Author: ڈاکٹرغلام مصطفی بڈانی

سیالکوٹ باغی ٹی وی( سٹی رپورٹر شاہد ریاض)ڈپٹی کمشنر عدنان محمود اعوان نے آج گورنمنٹ علامہ اقبال میموریل ٹیچنگ ہسپتال کا دورہ کیا اور ہسپتال کی ری ویمپنگ کے لئے جاری تعمیراتی کام کا جائزہ لیا اس موقع پرنسپل خواجہ محمد صفدر میڈیکل کالج ڈاکٹر عبد السّتار ، ایم ایس ڈاکٹر محمد الیاس اور ایس ڈی او بلڈنگ چودھری اعجاز بھی موجود تھے۔

ڈپٹی کمشنر نے کہا کہ وزیر اعلی پنجاب کی ہدایت کے مطابق ہسپتال کی آئی، ای این ٹی وارڈز ری ویمپنگ اور بلڈنگ کے فیس امپروومنٹ کا کام شروع کردیا گیا ہے۔ انہوں نے کہا کہ ہسپتال کی ری ویمپنگ کے منصوبے پر مجموعی طور پر 40کروڑ روپے لاگت آئے گی۔

ڈپٹی کمشنر نے سی این ڈبلیو کے مقامی حکام کو ہدایت کی کہ وہ پیس آف ورک کو بڑھائیں اور جلد از جلد کام کو مکمل کریں۔

میرپورخاص،باغی ٹی وی( نامہ نگار سید شاہزیب شاہ کی رپورٹ ) بلاول بھٹو زرداری کی کامیاب خارجہ پالیسی کی بدولت پاکستان گرے لسٹ سے نکلا-
پاکستان کی بقاء بلاول بھٹو زرداری کے وزیر اعظم بننے میں مضمر ہے – انجینئر چوہدری احسان الحق آرائیں –

ملک بھر کی طرح میرواہ گورچانی میں بھی پاکستان پیپلز پارٹی کے چیئرمین بلاول بھٹو زرداری کی 35 سالگرہ کی پروقار تقریب ٹاؤن کمیٹی میرواہ گورچانی کے چیئرمین انجینئر چوہدری احسان الحق آرائیں کے دفتر میں منعقد کی-

تقریب میں پاکستان پیپلز پارٹی تعلقہء شجاع آباد کے سیکریٹری اطلاعات و وائس چیئرمین ایڈوکیٹ ہیرا لال میگھواڑ ،سٹی صدر اسحاق گورچانی چیئرمین انجینئر چوہدری احسان الحق آرائیں،جیالے کونسلر چودھری منیر احمد آرائیں ،معظم منظور رستمانی حاجی جمن سومرو ، سیٹھ پریم کمار بھیل,مظہر علی گورچانی،احمد علی نوحانی،اکبر راجپوت،ظفر گورچانی،شفیع محمد گورچانی،جاوہد حنیف ،غلام قادر مری،کامرہڈ کرشن کولہی،اشوک کمار بھیل سمیت تعلقہ شجاع آباد اور میرواہ سٹی کے کارکنوں نے بڑی تعداد میں شرکت کی –

سالگرہ تقریب سے خطاب کرتے ہوئے پاکستان پیپلز پارٹی تعلقہء شجاع آباد کے سیکریٹری اطلاعات ایڈوکیٹ ہیرا لال میگھواڑ ،سٹی صدر اسحاق گورچانی ،چیئرمین انجینئر چوہدری احسان الحق اور دیگر نے خطاب کرتے ہوئے کہا کہ پاکستان پیپلز پارٹی عام انتخابات کے لئے مکمل طور پر تیار ہے-

انتخابات میں پاکستان پیپلز پارٹی پورے ملک سے کلین سوئپ کرے گی اور ملک کا آئندہ وزیراعظم بلاول بھٹو زرداری ہو گا- انہوں نے کہا کہ بلاول بھٹو زرداری کی کامیاب خارجہ پالیسی کی بدولت پاکستان گرے لسٹ سے نکلا- اور ڈیفالٹ ہونے سے بچا-

انہوں نے کہا پاکستان کی سلامتی اور بقاء بلاول بھٹو زرداری کے وزیر اعظم بننے مضمر ہے- اس موقع پر چیئرمین بلاول بھٹو زرداری کی دراز عمر،صحت و تندرستی کے لئے خصوصی دعا کی گئی –

سیالکوٹ باغی ٹی وی (سٹی رپورٹر شاہد ریاض)ڈپٹی کمشنر سیالکوٹ عدنان محمود اعوان نے کہا ہے کہ عیدمیلادالنبیﷺ بھرپور مذہبی جذبے اور جوش و خروش سے منایا جائے گا اس سلسلہ میں ضلع بھرمیں نکالے جانے والے جلوسوں کے روٹس پر پیچ ورک ، اسٹریٹ لائٹس اور صفائی ستھرائی سمیت سیکیورٹی کے خصوصی انتظامات کیے جائیں گے اور اس سلسلہ میں اسپیشل ٹریفک مینجمنٹ پلان بھی مرتب کیا جائے گا۔

