Author: ڈاکٹرغلام مصطفی بڈانی

چترال،باغی ٹی وی (نامہ نگارگل حمادفاروقی) حکام کی غفلت،خوبصورت سیاحتی مقام تونگ شوغور ، سیاحوں کی نظر وں سے اوجھل
چترال کی وادی ارکاری قدرتی حسین نظاروں کیلئے بہت مشہور ہے، یہاں ایک اور بستی بھی موجود ہے جو بھیستی کے نام سے مشہور ہے، اس وادی میں سطح سمندرسے سولہ ہزار فٹ کی بلندی پر ایک خوبصورت سیاحتی مقام ہے جسے مقامی زبان میں تونگ شوغور کہلاتا ہے۔یہ علاقہ حکام اور سیاحوں کے ساتھ ساتھ ابھی تک میڈیا کی نظروں سے بھی اوجھل رہا ہے۔

تونگ شغور میں بھی پہاڑوں کے دامن سے قدتی طور پر صاف پانی کے چشمے نکلتے ہیں۔ یہ پانی سانپ کی طرح بل کھاتے ہوئے ایک گول دائرے کی شکل میں بہتا ہے یہ پیچ درپیچ نہر اس علاقے کی خوبصورتی میں مزید اضافہ کرتی ہے۔

تونگ شغور میں بھِی سرسبز میدان ہے اور یہاں ہر طرف قدرتی طور پر سبز گھاس اگنے سے ایسا لگتا ہے کہ یہاں بھی سبز قالین بچھایا گیا ہے۔ہر طرف ہریالی ہی ہریالی ہے، پہاڑوں پر برف کی چادر بچھی ہوئی ہے جو ایک نہایت دلکش منظر پیش کرتا ہے۔

تریچ میر کا پہاڑ یہاں سے ایک چھوٹا سا ٹیلہ لگتا ہے، یہاں اس میدان میں قدرتی طور پر پیاز کی طرح ایک پودا نکلتا ہے جس کا ذایقہ بھی پیاز کی طرح ہوتا ہے۔ مقامی لوگوں کا کہنا ہے کہ ماضی میں اس پیاز نما جڑی بوٹی کو لوگ دوا کے طور پر استعمال کیا کرتے تھے۔ اس پیاز نماء پودے کو ماضی میں یہا کے لوگ سفر کے دوران اپنے ساتھ دیسی گھی ملاکر لے جاتے تھے۔

مقامی لوگوں کے مطابق تونگ شوغور بھی وادی بھیستی کے لوگوں کی گرمائی چراہ گاہ تھی جہاں مقامی لوگ اپنے مال مویشی لایا کرتے تھے اور یہ گرمائی چرا گاہ ہونے کے ناطےیہاں دودھ جمع کرکے اس سے پنیر، مکھن، دہی ، پینک اور دودھ سے بنی ہوئی دیگر چیزیں بنایا کرتے تھے جو گرمیوں سے یہاں لے جاکر اسے گھروں مِیں استعمال کیا کرتے تھے اور بیچتے بھی تھے۔

اس سیاحتی مقام میں بھی ماضی میں جنگلی حیات وافر مقدار میں پائی جاتی تھی جس کا قانونی طورپر شکار کرنے سے کافی آمدنی لوگوں کو ملتی تھی ۔ اس علاقے میں آس پاس کے پہاڑوں میں زمرد اور دیگر قیمتی پتھر اور معدنیات بھی پائے جاتے ہیں۔

تونگ شغور کافی اونچائی پر واقع ہونے کے ناطے یہاں سے تریچ میر پہاڑی مٹی کا ٹیلہ نظر آتا ہے۔آس پاس علاقوں میں صاف اور ٹھنڈے پانی کی آبشاروں کی آواز ترنم سے کم نہیں۔ مقامی لوگوں کا کہنا ہے کہ یہ خوبصورت سیاحتی مقام حکام کے ساتھ ساتھ میڈیا کی توجہ کا مرکز بھی نہ بن سکا۔

ہماری ٹیم کسی بھی میڈیا کی پہلی ٹیم تھی جو اس خوبصورت علاقے میں پہلی بار پہنچی۔ مقامی لوگوں کا مطالبہ ہے کہ محکمہ سیاحت اس علاقے پر توجہ دے یہاں کسی ٹورنمنٹ یا روایتی کھیلوں کا ٹورنامنٹ منعقد کرائے تاکہ یہ خوبصورت علاقہ بھِی سیاحوں کی توجہ کا مرکز بنے اور سیاحت کو فروغ دینے سے یہ علاقہ بھی ترقی کرسکے۔

