قصور
11 دن قبل اغواء ہونے والے ایک دن کے بچے کو پولیس تاحال بازیاب نا کروا سکی،والدین شدت غم سے نڈھال،علاقے بھر میں بے چینی اور خوف کی لہر
تفصیلات کے مطابق 30 اگست کو ڈسٹرکٹ ہیڈ کوارٹر ہسپتال قصور کے لیبر روم سے 12:38 منٹ پر ایک نامعلوم عورت لیڈی ڈاکٹر بن کر آئی اور عبدالرحمان ولد قاری حفیظ اللہ رہائشی کوٹ فتح دین کے ایک دن کے بچے کو اغواء کرکے لے گئی جس پر ایکشن لیتے ہوئے ڈی پی او قصور زاہد نواز کی خصوصی ہدایت پر ایس ایچ او تھانہ صدر میاں غلام فرید نے سی سی ٹی فوٹیج سے عورت کو ٹریس کر لیا اور آخری لوکیشن تک اس کا پیچھا بھی کیا مگر عورت بار بار سواریاں بدلتی ہوئی پولیس کی نظر سے اوجھل ہو گئی
آج بچے کو 11 دن ہو گئے اغواء ہوئے مگر نامعلوم عورت و مغوی بچے کا کوئی سراغ نہیں ملا
لواحقین کا کہنا ہے کہ شادی کے پندراں سال بعد اکلوتا بیٹا پیدا ہوا تھا اسے ہسپتال انتظامیہ کی ملی بھگت سے اغواء کروایا گیا ہے اور ابھی تک ہسپتال انتظامیہ کے خلاف کوئی بھی کاروائی نہیں کی گئی
لواحقین کا کہنا ہے کہ ہمیں ہمارا بچہ ڈھونڈ کا واپس دیا جائے بصورت دیگر بڑے پیمانے پر احتجاج کیا جائے گا کیونکہ چند دن قبل ہمارے احتجاج کرنے پر ہمیں تسلیاں دے کر ٹرخا دیا گیا تھا مگر اب ہمارا احتجاج بچے کی بازیابی تک جاری رہے گا
Author: غنی محمود قصوری
-
11 دن قبل اغواء ہونے والا بچہ
-
سرکار کو ٹیکہ لگانے والے چور
قصور
تھانہ کنگن پور کی کاروائی،محکمہ معدنیات کا چور پکڑ لیا
تفصیلات کے مطابق ڈی پی او قصور زاہد نواز مروت اور ڈی ایس پی خالد اسلم اور اسسٹنٹ کمیشنر عدنان بدر چونیاں کی ہدایت پر محمد زمان انسپکٹر معدنیات کی درخواست پر ایس ایچ او تھانہ کنگن پور کی کاروائی چوروں کے خلاف ایکشن لے کر کرین مشین اور ایک عدد ٹریکٹر ٹرالی معہ ریت گرفتار کر کے تھانہ کنگن پور میں بند کر دیا کنگن پور کے نواع گاؤں اٹاری کٹا فارم سے روزانہ کی بنیاد پر لاکھوں روپے کی ریت چوری ہو رہی تھی جس سے محکمہ معدنیات کو ماہانہ کروڑوں روپے کا نقصان ہو رہا تھا کئی مرتبہ محکمہ معدنیات نے درخواست دی مگر کل ملزمان رنگے ہاتھوں پکڑے گئے ریت چوروں کی رہائی کے لیے سیاسی شخصیات میدان میں ` گئیں -
قبضہ مافیا مذہبی کارڈ استعمال کرنے
قصور
قبضہ مافیا اوچھے ہتھکنڈوں پر اتر آیا پہلے سرکاری زمین کو جعلی کاغذات تیار کروا کر فروخت کیا اور اب مذہبی اقلیتی کارڈ استعمال کر کے افسران بالا کو بلیک میل کرنے کی کوششیں کرنے لگا
