Author: غنی محمود قصوری

قصور
ڈسٹرکٹ پریس کلب قصور کے ضلعی عہدیداران کے انتخابات کا اعلان کر دیا گیا،انتخابات مورخہ 12 جولائی بروز سوموار ڈی پی سی قصور ایوان صحافت ھال میں ہونگے

تفصیلات کے مطابق ڈسٹرکٹ پریس کلب قصور کے انتخابات 2021/2022 کا اعلان کر دیا گیا ہے
ڈسٹرکٹ پریس کلب کے انتخابات 12 جولائی کو ڈسٹرکٹ پریس کلب قصور میں ہونگے
انتخابات چیئرمین الیکشن بورڈ چوہدری ندیم اختر کی صدارت و ممبران الیکشن بورڈ ملک عبدالعزیز، اصغر علی بھٹی، محمد جاوید سہوترا،مختار احمد شاکر کی زیر نگرانی ہونگے
ڈسٹرکٹ پریس کلب قصور کے کل 555 عام ممبران ڈی پی سی کی اکثریت رائے سے ضلع بھر سے نو منتخب کونسل ممبران کو اپنی مرضی سے بذریعہ خفیہ بیلٹ پیپر منتخب کرینگے

الیکشن لڑنے کے خواہش مند ممبران ڈسٹرکٹ پریس کلب میں 10 جولائی تک درخواست فارم الیکشن بورڈ کو جمع کراونے کے اہل ہیں
نیز کسی بھی نشست پر اگر کوئی امیدوار بلا مقابلہ کامیاب ہوا تو وہ اسی اجلاس میں حاضر کونسل ممبران سے تائیدی ووٹ لے سکے گا
الیکشن کے قریب آتے ہی امیدواران نے سیاسی جوڑ توڑ تیز کر دی ہے

قصور
مقصود ریاض چوہدری جنرل سیکرٹری ڈسڑکٹ بار قصورنے کہاہے کہ رجسٹری برانچ بالخصوص رجسٹری محررکی کرپشن عروج پر تھی چونکہ ان کی چاندرات تھی اگلے دن شیڈول چینج ہونا تھا جس کی شکایات عوام اور وکلاء برادری نے مجھے کیں جس پر میں ہمراہ دیگروکلاء تحصیل اور رجسٹری برانچ میں آکرصورت حال دیکھی تو ٹاؤٹ مافیا کا راج تھ اجس پر پوچھ گچھ کی گئی تو رجسٹری برانچ کے کرپشن کے بادشاہوں نے بدتمیزی کی جس پر رجسٹری محرر لیاقت بانڈے وغیرہ کی خوب درگت بنائی اور کرپشن کے خلاف احتجاج کرتے ہوئے تحصیل کی تالہ بندی کرتے ہوئے عام عوام کوانصاف دلانے کی کوشش کی گئی اور لمبی قطاریں ختم کروائیں گئیں
ان خیالات کااظہار انہوں نے میڈیا سے گفتگو کرتے ہوئے کیا انہوں نے کہا کہ رجسٹری محرر اور دیگر ملازمین نے شیڈول تبدیل ہونے کی آر میں رجسٹری پاس کرنے کے ریٹ مقررکررکھے تھے لاکھوں روپے کے عوض ایک رجسٹری پاس کر رہے تھے اس دوران برانچ میں سائلین کی لائنیں لگ گئی پیسے نہ دینے والوں کو شدید گرمی اور دھوپ میں لائنوں میں کھڑا کر دیا گیا وکلاء کے اس اقدام کی سائلین اور عوامی حلقوں نے خوب سراہا اور رجسٹری برانچ کی کرپشن کو روکنے کیلئے حکومت سے ٹھوس اقدامات کا مطالبہ بھی کرتی ہے

