Author: غنی محمود قصوری

قصور
کنگن پور جامع مسجد ابراہیمیہ میں عبدالحنان خالد صدر ملی یوتھ ونگ کے پروگرام کے ساتھ شرکاء کی افطاری،کنگن پور یوتھ فورم ملی مسلم لیگ کی تنظیم سازی

تفصیلات کے مطابق تحصیل چونیاں کے شہر کنگن پور میں گزشتہ شام جامعہ مسجد ابراہیمیہ میں صدر ملی یوتھ ونگ عبدالحنان خالد نے قبل از افطاری خطاب کیا اور سینکڑوں شرکاء کی افطاری کروائی گئی
عبدالحنان خالد نے دعوت و توحید کے کام کرنے پر زور دیا اور فرقہ واریت سے بچنے کا درس دیا مذید انہوں نے کہا کہ پاکستان کی بقاء و سلامتی کیلئے ہم سب کو بغیر رنگ نسل سیاسی مذہبی جماعت کے مل کر کام کرنا ہو گا
پروگرام کے اختتام پر کنگن پور یوتھ فورم کی تقریب تنظیم سازی بھی کی گئی
تقریب میں کوٹ رادہاکشن سے محسن عبداللہ قصوری ،کنگن پور سے ابتسام الہی،حماد اسماعیل یزدانی،احسن جمال نے خصوصی شرکت کی

قصور
سٹی پریس کلب رجسٹرڈ کنگن پور کا ہنگامی اجلاس ہوا جس میں تمام ممبران نے صحافی امجد نذیر کی حمایت کا بھرپور اعلان کیا

تفصیلات کے مطابق تحصیل چونیاں کے نواحی قصبہ کنگن پور میں احساس کفالت پروگرام کے تحت ملنے والی رقم میں روزانہ کی بنیاد پر لاکھوں روپے کی کرپشن کو بے نقاب کرنے پر کنگن پور کے سینئیر صحافی اور سٹی پریس کلب کنگن پور کے جنرل سیکرٹری امجد نذیر کے خلاف تھانہ کنگن پور میں دی جانے والی درخواست کی پر زور مذمت کرتے ہوئے سٹی پریس کلب کے صدر میاں محمد اسلم کی زیر صدارت ایک ہنگامی اجلاس منعقد کیا گیا
جس کا باقاعدہ آغاز تلاوت قرآن پاک سے کیا گیا اور بعد ازاں گزشتہ روز تھانہ کنگن پور میں سٹی پریس کلب کے جنرل سیکرٹری امجد نذیر کے خلاف دی جانے والی درخواست پر بات چیت کرتے ہوئے تمام صحافی برادری نے ایک ہی بات کہی کہ سچ بولنا صحافی کے لیے ایک جرم بن چکا ہے اور یہی جرم امجد نذیر نے کیا ہے کیوں کہ احساس کفالت پروگرام میں روزانہ کی بنیاد پر لاکھوں روپے کی کرپشن ہو رہی ہے مگر ہمارے انتظامی امور اس قدر ناقص ہیں کہ کوئی بھی فرد واحد اس پر بات کرنے کو تیار نہیں انہوں نے کہا کہ میں داد دیتا ہوں امجد نذیر جیسے ہونہار اور نڈر صحافی کو کہ جس نے احساس کفالت پروگرام والوں کی کرپشن کو بے نقاب کیا ہم ہر فورم پر اپنے بھائی امجد نذیر کے شانہ بشانہ کھڑے ہیں اور یہ بات واضح کر دینا چاہتے ہیں کہ اگر اسی طرح صحافیوں کے خلاف جھوٹی درخواستوں کا سلسلہ نہ رکا تو کنگن پور کی تمام صحافی برادری شدید احتجاج کریں گے۔اجلاس میں بانی سٹی پریس کلب سید تنویر اقبال بخاری،چیئرمین سٹی پریس کلب حکیم محمد ابراہیم ظہیر،صدر سٹی پریس کلب میاں محمد اسلم،سردار جہانگیر شریف ڈوگر،ملک اظہر وحید کلس،سینئر صحافی چوہدری لیاقت علی،امجد نذیر،حاجی محمد نواز بھٹی،سردار وسیم عبّاس ڈوگر،محمد مصور فردوسی،محمد امجد فاروق نقیبی، محمد رضوان سیف،سید مزمل شاہ،بابا ایم ریاض قیصر اور عدنان اکبر نے شرکت کی

