اوکاڑہ (نامہ نگار ملک ظفر)وزیراعلیٰ پنجاب مریم نواز شریف کے ویژن کے مطابق خواتین کے حوالے سے منعقدہ تین روزہ پروگرامز کے سلسلے میں ٹیبلوز کے شاندار مقابلے منعقد کیے گئے۔“ہم مائیں، ہم بہنیں، ہم بیٹیاں — قوموں کی عزت ہم سے ہے” کے عنوان کے تحت یونیورسٹی آف اوکاڑہ میں ہونے والے ان مقابلوں میں ضلع بھر سے یونیورسٹیوں، کالجز اور سکولوں کے طلبہ و طالبات نے بھرپور شرکت کی اور اپنے فن کا شاندار مظاہرہ کیا۔ڈپٹی ڈائریکٹر حماد احمد چیمہ نے اپنے خطاب میں کہا کہ پاکستانی خواتین زندگی کے ہر شعبے میں کامیابیوں کے جھنڈے گاڑ رہی ہیں۔ انہوں نے کہا کہ خواتین نے وقت کے تقاضوں کے مطابق خود کو ڈھالتے ہوئے مردوں کے شانہ بشانہ اپنی صلاحیتوں کا لوہا منوایا ہے اور ملکی ترقی میں اہم کردار ادا کر رہی ہیں۔انہوں نے مزید کہا کہ خواتین کو بااختیار بنانے کی ضرورت پہلے سے کہیں زیادہ ہے اور آرٹس کونسل میں اس نوعیت کے مقابلے باقاعدگی سے منعقد ہوتے رہنے چاہئیں تاکہ نوجوان نسل کو اپنی صلاحیتوں کے اظہار کے مواقع مل سکیں۔مقابلے کے نتائج کے مطابق سمیرہ شوکت اور ان کی ٹیم نے پہلی پوزیشن حاصل کرتے ہوئے 30 ہزار روپے کا انعام جیتا، رابعہ ریاست اور ان کی ٹیم 25 ہزار روپے کے ساتھ دوسرے نمبر پر رہیں جبکہ شہرام اسلم اور ان کی ٹیم نے تیسری پوزیشن حاصل کرتے ہوئے 20 ہزار روپے اپنے نام کیے۔تقریب میں خواتین، طلبہ و طالبات اور شہریوں کی بڑی تعداد نے شرکت کی اور آرٹس کونسل کی اس کاوش کو خوب سراہا۔ آخر میں ڈپٹی ڈائریکٹر آرٹس کونسل نے تمام مہمانوں کا شکریہ ادا کرتے ہوئے فن و ثقافت کے فروغ کے عزم کا اعادہ کیا۔
Author: Faizan Sheikh
-
شیخ عاکف احمد نور سوئی ناردرن گیس پنجاب کے جنرل منیجر تعینات
رپورٹ: فیضان شیخ
تلہ گنگ کے معروف سماجی و کاروباری شخصیات شیخ شفیق احمد اور شیخ بشیر احمد کے چچا زاد، شیخ ضیاء الدین کے ماموں زاد جبکہ معروف صحافی و اینکر پرسن فیضان شیخ کے انکل شیخ عاکف احمد نور کو سوئی ناردرن گیس پنجاب میں جنرل منیجر تعینات کر دیا گیا ہے۔ انہوں نے لاہور میں اپنی نئی ذمہ داریاں سنبھال کر باضابطہ طور پر کام کا آغاز کر دیا ہے۔
شیخ عاکف احمد نور اس سے قبل اسی ادارے میں ریجنل منیجر کے طور پر خدمات سرانجام دے رہے تھے۔ ان کی تعیناتی کو ادارے میں ان کے طویل تجربے اور شاندار کارکردگی کا اعتراف قرار دیا جا رہا ہے۔
یاد رہے کہ شیخ عاکف احمد نور ملک کے نامور ماہرِ تعلیم اور کیمسٹری کے پروفیسر شیخ نور احمد مرحوم کے صاحبزادے ہیں۔ شیخ نور احمد نے تعلیمی میدان میں نمایاں خدمات سرانجام دیں اور امریکہ سے پی ایچ ڈی کی ڈگری حاصل کرنے کے بعد پاکستان میں کیمسٹری کے نصاب کی تیاری میں اہم کردار ادا کیا۔
-
ڈیرہ غازی خان میں واسا کی کارکردگی بے نقاب | سیوریج مسائل، جعلی رپورٹس کا انکشاف!
