Author: غنی محمود قصوری

قصور
سوئی گیس کا پریشر نا ہونے کے باعث شہری گیس کیلئے کمپریسر کا استعمال کرنے لگے جس سے حادثات کا خدشہ ہے،گورنمنٹ گیس کا پریشر پورا کرے تاکہ کمپریسر لگانے کی ضرورت نا پڑے
تفصیلات کے مطابق قصور میں سوئی گیس کا پریشر انتہائی کم ہے جسے پورا کرنے کیلئے شہری فریج کمپریسر کا استعمال کر رہے ہیں جس کے باعث کمپریسر نا استعمال کرنے والوں کو گیس کا پریشر مذید کم مل رہا ہے حالانکہ کہ سوئی نادرن گیس کی طرف سے کمپریسر لگانے پر پابندی ہے اور کنکشن کاٹ کر قانونی کاروائی کرنے کا حکم نامہ بھی جاری کیا گیا ہے تاہم صادفین کا کہنا ہے کہ گورنمنٹ گیس کا پریشر پورا کرے تاکہ ہمیں کمپریسر لگانے کی ضرورت ہی نا پڑے گورنمنٹ انڈسٹری کو گیس دے رہی ہے اور صارفین کو کم پریشر کے باعث کمپریسر لگانے پر مجبور کیا جا رہا ہے

قصور
قصور کی رہائشی سونیا بی بی نے چیف جسٹس آف پاکستان وزیراعظم پاکستان وزیر اعلی پنجاب اور ڈی پی او قصور عمران کشور سے انصاف لینے کے لیے نوٹس کا مطالبہ کر دیا
تفصیلات کے مطابق قصور میں ایک اور حوا کی بیٹی بنی اپنوں کے ظلم کا شکار نا زمین پھٹی نہ آسمان
اپنے ہی شوہر نے روپے لے کر کوٹھی خانے ٹھوکر نیاز بیگ لاہور میں فروخت کر ڈالا جہاں پر نہ جانے کتنے لوگ اس کے ساتھ اجتماعی زیادتی کرتے رہے اور اپنی ہوس کا نشانہ بناتے رہے بستی شدرہ قصور کی رہائشی سونیا بی بی کا شوہر اللہ دتہ مسیع جس نے اپنے ہی رشتہ داروں کے ساتھ مل کر اپنی بیوی سونیا بی بی اور چار سالہ بیٹی شیرل کو اغوا کروایا
معصوم بچی کے سامنے ہی ماں زیادتی کا نشانہ بنتی رہی سونیا بی بی نے تقریبا ڈیڑھ سے دو ماہ پہلے کی درخواست تھانہ بی ڈویژن میں دے رکھی ہے پر پولس نے کوئی کارروائی نہ کی ہے سونیا بی بی لوگوں کی ہوس کا نشانہ بنتی رہی پر شوہر نے ظلم کی انتہا کردی ثبوت کے طور پر سونیا کے پاس لاہور ٹھوکر نیاز بیگ والی نائیکہ کی تمام واٹس ایپ وائس میسج ریکارڈنگ موجود ہونے کے باوجود بھی پولیس ملزمان کو گرفتار نا کرسکی بلکہ ملزمان سے روپے لے کر ان کی پشت پناہی کرنے لگے انصاف لینے کے لیے سونیا بی بی نے عدالت سے رجوع کرلیا اور پٹیشن دائر کردی آخر کب تک ہوا کی بیٹیاں ظلم برداشت کرتی رہے گی اور درندوں کی ہوس کا نشانہ بنتی رہے گی سونیا بی بی نے چیف جسٹس آف پاکستان وزیراعظم پاکستان وزیر اعلی پنجاب ڈی پی او قصور عمران کشور اور تمام افسران بالا سے نوٹس اور ملزمان کے خلاف سخت قانونی کارروائی کرنے کا مطالبہ کیا ہے

