Author: ڈاکٹرغلام مصطفی بڈانی

کوئٹہ ،باغی ٹی وی (نامہ نگارزبیر خان آکاخیل )اشیائے ضروریہ کی قیمتوں میں دو دن کے اندر کمی لائی جائے-ڈپٹی کمشنر
تفصیل کے مطابق ڈپٹی کمشنر کوئٹہ لیفٹیننٹ(ر) سعد بن اسد کے زیر صدارت کوئٹہ پرائس کنٹرول کمیٹی کا اجلاس منعقد ہوا جس میں ایڈیشنل ڈپٹی کمشنر(جنرل) محمد انور کاکڑ چاروں اسسٹنٹ کمشنرز پولٹری ایسوسی ایشن ۔ بیف اور مٹن ایسوسی ایشن ، تندور ایسوسی ایشن ، پرچون ، ہولسیلرز اور محکمہ انڈسٹری لائیو سٹاک اور مارکیٹ کمیٹی کے آفیسران نے شرکت کی

اجلاس کو اشیاء خوردنوش کے حالیہ قیمتوں کے بارے تفصیلی بریفننگ دی گئی ڈپٹی کمشنر کوئٹہ نے تیل کے قیمتیں کم ہونے کی پیش نظر تمام اشیاء خوردنوش کے قیمتوں میں کمی بیشی لانے کے لیے ضلعی انتظامیہ محترک ہیں۔ تاکہ عوام کو تیل کے قیمتوں میں کمی کا فائدہ پہنچ جاے ۔

اشیاء خوردنوش میں روٹی، بڑا گوشت ،چھوٹا گوشت ، چکن، دالیں، وغیرہ کی قیمتوں میں 2 دن کے اندر کمی عمل میں لائی جائیگی ۔ جسکا فائدہ براراست عوام کو پہنچے گا

شیخوپورہ ،باغی ٹی وی(نامہ نگار محمد طلال سے)ڈپٹی کمشنر شیخوپورہ چوہدری محمد ارشد نے پولیو سے بچاؤ اور آگاہی کے عالمی دن کے موقع پر اپنے پیغام میں کہا ہے کہ پولیو ویکسینیشن مستقبل کے معمار بچوں کو عمر بھر کی معذوری سے محفوظ بناتی ہے۔

بچے ہمارا مستقبل ہیں اور ان کو پولیو وائرس سے بچانا ہم سب کی مشترکہ ذمہ داری ہے۔ ڈپٹی کمشنر نے کہا کہ وطن عزیز سے پولیو کے مکمل خاتمے اور آگاہی مہم کے حوالہ سے میڈیا کے کردار قابل ستائش ہے۔

ہمیں اس عزم کا اعادہ کرنا ہے کہ پاکستان کو پولیو فری بنانے کیلئے تمام وسائل کو بروئے کار لایا جائے گا۔ انہوں نے والدین سے اپیل کی کہ اپنے 5 سال تک کی عمر کے تمام بچوں کو ہر بار پولیو ویکسین کے قطروں کو یقینی بنائیں کیونکہ قطرے پلانے میں غفلت آنے والی نسلوں کیلئے تباہ کن ہے لہذا ہمارا قومی فرض ہے کہ ہر پولیو مہم کو 100 فیصد کامیاب بنایا جائے۔

ڈپٹی کمشنر چوہدری محمد ارشد نے ویکسین کو لے کر شہریوں میں شک و شبہات کو دور کرنے والے فرنٹ لائن ہیلتھ ورکرز کو خراج تحسین پیش کرتا ہوۓ کہا کہ شہریوں میں پولیو ویکسین کے حوالے سے غلط شک و شبہات دور کرنے میں ہیلتھ ورکرز کا کردار قابل ستائش ہے۔

سرگودہا ،باغی ٹی وی( نامہ نگار ملک شاہنواز جالپ س ) کمشنر محمد اجمل بھٹی نے ڈپٹی کمشنر کیپٹن ریٹائرڈ شعیب علی کے ہمراہ زیر تعمیر سرگودہا اجنالہ روڈ کا معائنہ کیا اور تعمیراتی کام کا جائزہ لیا۔

