Author: ڈاکٹرغلام مصطفی بڈانی

کندھ کوٹ ،باغی ٹی وی نامہ نگار(مختیار احمد اعوان)ضلعی الیکشن کمشنر کشمور ایٹ کندھ کوٹ ستار سردار کی سربراہی میں ووٹ کی اہمیت کو اجاگر کرنے کے لیے ڈسٹرکٹ ووٹر ایجوکیشن کمیٹی کا اجلاس منعقد کیا گیا۔

تفصیلات کے مطابق کندھ کوٹ ضلعی الیکشن کمیشن آفس میں ڈسٹرکٹ ووٹر ایجوکیشن کمیٹی کا اجلاس منعقد کیا گیا۔ اجلاس کی صدارت ضلعی الیکشن کمشنر ستار سردار نے کی۔ اجلاس میں ڈسٹرکٹ ووٹر ایجوکیشن کمیٹی ممبران اور دیگر نے شرکت کی۔ اجلاس سے خطاب کرتے ہوئے الیکشن کمشنر نے شرکاء کو الیکشن کمیشن آف پاکستان کی آئینی فرائض اور ذمہ داریاں ,الیکشن 2023- 24 , بلدیاتی الیکشن 2022 -23 ,انتخابی فہرستوں کی تجدید مہم کے بارے میں آگاہی دی۔

ان کا مزید کہنا تھا کہ الیکشن کمیشن آف پاکستان کی جانب سے 25 اکتوبر 2023 تک ووٹ کی داخلہ ,درستگی اور منتقلی کا عمل جاری رہے گا۔ ڈسٹرکٹ الیکشن کمشنر نے تمام ممبران سے درخواست کی کہ وہ اپنے حلقہ احباب میں ووٹ کی اہمیت کو اجاگر کرنے کے لیے کوششیں کریں۔

اجلاس کے اختتام پر شرکاء نے الیکشن کمیشن آف پاکستان کی آئینی فرائض اور ذمہ داریوں کو سراہتے ہوئے اپنے مکمل تعاون کا یقین دلایا۔

سیالکوٹ ،باغی ٹی وی (سٹی رپورٹرشاہدریاض)سینٹرل ریسکیو اسٹیشن کچہری روڈ پر ضلع بھر کی مختلف یونین کونسل کی ریسکیورضاکاروں کی ٹیموں کے درمیان CADRE کے مقابلہ جات کا انعقاد کیا گیا۔ ریسکیو رضاکاروں کی دو ٹیمیں ایمرجنسی سروسز اکیڈمی لاہور میں ملکی سطح پر ہونے والے رضاکاروں کے مقابلہ جات میں حصہ لیں گیں۔

معاشرے کو محفوظ بنانے کے لیے ہمیں عام لوگوں کو تربیت فراہم کرنی ہو گی تا کہ کسی بھی حادثہ کی صورت میں ریسکیو کے پہنچنے سے پہلے مریض کی جان بچانے کے لیے لوگ عملی طور پر کوشش کر سکیں۔ ان خیالات کا اظہارریجنل ایمرجنسی آفیسر نے رضاکاروں کی کمیونٹی ایمرجنسی ریسپانس ٹیموں کے درمیان مقابلہ جات میں کیا۔

ریسکیو ترجمان کے مطابق ریسکیو1122نے ڈسٹرکٹ ایمرجنسی آفیسر انجینئر نوید اقبال کی سربراہی میں سینٹرل ریسکیو اسٹیشن کچہری روڈ پر ضلع کی مختلف یونین کونسل کے تربیت یافتہ رضاکاروں کیCERT کے درمیان CADREچیلنج منعقدکروایا گیا جس میں مختلف یونین کونسل کی ٹیموں نے شمولیت کی۔ مقابلہ جات میں خواتین رضاکاروں کی ٹیم نے بھی شرکت کی۔

مقابلہ جات میں ریجنل ایمرجنسی آفیسر گوجرانوالہ سید کمال عابد، سیفٹی کے سینئر استادنبیل MIDCٹریننگ انسٹیٹیوٹ سیالکوٹ نے بطور مہمان شرکت کی اور رضا کاروں کی حوصلہ افزائی کی۔ چیلنج میں کسی بھی ہنگامی صورت حال میں مریضوں کی درجہ بندی کرنا، ابتدائی طبی امداد دینا، آگ لگنے کی صورت میں بروقت کارروائی کر کے آگ کو بجھانا، بلڈنگ گرنے کی صورت میں مریضوں کی تلاش اور نکالنے کی کوشش کرنا، ڈوبنے والے یا تیز بہاؤ والے پانی میں پھنس جانے والے شخص کو بچانے کا عملی مظاہرہ کر کے دکھایا گیا۔

اس موقع پر ٹیموں کی درجہ بندی ریسکیو اینڈ سیفٹی آفیسر محمد احسان، ریسکیو ڈسٹرکٹ وارڈن جمیل جنجوعہ،ٹریننگ کوآرڈینیٹر شوکت علی ساجد،محمد وسیم اور ٹر ینر علی رضانے کی۔ مقابلہ جات کے آخر میں تقریب منعقد کی گئی۔ تقریب سے خطاب کرتے ہوئیریجنل ایمرجنسی آفیسر نے کہا کہ ڈائریکٹر جنرل ڈاکٹر رضوان نصیر پنجاب ایمرجنسی سروس ریسکیو1122 کے اولین مقصد کے تحت معاشرے کو محفوظ بنانے کے لیے ہمیں عام لوگوں کو تربیت فراہم کرنی ہو گی تا کہ کسی بھی حادثہ کی صورت میں ریسکیو کے پہنچنے سے پہلے مریض کی جان بچانے کے لیے لوگ عملی طور پر کوشش کر سکیں۔

