Author: غنی محمود قصوری

قصور
کالونیوں میں مٹی کی جگہ ہسپتالوں کی ویسٹ ڈال کر بھرتی،لوگوں کی زندگیاں خطرے میں
تفصیلات کے مطابق نئی کالونیوں میں مٹی کی بھرتی کی بجائے ہسپتالوں کی ویسٹ سے بھرتی ڈالی جا رہی ہے جس سے لوگوں کی زندگیاں غیر محفوظ ہو گئی ہیں فیروز پور روڈ پر واقع بھلو گاؤں کے قریب کھارا تا بھلو روڈ پر واقع نئی کالونی بنائی جا رہی ہے جس میں کالونی مالکان نے مٹی سے بھرتی کے بجائے ہسپتالوں کی ویسٹ سے بھرتی شروع کی ہے جو کہ انتہائی مضر صحت ہے
کالونی مالکان اپنے پیسوں کی بچت کی خاطر لوگوں کی زندگیاں خطرے میں ڈال رہے ہیں کیونکہ کل کو بورنگ کے ذریعے پانی نکالنے سے زہر آلود پانی نکلے گا کیونکہ سڑک سے یہ کالونی 30 فٹ نیچے ہے جس کی وجہ یہ ہے کہ کالونی مالکان نے چند سال قبل مٹی نکلوائی اور بعد میں نیچے سے ریٹ نکلوا کر فروخت کی جس سے زمین 30 فٹ گہری ہو گئی ہے جس پر کرنے کیلئے کروڑوں روپیہ کی بھرتی مٹی سے ہو گی مگر اس کا حل کالونی مالکان نے یہ نکالا کہ ہسپتالوں سے ویسٹ منگوا کر بھرتی شروع کروا دی ہے
اہلیان علاقہ نے ڈی سی قصور ،اے سی قصور اور پاکستان آرمی11 ڈیو لاہور سے نوٹس لے کر کاروائی کا مطالبہ کیا ہے کیونکہ اس علاقے سے بغیر آرمی این او سی کھیتوں سے مٹی نہیں نکالی جا سکتی

قصور
15 اگست کو نجی سکو ل کھول دیئے جائینگے ہزاروں نجی تعلیمی ادارے بند، لاکھوں اساتذہ بے روزگار ہوچکے، ایس او پیز کے تحت تعلیمی ادارے کھولنے کے لیے تیار ہیں
تفصیلات کے مطابق آل پاکستان پرائیویٹ سکولز ایسوسی ایشن نے پندرہ اگست سے ملک بھر میں نجی تعلیمی ادارے کھولنے کا اعلان کردیا ہے اور کہا ہے کہ حکومتی ناقص حکمت عملی کے باعث ملک بھر میں پچیس ہزار نجی تعلیمی ادارے بند جبکہ تین لاکھ ملازمین بے روزگار ہو چکے ہیں، جبکہ بچوں کا تعلیمی سال بھی ضائع ہو رہ اہے،۔ان خیالات کا اظہار انہوں نےںآل پاکستان پرائیویٹ سکولز ایسوسی ایشن کے ہنگامی اجلاس کے بعد میڈیاسے گفتگو میں کیا۔ان کہنا تھا کہ اسوقت ملک میں کورونا کی صورتحال امید افزا ہے اور پنجاب میں تو کورونا کیسز نہ ہونے کے برابر رہے ہیں، اسی طرح ملک بھر میں حکومت کے اپنے اعدادوشمار کے مطابق کورونا کیسز کم ہوچکے ہیں ،انہوں نے کہاکہ جب ایس او پیز کے تحت ایک ماہ بعد تعلیمی ادارے کھولنے کی اجازت دی جانی ہے تو ایس او پیز کے تحت پندرہ اگست کو سکول کھولنے میں کوئی حرج نہیں ہے۔اس حوالے سے پاکستان بھر کی نجی تنظیموں کے اجلاس میں بھی متفقہ فیصلہ کیا جا چکا ہے ۔ ان کا کہنا تھا کہ سکولوں کی مسلسل بندش سے نجی تعلیمی ادارے تاریخ کے بدترین دور سے گزر رہے ہیں،عمارتوں کے کرائے ادا کرنا مشکل ہوچکاہے، تیس فیصد تک چھوٹے تعلیمی ادارے بند ہوچکے ہیں ہزاروں اساتذہ اور ملازمین بے روزگار ہیں پانچ ماہ سے گھروں میں بیٹھے قوم کے معمار سخت مشکلات کا شکار ہیں، گھروں کے چولہے بجھ چکے ہیں، ایسے میں حکومت اپنے فیصلے پر نظر ثانی کرے اور نجی تعلیمی اداروں کو کھولنے کی راہ میں رکاوٹ ڈالنے کی بجائے معاونت کرے۔

