Author: ڈاکٹرغلام مصطفی بڈانی

سیالکوٹ،باغی ٹی وی (سٹی رپورٹرشاہدریاض) جشن آمدِ مصطفیٰﷺکی خوشی میں جلوس منہاج یوتھ لیگ و عوامی تحریک نے انعقاد کیا
جلوس کے دوران مدحت سرکار کی گونج،بینڈ کی شرکت بچوں کا جذبہ دیدنی تھا،مہمانان خصوصی مرکزی جنرل سیکرٹری منہاج یوتھ لیگ ڈاکٹر عمران یونس
سنئیر نائب صدر سنٹرل پنجاب پاکستان عوامی تحریک میاں رضا،ڈویژنل سنئیر نائب صدر پاکستان عوامی تحریک حاجی سرفراز احمد چوہدری تھے،جلوس کی قیادت مشترکہ طور پر میاں آصف شہزاد رؤف،اشرف گجر ،علامہ اصغر ،غلام مصطفیٰ گجر،حسن حسینی نے کی
۔
جلوس میں منہاج ویمن لیگ کی بھی خصوصی شرکت ،کارکنان منہاج یوتھ لیگ و پاکستان عوامی تحریک اور عوام کی کثیر تعداد نے شرکت کی ،انجمن تاجراں سیٹھی پلازہ کے عہدیداران میاں اشفاق اہل سمیت دیگر افراد نے پھولوں کی پتیاں نچھاور کیں اور مہمانوں کو ہار پہنائے

شرکاء نے محبت مصطفیٰ پر خطابات بھی کئے

چترال ،باغی ٹی وی (گل حماد فاروقی)پیازکے مختلف اقسام کے اعلیٰ معیارکے بیجوں کی بیرون ملک ایکسپورٹ جاری
چترال میں ایک ایسا ادارہ بھی موجود ہے جو پیاز کے مختلف انواع و اقسام کے ایسے معیاری بیج تیار کرتا ہے جو نہ صرف چترال اور پاکستان کے ہر کونے میں فراہم کیا جاتا ہے بلکہ یہ معیاری تخم بیرون ممالک کو بھی ایکسپورٹ کیا جاتا ہے جس سے پیاز کی پیداوار میں بہت زیادہ اضافہ ہورہا ہے۔ یہ تخم نہ صرف چترال بھر کے مختلف علاقوں میں زمینداروں کو فراہم کیا جاتا ہے بلکہ ملک کے دیگر حصوں سے بھی اس کیلیے ڈیمانڈ ہوتی ہے ۔ اس ادارے میں تیار ہونے والی پیاز کے بیج اتنا معیاری ہے کہ پاکستان سے باہر بھی کئی ممالک کو یہ سیڈ ایکسپورٹ کیا جاتا ہے جس سے اچھا حاصا ذرمبادلہ بھی ہمارے ملک میں اتا ہے۔

چترال میں ایک ایسا ادارہ بھی موجود ہے جو پیاز کی مختلف انواع و اقسام کے معیاری بیج تیار کرتا ہے جو نہ صرف پاکستان بلکہ بیرون ممالک ایکسپورٹ بھی ہوتے ہیں چترال سے باغی ٹی وی کے نامہ نگارگل حمادفاروقی کی رپورٹhttps://t.co/odWyBepVq1@BaaghiTV @MumtaazAwan @GulHamaadFarooq pic.twitter.com/UeC1cTcsOl

— QNN WORLD (@QNN_World) September 27, 2023

یہ ادارہ باقاعدہ طور پر وفاقی حکومت کے وزارت نیشنل فوڈ سیکورٹی اینڈ ریسرچ کے تحت کام کرانے والے والے ادارے فیڈرل سیڈ سرٹیفکیشن اینڈ ریسرچ ڈیپارٹمنٹ کے ساتھ رجسٹرڈ ہے۔ فیڈرل سیڈ سرٹیفکیشن اینڈ ریسرچ ڈیپارٹمنٹ کے ڈایریکٹر جنرل محمد اعظم خان کے سربراہی میں دیگر افسران نے بھی اس ادارے کا دورہ کرکے ان کی پیداوار کو نہایت معیاری اور تسلی بخش قراردیا۔میگنس کیل سیڈ کا انسپکشن کرنے والوں میں ڈاکٹر حیات اللہ ترین رجسٹرارفیڈرل سیڈ سرٹیفیکیشن اینڈ ریسرچ، نظر اقبال ڈایریکٹر فیڈرل سیڈ سرٹیفیکیشن اسلام آباد، اور عنایت اللہ ریجنل ڈایریکٹر خیبر پختون خواہ شامل تھے۔

