Author: ڈاکٹرغلام مصطفی بڈانی

اوچ شریف،باغی ٹی وی (نامہ نگارحبیب خان )شعیب خان نیازی چئیر مین بھٹہ ایسوسی ایشن پاکستان ، مہر عبد الخالق وائس چیئرمین بھٹہ ایسوسی ایشن پاکستان ، رانا محمد سبحان بھٹہ ایسوسی ایشن لاہور ڈویژن ڈی جی ڈائریکٹر لائیو سٹاک سرفراز احمد لائیو سٹاک ساؤتھ پنجاب مخدوم زاہد بخاری و اکبر خان کی بروکس این جی او کے چئیرمن محمد نعیم کے ساتھ ملاقات

محمد نعیم کا کہنا تھا کہ بھٹوں پر کام کرنے والے حیوانات کا بھی خیال رکھیں ان جانداروں کو جب چوٹ لگے تو زخم پر پٹی کرائی جائے ،جانوروں کے لیے صاف پانی و سائے کا اہتمام کیا جائے

ڈائریکٹر لائیو سٹاک سرفراز احمد، لائیو سٹاک ساؤتھ پنجاب نے اوچشریف یونین کے سربراہان مخدوم زاہد بخاری و اکبر خان اور دیگر بھٹہ ایسوسی ایشن سے ملاقات کرتے ہوئے کہا کہ جانوروں کا خاص خیال اور احتیاط سے کام لیں

بروکس این جی او کے چئیرمن محمد نعیم اور ڈی جی لائیو سٹاک سرفراز احمد ساؤتھ پنجاب نے بھٹہ ایسوسی ایشن کے سربراہان سے ملاقات کرتے وقت جانوروں کے لیے پٹی ، پائیوڈین و کٹس وغیرہ دی

انہوں نے اس موقع پر جانوروں کے حقوق کے بارے میں بتایا کہ جانوروں پر زیادہ بوجھ نہ ڈالیں وقت پر پانی گھاس کھلائیں یہ تمہاری روزی روٹی کمانے کا ذریعہ ہیں

اوچ شریف باغی ٹی وی (نامہ نگار حبیب خان) وزیراعلی پنجاب کا بڑا اقدام حکومت پنجاب نے نئے سکول قائم کرنے اور موجودہ سکولوں کی اپگریڈیشن کےلیے تمام اضلاع کے ڈپٹی کمشنرز کو 10 مارچ تک فیزیبلیٹی رپورٹ دینے کا حکم دیا ہے ،

پرائمری سکولز کو ایلیمنٹری کا درجہ دیا جائے گا جبکہ ایلمنٹری کو ہائی سکول اور ہائی سکولز کو ھائرسیکنڈری سکولز کا درجہ دیا جائے گا تفصیل کے مطابق پہلی خاتون وزیراعلیٰ پنجاب محترمہ مریم نواز شریف کی ایجوکیشن کے بارے احسن اقدام کو پورے پنجاب میں سراہا جارہاہے

جس کے مطابق پورے صوبہ پنجاب میں موجودہ سکولوں کو اپ گریڈ کرنے کے احکامات جاری کیۓ جا چکےہیں اور تمام ڈپٹی کمشنرز کو 10 مارچ تک اپ گریڈ ہونے والے تعلیمی اداروں کی فیزیبلیٹی رپوٹس پیش کرنےکا پابند کیا گیا ہے

عوامی سماجی تعلیمی اور ادبی حلقوں نے پنجاب حکومت کی تعلیم دوست پالیسی کو سراہا ہے

اوچ شریف ،باغی ٹی وی (نامہ نگار حبیب خان) نامور اسٹیج ریڈیو،ٹی وی ڈرامہ آرٹسٹ ڈرامہ رائٹر ہدایتکار مختار انجم نے کہا ہے کہ بہاول پور آرٹس کونسل کے ڈائریکٹر سجادحسین اور اسسٹنٹ ڈائریکٹر سہیل کامران کا ضلع بہاول پور کے مقامی سینئر اور جونیئر فنکاروں سے تضحیک آمیز رویہ قابل افسوس ہے جس کی جتنی مزمت کی جائے کم ہے

انہوں نے کہا کہ ڈویژنل سطح کا پہلا پنجاب تھیٹرمقابلہ 2024 بہاول پورآرٹس کونسل کے ڈائریکٹر سجادحسین اور اسسٹنٹ ڈائریکٹر سہیل کامران کی وجہ سے متنازعہ ہوچکا ہے جو کہ ضلع بھر کی فنکار برادری کو ہرگز قبول نہیں کیونکہ ان دونوں افسران نے پنجاب آرٹس کونسل کے وضع کردہ قوائد و ضوابط کو خود ہی روند ڈالا اور اپنی طرف سے دستی قانون بنالئے اور من مانی کرتے ہوئے ایسے ڈراموں کو پوزیشن دے ڈالی جنہوں نے نہ مقررکردہ دورانیہ کی پابندی کی اورتشدد پرمبنی ڈرامے تھے جس سے حق داروں کو ان کے حق سے محروم کردیا

جس کا جیوری ہیڈ ساجد حسن درانی نے بھی بھر پور ساتھ دیا اور ڈائریکٹرآرٹس کونسل کی فراہم کردہ لسٹ کے مطابق رزلٹ اناؤنس کئے جس کا ثبوت رشیدیہ آڈیٹوریم میں نصب سی سی ٹی وی کیمروں میں موجود ہے