قصور
پتوکی شہر میں چوری ڈکیتی کی بڑھتی ہوئی وارداتیں کنٹرول کرنے کے لیے شہریوں نے آر پی او ریجن شیخوپورہ ڈاکٹر انعام وحید اور ڈی پی او قصور عمران کشور شہر میں مزید نفری اور پولیس کے گشت کو بڑھانے کا مطالبہ کردیا گیا
تفصیلات کے مطابق ضلع قصور تحصیل پتوکی میں بڑھتی ہوئی چوری ڈکیتی کی وارداتیں اور شہریوں پر دن دہاڑے قاتلانہ ہونے کی وجہ سے شہر میں خوف و ہراس پھیل چکا ہے جس کی وجہ سے شہری خوف میں مبتلا ہیں کچھ دن پہلے میں چونیاں روڈ پر ایڈوکیٹ کی گاڑی پر فائرنگ دوسرا واقعہ شہر کے قریبی گاؤں منڈیانوالہ چک نمبر 19 میں ڈاکوؤں اور گاؤں کے پہرے داروں کے درمیان فائرنگ کا واقعہ ایک ڈاکو اپنے ساتھیوں کی فائرنگ سے ہلاک اور ایک زخمی خالت فرار جس کی وجہ گاؤں مزید خوف پھیل چکا ہے پتوکی شہر کی سیاسی اور سماجی تنظیموں اور وکلا برادری نے آئی جی پنجاب،آر پی او ریجن شیخوپورہ ڈاکٹر انعام وحید او ڈی پی او قصور عمران کشور سے مطالبہ کیا ہے شہر میں پولیس اور الیٹ فورس گشت کو بڑھایا جائے دوسری طرف پتوکی تھانہ سٹی اور تھانہ چوکی میں مزید نفری تعینات کی جائے تاکہ شہری سکھ کا سانس لے سکیں

قصور
ٹیچر کا بچے پر بدترین تشدد،کلاس چہارم کے سٹوڈنٹ احمد شریف کو شدید مار پیٹ کا نشانہ بنایا اور کہا کہ اگر گھر جا کر بتایا تو جان سے مار دینگے،اہلیان علاقہ میں تشویش کی لہر،درندہ صفت ٹیچر کے خلاف فوری کارروائی کا مطالبہ

تفصیلات کے مطابق قصور کے معروف وکیل و صحافی، سابق چیئرمین ڈسٹرکٹ پریس کلب قصور،چیف ایڈیٹر روزنامہ صدائے قلم لاہور سردار شریف سوہڈل کے بیٹے احمد شریف کو ال انصار سکول بستی قادر آباد کے ٹیچر عمر نے مورخہ 3 جولائی کو شیدید مار پیٹ کا نشانہ بنایا جس سے بچے کے جسم پر زخموں کے نشان بن گئے اور گال سوج گئے
گھر آنے پر بچہ شدید سہما ہوا تھا اور رو رہا تھا وجہ جاننے کے لئے سکول کے پرنسپل صدیق سے بذریعہ ٹیلی فون رابطہ کیا گیا تو جواب دیا گیا کہ ٹیچر عمر کے خلاف سخت ایکشن لیا جائے گا اور بچے کی سزا کا ازالہ کیا جائے گا تاہم سکول دوبارہ جانے پر ٹیچر نے بچے کو کہا کہ اگر آئندہ گھر جا کر بتایا تو جان سے مار دینگے
اس بات پر سردار شریف سوہڈل نے سکول خود جاکر بات کی تو پرنسپل و ٹیچر نے بجائے معذرت کے کہا کہ آپ کا بیٹا زندہ ہی ہے کونسا مر گیا ہے
سکول انتظامیہ و ٹیچر کے اس رویہ پر اہلیان علاقہ نے سخت غم و غصہ کا اظہار کیا ہے اور مطالبہ کیا ہے کہ ان کو سخت سے سخت سزا دی جائے کیونکہ بچے پر مار پیٹ میڈیکل رپورٹ میں ثابت ہوئی ہے اور دیگر گواہان بچوں نے ٹیچر کے رویہ کا اعتراف کیا ہے اور بتایا ہے کہ ٹیچر کا تعلق کالعدم جماعت سے ہے جو کہ ذہنی مریض ہے اور ہر وقت بچوں کو بلا وجہ مارتا پیٹتا ہے

قصور
راجہ جنگ میں پرانی دشمنی کی بناء پر گاڑی پر اندھا دھند فائرنگ دو افراد قتل،تین زخمی
علاقے میں شدید خوف و ہراس

