Author: غنی محمود قصوری

قصور
محکمہ صحت کی بجائے ٹی ایم اے کو آوارہ کتے مارنے کا اختیار دینے سے کتوں کی بہتات،کتے روزانہ شہریوں کو کاٹنے لگے،ہسپتال میں ویکسین نایاب
تفصیلات کے مطابق چند سال قبل تک آوارہ کتے محکمہ صحت کی ٹیمیں مارا کرتی تھیں مگر اب محکمہ صحت کی بجائے ٹی ایم اے کو آوارہ کتے مارنے کی ذمہ داری سونپی گئی ہے
جو ٹی ایم اے بند گٹر نہیں کھول سکتا وہ آوارہ کتے کیا خاک مارے گا
قصور میونسیپل کارپوریشن کی نا اہلی سے شہر و گردونواح میں جگہ جگہ آوارہ و باؤلے کتوں کا راج ہو گیا ہے اور روزانہ کتے لوگوں کو کاٹ رہے ہیں
مجبور ہو کر لوگ ڈسٹرکٹ ہیڈ کوارٹرز ہسپتال جاتے ہیں تو ان کو ویکسین نا ہونے کا عندیہ سنا دیا جاتا ہے ہسپتال ملازمین کا کہنا ہے کہ ہمارے پاس روزانہ 20 بندوں کو لگانے کی ویکسین ہوتی ہے جو کہ ناکافی ہے جس پر لوگ مجبوری کے باعث ذاتی طور پر ویکسین میڈیکل سٹور سے خرید کر لگواتے ہیں
شہریوں نے میونسیپل قصور کی نااہلی کے خلاف ڈی سی قصور سے کاروائی کا مطالبہ کیا ہے

قصور، بے دستور ڈاکوؤں بےلگام پولیس ناکام وارداتیں عروج پر شہری پریشان۔منڈی عثمان والا پولیس ملزمان کو پکڑنے کی بجائے سادہ لوح شہریوں پر چڑھ دوڑی,قصور منڈی عثمان والا پولیس نے پرائیویٹ ٹارچر سیل قائم کیا ہوا ہے جہاں بے گناہ لوگوں کو تشدد کا نشانہ بنایا جاتا ہے ذرائع کے مطابق ریاست ٹڈھی نامی اے ایس آئی، ریاض اور دو کس اہلکاروں نے گزشتہ روز نواحی گاؤں پیال خورد سے تقریبا رات نو بجے ایک چائے اور سنوکر والی دوکان سے دو نوجوان گرفتار کیے جن میں ایک ہدایت نامی جبکہ دوسرے کا نام شہباز بتایا جاتا ہے ہدایت کو مزاحمت کرنے پر وہاں چھوڑ دیا گیا جبکہ شہباز کو پولیس اپنے ساتھ لے گئی

تھانے میں نا اس کو کسی سے ملنے دیا گیا نہ ہی بتایا گیا کہ کیوں اسے وہاں لایا گیا جبکہ ایس ایچ او رائے سعدی یہی کہتا رہا کہ میرے نوٹس میں نہیں ہے ذرائع کے مطابق شہباز کو کسی پرائیویٹ مکان میں رکھا گیا اور رات بھر سردی میں تشدد کیا گیا دو روز بعد جب گھر والوں سے بات نا ہوئی تو بات فساد بنتی نظر آئی تو موصوف نے مقامی صحافیوں اور سیاستدانوں کے اسرار پر لڑکے کو چھوڑ دیا متاثرہ شہباز کے انکشافات کیے کہ مجھے تشدد کرتے ہوئے ریاست اے ایس آئی ریاض اور دو کس اہلکار کہتے تھے کہ مہالم خورد اور گوہڑ جاگیر والی دونوں ڈکیتی کی وارداتوں کا اعتراف کرلے ورنہ انجام برا ہوگا جبکہ شہباز کا کوئی سابقہ کریمنل ریکارڈ نا ہے اور شریف شہری ہے ڈی پی او قصور نوٹس لیکر انصاف مہیا کریں

