کیا جائے ۔یاد رہے ضلع سیالکوٹ میں 1لاکھ 18ہزار336 راشن بیگز تقسیم کئے جائیں گے۔

  • گوجرہ:پلاسٹک کی خالی بوری باردانہ لوڈ ٹرک،بجلی کی تاریں چھونے سے آگ کی لپیٹ میں آگیا

    گوجرہ:پلاسٹک کی خالی بوری باردانہ لوڈ ٹرک،بجلی کی تاریں چھونے سے آگ کی لپیٹ میں آگیا

    گوجرہ،باغی ٹی وی( نامہ نگار عبدالرحمن جٹ کی رپورٹ)پلاسٹک کی خالی بوری باردانہ سے لوڈ ٹرک بجلی کی تاروں سے چھو جانے کی وجہ ٹرک میں آگ بھڑک اٹھی، لاکھوں روپے مالیت کا باردانہ جل راکھ ہو گیا ٹرک کو بھی شدید نقصان پہنچا

    معلوم ہوا ہے کہ چک نمبر 303 ج ب کا ٹرک ڈرائیورمحمد نوید ٹرک نمبری 4480 بی آر ڈی پر ٹوبہ روڈ فلور ملز سے پلاسٹک کی خالی بوریاں لوڈ کرکے محلہ آفتاب ٹاؤن آرہا تھا کہ راستے میں بجلی کی تاروں سے چھو جانے سے ٹرک میں آگ بھڑک اٹھی

    ٹرک ڈرائیور ٹرک بھگا کر میونسپل کمیٹی کے سامنے لے آیا جہاں پر ریسکیو 1122 اور میونسپل کمیٹی کی فائر بریگیڈ گاڑیوں نے کافی جدوجہد کے بعد آگ پر قابو پایا

    آگ کے نتیجہ میں لاکھوں روپے کا خالی باردانہ جل گیا ٹرک کو بھی شدید نقصان پہنچا ،اطلاع پا کر ڈی ایس پی گوجرہ آفتاب احمد صدیقی اور اسسٹنٹ کمشنر گوجرہ نعمان احمد ڈوگر پولیس کی بھاری نفری کے ہمراہ موقع پر پہنچ گئے اور تمام کارروائی کی نگرانی کرتے رہے.

    قابل ذکر بات یہ ہے کہ جہاں ٹرک کوآگ لگی وہیں سامنے گورنمنٹ گرلز کالج واقع ہے اور اسی وقت بچیوں کو چھٹی ہوئی تھی جو بروقت کارروائی کی وجہ سے کسی بڑے حادثہ سے بچ گئیں.

  • ڈسکہ :گورنمنٹ بوائز ہائی سکول آدمکے چیمہ سے نوجوان کی تشدد شدہ نعش برآمد

    ڈسکہ :گورنمنٹ بوائز ہائی سکول آدمکے چیمہ سے نوجوان کی تشدد شدہ نعش برآمد

    سیالکوٹ،باغی ٹی وی( بیوروچیف شاہد ریاض سے)تھانہ صدر ڈسکہ کے علاقہ گورنمنٹ بوائز ہائی سکول ادمکے چیمہ سے نوجوان کی تشدد شدہ نعش برآمد ، نوجوان کو تیز دھار آلے سے قتل کیا گیا ، نوجوان کی عمر 23 سال ہے

    چوکیدار نے صبح جب سکول کھولا تو نعش دیکھ کر پولیس کو کال کی ، پولیس ترجمان کاکہنا ہے کہ سی سی ٹی وی کیمروں کی مدد سے واقعہ کی تفتیش کر رہے ہیں

    ادھر گورنمنٹ بوائز ہائی سکول میں ڈیڈباڈی دیکھ کر بچوں سمیت علاقہ بھر میں خوف و ہراس پھیل گیا،
    ———————-
    بڈیانہ میں ڈینگی سے 30 سالہ نوجوان زندگی کی بازی ہار گیا