اس موقع پر ایس ای ہائی ویز منصور ارشد نے بریفیگ میں بتایا کہ 27 کلومیٹر اجنالہ روڈ کا کل تخمینہ 96 کروڑ 60 لاکھ روپے لگایا گیا ہے۔ اب تک اس منصوبہ کے لیے 34 کروڑ روپے جاری ہوچکے ہیں۔ 25 کلومیٹر پر پتھر رکھ دیا گیا ہے جبکہ 15 کلومیٹر سٹرک کی سنگل لیئر مکمل ہوچکی ہے

کمشنر نے ایس ای ہائی ویز کو صوبائی حکومت سے مسلسل رابطے میں رہنے اور بقایا فنڈز کے جلد اجراءکو بروقت حاصل کی ضرورت پر زور دیا۔ انہوں نے کہا کہ کوالٹی پر کوئی کمپرومائز نہیں کیا جائیگا۔ ان کا کہنا تھا کہ سٹرک کی تعمیر ایک دیرینہ مطالبہ تھا جو نگران حکومت نے پورا کر دیا ہے۔ اس موقع پر ڈائریکٹر ڈویلپمنٹ بلال حسن اور ڈپٹی ڈائریکٹر ٹیکنیکل شاہد عمران بھی ہمراہ تھے۔

بعد ازاں کمشنر محمد اجمل بھٹی نے تحصیل کمپلیکس میں جاری تعمیراتی کام کا بھی معائینہ کیا۔ انہوں نے کوالٹی کو چیک کرتے ہوئے ٹھیکےدار کو کام مقررہ مدت کے اندر مکمل کرنے کی ہدایت کی۔ انہوں نے واضح کیا کہ تمام کام کا تھرڈ پارٹی آڈٹ کروایا جائے گا۔

انہوں نے اے ڈی سی آر کو روزانہ دورہ کرکے مرمت کا کام چیک کرنے کی بھی ہدایت کی۔ اس موقع پر ڈپٹی کمشنر کیپٹن ریٹائرڈ شعیب علی بھی ہمراہ تھے۔

ڈیرہ اسماعیل خان ،باغی ٹی وی (نامہ نگاراحمدنوازمغل)ایڈیشنل ڈپٹی کمشنر جنرل طارق محمود نے کہا ہے کہ تاجر برادری کا معیشت کی بہتری میں کلیدی کردار ہے کسی کو اشیاء خوردنوش مہنگے داموں فروخت کرنے کی اجازت نہیں دی جائے گی،

سرکاری نرخوں سے زائد نرخوں پر اشیاء فروخت کرنے والوں کو گرفتار کرکے جیل بھیجا جائیگا، ان خیالات کا اظہار انہوں نے ڈپٹی کمشنر دفتر کے کانفرنس روم میں ڈسٹرکٹ پرائس ریویو کمیٹی کے اجلاس کی صدارت کرتے ہوئے کیا ،

اجلاس میں ڈسٹرکٹ فوڈ کنٹرولر نذیر الرحمن خان ، انسپکٹر سردار جنید خان گنڈہ پور، انسپکٹر جمیل خان مروت، مرکزی انجمن تاجران کے صدر سہیل احمد اعظمی ، آل کریانہ ایسوسی ایشن کے صدر حاجی غلام سبحانی ، نعمان نیازی ، حاجی محمد نواز ، نعیم قریشی ، علی رضا کشمیری سمیت تاجران نے کثیر تعداد میں شرکت کی ، اجلاس میں اشیاء خوردنوش کی قیمتوں کا تعین کیا گیا۔

ڈیرہ اسماعیل خان،باغی ٹی وی (نامہ نگاراحمدنوازمغل) کمشنر ڈیرہ ظفرلاسلام خٹک نے کہا ہے کہ نوجوان مستقبل کے معمار ہیں تعلیم کے شعبہ میں نوجوانوں نے محنت کرکے جس طرح ملک کے مستقبل کو سنوارنا ہے بلکہ نوجوان نسل کے تعاون سے پولیو کا ملک سے خاتمہ کرینگے، ہم سب پولیو کا مقابلہ کررہے ہیں ، والدین اپنے پانچ سال تک کے بچوں کو پولیو کے قطرے ضرور پلائیں ،گومل یونیورسٹی میں پولیو کے خاتمے کے حوالے سے تقریب کا انعقاد ایک احسن اقدام ہے، گومل یونیورسٹی کے طلبہ اور سٹاف پولیو کے خاتمے کیلئے ہمارا پیغام گھر گھر پہنچائیں تاکہ پولیو جیسے موضی مرض پر قابو پایا جاسکے، اور ہمارا ملک پولیو فری ممالک کی فہرست میں شامل ہوجائے،