قصور
چونیاں میں موت کا دھندہ جاری،سرعام نشہ آور ادویات کی فروخت
تفصیلات کے مطابق تحصیل چونیاں اور اس کے گردونواح میں ڈرگ انسپکٹر اور ڈی ڈی او ایچ کی ملی بھگت سے عطائیوں ڈاکٹر انسانی جانوں سے کھیلنے لگے ناقص میڈیسن اور نشہ آور ادویات میڈیکل سٹوروں سے نوجوان خرید کر اپنی زندگیوں کو تباہ کرنے لگے اعلی حکام کو ان ملازمین کے خلاف نوٹس لے کر کارروائی کرنی چاہیے اور کسی ایماندار ملازمین کو چونیاں تعینات کیا جائے تاکہ نوجوان نسل تباہ ہونے سے بچ سکے اور جو ناقص ادویات فروخت کی جارہی ہیں میڈیکل سٹوروں سے جو مریض کھا کر مزید بیمار ہو رہے ہیں بند کر دے پیسہ اکٹھا کرنا ہمیں سب معلوم ہے جو تم لوگوں نے وارث نامی ملازم اور جمیل نامی ملازم کو تحصیل بھر میں پیسے اکٹھے کرنے کے لئے کھلی چھٹی دے رکھی ہے خدا کا کچھ خوف کریں اگر اپنی تنخواہ سے پیٹ نہیں بھرتا تو اس سے بھی نہیں بھرے گا ایک دن اللہ کے سامنے بھی پیش ہونا ہے کیا جواب دو گے ہمیں عطائی ڈاکٹروں کا فائدہ بھی ہے اگر کسی کو امرجنسی سر درد جسم درد کی دوائی مل جاتی ہے لیکن جب وہ انجیکشن اور ڈریپ گانا شروع کر دیتے ہیں تو وہ نقصان دہ ہے یہ سب ڈرگ انسپکٹر اور ڈی ڈی او ایچ کی ملی بھگت سے ہو رہا ھے شہریوں نے اعلیٰ حکام سے مطالبہ کیا ہے کسی ایماندار آفیسر کو چونیاں میں تعینات کیا جائے

قصور
احساس کفالت پروگرام سنٹر چونیاں میں بارہ ہزار وصولی کے دوران بے ضابطگی و کرپشن کی انتہاءرقم وصول کرنے آئے لوگوں سے
12000 ہزار پر500سو سے 1000 روپے وصول کیا جانے لگا بار بار نشاندھی کرنے پر بھی انتظامیہ ٹس سے مس نہ ہوئی ڈی سی قصور اور وزیر اعلیٰ پنجاب سے نوٹس لینے کا مطالبہ

تفصیلات کے مطابق چونیاں کی نواحی میونسپل کمیٹی کنگن پور میں قائم احساس کفالت سنٹر پر روزانہ چار سے پانچ لاکھ روپے کی دیہاڑی لگائی جانے لگی ایک ہزار دو اور پیسے لو ۔ہر سائل کو ساڑھے گیارہ ہزار سے گیارہ ہزار دیا جانے لگا زرائع کے مطابق اس کرپشن میں متعلقہ پولیس تحصیل انتظامیہ ٹاؤن انتظامیہ کے ساتھ ساتھ تمام تر عملہ اور کچھ نام نہاد صحافی بھی ملوث ہیں اس سہ ماہی میں ایک اندازے کے مطابق اس سنٹر سے ایک کروڑ سے زائد کی لوٹ مار کی جا چکی ہے ویڈیو بھی منظر عام پر آ چکی اسسٹنٹ کمشنر چونیاں ڈپٹی کمشنر قصور اور وزیر اعلیٰ پنجاب نوٹس لے کر احساس کفالت پروگرام کی رقم پوری دلوائی جائے کرپٹ عناصر سے ڈیوائس ضبط کر کے قانونی کاروائی عمل میں لائی جائے عوامی مطالبہ ہے کہ اس اور اگلی سہ ماہی کو ہر صورت صاف و شفاف بنایا جائے

