Author: ڈاکٹرغلام مصطفی بڈانی

ننکانہ صاحب ،باغی ٹی وی( نامہ نگار احسان اللہ ایاز) ہفتہ صحت سے سینکڑوں افراد استفادہ حاصل کررہےہیں ,تحصیل ننکانہ صاحب میں بھر پور طریقہ سے ہفتہ صحت کو منایا جا رہا ہے,انسانی صحت کے ساتھ کھیلنے کی ہر گز اجازت نہیں دی جاۓ گی,ڈاکٹر راشد

تفصیلات کےمطابق وزیر اعلی پنجاب محسن نقوی کی خصوصی ہدایات اور ڈپٹی کمشنر ننکانہ صاحب چوہدری محمد ارشد ,سی ای او ہیلتھ آفیسر ڈاکٹر اظہر امین کی سرپرستی میں ضلع ننکانہ صاحب میں ہفتہ صحت بھرپور طریقہ سے منایا جا رہا ہے گزشتہ روز تحصیل ننکانہ صاحب میں جاری مہم ہفتہ صحت کےسلسلہ میں ڈپٹی ڈسٹرکٹ ہیلتھ آفیسر ڈاکٹر راشد محمود نے ٹھٹھہ بھٹیاں, سیدوالا ,مہر پور, مچھوڑا سمیت دیگر مرکز صحت کے سرپرائز وزٹ کیے اور مراکز صحت پر ہیلتھ ویک کی ایکٹیویٹی سمیت ہسپتالوں میں فراہم کی جانے والی صحت کی سہولیات کا جائزہ لیااور مراکز میں موجودادویات کا سٹاک عملہ کی حاضری اور ہسپتالوں میں رہائشی کوارٹرز کا معاٸنہ بھی کیا,

ڈاکٹر راشد محمود نے سیدوالا میں موجود میڈیکل سٹورز پر صفاٸی کے ناقص انتظامات کی بنا پرالحفیظ ,الینہ اورجاوید میڈیکل سٹور سمیت دیگر کے چالان بھجوا دیئے تاکہ ان کی خلاف کارواٸی عمل لائی جا سکے

سیالکوٹ باغی ٹی وی (سٹی رپورٹر شاہد ریاض)معذور افراد کو معذوری کے سرٹیفیکیٹ کے اجراء کو آسان بنایا جارہا ہے- سید اسد رضا کاظمی
ایڈیشنل ڈپٹی کمشنر جنرل سید اسد رضا کاظمی نے کہا ہے کہ معذور افراد کو معاشرے کا مفید شہری بنانے اور ان کو باعزت روزگار فراہم کرنے کیلئے حکومت پنجاب کی ہدایات کی روشنی میں اقدامات کئے جارہے ہیں، معذور افراد کو معذوری کے سرٹیفیکیٹ کے اجراء کو آسان بنایا جارہا ہے اور اس سلسلہ میں معذور افراد کے مسائل اور دیگر ایشوز کے حل کیلئے ضلع کی سطح پر کمیٹی قائم کردی گئیں جس ان کے مسائل کے حل کیلئے فعال ادا کرے گی۔

یہ بات انہوں نے آج ڈی سی آفس کمیٹی روم میں معذور افراد کے مسائل کے حل منعقدہ اجلاس سے خطاب کرتے ہوئے کیا۔جنرل اسسٹنٹ ریونیو عبدالحئی بھٹی ، ڈپٹی ڈائریکٹر سوشل ویلفئیر شریف گھمن، نمائندہ چمبر آف کامرس اعجاز غوری، ڈی ڈی انفارمیشن وقار جاوید نقوی، ڈی او لیبر ذوالقرنین اور صدر بلائنڈ ایسوسی ایشن حافظ شاہد کے علاؤہ کمیٹی کے دیگر اراکین نے شرکت کی۔