ان خیالات کا اظہار انہوں نے پولیو کے عالمی دن کے موقع پر گومل یونیورسٹی میں منعقدہ پروقار تقریب میں مہمان خصوصی کی حیثیت میں کیا،تقریب سے ڈپٹی کمشنر ڈیرہ منصور ارشد خٹک ،ڈسٹرکٹ ہیلتھ آفیسر ڈاکٹر محمود جان بیٹنی، کوارڈینیٹر کے پی سائوتھ ہب عید نواز ، یونیسف کی جانب سے ڈاکٹر محمد طفیل ،رجسٹرار ڈاکٹر محمد شعیب ،ڈین آف آرٹس ڈاکٹر نعمت اللہ بابڑ ، قاری محمد بلال ، گومل یونیورسٹی کے پرووسٹ ڈاکٹر محمد نبیل ، ریاض بیٹنی و دیگر نے بھی خطاب کیا ، اس موقع پر کمشنر ڈیرہ ظفر الاسلام خٹک ، ڈپٹی کمشنر منصور ارشد، پی اے ٹو کمشنر سجاد احمد اور ڈی ایچ او ڈاکٹر محمود جان بٹینی کو شیلڈز بھی پیش کی گئیں جبکہ پولیو ورکرز میں تعریفی اسناد میں تقسیم کی گئیں جو کمشنر ڈیرہ اور ڈپٹی کمشنر ڈیرہ نے تقسیم کیں ،

تقریب سے خطاب کرتے ہوئے ظفر الاسلام خٹک نے کہا کہ دنیا بھر کے 200ممالک میں سے پاکستان اور افغانستان میں پولیو کے کیس موجود ہیں ،پاکستان میں ایک کیس کراچی جبکہ تین پولیو کے کیس بنوں میں رپورٹ ہوئے ہیں ،ہم نے پولیو کو ختم کرنا ہے، پولیو کے قطروں میں کوئی مضرصحت شے نہیں ہے، نوجوانوں کو پولیو کے خلاف مہم میں سفیر بن کر کام کرکے پولیو کو ختم کرناہے، انہوں نے فرنٹ لائن پر جانوں کا نذرانہ پیش کرنے والے پولیووررکرز کو بھی زبردست الفاظ میں خراج تحسین پیش کیاہے،

ڈپٹی کمشنر ڈیرہ منصور ارشد خٹک نے کہا کہ انتظامیہ کا موٹو ہے کہ کسی طرح ہم اپنے بچوں کو پولیو کے مرض سے محفوظ رکھ سکیں ،پولیو کے خاتمے میں جہاں والدین کا کردار ہے تو ہاں پر اساتذہ کرام اور طلبہ کے کردار کو بھی نظر انداز نہیں کیا جاسکتا، بچے ہمارا قیمتی اثاثہ ہیں ،والدین اپنے بچوں کو پولیو کے قطر ضرور پلوائیں تعلیم صرف پڑھنے کا نام نہیں بلکہ معاشرے میں اس سے شعور بیدار کیا جاسکتاہے،

پولیو کے خلاف مہم میں حصہ لینا بھی ایک عبادت ہے ، ڈی ایچ او ڈاکٹر محمود جان بیٹنی نے کہا کہ پولیو کا مرض زندگی بھر کیلئے معذور کردیتاہے، گومل یونیورسٹی کا سٹاف اور طلبہ پولیو کے خلاف مہم میں ہمارا ساتھ دیں اس وقت ضلع ڈیرہ اسماعیل خان میں 2400ٹیمیں بچوں کو پولیو کے قطرے پلا رہی ہیں پہلے گھر گھر مہم چلائی جاتی تھی لیکن اب ہر دس یا بارہ گھروں میں سے ایک گھر کا انتخاب کرکے متعلقہ علاقے میں پولیو ٹیمیں قطرے پلاتی ہیں۔