اس خوبصورت علاقے میں مقامی لوگوں نے پکنک منائی اور یہاں بھنگڑا بھی ڈالا۔

چونیاں،باغی ٹی وی(نامہ نگارعدیل اشرف)پاکستان سنی فورس کی جانب سے ایک کارنر میٹنگ کا انقاد کیا گیا جس میں مقابلہ حسن نعت کی تیاریوں کے حوالے سے بات چیت کی گئی پاکستان سنی فورس کے زیر اہتمام نواں سالانہ مقابلہ حسن نعت 18 نومبر بمقام بلال میرج ہال الہ آباد بعد نماز عشاء منعقد کیا جائے گا۔

مقابلہ میں حصہ لینے والے خواہشمند حضرات 10 نومبر تک ایڈیشن کے ذریعے اپنا نام اندراج کروا لیں۔ایڈیشن بذریعہ واٹس ایپ شارٹ ویڈیوان لائن ہوگا۔اور 12 نومبر تک منتخب امیدواران کو بذریعہ واٹس ایپ آگاہ کر دیا جائے گا۔

حاضرین محفل سے اسلامی سوالات کیے جائیں گے درست جواب دینے والے کو انعامات دیے جائیں گے۔

تمام کارکنان نے اپنے اپنے خیالات کااظہار کیا۔سر پراست اعلیٰ پاکستان سنی فورس رانا سیلم اختر نے اپنے بیان میں کہا کہ یہ پراگرم انشاء اللہ مثالی پراگرم ہو گااور انہوں نے تمام کارکنان کو ہدایت کی تمام آنے والے مہمانوں سے پیار محبت سے پیش آنا ہے یہ پاکستان سنی فورس کے منشور میں شامل بھی ہے ۔

تمام کارکنان تشہیری مہم چلائیں اور اپنے تمام دوستوں کو اور خاص و عام کو دعوت بھی دیں۔

ڈیرہ غازیخان،باغی ٹی وی (نامہ نگارشہزادخان )صحت تحفظ ہفتہ آگاہی پیغام کا باقاعدہ افتتاح کردیا گیا ہے
وزیر اعلیٰ پنجاب محسن نقوی، سیکرٹری پرائمری اینڈسکینڈری ہیلتھ کیئر ڈیپارٹمنٹ حکومت پنجاب کی ہدایت کے مطابق ضلع ڈیرہ غازیخان میں صحت تحفظ ہفتہ آگاہی پیغام کا باقاعدہ افتتاح کردیا گیا ہے،

قائمقام ڈپٹی کمشنر ڈیرہ غازی خان میاں رضوان نذیر نے آرایچ سی سرور والی میں صحت تحفظ کا افتتاح کیا۔تحصیل ہیڈکوارٹرز ہسپتال تونسہ،کوٹ چھٹہ،دیہی مراکز صحت وہوا، بارتھی،ٹبی قیصرانی،شادن لنڈ، کالا،شاہ صدردین،سروروالی، چوٹی زیرین،قادرآباد،بی ایچ یو ریتڑہ،چھابڑی زیریں،مانہ احمدانی میں ہفتہ صحت آج23 اکتوبر سے26اکتوبر صبح8 تا دن 4 بجے تک جاری رہے گا،

ہفتہ صحت کے دوران ڈیجیٹل رجسٹریشن بذریعہ ای ایم آرایپلیکیشن،کلینیکل ہسٹری،بنیادی معائنہ(فزیکل پیرامیٹرز)کیمپ ہیموگلوبن،شوگر ٹیسٹ،ہیپاٹائٹس بی اور سی،ایچ آئی وی کی سکریننگ اور ملیریاکےفری ٹیسٹ کئے جائیں گے جبکہ پھیپھڑوں کی صحت، ٹی بی سکریننگ،حاملہ خواتین کا چیک اپ،فری الٹراساؤنڈ اور دوسال سے کم عمر بچوں کی ویکسین،کونسلنگ اور طبی رہنمائی فراہم کی جائیگی۔

میاں رضوان نذیر نے اس موقع پر گفتگو کرتےہوئے کہاکہ حکومت پنجاب کا صحت تحفظ ہفتہ شہریوں کی صحت جانچنے کا ایک اہم اقدام ہے،اس ہفتہ کے دوران ضلع ڈیرہ غازیخان کے شہری اپنا اور اپنے عزیزوں کا ہیلتھ مراکز سے ٹیسٹ کروائیں اور طبی سہولیات سے زیادہ سے زیادہ مستفید ہوں۔اس موقع پر ایڈیشنل ڈپٹی کمشنر جنرل محمد اسد چانڈیہ،چیف ایگزیکٹو آفیسر ہیلتھ ڈاکٹر ادریس لغاری ودیگر افسران بھی موجود تھے۔

