Author: غنی محمود قصوری

قصور
ڈپٹی کمشنر آسیہ گل کی ہدایت پر کرونا ایس او پیز پر عملدرآمد کروانے کے لئے اسسٹنٹ کمشنرز کی کاروائیاں جاری،گزشتہ شام کئی دکانیں سیل کر دی گئیں

تفصیلات کے مطابق کرونا وباء سے بچاؤ کی خاطر ڈپٹی کمشنر قصور آسیہ گل کی خصوصی ہدایت پر اسسٹنٹ کمشنرز نے کاروائیاں کرتے ہوئے ایس او پیز کی خلاف ورزی پر دکانوں کو سیل کر دیا گزشتہ شام تحصیل چونیاں میں 18 جبکہ تحصیل پتوکی میں 10 دکانوں کو سیل کیا گیا ہے
ڈپٹی کمشنر قصور آسیہ گل نے چاروں تحصیلوں کے اسسٹنٹ کمشنرز کو خصوصی ہدایات جاری کیں ہیں کہ ایس او پیز پر عملدرآمد یقینی بنایا جائے اور خلاف ورزی کرنے والے دکانداروں کے خلاف کاروائی کی جائے تاکہ کرونا وباء سے بچا جا سکے نیز لوگ گھروں سے غیر ضرروی نا نکلے اور انتہائی ضرورت کے وقت گھر سے نکلتے ہوئے ماسک کا استعمال یقینی بنائیں

قصور
بے حسی کی انتہاہ ہو گئی،معمر مریض کو ہسپتال سے نکال کر پارک کے گیٹ پر لاورث کرکے رکھ دیا
تفصیلات کے مطابق کل شام سے پہلے
ایک اڈھیرعمر مریض کو نامعلوم لوگ قصور گارڈن امعروف اسٹیل باغ پارک کے مغربی گیٹ پر پھینک کر فرار ہو گئے جبکہ مریض نیم بےہوشی کی حالت میں ہے کچھ بتانے سے قاصر ہے جبکہ
مریض کے نیچے گورنمنٹ آف پنجاب کے نام کی چادر بچھی ہوئی ہے جس سے ایسا محسوس ہوتا ہے کہ جیسے ڈی ایچ کیو ہسپتال قصور انتظامیہ ہی لاوارث سمجھ کر اسے یہاں پھینک گئی ہے
او معاملہ پر اہل علاقہ کا انتظامیہ سے فوری نوٹس لے کر کاروائی کا مطالبہ ہے

قصور یونین کونسل نمبر 10 والی گلی خالی پلاٹ میں کوڑا کرکٹ اور گندگی سے بڑا ہوا ہے کتے جانور مرے ہوئے خاکروب پلاٹ میں پھینک کر روزانہ چلے جاتے ہیں جس کی وجہ سے گلی یونین کونسل نمبر 10 والی گلی میں تمام لوگ بچے بوڑھے بیمار ہیں پلاٹ کی بدبو سے دیگر بیماریاں پھیل رہی ہے اور ڈینگی مچھر کی بھرمار ہے جس پر علاقے کی عوام نے میڈیا کے نمائندوں سے گفتگو کرتے ہوئے اور موقع دکھا کر اپنے خیالات کا اظہار کیا جن میں محمد جنگیر محمد بشارت محمد مقصود اعجاز حسین شاہد د وغیرہ نے مزید بتایا کئی مرتبہ بلدیہ کارپوریشن کو درخواست دی مگر کوئی کارروائی عمل میں نہ لائی علاقے کی عوام کا کہنا تھا اس پلاٹ کی چار دیواری کر پلاٹ کے مالک کو بھاری جرمانہ کیا جائے اور کاروائی عمل میں لائی جائے علاقے کی عوام نے اعلیٰ حکام سے پرزور مطالبہ کیا ہے اس پلاٹ کی صفائی کر کے چار دیواری کرائی جائے تاکہ علاقے کی عوام نہ بیمار نہ پڑھ سکے

قصور
چونیاں میں ماں اپنے چار بچوں سمیت 10 مارچ سے اغواء،ایف آئی آر درج ہونے کے باوجود کوئی سراغ نا مل سکا، عورت کو فروخت کرنے کا خدشہ،بچوں کی زندگیاں غیر محفوظ،آئی جی پنجاب سے نوٹس لینے کی اپیل