ڈیرہ غازی خان (باغی ٹی وی) — رپورٹر شاہد خان
شہر میں واسا کی کارکردگی ایک بار پھر سوالیہ نشان بن گئی ہے۔ شہری حلقوں کی جانب سے الزام عائد کیا گیا ہے کہ مختلف علاقوں میں سیوریج بندش، گندگی اور بارش کے بعد جمع ہونے والے پانی کی شکایات کے باوجود عملی اقدامات نہیں کیے جا رہے، جس کے باعث عوام کو شدید مشکلات کا سامنا ہے۔شہریوں کے مطابق متاثرہ علاقوں کی تصاویر اور شکایات متعلقہ عملے کو بھجوائی جاتی ہیں، تاہم مسئلہ حل کرنے کے بجائے بعض اہلکار انہی تصاویر کو ایڈٹ کر کے “ریزولو” ظاہر کرتے ہوئے افسران کو ارسال کر دیتے ہیں، جبکہ زمینی حقائق اس کے برعکس ہوتے ہیں۔عوامی حلقوں کا کہنا ہے کہ متعدد محلوں اور گلیوں میں گندا پانی کھڑا رہنے سے نہ صرف آمدورفت متاثر ہو رہی ہے بلکہ تعفن اور بیماریوں کے پھیلنے کا خدشہ بھی بڑھتا جا رہا ہے۔شہریوں نے کمشنر ڈیرہ غازی خان، ڈپٹی کمشنر اور دیگر اعلیٰ حکام سے مطالبہ کیا ہے کہ معاملے کی شفاف تحقیقات کرائی جائیں، غفلت کے مرتکب اہلکاروں کے خلاف کارروائی کی جائے اور نکاسی آب کے نظام کو مؤثر بنایا جائے تاکہ شہریوں کو حقیقی ریلیف مل سکے۔ -
اوکاڑہ: سرکاری سکول میں جدید کمپیوٹر لیب کا افتتاح 20 کمپیوٹرز فراہم
اوکاڑہ (نامہ نگار ملک ظفر)دیپالپورگورنمنٹ ماڈل ہائی سکول میں جدید کمپیوٹر لیب کی افتتاحی تقریب، ڈپٹی کمشنر احمد عثمان جاوید اور ایم پی اے ملک علی عباس کھوکھر نے کمپیوٹر لیب کا افتتاح کر دیا۔ اس موقع پر سی ای او ایجوکیشن محمد یوسف کاہلوں اور اسسٹنٹ کمشنر فیصل شہزاد چیمہ سمیت دیگر افسران اور میاں مختیار وٹو بھی موجود تھے۔ سکول کو 20 جدید ترین طرز کے کمپیوٹرز فراہم کر دیے گئے۔ ڈپٹی کمشنر احمد عثمان جاوید نے کہا کہ حکومت پنجاب شعبہ تعلیم میں بہتری کے لیے ہمہ وقت کوشاں ہے۔ جدید ٹیکنالوجی کی فراہمی سے طلبہ کو ڈیجیٹل تعلیم کے حصول میں آسانی ہوگی۔ جدید لیب کا مقصد طلبہ کو کمپیوٹر پر عملی دسترس حاصل کرنے کا موقع فراہم کرنا ہے۔ ایم پی اے ملک علی عباس کھوکھر نے کہا کہ سرکاری اسکولوں کی بہتری کے لیے تمام ممکنہ اقدامات کیے جا رہے ہیں۔ کمپیوٹر لیب کے قیام سے دورِ حاضر کے تقاضوں کے مطابق تعلیم کی راہ ہموار ہوگی۔ 20 کمپیوٹرز محض مشینیں نہیں بلکہ بچوں کے روشن مستقبل کی چابیاں ہیں۔ انہوں نے کہا کہ سرکاری سکولوں کے طلبہ بھی سافٹ ویئر انجینئرنگ اور آئی ٹی کی دنیا میں اپنا نام پیدا کریں گے۔ مستقبل میں دوسرے سرکاری سکولوں میں بھی جدید کمپیوٹر لیبز بنائی جائیں گی۔
-
اوباڑو میں دن دہاڑے قتل ماں کے سامنے نوجوان کو گولیوں سے چھلنی کر دیا
اوباڑو: لانھگو روڈ پر دن دہاڑے فائرنگ، نوجوان والدہ کے سامنے قتل، علاقے میں خوف و ہراس
گہوٹکی با غی ٹی وی/ نامہ نگار مشتاق علی لغاری
