Author: ڈاکٹرغلام مصطفی بڈانی

گوجرانوالہ،باغی ٹی وی ( محمد رمضان نوشاہی نامہ نگار)وزیر اعلیٰ پنجاب مریم نواز شریف کی ستھرا پنجاب صفائی مہم جاری ہے

گوجرانوالہ ویسٹ منیجمنٹ کمپنی کے زیر اہتمام کمشنر دفتر سے سیالکوٹ روڈ دستگیر چوک تک شاندار صفائی آگاہی مارچ کا انعقاد کیاگیا، ڈپٹی کمشنر محمد طارق قریشی، چیئرمین کاشف اسماعیل گجر، سی ای او جی ڈبلیو ایم سی شاہد عباس جوتہ نے صفائی آگاہی مارچ کی قیادت کی،جی ڈبلیو ایم سی، پی ایچ اے کے افسران، سمیت سول سوسائٹی و شہری کثیر تعداد میں شریک ہوئے

ڈپٹی کمشنر نے کہا کہ وزیر اعلیٰ پنجاب نے ستھرا پنجاب مہم میں شہری و دیہی علاقوں پر یکساں توجہ دینے کی ہدایات جاری کی ہیں۔ شہر کے ساتھ ساتھ گوجرانوالہ کے دیہی علاقوں کو صاف ستھرا بنانے کے ساتھ ساتھ سرسبز بنانے کا بھی مشن ہے۔پی ایچ اے اور جی ڈبلیو ایم سی کے اشتراک سے شہریوں میں مفت پودے تقسیم کئے گئے

ڈپٹی کمشنر نے مزید کہاکہ وزیراعلیٰ کے وژن کے مطابق ضلعی انتظامیہ گوجرانوالہ ویسٹ منیجمنٹ کمپنی کی بھرپور معاونت کی جائے گی،صفائی نظام مثالی بنانے کیلئے گوجرانوالہ ویسٹ منیجمنٹ کمپنی کی حدود میں اضافہ زیرو ویسٹ یقینی بنائیں گے، آگاہی واک، پمفلٹس تقسیم کا مقصد صفائی مہم میں عوام الناس کی شمولیت یقینی بنانا ہے۔

چئیرمین جی ڈبلیو ایم سی کاشف اسماعیل گجر نے کہا کہ شہری ذمہ داری کا احساس کرتے ہوئے صفائی مہم میں بھرپور شرکت کریں، گوجرانوالہ کو صاف بنانا صرف جی ڈبلیو ایم سی نہیں بلکہ ہر شہری کی بھی ذمہ داری ہے،ویسٹ منیجمنٹ کمپنی عوامی توقعات پر پوری اترنے کیلئے بھرپور محنت کررہی ہے،

سی ای او نے کہا کہ شہریوں کو صفائی مہم میں شامل کرنے کیلئے بھرپور آگاہی مہم چلائی جارہی ہے، مہم کے اختتام پر گوجرانوالہ شہر کو زیرو ویسٹ بنانا ہے مشن ہے،صفائی آگاہی مارچ میں شرکاء اور شہریوں کو ستھرا پنجاب کے حوالے سے پمفلٹ بھی تقسیم کئے گئے: صفائی مہم کے آغاز سے اب تک 45 سے زائد بڑے کوڑا پوائنٹس کلیئر کئے گئے

سی ای او شاہد عباس جوتہ نے کہا کہ کھلے پلاٹوں سے درجنوں گاڑیوں کے ذریعے سینکڑوں ٹن کوڑا اٹھایا گیا، شہر سے کوڑا کرکٹ ڈمپنگ سائٹ بکھڑے والی منتقل کیاگیا،

گوجرانوالہ،باغی ٹی وی(نامہ نگار محمد رمضان نو شاہی)کمشنر گوجرانوالہ ڈویژن نوید حیدر شیرازی نے کہا ہے کہ پنجاب کی ثقافت ہمارا فخر‘ پہچان اورشان ہے اور اس دھرتی کی کوکھ سے پھوٹنے والے خوب صورت ثقافتی رنگوں کی آبیاری اور اس کے تہذیبی‘ سماجی اور ثقافتی ورثے کی حفاظت ہماری قومی ذمہ داری ہے۔حکومت پنجاب کی ہدایات کی روشنی میں پنجاب کلچر ڈے منایا جا رہا ہے

ان خیالات کا اظہار انہوں نے پنجاب کی روایتی پگ پہن کر گفتگو کے دوران کیا۔ڈائریکٹر آرٹس کونسل غلام عباس نے کمشنر اور دیگر افسران کو روایتی پگ پہنائی ۔ایڈیشنل کمشنر کوآرڈ افضال قمر وڑائچ،اے سی جی تنویر یاسین،ڈائریکٹر تعلقات عامہ افتخار علی شاہ کے علاؤہ دیگر افسران اس موقع پر موجود تھے

کمشنر نے کہاکہ ہرسال 14مارچ کو یہ دن منانے کا مقصد پنجابی ثقافت کی ترویج کے ساتھ نوجوان نسل کو پنجابی زبان‘ علم و ادب‘ تہذیب اور ثقافتی خزانوں سے روشناس کرانا ہے۔ انہوں نے کہاکہ پنجابی زبان ہماری شناخت اور سرمایہ ہے اور ہمیں ایک سچا پاکستانی اور پنجابی ہونے پر فخر ہے۔

امسال بھی پنجاب کلچر ڈے بھرپور طریقے سے منایا جا رہا ہے۔