تفصیلات کے مطابق قصور کے قصبے راجہ جنگ میں آج صبح 8 بجے کے قریب مخالفین نے مہر اللہ وسایا چئیرمین ایل ڈی اے کی گاڑی پر اڈہ راجہ جنگ میں شدید ترین فائرنگ کر دی جس کے نیتجے میں اللہ وسایا کو چھ فائر لگے اور ساتھ ہی موٹر سائیکل مرمت کی دکان پر کام کرنے والے چھوٹے بچے کو بھی فائر لگے جو کہ دونوں فوت ہو گئے تاہم شدید فائرنگ سے اللہ وسایا کے تین ساتھی بھی شدید زخمی ہوئے
دونوں مقتولین کی لاشوں اور تینوں زخمی افراد کو ڈسٹرکٹ ہیڈکوارٹر ہسپتال قصور منتقل کر دیا گیا ہے
واضع رہے کہ گزشتہ سال مہر اللہ وسایا کی طرف سے مہر اعظم کو قتل کیا گیا تھا جس کی رنجش پر ورثاء نے اللہ وسایا کو قتل کیا ہے
ایس ایچ او تھانہ راجہ جنگ نے بھاری نفری کیستاھ پہنچ کر کاروائی کا آغاز کر دیا ہے جبکہ کرائم سین قصور نے شواہد اکھٹے کرنے شروع کر دیئے ہیں

قصور کی تحصیل چونیاں میں ڈاکو راج،شہری سخت پریشان

تفصیلات کے مطابق سرکل چونیاں چوروں، ڈاکووں اور نو سربازوں کے نرغے میں،رائس ملز ایسوسی ایشن،بھٹہ ایسوسی ایشن اور الہ آباد کی تمام تاجر تنظیموں نے پولیس کے خلاف احتجاج کا اعلان کر دیا،ڈی پی او قصور اور ڈی ایس پی چونیاں امن و امان قائم کرنے میں بری طرح ناکام ہو چکے ہیں،اب تک بیسیوں تاجر لٹ چکے ہیں لیکن پولیس کے کان پر جوں تک نہیں رینگ رہی*،میڈیا سے گفتگو تفصیلات کے مطابق سرکل چونیاں میں بڑھتی ہوئی چوری ڈکیتی اور نو سربازی کی وارداتوں کے پیش نظر ضلعی رائس ملز ایسوسی ایشن اور الہ آباد کی تمام تاجر تنظیموں میں تشویش کی لہر پائی جا رہی ہے اس سی سلسلہ میں تمام تنظمیوں کے رہنماوں جس میں ملک محسن نزیر،میاں لیاقت علی،چوہدری غلام نبی سندھو،حاجی مہر سعید،حاجی رمضان رانا صفدر علی،چوہدری ابوبکر صدیق حاجی محمد افضل،بابر علی چیمہ و دیگر نے میڈیا سے گفتگو کرتے ہوئے بتایا کہ اب ہمارے صبر کا پیمانہ لبریز ہو چکا ہے مختصر عرصہ می بیسیوں تاجر دکاندار راہگیر لٹ چکے جبکہ ڈی پی او قصور اور ڈی ایس پی چونیاں کے کان پر جوں تک نہیں رینگ رہی اور ابھی تک کسی ایک واردات کو ٹریس کرنا تو دور کی بات کسی ملزمان کو بھی نہیں گرفتار کیا گیا انہوں بدھ کو پولیس کے خلاف احتجاج کا اعلان کیا ہے جس میں فیصلہ کیا گیا ہے تمام کاروباری مراکز بند رکھے جائیں گے رائس ملز ایسوسی ایشن،کریانہ ایسوسی ایشن،شوز مارکیٹ،کلاتھ مارکیٹ اور بھٹہ ایسوسی ایشن کے تمام صدور نے سخت برہمی کا اظہار کرتے ہوئے آئی جی پنجاب اور ڈی آئی جی سے فوری نوٹس لینے اور ذمہ داران کے خلاف کاروائی کا مطالبہ کیا ہے

قصور
تھیلیسیمیا کئیر فاؤنڈیشن کنگن پور اور علی زیب فاؤنڈیشن لاہور کے زیر سایہ بلڈ کولیکشن کیمپ میں تھیلیسیمیا کے بچوں کے لئے عام شہریوں کے ساتھ پنجاب پولیس ایلیٹ فورس قصور کے جوانوں سے بھی خون کا عطیہ لیا گیا

