Author: غنی محمود قصوری

قصور
آج واپڈا کمپلیکس چونیاں قصور میں پہلے سے طے شدہ واپڈا یونین پیغام یونین کے جلسے پر جلتے ہوئے ہائیڈرو یونین نے بھی جلسہ رکھ لیا ،دوران جلسہ ہائیڈرو نے بدمعاشی کی اور پیغام یونین کے کارکنان کو مارا پیٹا،پیغام یونین نے پہلے اپروول لے رکھی تھی مگر چونیاں سے ذلت آمیز شکست ہائیڈرو کو چین نا لینے دے رہی تھی

تفصیلات کے مطابق چند دن ہوئے واپڈا ریفرنڈم میں واپڈا یونین ہائیڈرو کو پیغام یونین سے ذلت آمیز شکست ہوئی تھی جس پر ہائیڈرو کے ارکان غصہ سے أگ بگولہ تھے
آج مورخہ 1 جولائی 2021 کو پیغام یونین نے کئی دن قبل واپڈا کمپلیکس چونیاں میں جلسہ طے کیا ہوا تھا جس کی باقاعدہ اپروول لی گئی تھی مگر سکشت سے دوچار ہائیڈرو کو پیغام کا جلسہ ہضم نا ہوا اور اپنے جلسے کا اعلان کر دیا تاکہ ہلڑ بازی اور غنڈہ گردی کی جائے اس منصوںے کو پایہ تکمیل تک پہنچانے کیلئے ہائیڈرو کے سرکل چئیرمین قصور نوید عاشق ڈوگر نے غنڈے بلوائے اور پیغام یونین کے سرکل چئیرمین مہر عبدالرزاق پر حملہ کر دیا اور دوسرے کارکنان کو بھی مارا پیٹا جس سے جلسہ روکنا پڑا
واضع رہے کہ نا صرف اس علاقے بلکہ پورے سرکل سے ہائیڈرو یونین کلین سویپ کرتی تھی مگر اس بار پیغام یونین سے سخت مقابلہ ہوا ہے جس پر ہائیڈرو سخت پریشان ہے اور اپنے مستقبل پر پریشان ہو کر انتقام کے اوچھے ہتھکنڈوں پر اتر آئی ہے
پیغام یونین و سول سوسائٹی،وکلا برادی،اور شہریوں نے ہائیڈرو کی اس بدمعاشی پر وزیراعلی پنجاب و وزیر پانی و بجلی سے نوٹس لینے کا مطالبہ کیا ہے

قصور
لیسکو واپڈا کی نااہلی،نصف صدی پرانی تاریں،ایل ٹی لائن کی بوسیدہ تار ٹوٹ کر میں بازار کی دکان پر گر گئی،بہت بڑے حادثے کا خدشہ

تفصیلات کے مطابق لیسکو واپڈا قصور کی نااہلی کی بدولت ضلع بھر کی بجلی لائنیں بوسیدہ ہو چکی ہیں اور آئے روز ٹوٹ کر گر جاتی ہیں جس سے متعدد بار نقصان ہو چکا ہے
آج صبح سویرے کھارا نزد قصور بائی پاس میں ایل ٹی لائن کی تار ٹوٹ کر مین بازار کی دکان کی چھت پر گر گئی
تاہم اہلیان علاقہ کے بار بار فون کرنے پر بھی ابھی تک تار کو درست نہیں کیا گیا
راشی واپڈا عملہ بغیر رشوت کے کام کرنا اپنی توہین سمجھتا ہے
اہلیان علاقہ نے ڈپٹی کمشنر قصور و ایس ای قصور سے نااہل کرپٹ واپڈا اہلکاران کے خلاف سخت کاروائی کا مطالبہ کیا ہے

قصور
نواحی قصبہ کھڈیاں خاص میں اوباشوں نے معذور خاتون کی جواں سالہ بیٹی کو اغوا کر لیا،مقدمہ درج ،مغوی کی والدہ زینب بی بی ٹانگوں سے معذور گھر میں اکیلی موجود تھی ملزمان نقدی 4 لاکھ 3 تولہ سونا قیمتی سامان بھی لے گئے

تفصیلات کے مطابق واقعے قصور کے قصبہ کھڈیاں کے نواحی گاؤں بیگ پور کے رہائشی محنت کش محمد منشاء کی 19 سالہ بیٹی عائشہ کو ملزمان کامران وغیرہ نے معذور والدہ کی موجودگی میں ذبردستی اغوا کر لیا اور جاتے ہوئے گھر سے نقدی 4 لاکھ 3 تولہ سونا و قیمتی سامان بھی لے اڑے
لڑکی کی معذور والدہ زینب بی بی کی مدعیت میں مقدمہ درج کر کے پولیس مصروف کاروائی ہے