تفصیلات کے مطابق چونیاں کے رہائشی محمد زبیر ولد اکبر محلہ کرم آباد چونیاں نے نمائندہ باغی ٹی وی قصور کو بتایا کہ میں نے تھانہ سٹی چونیاں
پولیس کو درخواست دی کہ اس کا بھائی محمد اکرم ولد اکبر گونگا بہرہ ہے جو کہ چونیاں کا رہائشی ہے اور لاہور میں کام کرتا ہے اور دس سے پندراں دنوں بعد گھر آتا ہے روٹین کے مطابق جب وہ 10/4/21 بوقت صبح 8 بجے اپنے گھر چونیاں آیا تو اپنی بیوی بچوں کو غائب پایا جس کی اطلاع پولیس تھانہ سٹی چونیاں میں دی گئی جس پر مقدمہ درج کر لیا گیا مگر آج اتنے دن گزرنے کے باوجود بھی اغوا ہونے والی میری تینوں بتیجھیوں،ایک بیتجھے اور بھابھی کا کوئی سراغ نہیں مل سکا حالانکہ میری بھابھی کے پاس اس کا موبائل نمبری 03095521994 بھی تھا جو کہ بند ہے مگر اس کو ٹریس نہیں کیا گیا
زبیر نے بتایا کہ ہمیں باوثوق ذرائع سے پتہ چلا ہے کہ اغواء ہوئے ماں سکینہ اور اس کے تین بچے تیرہ سالہ عائشہ، گیارہ سالہ خدیجہ، نو سالہ شفیق اور پانچ سالہ مریم کو جعلی پیر غنضفر عباس والد حسن عباس چوک ٹالا والا چونیاں نے اغواء کیا ہے جو کہ بدقماش ہے اور میری بھابھی اور چار بچوں کو ورغلا پھسلا کر نامعلوم جگہ پر اغواء کر کے حرام کاری کی نیت سے لے گیا ہے کیونکہ اس پیر کی بابت پہلے بھی ایسی باتیں مشہور ہیں اس بابت ہمیں خدشہ ہے کہ پیر میری بھاوج سے حرام کاری کروائے گا اور بچوں کو قتل کر دے گا
شنوائی کیلئے درجنوں چکر تھانہ کے لگائے مگر بات نہیں بن رہی لہذہ آئی جی پنجاب ازخود نوٹس لیتے ہوئے ملزم کو گرفتار کرکے میری بھاوج و معصوم بتیجھیوں،بتیجھے کو بازیاب کروائیں

قصور
پتوکی میں فحش مذاق سے منع کرنے پر چھے افراد کا ڈنڈوں سوٹوں اور اسلحہ سے مسلح افراد کا عالیہ بیگم کے گھر پر دھاوا دو بیٹیاں اور شوہر زخمی کپڑے پھاڑ کر برہنہ کر دیا

تفصیلات کے مطابق پتوکی میں چند روز قبل ملزم مانا نے عالیہ بیگم کی بیٹی حسنہ بی بی کو گلی میں مذاق کیا جس پر لڑکی نے اپنے والدین کو بتایا لڑکی کے والد نے مانا کے اہل خانہ کو شکایت کی اور اسی رنجش کی بنا پر ملزمان اللہ دتہ عرف کالی ، محمد اکرم ، رمضان، ذیشان اور مانا ڈنڈوں سوٹوں اور اسلحہ سے مسلح ہو کر عالیہ بیگم کے گھر داخل ہو گئے مین گیٹ توڑ کر چادر اور چار دیواری کا تقدس پامال کرتے ہوئے گھر میں داخل ہو گئے ملزمان نے حسناں بی بی اور اس کی بہن کوثر پروین کو تشدد کا نشانہ بنایا اور کپڑے پھاڑ کر نیم برہنہ کر دیا ملزمان سنگین نتائج کی دھمکیاں دیتے اور اسلحہ لہراتے ہوئے فرار ہوگئے ملزمان نے عالیہ بیگم کے شوہر مشتاق احمد کو بھی تشدد کا نشانہ بنایا تھانہ سٹی پولیس پتوکی نے عالیہ بیگم کی تحریری درخواست پر اللہ دتہ عرف کالی سمیت پانچ ملزمان کے خلاف مقدمہ درج کر لیا ہے

قصور
چونیاں تحصیل کونسل انتظامیہ نے خدمت آپ کی دہلیز اسپیشل ہفتہ صفائی کی دھجیاں اڑا دیں