قصور
ٹھیکیدار کی نااہلی سے ادھوری سڑک کے باعث ہر وقت رش،رات گئے راؤ خان والا میں ایمبولینس پھنسی رہی،ٹریفک جام رہنا روز کا معمول بن گیا

تفصیلات کے مطابق قصور رائیونڈ روڈ کی مرمت کا کام گزشتہ سال سے جاری ہے ٹھیکدار نے جو گڑھے پر کئے تھے وہ دوبارہ پہلے سے بڑے گڑھے بن گئے ہیں جبکہ راؤ خان والا میں 1 کلومیٹر سے زائد سڑک کی ایک سائیڈ 3 ماہ قبل تعمیر کی گئی تھی جس کی دوسری سائیڈ ابھی نہیں بنائی گئی جس کے باعث ہر وقت دن ہو یاں رات ٹریفک جام رہتی ہے گزشتہ شام بھی ٹریفک جام رہنے سے ریسکیو 1122 کی ایمبولینس کئی منٹ ٹریفک میں پھنسی رہی
ٹریفک جام رہنے سے مسافروں سمیت رہائشیوں کو بھی سخت اذیت کا سامنا ہے
لوگوں نے مطالبہ کیا ہے کہ سڑک کو جلد سے جلد مکمل تعمیر کیا جائے تاکہ ٹریفک کی روانی متاثر نا ہو اور ایمبولینس میں پھنسے مریضوں کی جانوں کو خطرہ لاحق نا ہو انہیں بروقت ہسپتال پہنچایا جا سکے

قصور
ویڈیو لنک کے ذریعے نیا پاکستان ہاؤسنگ سکیم پروگرام کا افتتاح

تفصیلات کے مطابق چونیاں میں وزیراعظم پاکستان عمران خاں کا نیا پاکستان ہاؤسنگ سکیم پروگرام کے حوالے سے ویڈیو لنک کے ذریعے افتتاحی تقریب کا انقعاد کیا گیا جس میں نیا پاکستان ہاؤسنگ سکیم پروگرام کے تحت چونیاں انڈسٹریل اسٹیٹ کے بالمقابل 106 کنال رقبہ پر 283 گھر تعمیر کئے جائےگے, ڈی سی قصور آسیہ گل وزیراعظم پاکستان کے وژن کے مطابق متوسط طبقے کے افراد کیلئے ساڑھے تین مرلہ میں اچھے گھر تعمیر کئے جائےگے
نیا پاکستان ہاؤسنگ سکیم میں وزیراعظم پاکستان کا خواب ہر غریب پاکستانی کو اپنا گھر کم قمیت اور آسان اقساط پر دیا جائے گا
تقریب میں ڈی پی او عمران کشور، اسسٹنٹ کمشنر چونیاں رضوان الحق چئیرمن پنجاب سپورٹس بورڈ راؤ زاہد قیوم راؤ شاہد قیوم چیرمین مارکیٹ کیمٹی محمد اعظم ہی ٹی آئی ضلع قصور کے صدر ڈاکٹر عظیم الدین لکھوی چوہدری اعجاز الحق پی ٹی آئی صدر چونیاں اور علاقہ بھر کی سیاسی شخصیات کے علاوہ پی ٹی آئی کارکنان نے بھی شرکت کی

قصور
کل سے ممکنہ لاک ڈاؤن کی سختی اور پبلک ٹرانسپورٹ کی بندش کے پیش نظر سڑکوں پر معمول سے زیادہ رش،پردیسی جلد سے جلد گھر پہنچنے کی جستجو میں

تفصیلات کے گورنمنٹ کے اعلان کے مطابق کل سے ممکنہ لاک ڈاؤن اور پبلک ٹرانسپورٹ کی بندش کے پیش نظر پردیسیوں نے جلد سے جلد گھروں کا رخ کر لیا ہے جس کے باعث سڑکوں ہر معمول سے زیادہ رش ہے لوگ بسوں گاڑیوں کے علاوہ رکشوں پر سفر کر رہے ہیں تاکہ جلد سے جلد گھر پہنچ سکیں زیادہ تر لوگ اپنے پیاروں کو عیدی دینے جا رہے ہیں اور واپسی کی راہ لے رہے ہیں تاہم ضلع بھر میں کرونا ایس او پیز پر عملدرآمد کروانے کیلئے چاروں تحصیل انتظامیہ متحرک ہو گئی ہیں اور ایس او پیز کی خلاف ورزی پر جرمانے و دکانوں کو سیل کیا جا رہا ہے
آج جمعتہ الوداع کے باعث بھی لوگ ایک دوسرے کو زیادہ سے زیادہ ملنے کیلئے آ جا رہے ہیں کیونکہ پبلک ٹرانسپورٹ بند ہونے سے ایک سے دوسرے شہر سفر انتہائی دشوار ہو جائے گا