میرپور خاص،باغی ٹی وی (نامہ نگار سید شاہزیب شاہ کی رپورٹ )مرکزی تنظیم تاجران پاکستان آل سٹی تاجر اتحاد میرپورخاص کی جانب سے فلسطین کے مظلوم مسلمان بھائیوں سے اظہار یکجہتی کیلیے آیت کریمہ کا ذکر شاہی بازار گردوارہ گلی میں کروایا گیا جس میں سیاسی جماعتوں مذہبی مدارس کے طلباء اور کاروباری حضرات نے شرکت کی

ایم کیو ایم پاکستان کی طرف سے آفاق احمد و دیگر سنی تحریک کے ضلعی صدر فہیم قریشی، پرائویٹ اسکول کے ضلعی صدر فیصل خان زئی، آل سٹی تاجر اتحاد کے جنرل سیکریٹری عامر وحید ،حنیف چوہان،عمیر خان، مزمل چوہان،احمد شیخ، عابد ناگوری،مجید میمن،الطاف حسین، ہارون سانبھری، و دیگر نے شرکت کی اس موقع پر صدر کامران میمن کا کہنا تھا فلسطینی ہمارے بھائی ہیں ان پر ظلم اسرائیل کی طرف سے جاری ہے پوری دنیا خاموش ہے ان سے ہمارا ایمان کا رشتہ ہے

جس طرح سے فلسطین کو لہولہان کیا گیا اس کی مثال نہیں ملتی اسکولوں اور ہسپتالوں اور شہری علاقوں میں کلسٹر بم گرائے گئے ہزاروں لوگ شہید اور زخمی ہیں۔ ہم اسلامی ممالک کے سربراہان سے درخواست کرتے ہیں اسرائیل کا مکمل بائیکاٹ کریں اور اس کو منہ توڑ جواب دیں یہ یہود اور نصاری ہمارے کبھی دوست نہیں ہوسکتے، ہم دنیا میں بسنے والے تمام مسلمان بھائیوں سے بھی اپیل کرتے ہیں اسرائیل کی تمام اشیاء کا مکمل بائیکاٹ کریں،

ہم نے آج آیت کریمہ کا ذکر کروایا اللہ ان کے لیے آسانی پیدا فرمائے ان کی مدد اور نصرت فرمائے ان پر اپنا فضل وکرم فرمائے شہید ہونے والوں کے درجات بلند فرمائے زخمی ہونے والوں کو جلد صحتیابی عطا فرمائے ، بطور مسلمان ہمارا فرض بنتا ہے کسی طرح بھی ان مظلوم فلسطینی مسلمان بھائیوں اور بہنوں کی مدد کریں۔ آخر میں دعا بھی کروائی گئی اور لنگر بھی تقسیم کیا گیا۔

ننکانہ صاحب، باغی ٹی وی( نامہ نگاراحسان اللہ ایاز)پاکستان مرکزی مسلم لیگ کے زیر اہتمام سستی روٹی او ر آفس کا افتتاح کیا گیا
ننکانہ کی مشہور شاہرا ہ یادگار چوک کے قریب پاکستان مرکزی مسلم لیگ کا افس اور سستا تندور سستی روٹی پروگرام کا آغاز کردیا گیا ھے جو کہ ننکانہ صاحب کی غریب عوام کے لیے کسی نعمت سے کم نہیں یہاں پر 60 روپے میں پیٹ بھر کر کھانا ملے گا

ان خیالات کا اظہار سستی روٹی پروگرام اور افس کا افتتاح کرتے ہوئے پاکستان مرکزی مسلم لیگ کے صدر خالد مسعود سندھو اور ڈویژنل صدر محمد سرور نے کیا اس موقع پر مرکزی مسلم لیگ کے دیگر قائدین رانا جبران حاجی غریب عالم مٹمل میاں عابد حسین قیصر محمود کھارا موجود تھے

پاکستان مرکزی مسلم لیگ کہ مرکزی صدر خالد مسعود سندھو اور ڈویژنل صدر محمد سرور نے پریس کانفرنس کرتے ہوئے کہا کہ پاکستان مرکزی مسلم لیگ کا منشور صرف اور صرف خدمت انسانیت ہے ہم صرف خدمت انسانیت کر کے اپنے اللہ کو راضی کرنا چاہتے ہیں