ڈپٹی کمشنر عدنان محمود اعوان نے نے عیدمیلاد النبیﷺ کے سلسلہ میں ڈی سی آفس کمیٹی روم میں ضلعی امن کمیٹی سیالکوٹ کے اراکین کے اجلاس سے خطاب کرتے ہوئے کہا۔ ایڈیشنل ڈپٹی کمشنر ریونیو محمد اقبال ، ایڈیشنل ڈپٹی کمشنر جنرل سید اسد رضا کاظمی، کوآرڈینیٹر ضلعی امن کمیٹی حافظ اصغر علی چیمہ،ملک ذاکر حسین ، مولانا عقیل احمد ظہیر، حافظ غلام محی الدین جیلانی، مولانا ایوب خان، حافظ عبدالغفار، مفتی کفایت اللہ شاکر، مولانا احمد مصدق قاسمی، ظفر عباس، سید انجم الحسن گیلانی،علامہ نسیم عباس، ظفر عباس، ماسٹر فیض، ایوب اوپل، پیر غلام حسین سلطانی، حافظ آصف شیخ، پیر ظہور واصف، مولانا اقبال گھمن، انچارج سیکیورٹی برانچ حافظ سعید،سی او میونسپل کارپوریشن/ضلع کونسل الفت شہزاد، ڈی ایس پی ٹریفک محمد قاسم کے علاؤہ متعلقہ محکموں کے مقامی حکام نے شرکت کی۔

ڈپٹی کمشنر عدنان محمود اعوان نے کہا کہ صفائی نصف ایمان ہے علماء کرام مساجد اور ممبر سے عوام الناس کو صفائی کی ترغیب اور اہمیت کے بارے میں تعلیم دیں۔ انہوں نے کہا کہ صفائی کی ضرورت پورا سال ہر روز 24گھنٹے ہے اس معیار کو قائم کرنے کیلئے ریاستی اداروں کو جب تک کمیونٹی کی سپورٹ اور تعاون حاصل نہ ہوگا تب تک صاف ستھرے اور صحت مند معاشرے کا قیام ممکن نہیں۔

انہوں نے کہا ہے محرم الحرام کے دوران قانون نافذ کرنے والے اداروں اور تمام مکاتب فکر کے علماء کرام کا ضلع میں امن کی خوشگوار فضا کو قائم رکھنے کے سلسلہ میں کردار انتہائی مثبت تھا جس کی وجہ سے ضلع میں کسی بھی جگہ نقص امن پیدا نہیں ہوا جس پر ضلع امن کمیٹی کے اراکین مبارکباد کے مستحق ہیں۔

اجلاس میں مختلف مکاتب فکر سے تعلق رکھنے والے افراد نے عیدمیلادالنبی صلی اللہ علیہ وآلہ وسلم کے جلوسوں اور محافل کے انعقاد کے سلسلہ میں اپنی آراء اور تجاویز ڈپٹی کمشنر سیالکوٹ کے گوش گزار کیں۔ اجلاس کے آخر میں ملک و قوم کی سلامتی اور استحکام کے لیے دعا کی گئی ۔

کندھ کوٹ ،باغی ٹی وی (نامہ نگارمختیاراعوان)12 ربیع الاول عید میلاد النبیﷺ شایان شان اور مذہبی عقیدت و احترام سے منانے کے حوالے اجلاس منعقد ہوا

ڈپٹی کمشنر آفس میں 12 ربیع اول انتظامات کے حوالے سے ایک اہم اجلاس بلایا گیا.جس میں ڈپٹی کمشنر کشمور چیئرمین مین ضلع کونسل گل محمد خان جکھرانی، وائس چیئرمین الطاف خان کوسو، چیئرمین میونسپل کمیٹی میر راشد خان سندرانی ضلع کے متعلقہ حکام اور مکتب فکر کے علماء کرام نے کثیر تعداد میں شرکت کی اجلاس سے خطاب کرتے ہوئے ڈپٹی کمشنر کا کہنا تھا کہ 12 ربیع الاول شایان شان طریقے سے منایا جائے گا پورے شہر کی سرکاری اور نجی عمارتوں کو سجایا جائے گا۔

اجلاس میں شریک مختلف مکتبہ فکر کے علماء کرام نے مطالبہ کیا کہ 12 ربیع الاول بہترین انداز میں منانے کے لیے شہر بھر سے کوڑے کچرے کو ہٹایا جائے جلوس کی گزرگاہوں پر صفائی کا بہترین نظام کیا جائے، منعقد ہونے والے میلاد کے وقت لوڈ شیڈنگ نہ کی جائے جس پر ڈپٹی کمشنر کا کہنا تھا کہ علمائے کرام کے تمام مسائل حل کئے جائیں گے

ڈپٹی کمشنر نے متعلقہ اسسٹنٹ کمشنرز کو ہدایت جاری کی کہ اپنے اپنے تعلقہ کے اندر 12 ربیع الاول میں جلوس اور میلاد کے حوالے سے ہونے والے پروگرام کے انتظامات کا جائزہ لیں علمائے کرام سے مخاطب ہوتے ہوئے ڈپٹی کمشنر کا کہنا تھا کہ 12 ربیع الاول کا دن عظیم الشان دن ہے، یہ دن امن اور یکجہتی کے ساتھ منایا جائے

ڈپٹی کمشنر نے سیپکو کو عملے کو ہدایت کی کہ وہ 12 ربیع الاول دن لوڈ شیڈنگ نہ کی جائے تعلقہ ٹی ایم او کو ہدایت جاری کرتے ہوئے کہا کہ جلوس کی گزرگاہوں پر صفائی کے انتظامات مکمل کیے جائیں شہر بھر سے کوڑے کچرے کو شہر سے ہٹایا جائے ۔

اجلاس میں مختلف مکتبہ فکر کے علما ،اسسٹنٹ کمشنرز پولیس،رینجرز اور صحت کے بالا افسران نے شرکت کی ۔