تفصیلات کے مطابق چونیاں انتظامیہ نے حکومتی حکم کھوہ کھاتے ڈالتے ہوے تحصیل کونسل نے کام نا کرنے کی قسم کھا لی اور کہا کہ خدمت آپ کی دہلیز کے پاس بھی نہیں پھٹکے گی ہاتھی کے دانت دکھانے کے اور ہیں اورکھانے کے اور ہیں خدمت آپ کی دہلیز سے میلوں دور رہے گی اسپیشل ہفتہ صفائی کی دھجیاں اڑا دی گئی ہیں تحصیل کونسل چیف آفیسر نے آنکھیں بند کر لی اور کاغزوں میں سب اچھا کی رپورٹ دے کر تحصیل کونسل کے علاقوں میں صفائی کروانا گوارہ نہیں کرتے علاقے میں گندگی کے پڑے ڈھیر اور ان سے تغن پھیل رہا ہے اور گندگی سے پیدا ہونے والی مکھیوں سے لوگ پیٹ کی بیماریوں میں مبتلا ہونے لگے پیچس اور قے متلی عام ہو گیا اور اس گندگی سے پھلنے والی بیماریوں کی وجہ سے زیادہ تر معصوم بچے شکار ہو رہے ہیں اور حکومت پنجاب نے علاقوں میں صفائی ستھرائی کے لیے اسپیشل ہفتہ صفائی پروگرام چلانے کا حکم نامہ جاری کیا ہوا ہے مگر اس کے برعکس تحصیل کونسل چیف آفیسر تحصیل کونسل آنکھوں پر پٹی باند کر خاموش ہے اور علاقائی عوام کو سہولیات دینے سے گریزاں ہے متعدد بار تحصیل کونسل کے علاقوں میں پڑی گندگی کے ڈھیروں کی نشاندھی کرنے پر انتظامیہ ٹس سے مس نہیں ہوے وزیر اعلی پنجاب کمشنر لاہور ڈی سی قصور سے علاقائی لوگوں کا مطالبہ ہے کہ تحصیل کونسل انتظامیہ کی انکوائری کروا کر قانون کے مطابق سزا دی جاے اور روزانہ کی بنیاد پر علاقے میں صفائی کے عمل کو یقینی بنایا جائے

قصور
پورا ایک ماہ قبل دن کی روشنی میں عین وسط شہر قصور میں ہوئی واردات کی سی سی ٹی وی فوٹیج ہونے کے باوجود بھی پولیس ملزم گرفتار کرنے سے قاصر ،متاثرہ شحض کی ڈی پی او قصور سے نوٹس لینے کی اپیل

تفصیلات کے مطابق قصور تھانہ سٹی اے ڈویژن کی حدود بمقام مسجد بلال بالمقابل اردو بازار نزد چوک ماتماں والا میں 28 مارچ کو دن 5 بجے شہری رکشہ ڈرائیور سلمان عرف کالی ذات کمبوہ سے اسلحہ کے زور پر پیدل ڈاکوؤں نے مبلغ 6000 روپیہ اور قیمتی اینڈرائڈ موبائل فون چھین لیا تھا جس پر 15 فائیو پر کال کرنے پر پولیس موقع پر پہنچی اور ملزمان کی گرفتاری کی یقین دہانی کروائی مگر واقعہ کی سی سی ٹی وی فوٹیج تک حاصل نا کی گئی جس پر اگلے روز متاثرہ شحض جائے وقوعہ پر پہنچا تو دیکھا کہ وقوعہ سے پانچ مکان آگے سی سی ٹی وی کیمرے لگے ہیں جن کے مالکان سے استدعا کی گئی تو انہوں نے سی سی ٹی وی فوٹیج ریکارڈ کر دی جو کہ تھانہ سٹی اے ڈویژن کو دی گئی مگر ابھی تک ڈاکو کا چہرہ واضع ہونے کے باوجود پولیس ڈاکو کو پکڑنے سے گریزاں ہے حالانکہ ڈاکو کی پہچان بلکل واضع ہے اور متاثرہ شحض کے مطابق اسی نے مجھ سے واردات کی ہے
جبکہ ڈاکو سی سی ٹی وی کیمرے دیکھ کر اپنا چہرہ چھپا رہا ہے جس سے ثابت ہوتا ہے کہ ڈاکو قریبی رہائشی ہے حالانکہ اس واقعہ کی ایف آئی آر بھی درج ہو چکی ہے مگر پولیس کی سستی تشویشناک ہے
متاثرہ شحض و شہریوں نے ڈی پی او قصور سے نوٹس لے کر فوری کاروائی کا مطالبہ کیا ہے