مختارانجم نے ایگزیکٹیو ڈائریکٹر پنجاب آرٹس کونسل سیدبلال حیدر سے مطالبہ کیا کہ فوری طور پر ان دونوں افسران کے خلاف تادیبی کارروائی عمل میں لائیں اوریہاں سے پوزیشن حاصل کرنے والے ڈراموں اوران کی پوزیشنز کوکو منسوخ کریں اور ڈائریکٹڑ سجادحسین اور اسسٹنٹ ڈائریکٹر سہیل کامران کے خلاف کارروائی کرتے ہوئے ان دونوں کو یہاں سے تبدیل کریں۔

مختارانجم نے کہا کہ اسسٹنٹ ڈائریکٹر سہیل کامران میتلا اورڈائریکٹرسجادحسین کا یہاں کے فنکاروں سے رویہ اور ناانصافی ہرگز قبول نہیں۔

ضلع بہاول پور، احمدپور شرقی،ہ اوچشریف سمیت پورے وسیب اور ریاست کی فنکار برادری اس ظالمانہ اقدام پر ان دونوں افسران کے خلاف سراپا احتجاج ہے.

اوچ شریف باغی ٹی وی (نامہ نگار حبیب خان)وزیراعلی کے حکم کی دھجیاں اڑادی گئیں،۔نگہبان راشن گھر کی دہلیز کے بجائے پوائنٹ پر تقسیم جاریخواتین کی لمبی لائنیں لگ گئیں ،بے نظیر انکم سپورٹ پروگرام میں شامل ہونے کے باوجود بھی کچھ خواتین کے نام لسٹ میں موجود نہ ہونے پر خواتین کااحتجاج

احمد پور شرقیہ میں وزیر اعلی پنجاب مریم نواز شریف کے احکامات ہوا میں اڑا دیئے گئے ،نگہبان راشن کی گھر کی دہلیز کے بجائے پوائنٹ پر تقسیم جاری، راشن کے حصول کے لئے خواتین کی لمبی لائنیں لگ گئیں ،بے نظیر انکم سپورٹ پروگرام میں شامل ہونے کے باوجود بھی کچھ خواتین کے نام لسٹ میں موجود نہ ہونے خواتین نے احتجاج شروع کر دیا

احمد پور شرقیہ کی تحصیل انتظامیہ نے نواحی علاقہ محراب والا میں نگہبان راشن کی گھر کی دہلیز کے بجائے یونین کونسل آفس میں پوائنٹ پر تقسیم کیا جارہا ہے ۔خواتین کو لائینوں میں گھنٹوں بٹھا کر تقسیم کا عمل جاری ہے ۔

بعض اہل خواتین کا لسٹ میں نام تک شامل نہیں کیا گیا جس پر خواتین کی جانب سے احتجاج بھی کیا جا رہا ہے۔خواتین نے وزیر اعلی پنجاب مریم نواز شریف سے راشن گھر کی دہلیز تک پہنچانے کو صرف دعوٰی قرار دیتے ہوئے مطالبہ کیا ہے کہ انہیں راشن گھر کی دہلیز پر پہنچایا جائے

اوچ شریف، باغی ٹی وی (نامہ نگار حبیب خان)بھٹو کا عدالتی قتل تاریخ کبھی معاف نہیں کریگی سپریم کورٹ نے اپنے فیصلے میں کہہ دیا ہے کہ بھٹو کو شفاف ٹرائل کا حق نہیں دیا گیا۔سید علی حسن گیلانی

پاکستان پیپلز پارٹی کے ڈویژنل جنرل سیکرٹری مخدوم سید علی حسن گیلانی نے کہا ہے کہ بات ثابت ہے کہ پاکستان میں کوئی بھی ادارہ اپنے مفادات کی خاطر کسی کو بھی سولی چڑھا دے کوئی پوچھنے والا نہیں۔

انہوں نے کہا ہے کہ ہونا تو یہ چاہیئے تھا کہ جنہوں نے بھٹو کو پھانسی دلوائی سب کو پھانسی دی جانی چاہیئے۔انہوں کہا کہ صد افسوس کہ جب ہمارے ادارے انصاف نہ کریں تو پھر معاشرے کا اللہ حافظ ہے

انہوں نے تاریخی مثال دیتے ہوئے کہا چرچل کو لڑائی کے دوران جب اطلاع ملی کہ ان کو شکست ہو رہی ہے تو اس نے پوچھا تھا کہ کیا ہماری عدالتیں انصاف کررہی ہیں تو جواب ملا تھا کہ جی‘ انصاف کررہی ہیں تو چرچل نے ایک تاریخ جملہ بولا تھا کہ ہمیں کوئی شکست نہیں دے سکتا اور وقت نے ثابت کیا تھا کہ ان کو کامیابی ملی تھی

یہاں پر جو کچھ ہورہا ہے وہ کسی سے پوشیدہ نہیں اس طرح کوئی معاشرہ قائم نہیں رہ سکتا ہے، سید علی حسن گیلانی نے کہا کہ اب یہ اداروں کی ذمہ داری ہے کہ وہ معاشرے کو قائم رکھنے کیلئے ذاتی مفادات اور عناد کو بالائے طاق رکھتے ہوئے عوام اور ملک کا سوچیں تب ہی معاشرہ اور پاکستان ترقی کریگا