    پسرور بڈیانہ کا رہائشی عثمان سلیم کی تین ماہ قبل شادی ہوئی ،جسے ڈینگی بخار ہوا تو نجی ہسپتال لے جایا گیا ،جہاں نوجوان کئی روز بعد زندگی کی بازی ہارگیا.
    ———————
    سیالکوٹ :فرحان نامی شہری کا کہنا ہے کہ تھانہ صدر کے علاقہ اورا چوک کے قریب دو مسلح ڈاکو اسکی موبائل کی دکان پر اسلحہ کے زور پر داخل ہوئے اور 2 لاکھ پچاس ہزار روپے نقدی چھین کر فرار ہو گئے رابطہ پر ترجمان پولیس نے بتایا کہ مقامی پولیس مصروف تفتیش ہے۔

  • سیالکوٹ:تھانہ مرادپورپولیس کی کارروائی،اقدام قتل3ملزمان گرفتار،بہاولنگر سے خاتون بازیاب

    سیالکوٹ:تھانہ مرادپورپولیس کی کارروائی،اقدام قتل3ملزمان گرفتار،بہاولنگر سے خاتون بازیاب

    سیالکوٹ، باغی ٹی وی( بیوروچیف شاہد ریاض سے)تھانہ مراد پور پولیس نے اقدام قتل کے دو مقدمات میں ملوث تین ملزمان ۔شادی شدہ خاتون کو بہاولنگر سے بازیاب کروا لیا گیا

    ترجمان سیالکوٹ پولیس کا کہنا ہے کہ مراد پور پولیس نے انسپکٹر ایس ایچ او میاں عبدالرزاق کی سربراہی مین مختلف سنگین واقعات میں ملوث ملزمان کو گرفتار کر لیا گیا ہے،موضع باہو بھٹی سے حضر نامی ملزم نے شادی شدہ 29 سالہ خاتون ندا کو اغوا کیا جسے ضلع بہاولنگر سے بازیاب کروایا گیا اور ملزم کو گرفتار کیا گیا ہے

    اسی طرح اقدام قتل کے واقعات میں عبدالرحمان اور ندیم کو فائرنگ کر کے زخمی کرنے والے جمیل اور عدنان جبکہ خانیوال کے رہائشی عبدالقدیر کو چھریاں مارنے والے محمد حسین کو بھی گرفتارکیا گیا ہے.

  • لنڈی کوتل:ایٹا سکالرشپ بحال کی جائے تاکہ مستحق طلباء علم کی شمع سے محروم نہ ہوں، میر افضل خان طوری

    لنڈی کوتل:ایٹا سکالرشپ بحال کی جائے تاکہ مستحق طلباء علم کی شمع سے محروم نہ ہوں، میر افضل خان طوری

    لنڈی کوتل(باغی ٹی وی رپورٹ )ایٹا سکالرشپ بحال کی جائے تاکہ مستحق طلباء علم کی شمع سے محروم نہ ہوں، میر افضل خان طوری

    میر افضل خان طوری نے ایک بیان میں خیبر ٖپختونخوا کے ایٹا کے حکام سے مطالبہ کیا ہے کہ جماعت ہفتم سے بارہویں تک مفت تعلیم حاصل کرنے کی سکالرشپ کو بحالی کیا جائے۔ انھوں نے کہا کہ اس ٹیسٹ کے ذریعے ہزاروں طلبا کو اپنی ذہنی صلاحیت استعمال کرنے کا موقع ملتا ہے اور وہ ایٹا ٹیسٹ میں حصہ لیتے ہیں، ان کا کہنا تھا کہ جو طلبا اس ٹیسٹ کو پاس کرنے میں کامیاب ہوجاتے ہیں اور ساتویں جماعت سے بارہویں جماعت تک مفت تعلیم حاصل کرتے ہیں۔

