قصور
تحصیل چونیاں کے تمام بڑے اور چھوٹے شہروں سمیت الہ آباد میں محکمہ مال کے پٹواریوں ،قانون گو اور تحصیل داروں نے اربوں روپے کی سرکاری زمین اور لوگوں کی ذاتی زمینوں کو بوگس انتقال کرتے ہوئے ہڑپ کر لیا ہے کئی ایکڑ سرکاری زمینوں پر دھکے سے کالونیاں بنا کر اربوں روپے اکٹھے کئے جا چکے ہیں افسران اور پٹواری سب اپنا اپنا حصہ لیکر نیب ، سپریم کورٹ کو بھی چکر دیتے ہوئے بوگس رپوٹوں کے زریعے حقائق مسخ کر رہے ہیں کوئی جرآت مند افسر بھی ان کے خلاف کاروائی کرنے کی جرات نہیں کر سکتا کیونکہ کروڑوں کا حصہ وصول کرنے کے بعد سب او کے کی رپورٹ بنا دی جاتی ہے اب قصور روڈ پر ایک بہت بڑا گھپلا ہو رہا ہے
Author: غنی محمود قصوری
-
قصور میں اربوں کے گھپلے
-
نیوز چینل کے لائسنس معطلی پرشہریوں کا
قصور
پیمرا کی طرف سے 24 نیوز ایچ ڈی کا لائسنس معطل کرنے پر شہری تشویش کا شکار،فیصلہ یک طرفہ ہے شہریوں کا ردعمل
تفصیلات کے مطابق کل کراچی میں ذوالجناح کے جلوس میں کاتب وحی سیدنا امیر معاویہ ،حضرت ابو سفیان اور یزید کی شان میں گستاخی کرتے ہوئے شرکاء جلوس نے یک زبان ہو کر لعنت طعن کی جو کہ 24 نیوز ایچ ڈی نے نشر کی اس پر کل رات پیمرا نے 24 نیوز کا لائسنس یہ کہتے ہوئے معطل کر دیا کہ یہ فرقہ واریت کو ہوا دینا ہے اس پر آج قصور میں نمائندہ باغی ٹی وی سے گفتگو کرتے ہوئے،حسان،فیصل،ساجد،عمار،طلحہ،جمشید خان،حمزہ اور دیگر نے اظہار خیال کرتے ہوئے کہا کہ پیمرا کی طرف سے 24 نیوز کا لائسنس منسوخ کرنا زیادتی ہے کیونکہ فرقہ واریت جلوس شرکاء نے کی ہے نا کہ 24 نیوز نے شہریوں کا کہنا تھا کہ جنہوں نے توہین اصحاب کی بجائے اس کے کاروائی کرنے کے گورنمنٹ میڈیا چینلز کے لائسنس منسوخ کرکے خود فرقہ واریت کو ہوا دے رہی ہے اور ایسے فیصلے انتہائی غلط ہیں لہذہ گورنمنٹ فرقہ واریت روکنا چاہتی ہے تو توہین اصحاب کرنے والوں کو قانون کے کٹہرے میں لائے نا کے چینلز کے لائسنس منسوخ کرے -
چھت گرنے سے 5 افراد جانبحق
قصور
کوٹرادھاکشن کے نواحی گاؤں بھوتن پورہ میں بارش کی وجہ سے گھر کی چھت گرنے سے ایک ہی خاندان کے 5افراد جانبحق
تفصیلات کے مطابق قصور کی تحصیل کوٹ رادہاکشن کے نواحی گاؤں بھوتن پورہ میں رات گئے مکان کی چھت گر گئی جس سے چھت تلے سوئے میاں بیوی اور ان کے تین بچے جانبحق ہو گئے اس واقعے سے علاقے میں سوگ کا سماں ہے
گھر کا کفیل انتہائی غریب اور محنت کش تھا مکان کی چھت بوسیدہ تھی جو کہ بارش کے باعث نیچے آ گری -
کورونا سے ستائے ٹرانسپورٹرز اب عملے سے
- قصور
ٹرانسپورٹرز چیخ اٹھے ،ہڑتال کرنے کا اعلان