ریسرچ ٹیم نے اس ادارے میں تیار ہونے والے پیاز کے بیج کی تیاری میں مختلف مراحل کا تفصیلی معائنہ کیا جس میں بیج کو الگ کرنے کے بعد دھونا، پھر مناسب درجہ حرارت میں خشک کرنے کے بعد اسے سٹور کرنا اور اس کے بعد پیکنگ کا کام بھی اعلے معیار کا ہوتا ہے۔ معائنہ کرنے والے افسران نے میڈیا سے بات چیت کرتے ہوئے کہا کہ اگر ہمارے ملک میں چند ایسے ادارے اور میدان میں آجائیں تو وہ دن دور نہیں کہ ہم سبزی اور فصلوں کی بیج امپورٹ کرنے کی بجایے ایکسپورٹ کرنے کے قابل ہوں گے

نظر اقبال ڈایریکٹر فیڈرل سیڈ سرٹیفیکیشن اینڈ رجسٹریشین اسلام آباد کے مطابق اگر اس قسم کے اداروں کی حوصلہ افزائی کی جائے تو ہمارے اربوں روپے بچ سکتے ہیں جو ہم ان بیج کو بیرون ممالک سے منگواتے پرخرچ کرتے ہیں۔

پیاز کی تخم تیارکرنے والی میگنس کیل کے جنرل منیجر سجاد علی نے میڈیا سے بات چیت کرتے ہوئے کہا کہ ہم مقدار اور معیار پر کبھی سمجھوتہ نہیں کرتے
اس ادارے کے ساتھ چترال میں پانچ سو زمیندار منسلک ہیں جن میں بڑی تعداد خواتین کی بھی ہے اور مردوں کے ساتھ ساتھ یہ ادارہ خواتین کو بھی باعزت طریقے سے رزق حلال کمانے کا موقع فراہم کررہا ہے۔

واضح رہے کہ اس ادارے سے بیرون ممالک کو بھی پیاز کا اعلٰے معیار کا تخم یعنی بیج ایکسپورٹ کیا جاتا ہے ،جس سے ہمارے ملک کو اچھا حاصا زر مبادلہ بھِی ملتا ہے۔

ڈیرہ غازی خان میں پنجاب حکومت کی طرف سے نئے نافذ کردہ لیوانکیشمنٹ اینڈ پنشن رولز کیخلاف ایپکا کی طرف سے احتجاجی ریلی نکالی گئی،ملازمین کی احتجاجی ریلی ایپکا کے مرکزی آفس سے شروع ہو کر کمشنر آفس گیٹ پر اختتام پذیر ہوئی,ایپکا عہدیداران نے نئے چیف جسٹس قاضی فائز عیسی سے نوٹس لینے کا مطالبہ کر دیا

ڈیرہ غازی خان میں نگران حکومت کی طرف سے نافذ کردہ نئے پنشن رولز اور لیو انکیشمنٹ پالیسی کیخلاف نکالی گئی ریلی میں محکمہ ریونیو،ایجوکیشن،پبلک ہیلتھ،صحت،فوڈ سمیت دیگر محکمہ جات کے ملازمین نے اپنے محکموں کے ایپکا عہدیداران کی قیادت میں بھر پور شرکت کی۔

سرکاری ملازمین اپنے مطالبات کے حق میں نعرے بازی بھی کرتے رہے۔ریلی کے شرکا نے حالیہ ترقی پانے والے چیف جسٹس پاکستان قاضی فائز عیسٰی سے مطالبہ کرتے ہوے کہا کہ نگران حکومت ملازم کش قانون پاس کرنے کے اختیارات نہیں رکھتی لہذا سوموٹو ایکشن کے تحت نئی پنشن پالیسی ختم کی جائے۔