    یہ امتحان روشن تعلیمی امکانات کا ایک گیٹ وے ہے اور بہت سے خواہشمند نوجوانوں کے لئے ایک لازمی لائف لائن بن گیا ہے۔ تاہم انتظامیہ کی طرف سے تاخیر نے ان طلباء کو غیر یقینی اور تشویش کی کیفیت میں ڈال دیا ہے۔یہ اقدام 2007 میں اپنے قیام کے بعد سے سالانہ 253 طلباء کی تعلیمی امنگوں کو پروان چڑھانے میں اہم کردار ادا کر رہا ہے۔

    روایتی طور پر یہ عمل ڈائریکٹوریٹ آف ایلیمنٹری اینڈ سیکنڈری ایجوکیشن خیبر پختونخوا کے دسمبر میں اسکالرشپ ٹیسٹ کی تشہیر کے ساتھ شروع ہوتا ہے، اس کے بعد جنوری میں ایجوکیشنل ٹیسٹنگ اینڈ ایویلیوایشن ایجنسی (ETEA) کے ذریعے اصل امتحان لیا جاتا ہے۔

    تاہم، حالیہ عام انتخابات کی وجہ سے اس سال ٹائم لائن میں خلل پڑا ہے، جس کے نتیجے میں تاخیر ہوئی جس کی وجہ سے طلباء مایوسی کے شکار ہوچکے ہیںَ

    قبائلی طلباء اور مشران کا مطالبہ ہے کہ مفت تعلیم حاصل کرنے کے لئے اس ٹیسٹ کو جلد بحال کیا جائے تاکہ مستحق ہزاروں قبائلی طلبا ءکو بھی اس ٹیسٹ کے ذریعے مفت تعلیم حاصل کرنے کا مواقع مل سکیں۔

  • ڈیرہ غازی خان ڈویژن میں 65 فیصد رجسٹرڈ خاندانوں تک رمضان بیگز پہنچا دئیے گئے،کمشنر

    ڈیرہ غازی خان ڈویژن میں 65 فیصد رجسٹرڈ خاندانوں تک رمضان بیگز پہنچا دئیے گئے،کمشنر

    ڈیرہ غازی خان، باغی ٹی وی( نیوز رپورٹرشاہد خان )وزیر اعلی پنجاب مریم نواز شریف کے نگہبان پیکج کے تحت ڈیرہ غازی خان ڈویژن کے 65 فیصد رجسٹرڈ خاندانوں تک رمضان بیگز پہنچا دئیے گئے۔

    کمشنر ڈاکٹر ناصر محمود بشیر نے ویڈیو لنک جائزہ اجلاس کی صدارت کرتے ہوئے گھر گھر جاکر امداد یقینی بنانے کے احکامات جاری کردئیے ہیں۔اجلاس میں ڈپٹی کمشنرز ،اسسٹنٹ کمشنرز اور متعلقہ افسران شریک تھے ۔

    کمشنر ڈاکٹر ناصر محمود بشیر نے کہا کہ 17 مارچ تک چار لاکھ 94 ہزار 113 رمضان راشن بیگز گھر گھر پہنچا ئے گئے ہیں۔ 1373 ٹیمیں گھروں کی دہلیز تک رمضان پیکج تقسیم کرنےاور 2503 لاگن/یوذر بار کوڈ کی سکینگ اور ڈیش بورڈ پر آن لائن ریکارڈ مرتب کرنے میں مصروف ہیں ۔

    انہوں نے کہا کہ ڈی جی خان ڈویژن میں سات لاکھ 54 ہزار 402 خاندانوں تک ان کا حق پہنچائیں گے۔

    کمشنر ڈاکٹر ناصر محمود بشیر نے کہا کہ وزیر اعلی کی ہدایت پر حقداروں کا حق ان کی دہلیز تک پہنچا رہے ہیں۔

    سیاسی وابستگی سے بالاتر ہوکر رجسٹرڈ خاندانوں کو ان کا حق ملے گا۔نادار خاندانوں کو بلانے کی بجائے گھروں تک جاکر عزت و تکریم کے ساتھ امداد دی جارہی ہے۔