تفصیلات کے مطابق قصور نواحی گاؤں بُگری میں اختر ولد رحمت وغیرہ جو ریکارڈ یافتہ اشتہاری ملزم اور 30 سے زائد مقدمات قتل اقدام قتل اور ڈکیتی جیسے سنگین مقدمات میں نامزد ہے نے جعلی کاغذات تیار کروا کر سینٹرل گورنمنٹ کی کروڑوں روپے کی سرکاری زمین کو مسیحی برادری کو دھوکہ دہی سے غیر قانونی طور پر فروخت کیا اور قبضہ جمایا لیا جب اہل دیہہ کی درخواست پر ڈی سی او قصور نے ایکشن لیا اور اے ڈی سی (آر) عابد حسین بھٹی کے زریعے انکوائری کروائی تو جعلسازی ثابت ہونے پر جعلی طور پر کروائے گئے انتقالات منسوخ کر دیے تو قبضہ مافیا نے عیسائی برادری کے چند افراد کو ورغلا کر اور کرائے پر بندے منگوا کر انتظامیہ کو بلیک میل کرنے کی نیت سے ایک اقلیتی خود ساختہ احتجاج کا رنگ دیدیا اور چند میڈیا والوں کو غلط حقائق بتا کر جعلی خبریں شائع کروائی جس پر اے ڈی سی آر قصور عابد حسین بھٹی نے ضلعی انتظامیہ کی نمائندگی کرتے ہوئے واضع کہا کہ قبضہ مافیا کسی رعایت کے مستحق نہیں ہے ان کے خلاف آہنی ہاتھوں سے نمٹا جائے گا اور ہم کسی پریشر میں نہیں آئے گےجس پر اہل دیہہ نے موقع پر بہادر اور ایماندار ڈسڑکٹ کلکٹر،ڈی سی قصور منظر جاوید علی اور اے ڈی سی (آر) عابد حسین بھٹی کو خراج تحسین پیش کیا جنکی کاوشوں سے حکومتی اراضی واپس ملنے پر کروڈوں کا فائدہ ہوا -
ڈکیت گینگ بمعہ مال مسروقہ
قصور
تھانہ الہ آباد کی بڑی کاروائی، ڈکیتی کی وارداتوں میں ملوث عمری گینگ کے چار ارکان گرفتار ایک فرارتفصیلات کے مطابق الہ آباد پولیس نے کاروائی کرتے ہوئے ملزمان کے قبضہ سے ڈیڑھ لاکھ روپے نقدی دو موٹر سائیکل ،موبائل فونز،اسلحہ اور دیگر مال مسروقہ برآمد کر لیا ہے جبکہ یہی ملزمان تھانہ الہ آباد پولیس کوپانچ مقدمات میں مطلوب بھی تھے
ملزمان سے مزید تفتیش جاری ہے -
پیغام یونین کا اہم پیغام
قصور
واپڈا ایمپلائز پیغام یونین (الحاق شدہ) ملی لیبر فیڈریشن پاکستان کا واپڈا کمپلیکس چونیاں ڈویژن میں جناب سراج الدین ثاقب صاحب مرکزی صدر پیغام یونین کی قیادت میں شاندار جلسہ منعقد ہوا جس میں سینکڑوں واپڈا ملازمین نے شرکت کی اور سینکڑوں ملازمین نے ہائیڈرو یونین کو خیرباد کرکے پیغام یونین میں شمولیت اختیار کی سراج الدین ثاقب کا واپڈا کمپلیکس چونیاں آمد پر پھولوں کی منوں پتیوں سے شاندار استقبال کیا گیا سراج الدین ثاقب نے جلسہ سے خطاب کرتے ہوئے کہا کہ ہم واپڈا ملازمین کو رشوت, حرام خوری جیسی لعنت سے چھٹکارا دلانے کے لیے میدان میں نکلے ہیں ہم ملازمین کے حقوق کے لیے تمام وسائل بروئے کار لاتے ہوئے جدوجہد کرتے رہیں گے
ان شاءاللہ ہمارا ماضی ہماری گواہی ہے -
وزیراعظم کے بیانات پر مہنگائی
قصور
قصور اور گردونواح میں عمران خان کے مہنگائی کے خلاف بیان آتے ہی چینی مہنگی اور آٹے کا بحران،سبزیوں کی قیمتیں آسمانوں کو چھونے لگیں
لوگوں کی عمران خان کو میڈیا بیانات نا دینے کی دہائی