قصور
پرائس کنٹرول مجسٹریٹ و ضلع انتظامیہ متحرک ہو گئی
تفصیلات کے مطابق قصور میں یکم اپریل سے لیکر ابتک 38 پرائس کنٹرول مجسٹریٹس نے ضلع بھر میں 7354دوکانوں کو چیک کیا ہے جن میں 505 دوکانداروں کو خلاف ورزی کرنے پر موقع پر 6 لاکھ 34 ہزار200 روپے جرمانہ کیا گیا جبکہ 80 دوکانداروں کیخلاف آئی آرز درج کروائی گئیں ہیں
جبکہ حکام کا کہنا ہے کہ ضلع میں چینی کی فروخت 85 روپے فی کلو،آٹا 20 کلو تھیلا 860 روپے میں فروخت یقینی بنائی جا رہی ہے ناجائز منافع خوروں اور ذخیرہ اندوزوں کے خلاف سخت قانونی کاروائی عمل میں لائی جا رہی ہے

شہزاد ملک سمائل نیوز قصور

قصور
چونیاں تحصیل بھر میں سرکاری ریٹ پر چینی کی فروخت ناکام عوام رل گئے انتظامیہ خاموش تماشائی گلی محلوں اور دیہات میں چھوٹے دکاندار سو روپے کلو چینی فروخت کر رہے ہیں وزیر اعلیٰ سے نوٹس لینے کا مطالبہ

تفصیلات کے مطابق تحصیل چونیاں سیکڑوں دیہات میں چینی کی سرکاری نرخ نامے کے مطابق فروخت کو یقینی نہ بنایا جا سکا شہروں میں چند ایک بڑے دکانداروں کے سوا ہر جگہ چینی سو روپے کلو فروخت ہو رہی ہے احترام رمضان آرڈنینس کی دھجیاں بکھیری جا رہی ہیں تندرست افراد سر عام چائے اور سگریٹ نوشی کر رہے ہیں اکثر ہوٹل والوں نے فرنٹ میں شامیانے لگا کر اپنا کاروبار کر رہے ہیں اور روزہ خور ہوٹلوں میں کھانا کھا رہے ہیں تحصیل انتظامیہ صرف فوٹو سیشن تک محدود ہے اکثر دکاندار چینی سو روپے اور دال چنا اور سفید چنا گورنمنٹ کے ریٹ سے مہنگے داموں فروخت کر رہے ہیں رمضان المبارک میں مقرر کئے جانے والے پرائس کنٹرول مجسٹریٹ غفلت کی نیند سوئے ہوئے ہیں مقامی شہریوں نے وزیراعظم عمران خان اور وزیر اعلیٰ پنجاب سے مطالبہ کیا ہے کہ اگر آپ عوام کو ریلیف نہیں فراہم کر سکتے تو آپ کو حکومت کرنے کا کوئی حق نہیں ہے فی الفور مستعفی ہو جائیں

قصور
قصور کے قریبی گاؤں جوڑا نزد نور پور نہر میں محمکمہ واپڈا کی نااہلی سے بااثر شحض نے گاؤں کی 11 Kv لائن بجلی کاٹ دی،ماہ رمضان میں آدھے سے زیادہ گاؤں بجلی سے محروم ہو گیا،چوبیس گھنٹے گزرنے کے باوجود واپڈہ حکام بجلی کی بحالی نا کر سکے ،متاثرین کی ڈی سی قصور و وزیراعلی پنجاب سے نوٹس کی اپیل

تفصیلات کے مطابق قصور کے قریبی گاؤں جوڑا نزد نور پور نہر کے آدھے گاؤں میں کل دوپہر 1 بجے سے بجلی نہیں ہے جس کی وجہ اسی گاؤں کے ثناءاللہ سیال نامی شخص نے با اثر افراد کی شہہ پر گاؤں کے آدھے حصے کو بجلی فراہم کرنے والی 11kv کی سپلائی لائن کاٹ دی ہے جو کہ عرصہ دراز سے اس کے گھر کے اوپر سے گزر رہی تھی
کل دوپہر سے اب تک گاؤں جوڑا کے لوگ گرمی میں ذلیل و خوار ہو رہے ہیں
گاؤں کے متاثرہ افراد کا کہنا ہے کہ ڈی سی قصور و وزیراعلی پنجاب مہربانی کرکے جلد از جلد نوٹس لے کر غنڈہ عناصر کے خلاف کارروائی کرکے ان کے خلاف سرکاری تنصیبات کو نقصان پہنچانے اور عوام کو تنگ کرنے پر نشان عبرت بنایا جائے جبکہ واپڈہ حکام کو اطلاع دینے پر ابھی تک کوئی کاروائی عمل میں نہیں لائی گئی