ڈپٹی ڈائریکٹر سوشل ویلفئیر شریف گھمن نے اجلاس میں ڈس ایبلٹی سرٹیفیکیٹ کے اجراء، معذور افراد کی امداد اور ان کی فلاح و بہبود کیلئے سوشل ویلفئیر ڈیپارٹمنٹ اور فلاحی تنظمیوں کی جانب سے کئے جانے والے اقدامات کی بابت بریفینگ دی۔

ڈیرہ غازیخان،باغی ٹی وی (نامہ نگارشہزادخان )انسداد سموگ،ریونیو،تجاوزات،ای رجسٹریشن،ہیلتھ و تعلیمی انڈیکیٹرز،پرائس،حکومتی انیشئٹیوز بارے جائزہ اجلاس

قائمقام ڈپٹی کمشنر میاں رضوان نذیر کی زیرصدارت منعقد ہوا۔اجلاس میں وی وی آئی پیز کی آمد کی تیاریوں اور انتظامات کا جائزہ بھی لیا گیا۔
قائمقام ڈپٹی کمشنر میاں رضوان نذیر نے خطاب کرتے ہوئے کہا کہ انسداد سموگ حکومت پنجاب کی ترجیح ہے جس کیلئے ضلع میں بھرپور کارروائیاں نظر آنی چاہیئے،

فصلوں کی باقیات کو جلانے والوں کو موقع پرجرمانے کئے جائیں،پرائس مجسٹریٹس اشیائے خوردونوش کی انسپکشن کو بڑھائیں،میاں رضوان نذیر نے کہا کہ کھادوں کی دستیابی اور کنٹرول ریٹس پر فروخت کو یقینی بنایا جائے،

کنٹرول روم سے رابطہ کرکے کسانوں سے کھاد دستیابی بارے معلومات لی جائیں،اسسٹنٹ کمشنرز،ریونیوافسران حکومتی انیشیئٹیوز پر عمل درآمد کو یقینی بنائیں،سرکاری سکولوں،اراضی ریکارڈ سنٹرز،ہسپتالوں میں معاملات بہتر کئے جائیں،قائمقام ڈپٹی کمشنر نےکہا کہ صفائی کیساتھ آوارہ
کتوں کی تلفی کیلئےاقدامات کئے جائیں،

ای رجسٹریشن،زیرالتوا انتقالات کو نمٹانے کا عمل تیز کیا جائے،وی وی آئی پیز کی آمد کے پیش نظر انتظامات کو ضرور چیک کیا جائے،کسی بھی ایشوز کو باہمی مشاورت سے فوری حل کیا جائے۔اجلاس میں اسسٹنٹ کمشنرز عثمان غنی،زاہد اقبال،طارق شبیر،محمود الحسن،زبیر خان،ڈاکٹر ادریس لغاری، ڈاکٹر علی ہاشم،کلیم کوریہ،اصغرصدیقی،ثاقب شہزاد اور ریونیو افسران شریک تھے۔

سیالکوٹ،باغی ٹی وی (سٹی رپورٹرشاہدریاض) چیف سائنٹسٹ تحقیقاتی ادارہ برائے دالیں فیصل آباد ڈاکٹر خالد حسین نے کہا ہے کہ پاکستان ہر سال ایک کھرب روپے سے زائد دالوں کی امپورٹ پر خرچ کرتا ہے، کاشتکار چاول اور گندم کے ساتھ ساتھ دالوں کی کاشت کرکے اپنی اور علاقائی ضرورت پورا کرکے اپنا کردار ادا کرنے کے علاوہ دالوں کو مارکیٹ میں فروخت کرکے اچھے دام بھی حاصل کرسکتے
موضع کپوروالی میں کاشتکاروں کیلئے آگاہی سیمینار برائے مسور اور ماش کی پیداوار سے خطاب کرتے ہوئے کیا۔