تفصیلات کے مطابق حسب سابق کی طرح اس بار بھی وزیراعظم صاحب عمران خان کا مہنگائی کے خلاف بیان آتے ہی چینی کے توڑے کی قیمت میں 200 روپیہ اضافہ ہو گیا ہے جس سے پرچون فروش چینی 90 روپیہ سے 100 روپیہ فی کلو فروخت کر رہے ہیں کیونکہ ان کو اس حساب سے 90 روپیہ فی کلو چینی مل رہی ہے جبکہ دو چار دن سے قصور اور گردونواح میں آٹے کی مصنوعی قلت پیدا کر دی گئی ہے جس سے آٹا ملنا ایک خواب ہی بن گیا ہے لوگ دکانوں پر آٹا خریدنے کیلئے خوار ہو رہے ہیں اس بابت نمائندہ باغی ٹی وی سے گفتگو کرتے ہوئے دکانداروں اور شہریوں نے کہا کہ جب بھی وزیراعظم کا مہنگائی کے خلاف بیان آتا ہے فوری مہنگائی ہو جاتی ہے لوگوں کا کہنا ہے کہ سمجھ سے بالاتر ہے کہ گورنمنٹ پی ٹی آئی کی ہے اور ذخیر اندوزی میں عمران خان کے قریبی ساتھی بھی ملوث پائے گئے ہیں جو کہ ابھی بھی قانون کے شکنجے میں نہیں آئے لوگوں کا کہنا ہے کہ وزیراعظم عمران خان قوم کو پاگل بنا رہے ہیں اور اپنے ساتھیوں کے ذریعے بلیک مارکیٹنگ کروا کر مہنگائی کا طوفان برپاء کروا رہے ہیں جو کہ ماضی کے سارے بیانات اور پھر مہنگائی ہو جانا اس بات کے ثبوت ہیں کہ خود خان اور ان کے ہمنوا ہی مصنوعی قلت کے ذمہ دار ہیں لہذہ اللہ کا واسطہ خان صاحب مہنگائی کے خلاف نہیں مہنگائی کے حق میں بیان دیں کیونکہ ہر کام ان کے بیانات کے الٹ ہوتا ہے -
یوم دفاع پاکستان اور موجودہ وقت کا تقاضہ !!! از قلم غنی محمود قصوری
ہمارے مشرق میں دنیا کا سب سے بڑا مشرک،ڈرامے باز اور بزدل ہمارا دشمن بھارت ہے جو کہ اپنی ڈرامے گیری میں بہت ہی مشہور ہے مگر اپنی اسی ڈرامے گیری کی بدولت اسے دنیا میں کئی بار حزیمت اٹھانی پڑی مگر وہ کمال کا بے شرم بھی ہے
بالی وڈ کی تاریخ کافی پرانی ہے اور اس کا آغاز قیام پاکستان سے ہی ہو گیا تھا جب ہندو پلید نے 1947،48 میں پاکستان کے خلاف ڈرامے گیری شروع کی اور منہ کی کھانی پڑی اور بالآخر مجبور ہو کر پنڈت جواہر لال نہرو سلامتی کونسل میں بھاگم بھاگ گیا کے جنگ بندی کروائی جائے دنیا میں ہماری بہت لعن طعن ہو رہی ہے
انہی ڈراموں اور فلموں کے ہیرو اور حقیقتاً بزدل ،زیرو ہندوستان نے ایک بار پھر فلم سین اور ڈرامہ بازی سمجھ کر 6 ستمبر 1965 کو پاکستان کو رات کی تاریکی میں حملہ کر دیا اور وہ سمجھا کہ اپنے طے شد ڈرامہ پر کامیابی حاصل کرتے ہوئے وہ اپنی فوجیں با آسانی لاہور داخل کرلے گا اور صبح کا ناشتہ لاہور کرکے لاہور جم خانہ میں شراب کی محفل کرے گا اسے ڈرامے کو حقیقت کا رنگ دینے کے لئے اس نے اپنے فوجیوں کو ورغلایا جو بیچارے 47،48 کی مار سے پریشان تھے سو شش و پنج میں انہوں نے ڈرامے کو حقیقت مان کر حملہ تو کر لیا مگر جواب میں بیچارے ذلیل و رسوا ہو گئے