اوباڑو کے نواحی علاقے لانھگو روڈ پر پیش آنے والے دلخراش واقعے نے علاقے میں خوف و ہراس پھیلا دیا، جہاں نامعلوم مسلح افراد نے اندھا دھند فائرنگ کرکے ایک نوجوان کو اس کی والدہ کے سامنے قتل کردیا۔ واقعے کے بعد علاقے میں شدید بے چینی پھیل گئی جبکہ مقتول کے گھر میں کہرام مچ گیا۔تفصیلات کے مطابق نوجوان اپنی والدہ کے ہمراہ لانھگو روڈ کے قریب موجود تھا کہ اسی دوران مسلح افراد نے انہیں روک کر فائرنگ شروع کردی۔ عینی شاہدین کے مطابق حملہ آوروں نے انتہائی قریب سے متعدد گولیاں چلائیں جس کے نتیجے میں نوجوان شدید زخمی ہوکر موقع پر ہی دم توڑ گیا، جبکہ والدہ چیخ و پکار کرتی رہ گئی۔ افسوسناک منظر دیکھ کر علاقے کے لوگ بھی غمزدہ ہوگئے۔اطلاع ملنے پر پولیس کی بھاری نفری موقع پر پہنچ گئی اور جائے وقوعہ کو گھیرے میں لے کر شواہد اکٹھے کیے گئے۔ مقتول کی لاش کو ضروری قانونی کارروائی کے بعد اسپتال منتقل کردیا گیا، جہاں شناخت سوالی مزاری کے نام سے ہوئی۔ پولیس کے مطابق مقتول کا تعلق روجھان سے بتایا جارہا ہے۔پولیس حکام کا کہنا ہے کہ ابتدائی تحقیقات میں واقعہ دیرینہ دشمنی کا نتیجہ معلوم ہوتا ہے، تاہم مختلف پہلوؤں سے تحقیقات جاری ہیں۔ جائے وقوعہ سے گولیوں کے خول بھی تحویل میں لے لیے گئے ہیں جبکہ ملزمان کی گرفتاری کے لیے چھاپے مارنے کا سلسلہ شروع کردیا گیا ہے۔دوسری جانب واقعے کے بعد مقتول کے ورثا کی جانب سے انصاف کا مطالبہ کیا جارہا ہے۔ اہل علاقہ کا کہنا ہے کہ دن دہاڑے پیش آنے والے اس واقعے نے امن و امان کی صورتحال پر کئی سوالات کھڑے کردیے ہیں۔ شہریوں نے اعلیٰ حکام سے مطالبہ کیا ہے کہ قاتلوں کو فوری گرفتار کرکے قانون کے مطابق سخت سزا دی جائے تاکہ علاقے میں خوف کی فضا ختم ہوسکے۔پولیس کا کہنا ہے کہ جلد ہی واقعے میں ملوث ملزمان کو گرفتار کرکے اصل حقائق سامنے لائے جائیں گے۔ -
گھوٹکی میں سیپکو افسر کی ویڈیو وائرل نشے کا اعتراف؟ متنازع بیان پر ہنگامہ
گھوٹکی: سپرنٹنڈنگ انجینئر سیپکو غلام علی تنیو کا مبینہ ویڈیو بیان سوشل میڈیا پر وائرل، جس میں منشیات کے استعمال کا اعتراف اور متنازع گفتگو سامنے آگئی۔
گہوٹکی با غی ٹی وی/ نامہ نگار مشتاق علی لغاری ویڈیو میں مبینہ طور پر غلام علی تنیو کہتے سنائی دے رہے ہیں: "میں بھی نشے کا عادی ہوں، نشہ کرتا ہوں” اور "میں بھی آئس پیتا ہوں، آئس پی کر کام کرتا ہوں”ویڈیو میں مزید یہ بھی مبینہ طور پر کہا گیا: "نوکری کرنی ہے تو کام کرو، جو بھی آئے گولی مار دو، ایف آئی آر کٹوادو”سیپکو کے اعلیٰ افسر کے ان مبینہ بیانات پر شہریوں اور صارفین میں شدید تشویش پائی جا رہی ہے، جبکہ سوشل میڈیا پر ویڈیو تیزی سے وائرل ہو رہی ہے۔شہری حلقوں نے متعلقہ حکام سے واقعے کا نوٹس لینے اور شفاف تحقیقات کا مطالبہ کیا ہے۔ -
گھوٹکی میں تعلیمی بحران 286 اسکول خستہ حال، اساتذہ غائب | ڈپٹی کمشنر کا بڑا ایکشن