سینئر سائنٹیسٹ ڈاکٹر علی عزیزآف فیصل آباد، عامر حسین فیصل آباد، محمد عرفان سیالکوٹ، ڈاکٹر نواز ساجد سیالکوٹ، ڈاکٹر عدنان عمیر سیالکوٹ، سائینٹفک آفیسر سیالکوٹ حفیظ الرحمن، ریسرچ آفیسر سیالکوٹ اشرف ندیم اور میزبان ماسٹر ظہور الٰہی بھلی کے علاؤہ علاقہ کے کسانوں اور کاشتکاروں نے کثیر تعداد میں شرکت کی۔

سینئر سائنٹسٹ ڈاکٹر علی عزیز،عامر حسین، محمد عرفان اور ڈاکٹر نواز ساجد نے سیمینار سے خطاب کرتے ہوئے کہا کہ پروٹین انسانی خوارک کا اہم جزو ہے دالوں میں سب سے زیادہ پروٹین پائی جاتی ہے پاکستان کے زمیندار دالوں کو کاشت کرتے رہے ہیں لیکن اب ان کی توجہ دالوں کی کاشت پر نہیں رہی لیکن ضرورت اس امر کی ہے کہ کاشتکار دالوں کو بھی کاشت کریں۔

سیالکوٹ اور نارووال میں مسور کی دال 15سے 30اکتوبر میں کاشت کی جاسکتی ہے۔ انہوں نے بتایا کہ زرعی زمینوں پر مسلسل ایک فصل کاشت کرنے اس کی زرخیزی بتدریج کم ہوتی چلی جاتی ہے تحقیق سے یہ بات ثابت ہے کہ اس کا واحد حل فصلوں کو بدل کر کاشت کیا جائے۔

دالوں کی کی تمام اقسام پھلی دار فصلوں کے خاندان سے تعلق رکھتی ہیں جس کی بدولت دالوں کی فصلیں ہوا سے نائٹروجن حاصل کرکے جڑوں پر موجود منکوں کے ذریعے زمین میں داخل کرتیں ہیں جس کی بنیاد پر یہ کہنا بے جا نہیں ہوتا کہ دالوں کی فصل زمین سے کچھ لیتی نہیں بلکہ زمین کی زرخیزی کا باعث بنتی ہیں۔

انہوں نے کہا کہ کاشتکار محکمہ زراعت کے توسیع ڈیپارٹمنٹ، سائل اور واٹر ٹیسٹنگ لیب، کھادوں اور ادویات کے سلسلہ میں کاشتکار کی معاونت کے لیے تمام خدمات بالکل مفت فراہم کررہاہے جن سے استفادہ حاصل کرکے وہ ناصرف اپنی پیداوار میں اضافہ کرکے اپنی آمدن میں بڑھا سکتے ہیں اور ملکی غذائی ضروریات کو پورا کرسکتے ہیں

گوجرخان، باغی ٹی وی( نامہ نگار شیخ ساجد قیوم ) سابق امیدوار برائے قومی اسمبلی حلقہ این اے 58 نے آج ایک ویڈیو پیغام کے ذریعے PTI کے ساتھ اپنی وابستگی ختم کرتے ہوئے پی ٹی آئی کو خیرباد کہہ دیاہے

اپنے بیان میں انہوں نے پی ٹی آئی چیرمین عمران خان کے ملکی اداروں کے خلاف بیانات کی مذمت کرتے ہوئے 9مئی کے واقعات کی مذمت کی اور پی ٹی آئی چھوڑ دی

یاد رہےسابق تحصیل ناظم چوہدری محمد عظیم کا شمار گوجرخان میں پی ٹی آئی کے اہم مرکزی رہنماؤں میں ہوتا تھا ،2018 کے عام انتخابات میں چوہدری محمد عظیم نے سابق وزیراعظم راجہ پرویز اشرف کے مقابلے میں قومی اسمبلی کا الیکشن لڑا تھا اور 98 ھزار ووٹ لے کر دوسرے نمبر پر رہے تھے