قصور الہ آباد میں بد کردار خواتین کے ساتھ مل کر زنا بالجبر کے جھوٹے مقدمات درج کروانے والا گروہ متحرک ہو گیا،نوجوان لڑکیوں کے ذریعے موبائل فون پر مختلف لوگوں سے رابطہ کروا کر جھوٹا وقوعہ بنایا جاتا ہے اور مقدمات درج کروانے کے بعد بلیک میل کیا جاتا ہے

تفصیلات کے مطابق الہ آباد سمیت ضلع قصور کے مختلف تھانوں میں زنا بالجبر کے جھوٹے مقدمات کا اندراج معمول بن چکا ہے ضلع بھر میں ایسے کئی گروہ متحرک ہیں جنہوں نے کئی کئی بد کردار نوجوان لڑکیاں رکھی ہوئی ہیں اور ان کے ذریعے موبائل فون پر مختلف لوگوں سے رابط کروا کر پھنسایا جاتاہے اور بعد میں جھوٹا وقوعہ بنا کر مقدمات درج کروائے جاتے ہیں اور لوگوں کو بلیک میل کر کے لاکھوں روپے کی دیہاڑیاں لگائی جاتی ہیں کئی خاندان ان گروہوں سے لٹ چکے ہیں

مقامی شہریوں نے ڈی آئی جی شیچوپورہ رینج اور ڈی پی او قصور سے مطالبہ کیا ہے کہ ایسے گروہوں کا محاسبہ کیا جائے اور موبائل فون پر لوگوں کو پھنسا کر رضامندی سے زنا کروانے والی بد کردار خواتین اور ان کے ساتھیوں کو بھی ملزمان ساتھ جیل بھیجا جائے

قصور ، تھانہ صدر کا ارشاد اے ایس آئی جو کہ اب تھانہ مصطفی آباد میں ڈیوٹی سر انجام دے رہا ہے دیدہ دلیری سے رشوت خوری کرنے لگا، اختیارات کا ناجائز استعمال کرکے شہریوں سے سرعام رشوت لینے کی دھمکیاں رشوت نہ دینے پر جھوٹی ایف آئی آر درج کرنے کی دھمکیاں، اہل علاقہ کاآئی جی پنجاب، ڈی پی او قصور عمران کشور سے سے نوٹس لے کر کاروائی کا مطالبہ

تفصیلات کے مطابق موجودہ حکومت آئے روز پولیس اصلاحات کے نام پر کروڑوں روپے خرچ کرکے پولیس آفسران واہلکاران کا عوام کے رویہ مثبت بنانے اور رشوت خوری ختم کرنے پر کام کررہی ہے تاکہ اس محکمے سے رشوت خوری کا مکمل طور پر خاتمہ ممکن بنایاجاسکے اور پولیس کا عوام کا ساتھ رویہ بہتربنانے عوام کا اعتماد بحال کیاجاسکے لیکن حکومت کی لاکھ کوششوں کے باوجود محکمہ پنجاب پولیس میں موجود کالی بھیڑیں حکومتی اقدامات کے راہ میں رکاوٹیں حائل کررہے ہیں،

قصور میں واقع تھانہ صدر سے تبدیل ہوکے تھانہ مصطفی آباد للیانی میں تعینات ارشاد نامی اے ایس آئی نے اہل علاقہ کا جینا حرام کررکھا ہے شہریوں کا کہنا ہے کہ آئے روز مختلف وارداتوں میں ملوث ملزمان سے رشوت لے کر بغیر کسی ایف آئی آر کے ملزمان کو باعزت طریقہ سے اسپورٹ کی جاتی ہے اور اُن سے منہ مانگی رشوت طلب کرتاہے جب تک اے ایس آئی کی جیب گرم نہیں ہوتی اُس وقت تک شہری کو جانے کی اجازت نہیں دی جاتی اور اگر وہ شہری رشوت کے پیسے دینے سے انکار کردے تو اُس کے خلاف جھوٹی ایف آئی آر درج کرنے کی دھمکی دی جاتی ہے جبکہ ہم مزدور طبقہ لوگ ہیں اور بڑی مشکل سے محنت مزدوری کرکے اپنے بیوی بچوں کا پیٹ پال رہے ہیں، اوپر سے ارشاد اے ایس آئی جان بوجھ کر ہماری دن بھر کی کمائی ہڑپ کرلیتاہے،اگر منت سماجت کریں تو اپنے اختیارات کا ناجائز استعمال کرکے ہمیں حوالات میں بند کرنے کی دھمکیاں دی جاتی ہے،