انہوں نے مقابلہ جیتنے والے ٹیم کا اعلان کرتے ہوئے انہیں مبارک باد دی اور مزید بتایا کہ جیتنے والی ٹیم لاہور ایمرجنسی سروسز اکیڈمی میں ہونے والے رضاکاروں کے مقابلوں میں سیالکوٹ کی نمائندگی کرے گی

اوکاڑہ ،باغی ٹی وی( نامہ نگار ملک ظفر )اوکاڑہ نگران وزیراعلی پنجاب محسن نقوی کا ڈسٹرکٹ ہیڈ کوارٹر ہسپتال کا اچانک دورہ

نگران وزیر اعلی پنجاب محسن نقوی نے مریضوں سے مسائل پوچھے،محسن نقوی کو دیکھتے ہی انتظامیہ کی دوڑیں لگ گئیں،محسن نقوی نے مریضوں اور انکے لواحقین سے ادویات بارے بھی پوچھ گچھ کی۔

وزیر اعلیٰ پنجاب نے ایڈمن بلاک دوری کیا اور مریضوں سے صحت کارڈ کے حوالہ سے معلومات دریافت کی ۔وزیراعلی پنجاب نے کہا کہ اوکاڑہ والوں کو بہت جلد مزید خوشخبری ملے گی

کوئٹہ ،باغی ٹی وی (نامہ نگار زبیر خان) اکا خیل قومی اتحاد بلوچستان کی اہم میٹنگ منعقد ہوئی
تفصیل کے مطابق میٹنگ آکاخیل قومی اتحاد بلوچستان کے صدر عبد الخالق آکاخیل ،سیکرٹری جنرل زبیر خان آکاخیل کی زیر صدارت منعقد ہوئی
جس میں کوئٹہ میں ہونے والے بلدیاتی انتخابات کے حوالے سے اہم فیصلے کیے گئے

چلتن ٹاؤن یوسی 27۔وارڈ 3کے امجد آکاخیل کے نام پر اتفاق کیا گیا،چلتن ٹاؤن یوسی 29 وارڈ 2 کے عبد الجبار آکاخیل .ناصر خان آکاخیل کے نام پر اتفاق کیاگیا،چلتن ٹاؤن یوسی32 وارڈ 4 کے عبد الرحمن آکاخیل۔ نذیر آکاخیل کے نام پر اتفاق کیا گیا

اجلاس میں فیصلہ کیا گیا کہ بلدیاتی الیکشن میں تمام وارڈ سےآزاد حیثیت سے الیکشن لڑیں گے اور اپنے امیدواران کو کامیاب کرائیں گے

ڈیرہ اسماعیل خان،باغی ٹی وی (نامہ نگاراحمدنوازمغل) اٹامک انرجی کینسر ہسپتال(دینار)درابن روڈ ڈیرہ اسماعیل خان میں چھاتی کے سرطان(بریسٹ کینسر)کے معائنے کے لیے مفت معائنہ کیمپ کا آغاز کر دیاگیا ہے،

فری معائنہ کیمپ 23 سے 31 اکتوبر تک صبح 10 سے دوپہر 12 بجے تک جاری رہے گا،میڈیا سے گفتگو کرتے ہوئے دینار کینسر ہسپتال کی ڈائریکٹر ڈاکٹر نبیلہ جاوید کا کہنا تھا کہ جن خواتین کو چھاتی یا بغل میں گلٹی محسوس ہوتی ہے یا مستقل درد رہتا ہے یا ان کی چھاتی کی ساخت اور رنگت تبدیل ہورہی ہے یا کسی رطوبت کا اخراج ہوتا ہے،

ایسی تمام خواتین کو چھاتی کے معائنے کی ضرورت ہے، دینار کینسر ہسپتال میں لیڈی ڈاکٹرز اور تمام خواتین عملہ کے زیرنگرانی ان کا معائنہ کیا جائیگا۔

ڈیرہ اسماعیل خان،باغی ٹی وی (نامہ نگاراحمدنوازمغل) ڈسٹرکٹ پولیس آفیسر جنوبی وزیرستان اپر ملک حبیب نے پہلی بار باقاعدہ طور پر سراروغہ دفتر میں کام شروع کردیا ،اہلیان سراروغہ کی جانب سے ڈسٹرکٹ پولیس آفیسر کو خوش آمدید اور مکمل تعاون کی یقین دہانی ۔

تفصیلات کے مطابق ڈسٹرکٹ پولیس آفیسر جنوبی وزیرستان اپر ملک حبیب نے جنوبی وزیرستان کی تاریخ میں پہلی بار جنوبی وزیرستان اپر سراروغہ میں باقاعدہ پولیس دفتر کا نظام شروع کر دیا ،

ڈسٹرکٹ پولیس آفیسر نے پہلے دن اپنے دفتر میں علاقے کے مشران سمیت علاقے کے نوجوانوں کی جانب سے سے انہیں خوش آمدید کہا اور روایتی لنگی پہنائی گئی اور مشران نے ڈسٹرکٹ پولیس آفیسر کی اس کاوش کو سراہتے ہوئے کہا کہ ہم ڈسٹرکٹ پولیس آفیسر کے اس فیصلے کو نہ صرف قدر کی نگاہ سے دیکھتے ہیں بلکہ یہاں ڈسٹرکٹ پولیس آفس قائم ہونے سے علاقے میں آباد کاری ممکن ہوجائیگی۔