تفصیلات کے مطابق شعبہ ٹرانسپورٹ سے وابستہ مالکان، ڈرائیور، کنڈیکٹر گزشتہ کئی ماہ سے کورونا کی وجہ سے مالی مشکلات کا شکار ہیں کئی ماہ گاڑیاں کھڑی رہنے سے گاڑیوں کے انجن، ٹائرز، بیٹریاں اور دیگر سامان ناکارہ ہو چکا ہے ٹرانسپورٹرز نے قرضے لیکر از سر نو کاروبار شروع کیا ہے لیکن سڑکوں پر کھڑے بااثر افراد کے جگا ٹیکس،غیر قانونی پرچیاں اور اوور چارجنگ ضلع بھر میں وصول کی جا رہی ہیں ٹاؤن کمیٹی بیس روپے ہے لیکن تیس روپے وصول کئے جا رہے ہیں زیادہ پیسے نہ دینے پر بدتمیزی کی جاتی ہے سیکٹری DRTA کے آفس کا عملہ کرپشن کا بے تاج بادشاہ بن چکا ہے گاڑیوں کے روٹ پرمٹ بنوانے اور پاسنگ کروانے کے لئے ندیم نامی ملازم اور اس کا والد بابا صابر کئی سالوں سے لوٹ مار کر رہے ہیں فی گاڑی ہزاروں روپے رشوت وصول کرتے ہیں جبکہ سیکرٹریDRTA آنکھیں بند کئے ہوئے ہے MV آفیسر اور اس کا عملہ بھی لوٹ مار کر رہا ہے الہ آباد سے لاہور جانے آنے والی گاڑیوں سے قصور بائی پاس سے لیکر مصطفیٰ آباد کے درمیان ناکہ لگا کر فی گاڑی سے 2500 روپے جرمانہ اور 500 روپے نقد فی گاڑی رشوت وصول کی جا رہی ہے ٹرانسپورٹ اتحاد یونین کے رہنماؤں نے وزیراعظم اور وزیراعلی پنجاب سے اپیل کی ہے کہ لوٹ مار اور رشوت کا بازار بند کیا جائے بعصورت دیگر گورنر ہاؤس کے باہر دھرنے دیئے جائیں گے - قصور
-
باغی ٹی وی کی خبر پر ایکشن،مغوی بازیاب
قصور
باغی ٹی وی کی خبر پر ایکشن ڈی پی او قصور نے بابا محمد عمر ولد نور محمد کو سفید پوش پولیس ملازمین اور دیگر ذمہداران کے خلاف کارروائی کا آغاز کرتے ہوئےSho کھڈیاںSho پتوکی کو طلب کر کے کاروائی کا آغاز کر دیا ادھر بابا محمد عمر نے ذرائع ابلاغ کے ساتھ ضلع کچہری قصور میں گفتگو کرتے ہوئے بتایا کہ مورخہ 23/8/20 صبح 8 بجے میرے گھر واقع الفلاح کالونی کھڈیاں خاص سے غیر قانونی طور پر اغواء کر لیا جسکی بروقت 15 نمبر پر کال بھی کردی تھی لیکن مقامی پولیس تھانہ کھڈیاں خاص نے بھی کوئی کارروائی یا قانونی امداد فراہم نہیں کی اور نہ پتوکی پولیس نے آ مد یا روانگی روزنامہ تھانہ کھڈیاں خاص میں ہر گز ظاہر یا اطلاع نہ دیکر بھی قانون سے تجاوز کیا ھے پولیس تھانہ صدر پتوکی کے ملازمین نے میرے مخالفین کے ساتھ ساز باز ھوکر جعلی فرضی جھوٹی ایف آئی آر درج کرکے میرے گھر میں غیر قانونی طور زبردستی داخل ھوکر با با محمد عمر کو ناحق اغوا کرکے تھا نہ صدر پتوکی کے ملازمین نے حوالات میں بند کردیا بابا عمر نے برائے وجہ ثبوت کی دستاویزات بھی صحافیوں کو دکھائے اور بابا عمر نے وزیراعظم پاکستان عمران خان اور آ ئی جی پنجاب چیف جسٹس لاہور ہائیکورٹ چیئرمین انسانی حقوق پنجاب لاہور ہائیکورٹ اور چیئرمین انسانی حقوق ضلع قصور ڈسٹرکٹ اینڈ سیشن جج صاحب ضلع قصور اور چیف جسٹس صاحب سپریم کورٹ پاکستان اسلام آباد اور سیکرٹری انکوائریز پنجاب سیکرٹری اسٹیبلشمنٹ پنجاب ڈویژن کو ذمعداران پولیس ملازمین افسران کا تعین کرکے کاروائی کی جائے اور مجھ غریب کو اور میری فیملی کو پولیس اور جعلی جھوٹے مقدمات درج کرانے والے امیر لوگوں سے تحفظ فراہم کیا جائے -