اہل علاقہ کا آئی جی پنجاب، ڈی پی او قصور سے نوٹس لے کر ارشاد اے ایس آئی کے خلاف ناجائزاختیارات استعمال کرنے پر اور رشوت خوری لینے پر محکمہ کارروائی کرنے کا مطالبہ کیا ہے

قصور میں فن دیہاڑے واردات ،ڈاکو کیمرے لگے ہونے کے بوجود کاروں کو لوٹ کر فرار ہو گئے
تفصیلات کے مطابق آج صبح 12:50 منٹ پر عمر ولد لیاقت علی سکنہ بھگوان پورہ لاہور اپنی فیملی کے ساتھ گول چکر شہباز خان روڈ قصور کے قریب سے گزر رہا تھا کہ اس کے پیچھے سے آنے والے 3 ڈاکو سوار سی جی 125 نے انہیں روکا اور ان سے نقدی بیس ہزار روپیہ اور 13 تولہ سونا لوٹا اور فائرنگ کرتے ہوئے فرار ہو گئے ۔
پولیس کی بھاری نفری موقع پر پہنچ گئی ہے

قصور
انتظامیہ کی غفلت یا معاشرے کی بے حسی ،ایک اور حوا کی بیٹی سے جنسی زیادتی

تفصیلات کے مطابق قصور میں جنسی جرائم کا سلسلہ نا رکا لوگ پریشان ہیں کہ یہ انتظامیہ کی غفلت ہے یا معاشرے کی بے حسی قصور میں ایک اور حوا کی بیٹی کو درندگی کا نشانہ بنا دیا گیا ہے واقعہ گاؤں بھگوان پورہ میں کھڈیاں میں پیش آیا جہاں اے ایس آئی نے شادی شدہ خاتون سے جبراً جنسی زیادتی کی
شاہین بی بی اہل خانہ کے ساتھ رات کو گھر میں سوئی ھوئی تھی کہ اے ایس آئی رشید احمد نے گھر میں گھس کر اسے زیادتی کا نشانہ بنا دیا
جس پر اہل خانہ کی طرف سے ایف آئی آر درج کروا دی گئی ہے
معاملے کا نوٹس لیتے ہوئے ڈی پی او قصور عمران کشور کے حکم پر اے ایس آئی کے خلاف مقدمہ درج کرکے اسے گرفتار کر لیا گیا ہے
واضع رہے کہ ملزم رشید احمد اے ایس آئی تھانہ کھڈیاں میں ہی تعینات تھا اور اب درخواست بھی تھانہ کھڈیاں خاص میں ہی دی گئی ہے

قصور
اہم سیاسی و سماجی راہنما کی وفات،لوگوں کا اظہار تعزیت
تفصیلات کے مطابق پی پی 160قصور کے سینئر رہنما رانا اعجاز احمد خاں کے بڑے بھائی اور بھٹی آرگنائزیشن ڈسٹرکٹ قصور کے صدر رانا عدنان بوبی خاں کے ماموں
رانا پرویز احمد خاں اچانک ہارٹ اٹیک ہونے سے اپنے خالق حقیقی سے جا ملے
لوگوں نے بتایا کہ رانا پرویز احمد خاں مرحوم لوگوں سے ہمیشہ پیار محبت اور شفقت سے پیش آتے تھے غریبوں کا ہمیشہ احساس کرتے اور اور ان کی مدد کرتے رانا پرویز احمد خاں کی وفات پر راجہ جنگ پریس کلب ،انجمن تاجران راجہ جنگ ،ڈسٹرکٹ پریس کلب قصور ۔ڈسٹرکٹ پریس کلب لاہور ،این اے 122 ،پی پی 160، پی پی 182، پی پی 183 کی تمام سیاسی و سماجی شخصیات نے گہرے دکھ کا اظہار کیا اور مرحوم کے لیے مغفرت کی دعا کی