تفصیلات کے مطابق کل قصور کی تحصیل چونیاں کے قصبہ ارزانی پور میں تھیلیسیمیا کئیر فاؤنڈیشن کنگن پور اور علی زیب فاؤنڈیشن لاہور کے زیر سایہ تھیلیسیمیا کے مریض بچوں کے لئے حصول خون کے لئے ایک بلڈ کولیکشن کیمپ کا انعقاد کیا گیا جس میں عام شہریوں کے ساتھ ساتھ پنجاب پولیس ایلیٹ فورس قصور کے جوانوں نے بھی تھیلیسمیا کے مریض بچوں کے لئے اپنا خون عطیہ کیا گیا اور اس عزم کا اعادہ کیا کہ قصور کی عوام کی جانی حفاظت کے ساتھ دیگر ضروریات کو بھی قصور پولیس اپنے طور پر پورا کرنے کی کوشش کرے گی
قصور پولیس کی جانب سے جذبہ انسانیت کی ایک اعلی مثال قائم کرنے پر شہریوں و تھیلیسیمیا سے متاثرہ بچوں نے قصور پولیس کے جذبہ کو سلام پیش کیا اور نیک خواہشات کا اظہار کیا

قصور کی تحصیل پتوکی میں احساس کفالت پروگرام کے نام پر لوٹ مار کا بازار گرم،انتظامیہ بے خبر

تفصیلات کے مطابق قصور کی تحصیل پتوکی میں احساس کفالت پروگرام کے نام پر لوٹ مار کا بازار گرم کیا جا چکا ہے
احساس کفالت پروگرام میں 12000ہزار لینے کے بدلے عوام سے 2000 سے 4000 روپے تک بطور رشوت لی جانے لگی ہے جس سے لوگ سخت پریشان ہیں
جبکہ عملہ کا رویہ بھی انتہائی غلط ہے
احساس کفالت پروگرام میں پیسے لینے کے لیےآئی ایک بزرگ عورت کے کان کی بالی ہجوم کے باعث کسی نے کھینچ لی جس کے باعث ان کے کان سے خون بہتا رہا تاہم افسوس ک اس غریب عورت کو فرسٹ ایڈ بھی نہ دی گئی مذید بے حسی کہ متاثرہ عورت کا موقع پر موجود پولیس بھی تماشہ دیکھتی رہی اور نا ہی ریسکیو کو کال کی گئی اور نا ہی خود فرسٹ ایڈ کی گئی
احساس کفالت پروگرام میں کھڑی عورتیں انکی ایجنٹ کا غریب عورتوں ہتک آمیز رویہ اور ان سے بدتمیزی سے پیش انا معمول بن گیا ہے جبکہ احساس کفالت پروگرام میں ڈیوٹی دینے والے گیٹ کیپر سے لیکر پولیس اور پیسے دینے تک سب اس رشوت کے دھندے میں برابر کے شریکِ ہو چکے ہیں اور پسند اور ناپسند کی بنا پر لوگوں کو پیسے دیئے جانے لگے ہیں
متاثرہ عورتوں نے وزیر اعلی پنجاب ڈی سی قصور اور اسسٹنٹ کمشنر پتوکی سے فوری ایکشن لیکر انکے خلاف کاروائی کا مطالبہ کیا ہے تاکہ غریب عورتوں کو ان کا پورا پورا حق مل سکے

قصور
اغواء ہونے والے عالم دین،جامع امام مدرسہ احمد بن حنبل قصور ابن بشیر الحسینوی کو بازیاب نا کروایا جا سکا

تفصیلات کے مطابق مطابق دو روز قبل دن کے وقت قصور کے معروف عالم دین ابن بشیر الحسینوی،جامع امام مدرسہ احمد بن حنبل کو ان کے گاؤں حسین خان والا کے قریب سے موٹر سائیکل پر جاتے ہوئے نامعلوم کار سواروں نے اغوا کرلیا تھا جن کا تاحال کوئی سراغ نہیں مل سکا
ابن بشیر الحسینوی عرصہ دراز سے شعبہ درس و تدریس سے منسلک ہیں اور موضع حسین خان والا کے رہائشی ہیں اور مدرسہ احمد بن حنبل قصور بائی باس نزد ڈسٹرکٹ پریس کلب قصور کے جامع امام ہیں
اہلیان شہر نے ان کے اغواء پر تشویش کا اظہار کیا ہے اور ان کو جلد سے جلد بازیاب کروانے کی استدعا کی ہے