Author: غنی محمود قصوری

قصور
آتش بازی و ہوائی فائرنگ جاری بااثر افراد کی جانب سے ساری ساری رات آتش بازی کرکے لوگوں کی نیندیں حرام کرنا فیشن بن گیا ضلعی انتظامیہ و پولیس بھنگ پی کر سو گئی
تفصیلات کے مطابق پاکستان بھر کی طرح قصور میں بھی شادیوں کا سلسلہ کافی تیز ہے ایسے میں ڈھول دھمکے کیساتھ آتش بازی و ہوائی فائرنگ کرکے لوگوں کی نیندیں حرام کرنے کا سلسلہ بھی جاری ہے بااثر افراد پہلے ہی متعلقہ تھانہ سے مک مکا کر لیتے ہیں تاکہ کسی کے شکایت کرنے پر قانونی کاروائی سے بچنے کا راستہ پہلے سے ہی کھول رکھا جائے شادی والا گھرانا ساری ساری رات آتش بازی کرکے لوگوں کی نیندیں حرام کرنا اپنا شرعی فریضہ سمجھتا ہے تو دوسری جانب قصور پولیس و ضلعی انتظامیہ پر بھی افسوس ہے کہ وہ کھلے عام قانون شکنی کو رکوانے سے بلکل قاصر ہے
اور تو اور قصور کی دکانوں سے چاہے ٹرک بھر کر آتش بازی کا سامان خرید لیں کوئی پوچھنے والا نہیں

قصور میں پتنگ بازوں نے پنجاب حکومت کی جانب سے پابندی ہوا میں اڑا دی
شہر میں ممنوع ڈور کے استعمال سے بجلی کی بار بار ٹریپنگ سے شہری پریشان بجلی کی آنکھ مچولی کی وجہ سے شہریوں کا الیکٹرونکس کا سامان خراب ہونے لگا شہری تنظیموں نے اعلی حکام سے فوری نوٹس لینے کا مطالبہ کیا ہے
پنجاب حکومت کی پتنگ بازی اور اسکی فروخت پر پابندی کے باوجود شہر میں پتنگ بازی کا سلسلہ جاری اور خاص کر جمع اور اتور کے روز تو پتنگ بازی عروج پر ہوتی ہے اور پتنگ باز ایسی ممنوعہ ڈور استعمال کرتے ہیں جس میں دھات شامل ہوتی ہے جو کہ نہ صرف انسانی جانوں کے لئے خطرناک ہے بلکی اس سے بجلی کی بار با رٹریپنگ بھی ہوتی ہے جس سے شہر بھر میں بجلی کی آنکھ مچولی جاری ہے جس سے شہریوں کو پریشانی اور مشکلات کا سامنا کرنا پڑ رہا ہے شہریوں نے اعلی حکام سے اپیل کی ہے کہ فوری طور پر نوٹس لیا جائے اور پتنگ باری رکوائی جائے

قصور
کنگن پور کے نواحی علاقہ ڈھڈے میں جواں سالہ لڑکے کو نامعلوم ملزمان نے اغوا کر لیا
تفصیلات کے مطابق کنگن پور کے نواحی موضع ڈھڈے کی رہائشی مسرت بی بی زوجہ محمد حیات نے پولیس تھانہ کنگن پور میں مقدمہ درج کروایا کہ اسکا جواں سالہ بیٹا محمد امجد گھر سے کام کے سلسلہ میں گھر سے باہر گیا اور واپس نہیں آیا اسے خدشہ ہے کہ اسے نا معلوم ملزمان نے اغوا کر لیا ہے
پولیس نے درخواست جمع کرکے کاروائی شروع کر دی ہے

قصور
نواحی گاوں بھیڈیاں کلاں میں اوباش نوجوان نے سات سالہ بچے کو بدفعلی کا نشانہ بنا دیا
تفصیلات کے مطابق محمد شریف نے پولیس تھانہ گنڈا سنگھ میں مقدمہ درج کروایا ہے کہ ملزم رحمان نے میرے سات سالہ بیٹے عبداللہ کو ورغلایا اور گاءوں کے قریب کھیتوں میں لے گیا اور اسے بدفعلی کا نشانہ بنا دیا اور مذید الزام لگایا کہ ملزم ایک عادی مجرم ہے
پولیس تھانہ گنڈا سنگھ نے مقدمہ درج کرکے کاروائی شروع کر دی ہے اور ملزم کی تلاش کیلئے چھاپے مارنا شروع کر دیئے ہیں