گہوٹکی باغی ٹی وی/نامہ نگار مشتاق علی لغاری میرپور ماتھیلو، 12 مئی 2026: ڈپٹی کمشنر گھوٹکی منظور احمد کنرانی نے کہا ہے کہ حکومت سندہ کی جانب سے ضلع گھوٹکی کے اسکولوں کو علیحدہ بجٹ فراہم کیا گیا ہے، اس لیے ہیڈ ماسٹرز کا فرض بنتا ہے کہ وہ اپنے اسکولوں کی حالت بہتر بنائیں۔ ان خیالات کا اظہار انہوں نے اپنی دفتر میں تعلیمی اصلاحات کے لیے قائم ڈسٹرکٹ سروس ڈلیوری کمیٹی کے اجلاس کی صدارت کرتے ہوئے کیا۔ اجلاس میں اسسٹنٹ کمشنرز، ڈی ای اوز سیکنڈری و پرائمری، سی ایم او عمران علی سیال اور ٹی ای اوز نے شرکت کی۔ اس موقع پر ڈپٹی کمشنر نے گفتگو کرتے ہوئے کہا کہ ضلع کے 135 اسکولوں کی مرمت کے لیے اسکیم رکھی گئی ہے جبکہ حکومت سندہ کی جانب سے سیکنڈری اور پرائمری اسکولوں کو مرمت، فرنیچر اور اسٹیشنری کی مد میں بجٹ فراہم کیا گیا ہے، اس لیے اب ہیڈ ماسٹرز کو چاہیے کہ وہ اپنے اسکولوں کی بہتری کے لیے مخلصانہ کردار ادا کریں، خصوصاً فرنیچر کی کمی کو ختم کیا جائے تاکہ طلبہ کو درپیش مشکلات کم ہوسکیں۔ اجلاس کے دوران انہوں نے ڈی ای اوز کو ہدایت دیتے ہوئے کہا کہ مسلسل غیر حاضر رہنے والے اساتذہ کے خلاف قانونی کارروائی کے لیے متعلقہ حکام کو رپورٹ ارسال کی جائے، تعلیمی معیار کو بہتر بنانے کے لیے تمام وسائل بروئے کار لائے جائیں اور جن اسکولوں کو بجٹ فراہم کیا گیا ہے ان کے ڈی ڈی اوز کی رہنمائی کی جائے تاکہ بجٹ کو مؤثر انداز میں استعمال کیا جاسکے۔ قبل ازیں سی ایم او عمران علی سیال نے ڈپٹی کمشنر کو بریفنگ دیتے ہوئے بتایا کہ 74 پرائمری اور 51 سیکنڈری اسکولوں کے اساتذہ مسلسل غیر حاضر ہیں جبکہ 286 اسکولوں کی عمارتیں خستہ حالی کا شکار ہیں۔
-
"اوکاڑہ نہر میں گرنے والی کار نکال لی گئی، 3 افراد جاں بحق، 12 سالہ بچہ معجزانہ طور پر محفوظ”
اوکاڑہ کی تحصیل دیپالپور کے علاقے بصیر پور میں واقع ہیڈ گلشیر راجوال لنک نہر میں گرنے والی کار کو ریسکیو 1122 نے کامیاب آپریشن کے بعد نکال لیا۔
ریسکیو حکام کے مطابق نہر میں گرنے والی گاڑی میں سوار 4 افراد میں سے 3 افراد جاں بحق ہو گئے جبکہ 12 سالہ بچہ مونم رسول معجزانہ طور پر زندہ بچ گیا۔
اطلاع ملتے ہی ریسکیو 1122 کی ٹیمیں فوری موقع پر پہنچ گئیں اور سرچ اینڈ ریسکیو آپریشن شروع کیا گیا۔ آپریشن میں 30 ریسکیورز، 8 غوطہ خوروں اور 4 کشتیوں نے حصہ لیا جبکہ گوجرانوالہ واٹر ریسکیو ٹیم نے بھی معاونت فراہم کی۔ریسکیو ٹیموں نے جدید تکنیک جیسے سکوبا سرچنگ، سونار ریڈار، پلنجر سرچنگ اور وائر سویپنگ ٹیکنالوجی استعمال کرتے ہوئے تقریباً 200 میٹر کے فاصلے سے گاڑی کا سراغ لگایا۔ بعد ازاں سکوبا ڈرائیورز نے رسوں کی مدد سے گاڑی کو باہر نکالا اور تینوں افراد کی نعشیں ضروری کارروائی کے بعد لواحقین کے حوالے کر دی گئیں۔یہ واقعہ علاقے میں افسوس اور غم کی فضا چھوڑ گیا جبکہ بچے کے محفوظ رہنے کو ایک معجزہ قرار دیا جا رہا ہے۔ -