13 یونٹ بل بجلی کی قیمت 30 ہزار
قصور
اندھیر نگری چوپٹ راج واپڈا نے بغیر بتائے چیک کئے ہر ماہ دو چار سو بل آنے والے میٹر کو 30695 روپیہ بل ڈال دیا جبکہ کل سرف شدہ یونٹ 13
تفصیلات کے مطابق لیسکو قصور میں بجلی چوروں سے منتھلی لے کر محکمے کا خسارہ پورا کرنا کیلئے میٹر صارفین کو ناجائز بل ڈالنے شروع کر دیئے ہیں
سب ڈویژن رورل ایریا قصور ،فیڈر گنڈہ سنگھ ،ریفرنس نمبر 07117221101400r بمنام میٹر عظمت بیگ نے نمائندہ باغی ٹی وی سے گفتگو کرتے ہوئے بتایا کہ میرا کئی سالوں سے بل دو چار سو روپیہ آتا ہے جس کی وجہ میری طرف سے بجلی کا کم استعمال ہے جو کہ میری مرضی میں کم استعمال کرو یا زیادہ کیونکہ میں نے سولر سسٹم لگوایا ہے جس کے باعث میرے یونٹ کم استعمال ہوتے ہیں اور اس چیز کا علم واپڈا اہلکاران کو بھی ہے اور کئی سالوں سے مجھے میرے اصل یونٹس پر بل ڈالا جا رہا ہے اس ماہ میرا بل آیا تو مجھے پتہ چلا کہ میرے سرف شدہ یونٹ 13 ہیں اور بل 30695 روپیہ ہے اس بابت میں لیسکو دفتر گیا تو مجھے کہا گیا کہ آپ کا میٹر درست کام نہیں کر رہا حالانکہ گزشتہ چار پانچ سال سے میرے میٹر کئی بار چیک ہو چکا ہے مگر میٹر درست ہی پایا گیا اور اس سارے عرصے میں مجھے بل بھی میرے استعمال شدہ یونٹس پر آتا رہا ہے جبکہ ریڈنگ کے بعد مجھے نہیں بتایا گیا کہ آپا میٹر خراب ہے
متاثرہ صارف نے ایس ای قصور سے واقعہ کا نوٹس لے کر داد رسی کا مطالبہ کیا ہے -
دو محکموں کی ملی بھگت عوام پریشان
قصور
دو محکموں کی ملی بھگت سے عوام پریشان
تفصیلات کے مطابق ایس ڈی او حاجی الہ آباد افتخار توگیروی لیسکو واپڈ سب ڈویژن و RHC الہ آباد کے افسران کی ملی بھگت سے واٹر فلٹریشن پلانٹ غلہ منڈی کا پاس کردہ میٹر RHC الہ آباد کے فیملی کواٹر میں لگا دیا گیا ہے واٹر فلٹریشن پلانٹ غلہ منڈی کا پاس کردہ ہے جس کا ریفرنس نمبر 05117340150308 بنام TMO۔ RHC الہ آباد کے فیملی کواٹر میں لگا دیا گیا ہے اس میٹر کی سپلائی RHC الہ آباد کے فیملی کواٹر کو بھی جا رہی ہے جبکہ غلہ منڈی واٹر فلٹریشن پلانٹ کو چلانے کیلئے ڈائریکٹ سپلائی لگا دی گئی ہے جبکہ دو محکموں کے افسران کی ملی بھگت سے عوام کو مشکلات کا سامنا کرنا پڑھ رہا ہے عوام کی اعلیٰ حکام سے نوٹس کی اپیل ہے -
امن و امان برقرار یقینی بنانے کیلئے
قصور
ڈی ایس پی چونیاں اسلم خالد نے میڈیا سے گفتگو کرتے ہوئے کہا کہ محرم الحرام کے موقع پر سرکل بھر میں سکیورٹی کے فول پروف انتظامات کیے گے ہیں کسی ناخوشگوار واقع سے نمٹنے کے لیے پولیس جوان الرٹ ہیں