  • قصور:چیئر مین وزیر اعلی مانیٹرنگ کمیٹی ایم پی اے حاجی نعیم صفدر انصاری کی زیر صدارت اجلاس

    قصور:چیئر مین وزیر اعلی مانیٹرنگ کمیٹی ایم پی اے حاجی نعیم صفدر انصاری کی زیر صدارت اجلاس

    قصور،باغی ٹی وی (بیوروچیف غنی محمود)چیئر مین وزیر اعلی مانیٹرنگ کمیٹی ایم پی اے حاجی نعیم صفدر انصاری کی زیر صدارت اجلاس

    صاف ستھرا پنجاب پروگرام کی اب تک کی کارکردگی کا تفصیلی جائزہ لیا گیا۔ اجلاس میں ممبر ان وزیر اعلی مانیٹرنگ کمیٹی و اراکین صوبائی اسمبلی ملک احمد سعید خاں، چوہدری احسن رضا خاں، ڈپٹی کمشنر محمد ارشد بھٹی کی شرکت۔

    اجلاس میں ”ستھرا پنجاب“پروگرام کے تحت ضلع بھر میں جاری کاموں اور ماڈل ویلجز میں ابتک کی کارکردگی کا تفصیلی جائزہ لیا گیا۔ ”ستھرا پنجاب“ پروگرام پنجاب حکومت کی اولین ترجیحات میں شامل ہے۔

    چیئر مین وزیر اعلی مانیٹرنگ کمیٹی ۔ پروگرام کا مقصد لوگوں کو صحت مند اور خوشحال ماحول فراہم کرنا ہے۔ پروگرام کے تحت صفائی ستھرائی، سٹریٹ لائٹس کی درستگی، تجاوزات کا خاتمہ‘ وال چاکنگ کا خاتمہ سمیت دیگر اقدامات کئے جا رہے ہیں.

    وزیر اعلیٰ پنجاب کے اس عوام دوست منصوبے کی کامیابی کی تکمیل کیلئے تمام دستیاب وسائل کو بروئے کار لایا جا رہا ہے۔ ستھرا پنجاب پروگرام کو مزید تیز کرنے کی ہدایات۔ صفائی ستھرائی پر خصوصی توجہ دی جائے اور شکایات کو فوری حل کیا جائے

  • قصور:انکم سپورٹ پروگرام سے غریب خواتین کی رقوم سے کٹوتی معمول بن گئی،ارباب اختیار کی آنکھیں بند

    قصور:انکم سپورٹ پروگرام سے غریب خواتین کی رقوم سے کٹوتی معمول بن گئی،ارباب اختیار کی آنکھیں بند

    قصور،باغی ٹی وی (بیوروچیف غنی محمود)بینظیر انکم سپورٹ پروگرام سے پیسے لینے والی عورتوں سے سرکاری پیسوں پر کٹوتی،بارہا یاد دہانی کے باوجود کوئی ایکشن نا لیا گیا،غریب عورتوں کی فریاد

    تفصیلات کے مطابق قصور میں بینظیر انکم سپورٹ پروگرام سے پیسے لینے والی غریب عورتوں سے ناروا سلوک کیا جاتا ہے بعض مرتبہ تو عورتوں کے پیسے نکال کر ان سے کہا جاتا ہے کہ آپ کے پیسے آئے ہی نہیں اور جن کو پیسے ملتے بھی ہیں تو ان سرکاری ملنے والے پیسوں سے 1000 سے 3000 روپیہ تک ناجائز وصولی کی جاتی ہے جبکہ ان پیسوں کی وصولی پرسرکاری فیس کوئی بھی نہیں ہے یہ گھناؤنا کام عرصہ دراز سے کیا جا رہا ہے
    اس بابت میڈیا پر بار بار توجہ بھی دلائی گئی تاہم کوئی ایکشن نہ ہوا ہے