قصور
چونیاں علاقے سے جرائم کا قلع قمع کرنا اولین ترجیح ہے۔منشیات فروشوں اور چور وں،ڈاکوؤں کے دن گنے جا چکے ہیں۔ تھانہ سٹی چونیاں کی حدود میں منشیات فروشوں کے گرد گھیرا تنگ کردیں گے۔معاشرے کے ایسے ناسوروں کا ٹھکانہ جیل ہے۔ عوام کی جان و مال کا تحفظ کے لئے تمام وسائل برؤے کار لائے جا رہے ہیں
ان خیالات کا اظہارایس ایچ او تھانہ سٹی چونیاں عمران سعید نے چونیاں کے صحافیوں سے گفتگو کرتے ہوئے کیا۔ انہوں نے کہا کہ پولیس کے جوان اپنی جان داؤپر لگاکرشہریوں کی حفاظت کو یقینی بنا رہے ہیں۔ تمام اہلکار اپنی ڈیوٹی سخت سردی میں سرانجام دے رہے ہیں۔بعض اہلکار مسلسل بیس بیس گھنٹے ڈیوٹی سرانجام دے رہے ہیں۔نفری کی کمی کے باوجود بہتر نتائج دینے کی بھرپور کوشش کر رہے ہیں۔پولیس کے جوان عوام کے خیر خواہ ہیں لوگوں کو بھی قومی مفاد اور اپنی جانوں کے تحفظ کیلئے پولیس کیساتھ تعاون کرنا چاہئے۔ حکومتی احکامات پر عملدرآمد نہ کرنیوالے شہریوں کیساتھ بالکل بھی نرمی نہیں برتی جائے گی اور ان کو جیل کی ہوا کھانی پڑسکتی ہے۔گھروں پر رہ ہی کرونا وائرس سے محفوظ رہا جا سکتا ہے۔ انتہائی مجبوری کی حالت میں ہی گھروں سے نکلیں۔ سماجی فاصلہ بڑھا کر ہی کرونا وائرس کا خاتمہ کر کے انسانی جانوں کو بچایا جا سکتا ہے

قصور میں کر سمس ڈے کے مو قع پرفول پروف سکیورٹی انتظامات مکمل کرکے سکیورٹی پلان جاری کردیا گیا ہے ،ڈی پی اوقصور

تفصیلات کے مطابق قصور پولیس نے کرسمس کے موقع پرسکیورٹی کے فول پروف انتظامات مکمل کرکے سکیورٹی پلان جاری کردیاہے،ضلع بھر میں1100سے زائد پولیس افسران و اہلکاران، وولنٹیرز اور پولیس قومی رضاکار ڈیوٹی سرانجام دیں گے۔تفصیلات کے مطابق ڈی پی او قصور عمران کشور نے کہا کہ ضلعی پولیس نے کرسمس ڈے کے موقع پر مسیحی برادری کے180چرچز کی فول پروف سکیو رٹی کے انتظا ما ت مکمل کر لیے ہیں ،جہاں پر02ایس پی ،05 ڈی ایس پی ،20انسپکٹر ،163اپرسپارڈیننٹ، 47ہیڈکانسٹیبل ، 700کانسٹیبل ،240پولیس قومی رضاکار اور 250کرسچن کمیونٹی سے تعلق رکھنے والے وولنٹیرز ڈیوٹی کے فرائض سرانجام دیں گے،چرچ میں داخل ہونے والے ہر شخص کی بذریعہ واک تھرو گیٹ اور میٹل ڈیٹکٹر چیکنگ کی جائےگی اسی طرح گرجا گھروں پر روف ڈیوٹی بھی لگائی گئی ہے اور اے کیٹگری کے چرچز پر سی سی ٹی وی کیمرے بھی نصب کر دئیے گئے ہیں ،سکیورٹی کے فول پروف انتظامات کو یقینی بنانے کیلئے تھانہ اور ضلعی لیول پر چرچ آرگنائزر سے میٹنگ بھی ہو چکی ہیں۔انہوں نے کہا کہ تمام سرکل آفیسر زاور ایس ایچ اوز اپنے اپنے علاقوں میں مشکوک افراد کی نقل و حرکت کی کڑی نگرانی کریں گے اورموجود ہ ملکی صورتحال کے پیش نظر گرجا گھروں کے اردگرد اور مسیحی بستیوں میں بھی سکیورٹی سخت کر دی گئی ہے ۔علا وہ ازیں با زاروں ، شا ہر اہو ں اورتفریحی مقاما ت پارکوں پر بھی سکیورٹی کے سخت انتظا ما ت کیے گئے ہیں۔ڈی پی اوقصور نے مزید کہا کہ سکیورٹی کے فول پروف انتظامات کو یقینی بنانے کیلئے تمام تر وسائل کو بروئے کارلایا جارہا ہے اور چرچز کے قریبی علاقوں میں سرچ آپریشن بھی کیے جارہے ہیں.