قصور
قصور گنڈا سنگھ روڈ پر تجاوزات کی بھرمار،شہریوں کا ڈپٹی کمشنر قصور و ایکسیئن ہائی وے قصور سے کاروائی کا مطالبہ

تفصیلات کے مطابق گنڈا سنگھ بارڈر تا قصور روڈ پر تجاوزات کی بھرمار ہے جس کی بدولت شہری سخت پریشانی میں مبتلا ہیں
نواحی گاؤں ساندہ چستانہ کے رہائشی مہر پرویز مختیار نے ڈپٹی کمشنر قصور و ایکسیئن ہائی وے قصور کو درخواست دی جس میں مؤقف اختیار کیا کہ سڑک کے دونوں جانب 220 فٹ جگہ گورنمنٹ نے خالی چھوڑی ہے تاہم ہائی وے کے افسران نے رشوت لے کر لوگوں کو سڑک کنارے تجاوازت کی اجازت دے رکھی ہے جس کے باعث سڑک کا نقصان ہو رہا ہے اور حادثات رونما ہو رہے ہیں
لہذہ ڈپٹی کمشنر قصور و ایکسیئن ہائی وے قصور کرپٹ عملے کے خلاف کاروائی کرنے کے ساتھ تجاوزات کا خاتمہ کروائیں

قصور
اداروں کی ناک نیچے ناجائز ہاؤسنگ سکیمیں لوگ لٹنے لگے لیکن انتظامیہ خاموش

تفصیلات کے مطابق قصور ضلع بھر میں شہریوں کی جمع پونجی کا صفایا کا صفایا ہونے لگا ہے ایجنٹوں نے جگہ جگہ غیر قانونی ھاوسنگ سکیموں کی بھر مار کی ہوئی ہے جنہیں کوئی پوچھنے والا نہیں جبکہ
قصور کے بھولے بھالے شریف شہری ان کے ہتھے چڑھ کر اپنی جمع پونجی سے محروم ہو رہے ہیں حتی کہ قصور کے معصوم شریف شہری اپنا زیور بیچ کر تو کوئی پنشن کے پیسوں سے تو کوئی زندگی بھر کی کمائی سے ان جعلی ہاؤسنگ سوسائٹیوں کے چکر میں اپنی کمائی سے محروم ہو رہا ہے
جگہ جگہ بننے والی غیر قانونی ھاوسنگ سکیمیں شہریوں کو سستے اور قسطوں پر پرکشش سہانے خواب دیکھا کر لوٹ رہے ہیں جبکہ انہوں نے کسی بھی سرکاری ادارے سے کوئی بھی n o c نہیں لے رکھی
شہر اور اور گردونواح میں چند ایکڑ اراضی ایک مین گیٹ چند سڑکیں اور مشین کھڑی کر کہ ھاوسنگ سکیم شروع کر دی جاتی ہے اور ہزاروں درختوں کو چند دنوں میں کاٹ دیا جاتا ہے
اور جعلی کالونی بنا کر
شہریوں کو سہانے خواب دیکھانے اور لوٹنے کیلئے ایجنٹوں کو چھوڑ دیا جاتا ہے جن کہ زریعے شہریوں کا خون چوسنے کا سلسلہ شروع ہو جاتا ہے

قصور کے شہری سوچنے مجبور ہیں کہ پر تمام اداروں و پولیس ایجنسیوں کی ناک نیچے سب ہو رہا ہے لیکن خاموشی ہے
شہریوں نے کمشنر لاہور ڈویثسے اس مکروہ دھندے کے کرنے والوں کے خلاف کاروائی کا مطالبہ کیا ہے

قصور
راجہ جنگ آر ایچ سی ہسپتال کے اندر نتیجہ لینے آئے افراد پر مخالفین کا پھر تشدد اور ہوائی فائرنگ،انچارج ڈاکٹر ڈیوٹی سے غائب

تفصیلات کے مطابق کل تھانہ راجہ جنگ کے علاقے کے نواحی گاؤں میں دو فریقین کے مابین مار کٹائی ہوئی
مخالفین نے گھر میں گھس کر عورتوں بچوں کو مارا جس پر فریق نتیجہ لینے آر ایچ سی راجہ جنگ پہنچا تو ڈیوٹی ڈاکٹر موجود نا تھا
ہسپتال میں مخالفین پھر پہنچ گئے اور مضروبین کو دوبارہ ہسپتال کے اندر مارا پیٹا اور ہوائی فائرنگ کی جس سے علاقے میں خوف و ہراس پھیل گیا
اہلیان علاقہ نے مطالبہ کیا ہے کہ آر ایچ سی ہسپتال راجہ جنگ کے ڈاکٹر کو ڈیوٹی پوری ادا کرنے کا پابند کیا جائے اور ملزمان کو پکڑ کر قانونی کاروائی کی جائے