تفصیلات کے مطابق ڈی ایس پی چونیاں اسلم خالد نے صحافیوں سے گفتگو کرتے ہوئے کہا کہ سرکل چونیاں کے تمام تھانوں کے ملازمین یوم عاشورہ پر حالات کو کنٹرول اور ناخوشگوار واقع سے نمٹنے کے لیے الرٹ ہیں چوبیس گھنٹے ہماری پولیس فورسز بمعہ ایلیٹ فورس گشت میں مصروف عمل ہے مزید ڈی ایس پی چونیاں کا کہنا تھا کہ ہمارے علاقہ میں امن قائم ہے ماضی سے لیکر آج تک ایسا کوئی واقعہ پیش نہیں آیا جس سے امن خراب ہو اور انشاءاللہ میری نظر میں ہے جہاں مجالس جلوس ہونگے وہاں پر باقاعدہ فول پروف سکیورٹی کے انتظامات مکمل ہیں بیرل لگا کر ہنگامی بنیادوں پر وہ تمام رستے سیل کردیئے گے ہیں جہاں سے اہل تشیع اپنے جلوس اور مجلس باآسانی کرسکیں گے ہمارا فرض ہے کہ عوام کے تحفظ کو یقینی بنانا تما م تھانوں کے ایس ایچ اوز بھی فرض شناسی سے ڈیوٹی سرانجام دے رہے ہیں -
بلدیہ قصور کی غفلت، ڈینگی کی پرورش
قصور
بلدیہ قصور کی غفلت محلہ اسلام پورہ میں دو ہفتوں سے کوڑا کرکٹ نہیں اٹھایا گیا ،ہر طرف تعفن بدبو کا راج
تفصیلات کے مطابق قصور کے محلہ اسلام پورہ میں بلدیہ قصور کی غفلت کی بدولت ہر طرف کوڑا کرکٹ اور تعفن پھیل گیا ہے جس سے مختلف بیماریوں کیساتھ ڈینگی مچھر کی افزائش کا بھی خدشہ ہے اہلیان محلہ نے نمائندہ باغی ٹی وی کو بتایا کہ دو ہفتوں سے صفائی کا عملہ صفائی کرنے نہیں آیا جس کے باعث ہر طرف کوڑا کرکٹ جمع ہے برسات کے باعث جس سے سخت تعفن پھیل رہا ہے
شہریوں نے ڈی سی قصور اور ٹی ایم او قصور سے استدعا کی ہے کہ عملہ صفائی سے ہمارے محلے کا کوڑا کرکٹ اٹھوایا جائے اور ذمہ دار اہلکاروں کے خلاف سخت قانونی کارروائی کی جائے -
لیسکو قصور میں خوف الہٰی کا فقدان ،لوگ پریشان
قصور
لیسکو قصور میں خوف الہٰی کا شدید فقدان نئے منظور شدہ کھمبوں کی جگہ پرانے کھمبے و تاریں نصب ،کل کھمبے نصب کئے آج گر پڑے پرانی تاریں جوڑ لگا کر نئی کی جگہ
تفصیلات کے مطابق لیسکو قصور میں خوف الہٰی بلکل ختم ہو گیا قصور کے نواحی گاؤں اوراڑہ نو میں چند دن قبل نئے کھمبوں اور نئی تاروں کی منظوری ہوئی جس پر لیسکو سب ڈویژن راجہ جنگ میں کل واپڈا اہلکاران بجلی کے پرانے کھمبے نئے کھمبوں کی جگہ نصب کر گئے جو کہ آج تاریں ڈالتے ہوئے گر پڑے
تاریں بھی انتہائی بوسیدہ اور جوڑ لگی ہیں جنہیں نئی تاروں کے طور پر ڈالا جا رہا ہے
اس بابت نمائندہ باغی ٹی وی سے گفتگو کرتے ہوئے اہلیان علاقہ نے بتایا کہ ہماری یہ لائن 1965 سے چل رہی ہے اب ہم نے آبادی بڑھنے کے باعث نئی لائن منظور کروائی ہے جس پر انتہائی لاپرواہی کا مظاہرہ کرتے ہوئے واپڈا اہلکاران نے نئے کھمبوں کی جگہ پرانے بوسیدہ ویلڈنگ شدہ کھمبے نصب کئے ہیں جبکہ بجلی تاریں بھی جوڑ لگی اور انتہائی بوسیدہ ہیں جبکہ نصب شدہ کھمبے ہاتھ لگانے سے ہلنے لگے ہیں جو کہ ہمارے لئے بہت بڑا خطرہ ہیں لہذہ ڈی سی قصور اور ایس ای لیسکو قصور نوٹس لے کر ہمیں نئے کھمبے اور تاریں لے کر دیں اور اس واقعہ کے ذمہ داران کے خلاف کاروائی کی جائے