قصور
ملک بھی کی طرح قصور میں بھی کشمیریوں سے اظہار یکجہتی کیلئے یوم استحصال منایا جا رہا ہے
تفصیلات کے مطابق کشمیری بھائیوں پر مظالم کے خلاف آج مورخہ 5 اگست2020 کو بوقت 10 بجے میونسپل کمیٹی پھولنگر کے زیر انتظام لیڈیز اینڈ چلڈرن کمپلیکس نزد تھانہ صدر پھولنگر سےکوٹ رادھا کشن روڈ چوک تک ایک ریلی نکالی جائے گی جس میں تمام گورنمنٹ ڈیپارٹمنٹس ،معزز شہریوں صحافی بھائیوں تاجر تنظیموں وکلاُ صاحبان ،ٹائگر فورس اور دیگر تمام تنظیموں کو دعوت دی گئی ہے

قصور
ملک بھر کی طرح کل قصور میں بھی یوم شہداء پولیس جوش و جذبے کیساتھ منایا گیا تقریب پولیس لائینز میں منعقد کی گئی
تفصیلات کے مطابق کل ملک بھر کی طرح قصور میں بھی یوم شہداء پولیس پورے جوش و جذبے سے منایا گیا جس کی تقریب پولیس لائینز قصور میں منعقد کی گئی تقریب سے خطاب کرتے ہوئے ڈی پی اور قصور زاہد نواز مروت نے کہا کہ
قصور پولیس کے جوانوں اور افسران نے دہشت گردی کے قلع قمع، مادر وطن کی حفاظت، عوام کے جان و مال کے تحفظ اور جرائم کی بیخ کنی کے لیے قیمتی جانیں قربان کی ہیں جس پر جتنا بھی فخر کیا جائے کم ہے
تقریب میں پولیس شہداء کے لواحقین،وکلاءصحافیوں اور عام شہریوں کی بڑی تعداد نے شرکت کی

قصور
کوٹرادہاکشن میں نامعلوم افراد کی صحافی پر فائرنگ،جان سے مارنے کی کوشش،قصور کی صحافی برادری سراپا احتجاج
تفصیلات کے مطابق گزشتہ رات نجی اخبار کے صحافی اساس کھوکھر پر گھر جاتے ہوئے کوٹ رادھاکشن کے علاقے موضع مدکے کے قریب قاتلانہ حملہ ہوا ملزمان نے اساس کھوکھر پر فائرنگ کی تاہم اساس کھوکھر معجزاتی طور پر بچ گئے
فائرنگ کی اطلاع ملتے ہی پولیس چوکی بستی لال شاہ کی پولیس نے موقع پر پہنچ کر کاروائی کا آغاز کر دیا
اساس کھوکھر پر قاتلانہ حملے کی قصور کی صحافی برادری نے پر زور مذمت کی ہے اور ڈی پی او قصور سے مطالبہ کیا ہے کہ جلد سے جلد ملزمان کو گرفتار کیا جائے ورنہ قصور کی صحافی برادری احتجاج کرے گی

قصور
میونسپل کارپوریشن قصور کا پورا شہر قربانی کی آلائشوں سے گندگی کا گڑھ بن گیا تعفن پھیلنے لگا ، جگہ جگہ گندگی کے ڈھیر بدبو اور بیماریاں پیدا ہونے کا سبب بننے لگے، مقامی اور میونسپل کارپوریشن انتظامیہ خاموش تماشائی عوام سراپا احتجاج