اوچ شریف باغی ٹی وی (نامہ نگار حبیب خان)جشن عید میلاد النبی ﷺ کی آمد تیاریاں شروع سٹالز اور دکانیں سج گئیں،ربیع الاول کا چاند نظر آتے ہی سبز جھنڈیوں، پرچموں اور برقی قمقموں کی خریداری بھی عروج پر پہنچ گی-
تفصیلات کے مطابق جشن عید میلاد النبی ﷺ کی آمد کے پیش نظر ملک بھر کی طرح اوچ شریف شہر میں بھی تیاریوں کا سلسلہ شروع ہوگیا ہے ۔ عاشقان رسول ﷺ کی طرف سے جشن عید میلاد النبی ﷺ کی آمد پر مساجد ،گلیوں اور بازاروں کو سبز جھنڈیوں اور قمقموں سے سجانے کے پیش نظر شہر کے مختلف بازاروں میں سبز جھنڈے جھنڈیوں کے سٹالز اور دکانیں سج گئی ہیں۔

ماہ مبارک ربیع الاول کا چاند نظر آنے کے ساتھ ہی محافل میلاد کا سلسلہ شروع ہوچکا ہے جبکہ مختلف مذہبی جماعتوں کی جانب سے جشن عید میلاد النبی کے سلسلے میں محافل نعت منعقد کروانے کے ساتھ ساتھ ریلیاں نکالی جائیں گی۔

شہریوں کا کہنا ہے کہ ربیع الاول کا چاند نظر آتے ہی جشن عید میلادالنبی کے سلسلہ میں شہر کی مساجد، عمارتوں اور گلی کوچوں کو روشنیوں سے منور کرنے کیلئے سبز جھنڈیوں، پرچموں اور برقی قمقموں کی خریداری شروع ہو گئی ہے اور اس سال بھی ہر سال کی طرح عاشقان رسول جشن عید میلاد النبی ﷺ طریقے سے منائیں گے ۔

شہریوں نے امید ظاہر کی ہے کہ ماہ ربیع الاول وطن عزیز کی ترقی اور استحکام اور خوشحالی کی نوید ثابت ہوگا۔ میلاد کمیٹی کے عہدیدارون کا کہنا ہے کہ یہ مہینہ ہر مسلمان کے لئے انتہائی عقیدت و احترام اور خوشیوں کا مہینہ ہے اور انتہائی اہمیت کا حامل ہے ۔

ربیع الاول کے آغاز سے ہی شہر کی مختلف مساجد میں ذکر مصطفی صلی اﷲ علیہ وسلم کی خصوصی عبادات اور محافل نعت کا انعقاد شروع کردیا گیا ہے اور بارہ ربیع الاول کو شہر میں جشن ولادت رسول صلی اﷲ علیہ وسلم کے سلسلے میں مختلف مقامات سے جلوس نکالے جائیں گے

میرپور خاص( باغی ٹی وی نامہ نگار سید شاہزیب شاہ کی رپورٹ )عیدمیلادالنبی کے سلسلہ میں متحدہ رہنماﺅں کا مدارس کا دورہ۔وفد نے علماءکرام سے ملاقات کے دوران ایم کیو ایم پاکستان کا پیغام پہنچایا۔علماءکرام نے ایم کیو ایم پاکستان کی کاوشوں کو سراہا۔ تحریک تحفظ اہلسنت کے زیر اہتمام محفل میلاد میں شرکت۔

عیدمیلاد النبی کے سلسلے میں رکن سندھ تنظیمی کمیٹی شفیق احمد،ایم کیوایم پاکستان میرپورخاص ڈسٹرکٹ کے انچارج خالد تبسم ،جوائنٹ ڈسٹرکٹ انچارجز آفاق احمد خان، سلیم میمن، محمود عباسی و اراکین ڈسٹرکٹ کمیٹی،یوسی چیئرمینز اور یوسی ذمہ داران پر مشتمل وفد نے دعوت اسلامی کے مرکز فیضان مدینہ،مدرسہ کنزالایمان، جامعہ مدینتہ العلوم اور جامعہ نورالقرآن کا دورہ کیا