قصور
پتوکی کے نواحی قصبے میں ایک ہفتہ میں 3 موٹر سائیکل چوری،چور بے لگام،شہری پریشان

تفصیلات کے مطابق پتوکی کے نواحی قصبے حبیب آباد میں موٹر سائیکل چور سرگرم ہو گیا
ایک ہفتہ میں 3 تین موٹر سائیکلیں چوری ہو چکی ہیں جبکہپولیس چوری اور ڈکیتی کی وارداتوں کو کنٹرول کرنے میں مکمل ناکام ہو چکی ہے
کل دوپہر 3 بجے نئی منڈی ڈاکٹر ارشد کی گھر کے باہر کھڑی موٹر سائیکل نمبری OK4246 نامعلوم چور لیکر فرار ہو گئے
علاقہ میں بڑھتی ہوئی چوری کی وارداتوں پر اھل علاقہ نے ڈی پی او قصور سے فوری نوٹس کی اپیل کی ہے

قصور
اہلیان دیہہ کا گورنمنٹ کی طرف سے پینے کے صاف کیلئے واٹر فلٹریشن پلانٹ لگانے پر اظہار تشکر

تفصیلات کے مطابق قصور کے کم و بیش 35 نواحی دیہات میں گورنمنٹ کی طرف سے پینے کے صاف پانی کی فراہمی پر اہلیان علاقہ و معززین علاقہ نے گورنمنٹ کا شکریہ ادا کیا ہے
نواحی دیہات موضع مان،باہمنی والا،ساندہ چستانہ،کچہ پکہ،بہادر پورہ،رسول پورہ،پتو کلاں،دولے والا،لکھنیکی،اٹھیل پور،بگری،رجی والا،کھارا میں گورنمنٹ کی طرف سے لوگوں کو سہولت دینے پر معروف سیاسی شحضیت سردار فیصل اورنگزیب نے گورنمنٹ کا شکریہ ادا کیا اور مطالبہ کیا کہ وزیراعلی پنجاب کے ویژن کے مطابق اسی طرح کام کرتے ہوئے
سٹی قصور میں یونیورسٹی بنائی جائے اور گنڈا سنگھ تا حسین خان والا اور کچری تا سہجرہ روڈ کی مرمت کا کام جلد سے جلد شروع کروایا جائے

قصور
چونیاں حکومتی وائٹ پیپر پالیسی کے مطابق اسٹام پیپر نایاب ہوگے اور جن اسٹام فروشوں کے پاس ہیں تو وہ بلیک میں ملنے لگے عوام زلیل و خوار تفصیلات اکرم راول سے چونیاں میں پچاس روپے کا اسٹام نایاب ہو گیا اگر کسی اسٹام فروش کے پاس ہے بھی تو لوگوں کو بلیک میل کر کے پانچ سو میں دیا جاتا ہے اور لوگوں کے حق پر کھلم کھلا ڈاکہ ڈالا جا رہا ہے متعدد لوگوں نے بتایا اگر کسی ادارے میں اسٹام دینا ہو تواسٹام فروش پہلے تو اسٹام مانگنے پر انکاری کر دیتے ہیں زیادہ اسرار کرنے پر پچاس روپے والا اسٹام پانچ سو میں دیا جاتا ہے کوئی پوچھنے والا نہیں کیا اندھیر نگری ہے حکومت نے اسٹام پیپر بند کر دیے اور اداروں میں اسٹام کی شرط ختم نا کی ہے جس کی وجہ سے مجبور لوگوں کو دونوں ہاتھوں سے لوٹا جا رہا ہے زیادہ تر مسائل دامن سپورٹ پروگرام اور دیگر قرضہ دینے والے اداروں سے قرضہ لینے والوں کو پیش آرہے ہیں جو پچاس روپے کا اسٹام لازمی لیتے ہیں عوام جاے جو جاے کدھر لوگوں کا اسسٹنٹ کمشنر چونیاں ڈی سی قصور کمشنر لاہور سے مطالبہ ہے کہ عوام کے ساتھ جو نارواسلوک کیا جارہا ہے یہ سراسر غلط ہے یا تو وائٹ پیپر کو اسٹام کا درجہ دے کر تمام سرکاری اور غیر سرکاری اداروں کو بزریعہ نوٹیفکیشن پابند کیا جاے کہ وہ اسٹام پیپر کی جگہ وائٹ پیپر کو ترجیح دیں تاکہ عوام کے مسائل ختم ہو سکیں اور عوام سکھ کا سانس لے سکے