تفصیلات کے مطابق میونسپل کارپوریشن کی حلقہ قصور میں قربانی کی آلائشوں اور مویشیوں کی غلاظت اور چارے کا بچا کچا کچرا گندگی کے ڈھیر جگہ جگہ لگے ہوئے ہیں جو تعفن ، بدبو پیدا کرنے کا سبب بن رہے ہیں چوکوں اورشاہراہوں پر گندگی کے ڈھیر سرعام نظر آتے ہیں جس کی وجہ سے لوگوں کو شدید مشکلات کاسامنا کرنا پڑ رہا ہے اور مجبوراً گندگی زدہ راستوں سے گزرنا پڑ رہا ہے گلی محلوں میں نمازیوں اور بوڑھے، چھوٹے بچوں کا گزرنا محال ہو گیا ہے
عوام گندگی کے ڈھیروں کی وجہ سے مختلف بیماریوں میں مبتلا ہو رہے ہیں اس کے علاوہ جہاں گندگی کے ڈھیر بدبو پیدا کر رہے ہیں وہی ڈنگی مچھروں کی افزائش کا بھی سبب بن رہے ہیں میونسپل کارپوریشن کے لاپرواہ عملہ کے کوڑا کرکٹ نہ اٹھانے کی وجہ سے سیوریج کی نالیاں بند پڑی ہیں اور غلاظت بھرا گندہ پانی جگہ جگہ کھڑا ہے اور پرانے گھروں میں داخل ہو رہا ہے جبکہ وہاں پر تعینات خاکروب صفائی کیلئے کبھی دیکھنے میں نہیں آتے خاکروب صرف اس جگہوں پر نظر آتے ہیں جہاں پر ان کی منتھلیاں لگی ہوئی ہیں اگر کسی نے صفائی کروانی ہوں تو خاکروب معقول رشوت لیئے بغیر صفائی کرنا گوارہ ہی نہیں سمجھتے خاکروبوں کی لوگوں سے بدمعاشی کی بڑی وجہ داروغہ حضرات کا ان خاکروب سے ماہانہ پیسے لیکر اپنے افسران بالا تک پہنچانا ہے یہ بات خاکروبوں نے آپنے نام پوشیدہ رکھنے کی شرط پر بتائی جس کی وجہ سے خاکروب اپنے فرائض سر انجام نہیں دیتے اور پیسے لیکر مختلف بااثر گھروں میں کام کرتے ہیں قصور کے مکینوں نے اس سے قبل بھی متعدد بار مقامی اداروں سمیت یونین کونسل کے افسران کو شکایات کیں مگر اس کے باوجود کوئی شنوائی نہیں ہوئی علاقہ مکینوں سول سوسائٹی کے سربراہان اور ڈسٹرکٹ بار کے وکلاء نے صوبائی وزیر صحت ، وزیر بلدیات ڈپٹی کمشنر قصور، ایڈشنل ڈپٹی کمشنر، اے سی، اور سی ای او میونسپل کارپوریشن سے مطالبہ کیا ہے کہ بلا امتیاز ہر سٹی یونین کی صفائی کیلئے ہنگامی بنیادوں پر اقدامات کیے جائیں کرپٹ دروغوں اور خاکروبوں کے خلاف کاروائی کرکے انکے خلاف کاروائی کرتے ہوئے ان کو نوکری سے برخاست کیا جا ئے اور کروڑوں کی مشینری کو روہی نالے کی صفائی کے لئے استعمال میں لایا جائے تاکہ شہر کا غلاظت بھرے پانی اور آلاشوں کی روانی ہو سکے