6 ستمبر کی رات دشمن کے حملے بعد فیلڈ مارشل ایوب خان نے پاکستانی قوم سے خطاب کرتے ہوئے کہا کہ ،پاکستانیوں اٹھو اور لا الہ الااللہ کا ورد کرتے ہوئے دشمن کو سبق سکھا دو یہ الفاظ افواج پاکستان کیساتھ عوام پاکستان کے لئے انتہائی اہم اور ایمان کا حصہ تھے سو افواج پاکستان کے ساتھ ساتھ عوام پاکستان نے بھی دشمن کو تاریخ ساز سبق سکھایا اور اس 17 روزہ جنگ میں اگلے چوبیس گھنٹوں میں ہی دشمن کے دانت کھٹے ہو چکے تھے اسی لئے ہر سال 6 ستمبر کو یوم دفاع پاکستان منایا جاتا ہے
اس جنگ میں دشمن کو منہ کی کھانی پڑی اور چونڈہ کے مقام پر اس کے ٹینکوں کا قبرستان بنا دیا گیا جبکہ پاک فضائیہ کے شیر دل شاہین ایم ایم عالم نے ایسا معرکہ رقم کیا کہ دنیا ورطہ حیرت میں رہ گئی
ایم ایم عالم نے ایک منٹ سے بھی کم وقفے میں دشمن کے 5 طیارے گرا کر فضائیہ کی دنیا میں وہ ریکارڈ قائم کیا کہ جو کہ تاحال اپنی آن بان سے قائم ہے جبکہ فضائیہ کے ماہرین اسے ایک معجزہ قرار دیتے ہیں
ایک اندازے کے مطابق اس جنگ میں دشمن کو بے پناہ وسائل،انٹرنیشل ایڈ ہونے کے ساتھ بھی بہت زیادہ جانی و مالی نقصان اٹھانا پڑا
اس جنگ میں دشمن کے 56 سو جوان و افسران ،2 سو سے اوپر ٹینک اور 76 طیارے تباہ ہوئے جس پر ہواس باختہ ہو کر دشمن کو اپنے آقا سلامتی کونسل سے مدد مانگنی پڑی اور سلامتی کونسل کے کہنے پر 23 ستمبر کو جنگ بندی کا اعلان ہوا
اس جنگ کی بڑی وجہ آپریشن جبرالٹر تھا جس کی وجہ مقبوضہ کشمیر میں انڈین جارحیت کو روکنا مقصود تھا
کیونکہ اللہ تعالی قرآن مجید میں فرماتے ہیں
اللہ تعالیٰ کی راہ میں نکلوہلکے ہو یا بوجھل اور اپنے مالوں اور جانوں کے ساتھ اللہ تعالیٰ کی راہ میں جہاد کرو،یہ تمہارے لیے بہتر ہے اگر تم جانتے ہو۔
اسی آیت پر عمل پیرا ہو کر افواج پاکستان نے اپنے سے کئی گنا بڑے اور جدید ترین ٹیکنالوجی سے آراستہ دشمن کا جذبہ ایمانی سے مقابلہ کیا
مگر ابھی وقت پھر اسی کا دوبارہ تقاضہ کر رہا ہے کیونکہ گزشتہ اگست سے کشمیریوں پر ہندو ظالم نے عرصہ حیات تنگ کیا ہوا ہے اور کشمیریوں کی نسل کشی کی جا رہی ہے
چونکہ کشمیر پاکستان کی شہہ رگ ہے اس لئے وقت ایک بار پھر تقاضہ کر رہا ہے کہ اپنی شہہ رگ پر قابض ہندو بنئے کو اسی کی زبان میں جواب دیا جائے کیونکہ ہم نے 73 سالوں میں کئی قرار دادیں پاس کروا لیں ہزاروں بار منت سماجت کر لی مگر بے سود جبکہ اس کے برعکس اکتوبر 1947 سے جنوری 1948 تک دشمن کو پاک فوج اور عوام پاکستان نے اس کی مند پسند زبان میں جواب دیا تھا جس کی بدولت موجودہ آزاد کشمیر آزاد ہوا تھا سو اگر حکمران چاہتے ہیں کہ کشمیر آزاد ہو تو اس راستے کے سوا دوسرا کوئی راستہ نہیں کیونکہ ہم نے ہر راستہ آزما لیا ہے -
3 خاندانوں کا قبول اسلام
قصور
چونیاں کے نواحی گاؤں گہلن ہٹھاڑ میں تین عیسائی خاندانوں نے اسلام قبول کر لیا قبول اسلام کی تقریب میں سینکڑوں افراد نے شرکت کی اور کلمہ طیبہ پڑھنے والوں کو مبارک باد دی اور فضاء اللّٰہ اکبر اور کلمہ طیبہ سے گونج اٹھی