قصور
پتوکی میں دہشت کی علامت خطرناک ڈکیت گینگ گرفتار

تفصیلات کے مطابق تھانہ صدر پتوکی پولیس کی بڑی کاروائی میں ہاؤس ڈکیتی اور راہزنی کی متعدد وارداتوں میں ملوث بین الاضلاعی خطرناک ڈکیت گینگ کے چار کارندے گرفتار کر لئے گئے ہیں
گرفتار ملزم عالم شیر عرف سلیم اوڑھ نے اپنے دیگر ساتھیوں کے ہمراہ بین الاضلاعی ڈکیت گینگ تشکیل دے رکھا تھا
جبکہ یہ ملزمان رات کے وقت موٹر سائیکل پر سوار ہو کر راہزنی اور ہاؤس ڈکیتی کی وارداتیں کرنے کے دوران موٹر سائیکل، موبائل فون اور نقدی چھینتے تھے
ملزمان سے مذید تفتیش جاری ہے

قصور
پتوکی کے علاقے سرائے مغل کے نواح راکہ گھمن میں سینکڑوں لوگوں نے جعلی پیروں اور قحبہ خانوں کو بند کروانے کے لیے احتجاج کرتے ہوئے وزیر اعلیٰ پنجاب،،آئی جی پنجاب اور ڈی پی او قصورسے پرزور اپیل کی کہ جعلی پیری کی آڑمیں فحاشی کے اڈوں اورمنشیات کے دھندے کو بند کروا کر ہماری نئی نسل کوتباہ ہونے سے بچایا جائے

تفصیلات کے مطابق پتوکی کے علاقے سرائے مغل اور اسکے گردونواح کے متعدد دیہات میں جعلی پیری اور فحاشی اڈوں کا اضافہ لمحہ فکریہ بن چکا ہے۔تھانہ سرائے مغل کے نواحی گاؤں راکہ گھمن کے سینکڑوں لوگوں نے ریلی کی صورت میں فحاشی کے اڈوں کو بند کرنے اور جعلی پیر اصغر،اشرف،رمضان اور افتخار کے خلاف کاروائی کے لیے نعرہ بازی کی۔ریلی میں شریک معززین علاقہ نے محکمہ نیب سے پر زور اپیل کی کہ ان کے خلاف انکوائری کی جائے کہ چند سالوں میں کروڑوں روپوں کی جائیداد کیسے بنائی گئی ہے۔شریف لوگوں کو دھوکہ دے کر سونا،زیورات،جانور ہتھیا لیتے ہیں اگر کوئی واپسی مانگ لے تو فوراً اپنی عورتوں کے کپڑے پھاڑ کر پولیس کیس بنانا ان کا وطیرا بن چکا ہے۔اور جعلی پیری مریدی، علاج معالجہ کی آڑ میں نہ صرف فحاشی کے اڈے چلائے جارہے ہیں بلکہ دم درودکروانے کے لیے آنے والی حوا کی بیٹیوں کی عزتوں کو نوچ لیا جاتا ہے۔ نئی نسل کو فحاشی کے اڈوں پر لے جاکر منشیات جیسی لعنت میں پروان چڑھانے میں کوئی کسر نہ اٹھا رکھی ہے اگر کوئی شریف آدمی اس پر قانونی چارہ جوئی کرتا ہے توفوراًجھوٹا پولیس کیس بنا لیتے ہیں۔ریلی میں شریک معززین علاقہ نے وزیر اعلیٰ پنجاب،،آئی جی پنجاب اورڈی پی او قصورسے پرزور اپیل کی کہ جعلی پیری کی آڑمیں فحاشی کے اڈوں اورمنشیات کے دھندے کو بند کروا کر ہماری نئی نسل کوتباہ ہونے سے بچایا جائے