قصور
پانچ ماہ قبل ڈی ایچ کیو ہسپتال قصور سے بچہ اغواء کرنے والی خاتون ضمانت کینسل ہونے پر کل کمرہ عدالت سے بھاگ گئی
تفصیلات کے مطابق 30 اگست 2020 کو ملزمہ شاہدہ بی بی نے ڈی ایچ کیو ہسپتال قصور سے عبدالرحمن کا ایک دن کا نومود بچہ اغواء کیا تھا جس پر اس نے گرفتار ہونے سے ابتک پانچویں مرتبہ عبوری ضمانت کروا رکھی تھی جس کی
کل جج عمران شیخ صاحب کی عدالت میں پیشی تھی جج نے کل اس کی ضمانت کینسل کرکے جیل بیجھنے کے احکامات جاری کئے مگر مکار عورت کمال ہوشیاری سے کمرہ عدالت سے بھاگ گئی
کل شام نمائندہ باغی ٹی وی سے گفتگو کرتے ہوئے بچے کے والدین نے کہا کہ ہمارے ساتھ انصاف نہیں ہو رہا قصور پولیس جلد سے جلد ملزمہ کو گرفتار کرے نیز ڈی ایس پی انویسٹیگیشن و ایس پی انویسٹیگیشن قصور نے بھی شاہدہ بی بی کو مجرم ٹھہرایا ہے کیس کی پیروی کرنے والے وکیل میاں محمد اسلم ایڈووکیٹ ہائی کورٹ نے نمائندہ باغی ٹی وی کو بتایا کہ کیس پولیس کی طرف سے خراب کیا گیا ہے اس ملزمہ پر 364 اے اور 780 اے لگنی تھی جو کہ نان بیل ایبل ہے تاہم پولیس نے کیس خراب کرنے کیلئے ملزمہ پر دفعہ 363 لگائی ہے جس کی باعث عدالت اسے عبوری ضمانت دیتی رہی ہے نیز ان کا کہنا ہے کہ یہ عورت ضلعی جھنگ کی رہائشی ہے مگر اس وقت گاؤں دفتوہ قصور میں رہائش پذیر ہے اس پر پہلے بھی 7 نومبر 2019 کو ایسا ہی ایک بچہ اغواء کرنے کا مقدمہ ہے
بچے کے والدین و اہل علاقہ نے ڈی پی او قصور سے مطالبہ کیا ہے کہ شاہدہ بی بی کو جلد سے گرفتار کرکے قانون کے کٹہرے میں لایا جائے

قصور
شہر میں قبرستان پر قبضہ کرنے وال گروپ متحرک،لوگوں نے اعلی حکام سے داد رسی کی اپیل کر دی
تفصیلات کے مطابق منیر شہید کالونی دربار حضرت بابا سخی سلطان شاہ قبرستان کی 6 کنال 1مرلہ اور 193فٹ جگہ جس کی سابقہ ڈپٹی کمشنر عبدالجبار شاہین نے اہل علاقہ کی فرمائش پر چار دیواری کرکے اس جگہ کو قبرستان کیلئے مختص کر دیا،جس کے اطراف میں راستے بھی ہیں اور یہ چاردیواری سابقہ ڈپٹی کمشنر نے سرکاری اخراجات سے مکمل کروائی،تاکہ کسی اہل محلہ پر اخراجات کا بوجھ نہ پڑے،چاردیواری کروانے کا مقصد عبدالجبار شاہین کی تعیناتی کے دوران قبرستان کی 2 کنال جگہ پر علاقے کا با اثر اس وقت کے رجسٹری محرر فاروق انصاری قبضہ کرنا چاہتا تھا جو اپنی کرپشن کی وجہ سے برطرف ہو چکا ہے جسے روکنے کیلئے ڈپٹی کمشنر قصور عبدالجار شاہین نے سرکاری اخراجات سے قبرستان کی مکمل جگہ 6 کنال1 مرلہ اور 193 فٹ پر چاردیواری کروا دی تھی