اوکاڑہ میں معرکۂ حق کی کامیابی کا جشن، ڈی سی کی قیادت میں تاریخی ریلی، پاک فوج سے بھرپور اظہارِ یکجہتی
ضلع Okara میں معرکۂ حق کی کامیابی کا جشن بھرپور انداز میں منایا گیا، جہاں ڈی سی آفس سے ایک عظیم الشان ریلی نکالی گئی۔ریلی کی قیادت ڈپٹی کمشنر Ahmed Usman Javed نے کی، جبکہ ایم پی اے Chaudhry Ghulam Raza Rabeera، ضلعی افسران، انجمن تاجران اور مختلف شعبہ ہائے زندگی سے تعلق رکھنے والے افراد نے بڑی تعداد میں شرکت کی۔شہریوں کا جم غفیر افواج پاکستان سے اظہارِ یکجہتی کے لیے سڑکوں پر نکل آیا اور فضا "پاکستان زندہ باد” اور "پاک فوج پائندہ باد” کے نعروں سے گونج اٹھی۔ڈپٹی کمشنر نے کہا کہ یہ تاریخی ریلی اس بات کا واضح ثبوت ہے کہ اوکاڑہ کے عوام اپنی افواج سے بے پناہ محبت کرتے ہیں۔ معرکۂ حق ہمیں ہمیشہ حق کی جیت کا یقین دلاتا ہے، اور پوری قوم اپنی مسلح افواج کے ساتھ چٹان کی طرح کھڑی ہے۔ریلی ٹینک چوک پہنچ کر اختتام پذیر ہوئی جبکہ ضلع بھر میں جشن کی تقریبات کا سلسلہ جاری ہے، جن میں سکولوں، کالجوں اور دیگر اداروں میں خصوصی پروگرامز شامل ہیں۔
-
سیالکوٹ میں آل پارٹیز کانفرنس، آپریشن بنیان المرصوص کی کامیابی پر پاک افواج کو خراجِ تحسین
سیالکوٹ (بیورو چیف مدثر رتو) پاکستان مرکزی مسلم لیگ کے زیر اہتمام سیالکوٹ میں ایک اہم آل پارٹیز کانفرنس کا انعقاد کیا گیا، جس میں آپریشن بنیان المرصوص کی کامیابی کو ایک سال مکمل ہونے پر پاکستان کی عظیم کامیابی کو شاندار انداز میں خراجِ تحسین پیش کیا گیا۔کانفرنس میں مزمل اقبال ہاشمی، طاہر ہندلی، شیخ فیاض احمد، امتیاز احمد بریار، انجینیئر اعجاز نصر، پیر سید محبوب احمد گیلانی، حافظ جاوید گورایہ، آغا فدا حسین، الشیخ حکیم محمد عبدالواحد اور شیخ جاوید حیدر سمیت مختلف سیاسی، مذہبی اور سماجی شخصیات نے بھرپور شرکت کی۔شرکاء نے پاک افواج کی قربانیوں، پیشہ ورانہ مہارت اور دفاعِ وطن میں ان کے کردار کو زبردست خراجِ تحسین پیش کرتے ہوئے اس عزم کا اظہار کیا کہ ملک دشمن عناصر کے خلاف پوری قوم متحد ہے اور پاکستان کے دفاع کیلئے سیسہ پلائی دیوار بن کر کھڑی ہے۔مقررین نے کہا کہ پاکستان کی سلامتی، خودمختاری اور استحکام پر کوئی سمجھوتہ نہیں کیا جائے گا اور پوری قوم اپنی بہادر افواج کے شانہ بشانہ کھڑی ہے۔ انہوں نے کہا کہ آپریشن بنیان المرصوص کے بعد پاکستان ایک مضبوط اور مستحکم ریاست کے طور پر دنیا کے سامنے ابھرا ہے۔مقررین کا کہنا تھا کہ 10 مئی کے بعد عالمی سطح پر پاکستان کو ایک نئے زاویے سے دیکھا گیا، جہاں ملک نے اپنی مضبوط معیشت، جدید ٹیکنالوجی اور پیشہ ور افواج کے ذریعے اپنی صلاحیتوں کا بھرپور اظہار کیا۔کانفرنس کے اختتام پر ملک کی سلامتی، ترقی اور استحکام کیلئے خصوصی دعا بھی کی گئی۔