تفصیلات کے مطابق چونیاں کے نواحی قصبے گہلن ہٹھاڑ مسجد صوفی دین محمد والی میں قاری سلیم ساجد ربانی چیئرمین تحریک تحفظ نو مسلمین قصور کے زیر نگرانی و کاوش سے تین عیسائی خاندانوں کے چودہ مرد و خواتین اور بچوں نے اسلام قبول کر لیا
اسلام قبول کرنے والے چودہ افراد میں پانچ مرد سات خواتین اور دو بچے شامل ہیں قبول اسلام اور کلمہ طیبہ پڑھانے کی سعادت پروفیسر ڈاکٹر عبدالسمیع چیئرمین تحریک تحفظ نو مسلمین پاکستان نے ادا کی
اسلام قبول کرنے والے دو خاندان ضلع قصور کے شہر کوٹ رادھاکشن اور ٹھینگ کھتریاں جبکہ تیسرا خاندان میاں چنوں کا رہائشی ہیں قبول اسلام کی روح پرور عالی شان اور پر نور تقریب میں علاقہ بھر سے سینکڑوں افراد نے شرکت کی کلمہ طیبہ پڑھنے اور اسلام قبول کرنے کے بعد خواتین کے نئے اسلامی نام نسرین ۔پروین۔ رمشاء۔ علشبہ۔مسکان۔ عابدہ اور معافیہ رکھے گئے
جبکہ دو بچوں کے نئے اسلامی نام ساجد اور ساجدہ رکھے گئے ہیں
اسلام قبول کرنے والے مردوں کے نئے اسلامی نام۔ ساغر۔ علی ۔محمد شاہد۔محمد سلیم ۔محمد وقار۔ رکھے گئے ہیں ۔ تقریب میں دعاء خیر وبرکت کی سعادت مولانا محمد شفیع امیر مرکزیہ ضلع قصور نے حاصل کی -
بارش ختم مگر مسائل نہیں
قصور
کھڈیاں خاص میں بارش ختم ہونے کے بعد بھی گلیاں تالاب
لوگ پریشان
تفصیلات کے مطابق کھڈیاں خاص میں پچھلے دنوں سے مسلسل بارش کی وجہ سے گلی محلے بازار تالاب کا منظر پیش کر رہے ہیں اسی کے ساتھ کوٹ سردار محمد کی گلیوں کے اندر پانی جمع ہوچکا ہے اور لوگوں کے گھروں اندر پانی جمع ہوچکا ہے اور اس کے علاوہ کھڈیاں کے اکثر محلوں کے اندر پانی جمع ہے مساجد پارک اور گراونڈ کے اندر بھی پانی جمع ہے لوگوں کا کہنا ہے کہ ہم ٹاون کمیٹی کھڈیاں جاتے ہیں تو ٹاون کمیٹی کھڈیاں والے لوگوں کے مسائل سننا گوارہ نہیں کرتے
لہذہ ڈی سی قصور نوٹس لے کر ہماری مشکلات کا ازالہ کریں -
بلہے شاہ عرس کی اختتامی تقریبات جاری
قصور
دربار بابا بلہے شاہ کی تقریبات جاری 1200 پولیس اہلکار تعینات،آج شام عرس کا اختتام ہو گا
تفصیلات کے مطابق 4 ستمبر سے قصور میں بابا بلہے شاہ کے عرس کی تقریبات جاری ہیں جو آج شام اختتام پذیر ہونگی
عرس کی سیکیورٹی کیلئے 12 سو سے زائد پولیس اہلکار تعینات ہیں جو تین شفٹوں میں اپنی ڈیوٹی سر انجام دے رہے ہیں
آنے والے زائرین کو پہلے واک تھرو گیٹ سے گزار جاتا ہے پھر اس کی جامع تلاشی بھی لی جاتی ہے
عرس پر کسی بھی ناگہانی صورتحال سے نمٹنے کیلئے ریسکیو 1122 کے اہلکار تعینات ہیں کل ڈی پی او قصور اور آر پی او شیخوپورہ نے دربار بابا بلہے شاہ کا دورہ کیا اور سیکیورٹی کا جائزہ لیا
ملک بھر سے آنے والے زائرین کی بدولت شہر میں شدید ٹریفک جام ہو گئی ہے جسے سٹی ٹریفک پولیس کے اہلکار راوں کرنے میں لگے ہوئے ہیں