قصور
30 اگست کو اغواء ہونے والے نومولود کو پولیس تاحال بازیاب نا کروا سکی پکڑی جانے والی ملزمہ عدالت سے ضمانت پر ،والدین سخت پریشان
تفصیلات کے مطابق رواں سال 30 اگست کو حافظ عبدالرحمن ولد قاری حفیظ اللہ سکنہ کوٹ فتح دین کے ہاں شادی کے 20 سال بعد بیٹا پیدا ہوا جسے ڈی ایچ کیو ہسپتال کی گائنی وارڈ سے شاہدہ بی بی زوجہ خان محمد سکنہ دفتوہ نے اغواء کر لیا تھا اور اسے پولیس اور ورثاء نے تمام ثبوتوں سمیت اس کے گھر سے گرفتار کیا تھا مگر بچہ بازیاب نا ہوا تھا جس سے اپنے بیانات قلم کرواتے ہوئے شاہدہ بی بی نے بچے کو اغواء کرکے فروخت کرنے کا اعتراف کیا تھا مگر 4 ماہ گزرنے کے باوجود پولیس بچے کو بازیاب کروانے میں مکمل ناکام ہے اور شاہدہ بی بی اس وقت قصور کی مقامی عدالت سے ضمانت کروا کر 2 جنوری 2021 تک ضمانت پر ہے
بچے کے عدم بازیابی کے باعث سخت پریشان ہیں اور وزیراعظم پاکستان،وزیراعلی پنجاب اور آئی جی پنجاب سے بچے کو جلد سے جلد بازیاب کروانے کی دہائی کر رہے ہیں

قصور
الہ آباد میں بااثر افراد کا خواجہ سرا کیساتھ جنسی زیادتی کرنے کے بعد تشدد
تفصیلات کے مطابق قصور کی تحصیل چونیاں کے علاقے الہ آباد میں بااثر افراد نے خواجہ سرا سوہانا کو اغوا کرکے زیادتی کا نشانہ بنایا اور پھر اُلٹا لٹکا کر تشدد کا نشانہ بنایا ساتھ گالیاں بھی دیتے رہے
بے بس لاچار خواجہ سرا سوہانا اللہ رسول کے واسطے دیتا رہا مگر ظالموں کو ذرا بھی ترس نا آیا شدید سردی کے باوجود اس کے سارے جسم پر تشدد کیا گیا اور گھنٹوں الٹا لٹکائے رکھا
خواجہ سرا پر تشدد کے خلاف اہلیان علاقہ سراپا احتجاج ہیں اور ڈی پی او قصور عمران کشور سے اپیل کرتے ہیں کہ ملزمان کو جلد سے جلد گرفتار کرکے سزا دی جائے

قصور
شہری ذمہ داری کا مظاہرہ کرتے ہوئے ایکسائیز ٹیکسز بروقت جمع کروائیں ٹیکس نادہندگان کے خلاف سخت محکمانہ کارروائی عمل میں لائی جائے گی ایکسائز عملہ کو خوش اخلاقی سے پیش آنے کی تلقین کر رکھی ہے
تفصیلات کے مطابق ڈسٹرکٹ آفیسر ایکسائیز اینڈ ٹیکسیشن اسلم بھٹی نے صحافیوں سے خصوصی گفتگو کے دوران انہوں نے بتایا کہ محکمہ ایکسائز اینڈ ٹیکسیشن قصورکے آفیسر و ٹیم نے رواں سال دوہزار بیس میں چوبیس کروڑ ہدف میں سے تیرہ کروڑ تیہتر لاکھ روپے کی ٹیکس نادہندگان سے 57”فیصد ریکوری حاصل کرکے گورنمنٹ کے خزانے میں جمع کروادی ہے۔ اسی طرح علی اسداللہ موٹر برانچ انسپکٹر نے ٹوکن وٹیکس وغیرہ کی مد میں ہدف 28900000 میں سے 24700000روپے وصول کرکے 85/نمبر حاصل کیے جو کہ سابقہ سال سے پچتر فیصد زائد ہے۔ مزید سی ٹی او صاحبان نے مزید کام کو تیز کرنے اور 100نمبر پر کام کرنے کی تلقین کی۔ اس موقع پر انہوں نے قصور ایکسائز اینڈ ٹیکسیشن کے آفیسران کو شاباش بھی دی اور عملہ کو ہدائیت کی کہ عوامی سماجی حلقوں کے عہدیدارن سے اچھے برتاؤ اور انہیں ایکسائز کے ٹیکسز کو بروقت جمع کروانے کی بریفننگ دیں اور اخلاق سے پیش آئیں کیونکہ عوام اور ادارے کے درمیان اچھے تعلقات ہی ملک و قوم کے مفاد میں ہیں کیونکہ ٹیکسز کی ادائیگی سے ہی ملک خوشحال ہوگا۔