نگران فیضان مدینہ زین عطاری، ریحان عطاری،فضل عطاری، شایان عطاری، ضیاءعطاری، ممتاز عالم دین مولانا حفیظ الرحمن فیض، مفتی شریف سعیدی،امیر جماعت اہلسنت حافظ محمود احمد قادری، مولانا اکبر علی قادری، حافظ محمد خزیمہ قادری، سنی تحریک کے ضلعی رہنما سہیل نظامی، شاہد ملک، فرحان قادری، محمد علی قادری اور دیگر سے ملاقات کے دوران ایم کیو ایم پاکستان کا پیغام پہنچایا۔

اس موقع پر وفد نے ایم کیو ایم پاکستان کی جانب سے اہم شاہراہوں اور چوراہوں پر عاشقان رسول کے جلوسوں کے پرتپاک استقبال کے لئے کئے گئے انتظامات سے آگاہ کیا اوردعوت اسلامی کے زیر اہتمام مہاجر کالونی گراﺅنڈ میں منعقدہ اجتماع کی تیاریوں کے سلسلے میں ایم کیو ایم پاکستان کے مکمل تعاون کا یقین دلایا۔

علماءکرام نے جشن عید میلاد النبی کے سلسلے میں ایم کیو ایم پاکستان کی جانب سے کئے گئے اقدامات اور اتحاد بین المسلمین، امن و رواداری کے فروغ کے لئے ایم کیو ایم پاکستان کی کاوشوں کو سراہا۔

دریں اثناءمتحدہ رہنماﺅں نے تحریک تحفظ اہلسنت کے زیر اہتمام مقامی ہال میں منعقدہ محفل نعت میں شرکت کی۔

اوچ شریف، باغی ٹی وی ( نامہ نگار حبیب خان)اوچ شریف کامریڈ ہائیر سیکنڈری سکول اوچ شریف میں بین المذاہب ہم آہنگی سیمینار کا انعقاد بین المذاہب ہم آہنگی وقت کی اہم ضرورت ہے:مقررین
تفصیلات کے مطابق اوچ شریف کامریڈ ہائیر سیکنڈری سکول کے زیر اہتمام بین المذاہب ہم آہنگی کا سمینار منعقد کیا گیا ’’اقلیتیں اور آزادی رائے اظہار‘‘کے مو ضو ع پر سیمینارشرکا نے کہا ہے کہ امن اور بین المذاہب ہم آہنگی وقت کی اہم ضرورت ہے۔

سیمینار کی صدارت ملک فاروق احمد نے کی جبکہ مولانا شاہد سلیم ، قاری یعقوب اور ملک فاروق احمد نے کامریڈ ہائیر سیکنڈری سکول اوچ شریف میں بین المذاہب ہم آہنگی سیمینار سے خطاب کرتے ہوئے ملک فاروق احمد پرنسپل کامریڈ ہائیر سیکنڈری سکول نے کہا کہ ــــ پاکستان کو در پیش معاشرتی مسائل کے حل کیلئے بین المذاہب ہم آہنگی کا فروغ وقت کی اہم ترین ضرورت ہے ۔

ایک دوسرے کی رسومات اور مذہبی عقائد کا احترام معاشرے میں برداشت کی راہ کو ہموار کرتا ہے۔ مزید انہوں نے کہا کہ پیغام محبت کے بغیر کسی بھی مذہب کی تعلیمات نامکمل ہیں۔

مولانا شاہد سلیم نے کہا کہ کسی بھی مذہبی گروہ سے تعلق سے پہلے تمام لوگوں میں جو چیز مشترک ہے وہ انسانیت ہے کہ ہم مختلف مذاہب کے درمیان باہمی بھا ئی چار ے کی فضا ہونی چا ہیے ۔

قاری محمد یعقوب نے کہا کہ بین المذاہب راواداری کا جو سفر شروع کیا ہے یہ رکنا نہیں چاہیے جاری رہنا چاہیے۔ مزید انہوں نے نے کہا کہ اس طرز کی سرگرمیوں کے انعقاد سے نوجوانوں کو دیگر مذاہب کے حوالے سے آگاہی ملتی ہے۔