فتح محمد ولد حمید خاں ذات پٹھان نے اپنا رقبہ خسرہ نمبران۔6142،6143ک و دربار و قبرستان کیلئے سال1980میں ہائی کورٹ میں دعویٰ دائر کرے مختص کر دیا تھا،مگر کرپشن کا شہنشاہ فاروق رجسٹری محرر کے منہ سے قبرستان کی دوکنال اراضی کو دیکھ کر رال ٹپک رہی تھی جس نے عبدالجبار شاہین کی ٹرانسفر کے بعد سابقہ رجسٹریوں میں بڑے پیمانے پر ہیرا پھیری کرکے اور اپنے اختیارات کو غیر قانونی استعمال کرتے ہوئے قبرستان کی جگہ میں سے دوکنال جگہ کی جعلی رجسٹری اپنی ساس کے نام منتقل کروالی اور دو سال تک خاموشی اختیار کر لی تاکہ اہل علاقہ سابقہ قبضے کو بھول جائیں، سال 2019 میں ایک مرتبہ پھر سے اس نے قبرستان میں من مرضی کرتے ہوئے سیمنٹ کے پلرز لگا کر اس میں سیمنٹ کی ٹائلیں لگوانا شروع کر دیں جسے اہل علاقہ نے مداخلت کرکے رکوا دیا،مگر رات کی تاریکی کا فائدہ اٹھاتے ہوئے اس نے تقریباََ 4 فٹ تک سیمنٹ کی ٹائلیں کھڑی کر لیں،جس پر تحفظ قبرستان کمیٹی کے ممبران شیخ سجاد ایڈووکیٹ،حکیم شبیر مغل اور دیگر نے عدالت سے سٹے آڈر لے کر کام رکوا دیا،مگر با اثر معطل شدہ رجسٹری محرر نے اپنے غنڈوں اور حواریوں کی مدد سے گزشتہ روز رات کی تاریکی اور دھند کا فائدہ اٹھاتے ہوئے قبرستان کی دیوار گرا کر ایک 20 فٹ کا لوہے گا گیٹ لگوا دیا اور صبح جب علاقے کے لوگوں نے دیکھا تو انہوں نے 15 پر کال کردی جس پر تھانہ اے ڈویژن سے پولیس کی نفری جائے وقوعہ پر پہنچی،اورعلاقہ کے معززین اور قبضہ مافیا کو تھانے میں بلا کر تمام کام فوری طور پر روکنے کی ہدایات جاری کی،جب تک تحصیلدار اور اسسٹنٹ کمشنر اس واقعہ کی انکوائری کرکے فیصلہ نہ کریں تب کسی قسم کا کوئی تعمیراتی کام نہ کیا جائے،اہل علاقہ ارشد گورا ایڈووکیٹ، نجم الثاقب،محمد صابر،ڈاکٹر ندیم اسلم،میاں معصوم،غلام دستگیر،محمد آصف اقبال،محمد محسن اقبال،جہانزیب و دیگر نے ڈپٹی کمشنر قصور،اسسٹنٹ کمشنر قصور،محکمہ ریونیو اور تحصیلدار سے مطالبہ کیا ہے کہ متعلقہ قبرستان کو قبضہ مافیا سے واگزار کرواکے ان کے خلاف کارروائی عمل میں لائی جائے