قصور
کھڈیاں میں کل پرانے بس سٹینڈ کے قریب فائرنگ میں ہلاک ہونے والےدو سگے بھائیوں سمیت ایک زخمی ہونے والے بھائی اور مخالفین کے مابین پرانی دشمنی تھی
تفصیلات کے مطابق کل قصور کے نواحی قصبے کھڈیاں خاص میں اندھا دھند فائرنگ کے نتیجے میں جانبحق ہونے والے دو سگے بھائیوں صابر اور مسکین جبکہ زخمی ہونے والے تیسرے بھائی کی فائرنگ کرنے والے مخالفین کیساتھ دیرینہ دشمنی تھی جبکہ ان کا چوتھا بھائی کل ڈسٹرکٹ کورٹس قصور میں پیشی پر آیا ہوا تھا جسے اپنے بھائیوں کی موت کی اطلاع کچہری میں ملی مخالفین نے آتے ہی شاٹ گن سے اندھا دھند فائرنگ کی جس کے نتیجہ میں صابر اور مسکین موقع پر ہی ہلاک ہو گئے تھے جبکہ ان کا تیسرا بھائی اور ایک راہ گیر شدید زخمی ہو گیا تھا جنہیں ہسپتال پہنچا دیا گیا تھا جہاں ان کا علاج جاری ہے

قصور
الہ آباد میں جرائم پیشہ افراد کے خلاف آپریشن جاری کئی گرفتار
تفصیلات کے مطابق تحصیل چونیاں کے تھانہ الہ آباد کی حدود سے جرائم کا خاتمہ اولین ترجیح ہے ڈی پی او قصور عمران کشور کی ہدایت پر عمل کرتے ہوئے جرائم پیشہ افراد کے خلاف گھیرا تنگ کردیا گیا ہے کسی کو بھی قانون ہاتھ میں نہیں لینے دینگے ان خیالات کا اظہار ایس ایچ او تھانہ الہ آباد سید ظہیر عالم شاہ نے روزنامہ دنیا سے گفتگو کرتے ہوئے کیا انہوں نے کہا کہ معززین علاقہ کے لیے چوبیس گھنٹے حاضر ہوں جرائم کی نشاندہی کریں فوری کارروائی عمل لائی جائے گی ٹاؤٹ مافیا کے لیے تھانہ الہ آباد کے دروازے بند ہیں میرٹ پر کام سرانجام دینا میری ڈیوٹی میں شامل ہے کسی بھی مظلوم کے ساتھ غنڈہ گردی فراڈ بازی برداشت نہیں کرونگا کوشش کرتا ہوں کہ کسی کے ساتھ ظلم نہ ہو عوام کو انصاف ملے پولیس اور میڈیا کا چولی دامن کا ساتھ ہے جرائم پیشہ افراد کو پکڑنے کے لیے ٹیمیں تشکیل دے دی ہیں جو روزانہ کی بنیاد پر کارروائی کر رہی ہیں جلد بڑے مجرم تھانہ کی حوالات میں بند ہونگے شہری پولیس کے ساتھ تعاون رکھیں نام صیغہ راز میں رہے گا

قصور
ڈی پی او قصور عمران کشور کے حکم پر قصور پولیس میں تقرر و تبادلے کر دیئے گئے

تفصیلات کے مطابق ڈی پی او قصور عمران کشور نے متعدد ایس ایچ اوز کے تقرروتبادلے کے احکامات جاری کر دئیے ہیں جن میں سب انسپکٹر راحیل خاں انچارج چوکی جمبر سے ایس ایچ او تھانہ راجہ جنگ تعینات اور سب انسپکٹر محمد امجد ڈوگر پولیس لائن سے ایس ایچ او تھانہ کوٹرادھاکشن تعینات جبکہ
سب انسپکٹر رائے سعدی ایس ایچ او منڈی تھانہ عثمانوالا انسپکٹر عمران سعید تھانہ کوٹرادھاکشن سے ایس ایچ او سٹی چونیاں اور انسپکٹر ذوالفقار حمید، سب انسپکٹر ذوالفقار احمد اور سب انسپکٹر محمد یاسر ڈسٹرکٹ پولیس لائن میں تعینات کرنے کے احکامات جاری کر دیئے گئے ہیں