قصور
رب کی رحمت سے مفت ملا قربانی کا گوشت تو گھروں میں موجود مگر مصالحہ جات انتہائی مہنگے انتظامیہ خاموش
تفصیلات کے مطابق رب کی رحمت سے لوگوں کے گھروں میں گوشت تو وافر موجود ہے مگر گوشت کو پکانے کیلئے استعمال ہونے والے مصالحہ جات انتہائی مہنگے کر دیئے گئے ہیں 80 روپیہ کلو والی ادرک 600 روپیہ فی کلو 40 روپیہ کلو والے ٹماٹر 200 روپیہ کلو اور 50 روپیہ کلو والی ہری مرچ 220 روپیہ فی کلو فروخت کی جا رہی ہے جس پر ضلعی انتظامیہ خاموش تماشائی بنی بیٹھی ہے
لوگوں نے ڈی سی قصور اور پرائس کنٹرول مجسٹریٹ سے نوٹس لے کر کاروائی کا مطالبہ کیا ہے

قصور کے نواحی گاؤں میں قتل کی لرزہ خیز واردات علاقے میں خوف و ہراس
تفصیلات کے مطابق قصور کے نواحی گاؤں بگری میں قتل کی واردات ہوئی ہے جس میں چھریوں کے وار کر کے نوجوان کو ابدی نیند سلا دیا گیا ہے
فیصل نامی شخص کو گھر کے اندر ہی بے دردی سے ذبح کیا گیا ہے مقتول کے پورے جسم پر چھریوں کے گہرے وار کر کے قتل کیا گیا تاہم قاتل کا پتہ نہیں چل سکا

قصو پولیس نے نعش کوقبضے میں لیکر تفتیش شروع کردی ہے

مہر محمد عاشق بیورو چیف ٹی وی ٹو ڈے قصور

قصور
اے سی چونیاں عدنان بدر, سی او سہیل اشرف گوندل میونسپل کمیٹی الہ آباد انتظامیہ کی سینٹری ورکرز کو عید کے پر مسرت موقع پرمحنت کے ساتھ شہر کو صاف ستھرا رکھنے پر خراج تحسین پیش کی گئی عید کا آج تیسرا روز ہے۔ سینٹری ورکرز کی انتھک محنت سے شہر کی صفائی کو یقینی بنایا جارہا ہے۔ رات گئے جانوروں کا استعمال شدہ چارہ آلائشیں اٹھائی گئی ہیں۔ سپر وائزر محنت کرتے دیکھائی دے رہے ہیں۔ سینٹری ورکرز اپنا کام کر رہے ہیں۔ میونسپل کمیٹی الہ آباد کے سی او سہیل اشرف گوندل کی بہترین پلاننگ ہے۔بطور فرد اور معاشرہ ہم سب کی ذمہ داری ہے کہ اپنے محلے گلی کو صاف کرنے میں انتظامیہ کا ساتھ دیں

قصور
سنت ابراہیمی کا سلسلہ جاری ،واپڈا قصور بھی گرمی کی طرح تپ گیا ،صفائی ستھرائی اس سال کافی بہتر
صرف واپڈا بد دعائیں لینے میں سب سے آگے
تفصیلات کے مطابق دنیا بھر کی ظرح قصور میں بھی سنت ابراہیمی پر حکم محمدی صلی اللہ علیہ وسلم کے مطابق آج بھی جانور قربان کرنے کا سلسلہ جاری ہے تاہم سخت موسم کی طرح واپڈا قصور لوگوں کو وقفے وقفے سے گرمی کی شدت دکھا کر بغیر بجلی زندہ رہنے کی ریہرسل کروا رہا ہے خاص طور پر سب ڈویژن راجہ جنگ بد دعائیں لینے میں سب سے آگے ہے
شہر قصور میں پچھلے سالوں کی نسبت اس سال صاف کے کافی اچھے اقدامات ہیں مگر دیہاتوں میں وہی حالات ہیں ویسٹ دیہاتوں میں نا ہونے کے باعث لوگوں نے آلائشیں سڑکوں پر ہی رکھی ہیں جن سے بدبو آ رہی ہے لوگوں نے ڈی سی قصور سے اپیل کی ہے کہ شہروں کی طرح دیہاتوں میں بھی عملہ صفائی کو بیجھا جائے اور آلائشیں اٹھوائی جائیں