    اب ماہ رمضان میں عورتوں کو ایک بار پھر سے پیسے ملنے پراسی مشکل کا سامنا ہے جس کے باعث ظالم ایجنٹ لاکھوں روپیہ روزانہ کی دیہاڑیاں لگا رہے ہیں جن کو کوئی احساس نہیں کہ غربت کی ماری مجبور عورتیں خیرات کے پیسے لے رہی ہیں اور وہ ان خیراتی پیسوں سے رشوت لے رہے ہیں

    عورتوں نے ضلعی انتظامیہ قصور،ذمہ داران بینظیر انکم سپورٹ پروگرام اور وزیراعلی پنجاب سے نوٹس لے کر کارروائی کا مطالبہ کیا ہے تاکہ مجبور عورتیں کو ان کا پورا حق ملے سکے

  • سیالکوٹ:صوبائی وزیر بلدیات ذیشان رفیق کی اپنے حلقہ ڈسکہ شہر سول کلب میں کھلی کچہری

    سیالکوٹ:صوبائی وزیر بلدیات ذیشان رفیق کی اپنے حلقہ ڈسکہ شہر سول کلب میں کھلی کچہری

    سیالکوٹ، باغی ٹی وی( بیوروچیف شاہد ریاض سے)صوبائی وزیر بلدیات ذیشان رفیق کی اپنے حلقہ ڈسکہ شہر سول کلب میں کھلی کچہری
    حلقہ مکینوں نے اپنے مسائل کھل کر بیان کئے تحریری درخواستیں بھی دی گئیں

    صوبائی وزیر نے مسائل کے فوری حل کی یقین دہانی کرائی،کھلی کچہری میں علاقہ کی کثیر تعداد نے شرکت کی،شہریوں نے مسائل کے انبار لگا دیئے

    صوبائی وزیر نے شہریوں سے کہا کہ کھلی کچہری کا یہ سلسلہ جاری رہے گا،حلقہ کی عوام کے ترقیاتی کام تک چین سے نہیی بیٹھوں گا

  • سیالکوٹ :فلاحی تنظیم کی زیر نگرانی رمضان بازار گھوئنکی میں خوردونوش کی اشیاء قیمت پر 40 فیصدرعائت دی جارہی ہے

    سیالکوٹ :فلاحی تنظیم کی زیر نگرانی رمضان بازار گھوئنکی میں خوردونوش کی اشیاء قیمت پر 40 فیصدرعائت دی جارہی ہے

    سیالکوٹ، باغی ٹی وی( بیوروچیف شاہد ریاض سے)فلاحی تنظیم کی زیر نگرانی رمضان بازار گھوئنکی میں خوردونوش کی اشیاء قیمت پر 40 فیصدرعائت دی جارہی ہے،جہاں ہر خاص و عام کیلئے دستیاب ہے۔

    بازار کا قیام مقامی فلاحی تنظیم کی زیر نگرانی لگایا گیا، سستا رمضان بازار مقامی فلاحی تنظیم گھوئینکی سن شائن لائن کلب کے زیر اہتمام لگایا گیا بازار میں ایسی اشیاء بھی ہیں جو منڈی کے ریٹ سے بھی کم فروخت ہو رہی ہیں تاکہ رمضان کا پورا مہینہ عام عوام کو ریلیف مل سکے۔

    کیمپ ہر اتوار کے روز صبح نو بجے سے شام چاربجے تک بمقام جی ٹی روڈ گھوئینکی پر لگایا جاۓ گا، بازار لگانے کا مقصد صرف اتنا ہے کہ درد دل رکھنے والے افراد اپنے اپنے علاقہ میں اگر ایسا کام رمضان کے مہینہ میں شروع کر دیں تو بہت سارے ایسے خاندان ہیں

    جنہیں سستی سبزی پھل فروٹ اور کریانہ کی اشیاء تک باآسانی رسائی مل سکے اور وہ مہنگائی کہ اس دور میں عزت سے اپنے بچوں کے ساتھ دو وقت کی روٹی کھا سکیں.