تمام پاکستانیوں کو بلا تفریق متحد ہوکر ملک میں امن و امان کے قیام اور بھائی چارے کے فروغ میں اپنا کردار ادا کر نا چاہیے تاکہ ملک امن کا گہوارہ بن سکے
اسلام ہمیں اقلیتوں اور دوسرے مذاہب کے احترام کا درس دیتا ہے ، ہمیں عدم برداشت اور تشدد کو چھوڑ کر امن اور ایک دوسرے کا احترام کرنے کی ضرورت ہے

سیمینار میں اساتذہ کرام اور طلباء نے کثیر تعداد میں شرکت کی

سیالکوٹ، باغی ٹی وی( سٹی رپورٹر شاہد ریاض)ایشیائی ترقیاتی بینک کے کوآرڈینیٹرکی وفد کے ہمراہ ڈپٹی کمشنر سے ملاقات
ڈپٹی کمشنر سیالکوٹ عدنان محمود اعوان سے ایشین ڈیویلپمنٹ بینک کے کوآرڈینیٹر عمر علی شاہ کی زیر سربراہی اے ڈی پی وفد نے ملاقات کی۔ اے ڈی پی کوآرڈینیٹر عمران سکندر بلوچ، کنسلٹنٹ اے ڈی پی ریحان ارسلان، پی ڈی پیسپ حمزہ سالک، ڈی پی ڈی پیسپ طلحہ زبیر، چیف انجینئر پیسپ شیخ طاہر،ایڈمنسٹریٹر میونسپل کارپوریشن محمد اقبال ، ایڈیشنل ڈپٹی کمشنر جنرل سید اسد رضا کاظمی سٹی مینیجر علی خان اور کنسلٹنٹ نیسپاک سیف اللہ کے علاوہ متعلقہ محکموں کے مقامی حکام بھی موجود تھے۔

اجلاس میں سیالکوٹ شہر میں حکومت پنجاب اور ایشائی ترقیاتی بینک کے اشتراک سے واٹر اینڈ سینی ٹیشن اور ویسٹ واٹر ٹریٹمنٹ پلانٹ کی تعمیر کے جاری منصوبوں پر کام کی پیش رفت کا جائزہ لیا۔ ڈپٹی کمشنر عدنان محمود اعوان نے کہا کہ پیسپ کے تحت جاری ترقیاتی منصوبوں کی رفتار کو بڑھانے کی اشد ضرورت ہے تاکہ لاٹ ون میں شامل سیوریج اسکیموں کو جلد از جلد مکمل کیا جا سکے۔

ڈپٹی کمشنر نے کہا کہ پیسپ کے تحت پیرس روڈ سیور لائن ڈالنے کا کام تیزی سے مکمل کیا جارہا ہے۔ انہوں نے کہا کہ ائیر پورٹ روڈ پر ویسٹ واٹر ٹریٹمنٹ پراجیکٹ پر کام کی رفتار انتہائی سست روی کا شکار ہے یہ منصوبہ سینی ٹیشن پراجیکٹ کا اہم جزو ہے اس کی تکمیل میں تاخیر سے منصوبہ التواء کا شکار ہوسکتا ہے۔

اے ڈی بی کے حکام نے ڈپٹی کمشنر کوبتایا کہ پیسپ کے تحت جاری ترقیاتی منصوبوں پر کام کی رفتار کو بہتر بنانے کیلئے نیسپاک کنسلٹنٹ کو ہدایات جاری کردی گئیں ہیں۔ انہوں نے کہا کہ پیسپ کے منصوبوں کی تکمیل کیلئے کنٹریکٹر کو واضح ہدایات کی ہے کہ وہ ٹائم لائن کو فالو کریں بصورت دیگر کنٹریکٹرز کے خلاف قانونی کارروائی عمل میں لائی جائے گی۔

بعد ازاں ایشین ڈویلپمنٹ بینک کی ٹیم نے شہر جاری منصوبوں کا دورہ کیا اور کام کی رفتار اور معیار کا جائزہ لیا