قصور اور گردونواح میں ڈاکوءوں کی کاروائیاں جاری ڈاکووں نے لاکھوں روپے مالیت کی نقدی موٹرسائیکل اور دیگر سامان لوٹ لیا
تفصیلات کے مطابق قادی ونڈ روڈ کے قریب دو ڈاکوؤں نے موٹرسائیکل سوار سہیل احمد سے موٹرسائیکل،نقدی اور ایک موبائل فون چھین لیا اور دیپالپور روڈ کیلوں شٹاپ کے قریب دو ڈاکوؤں نے کاشتکار اقبال سے تیس ہزار روپے کی رقم لوٹ لی اور کوٹ رادہاکشن چک 59 کے قریب تین ڈاکوؤں نے موٹرسائیکل سوار اعجاز سے اسی ہزار کی رقم لوٹ لی جبکہ انصاف سٹی پتوکی میں دو ڈاکوؤں نے کریانہ سٹور سے محمد وسیم سے اڑتیس ہزار کی نقدی اور موبائل فون چھین لیا اور اسی طرح کھڈیاں خاص کے علاقہ شیر کوٹ کے قریب ناکہ زن ڈاکوؤں نے مبین احمد،منیر احمد،انور علی اور محمد حنیف سے مجموعی طور پر تیس ہزار کی رقم اور موبائل فون چھین لئے جبکہ پیال کلاں کے قریب دو ڈاکوؤں نے موٹرسائیکل سوار مبشر سے ستر ہزار کی رقم اور موبائل فون لوٹ لیا اور الہ آباد میں چور محمد یسین کی دکان کے تالے توڑ کر چالیس ہزار روپیہ مالیت کے سپیئر پارٹس چوری کرکے لے گئے مقامی پولیس مصروف کاروائی ہے
لوگوں نے بڑھتی ہوئی وارداتوں پر ڈی پی او قصور زاہد نواز مروت سے نوٹس لینے کا مطالبہ ہے

قصو
پتوکی سرائے مغل میں دو روز قبل گھر سے غائب ہونے والے جواں سالہ لڑکے کی درخت کے ساتھ لٹکتی لاش برآمد
تفصیلات کے مطابق سرائے مغل کا رہائشی پندرہ سالہ ناظم دو روز قبل گھر سے نکلا تو رات کو واپس نا آیا جس پر اسکے والدین نے اسے ڈھونڈا مگر وہ نا ملا والدین نے تلاش جاری رکھی مگر بے سود
جبکہ گزشتہ روز اسکی لاش کھتیوں میں ایک درخت کے ساتھ لٹکتی ہوئی ملی جس کے گلے میں پھندا لگا ہوا تھ پولیس تھانہ سرائے مغل نے لاش کو قبضہ میں لے لیا ہے
پولیس کے مطابق ابتدائی طور پر یہ واقعہ خودکشی کا لگتا ہے تاہم اگر اسکے ورثاء نے کاروائی کے لئے درخواست دی تو قانون کے مطابق کاروائی عمل میں لائی جائیگی

قصور
الہ آباد اسسٹنٹ کمشنر کا رائس ملز کے استعمال شد پانی کا زیر زمین جمع کرنے پر نوٹس
تفصلات کے مطابق الہ آباد کے نواحی علاقہ کوڑے سیال میں رائس ملز کا گندہ استعمال شدہ پانی زیر زمین پہنچا دیا جاتا ہے جس کی وجہ سے
اس علاقے کا زیر زمین پانی زہریلا ہو گیا ہے جس سے بہت ساری اموات واقع ہوچکی ہیں اور دیگر بہت سے علاقہ مکینوں میں ہیپاٹائٹس سی کا بھی انکشاف ہوا ہے
اے سی چونیاں نے نوٹس لیتے ہوئے رائس مل کا دورہ کیا اور کہا کہ بہت جلد ان شاءاللہ ان رائس ملز کے خلاف کارروائی ہوگی

قصور
چونیاں میں صبح سویرے دھوئیں کا راج لوگ سخت پریشان کئی بیماریاں پھیلنے کا خدشہ
تفصیلات کے مطابق چونیاں سبزی منڈی کے قریب محلہ تالاب والا میں کل رات سے کوڑے کرکٹ میں آگ لگی ہوئی ہے جو کہ ابھی تک بھڑک رہی ہے جسے نا تو کسی مقامی فرد اور نا ہی کسی ٹی ایم کے ملازم نے بجھانا گوارا کیا ہے
اہل محلہ سخت پریشان ہیں کوئی پوچھنے والا نہں سیاسی سماجی اور صحافی نمائندگان کا اے سی چونیاں سے آگ بجھانے کا مطالبہ ہے تا کہ اہل محلہ سکون کا سانس لے سکیں اور بیماریاں نا پھیلیں

قصور میں منرل واٹر کے نام پر فراڈ
عام نلکوں کے پانی سے پیکنگ کرکے مارکیٹ میں فروخت محمکہ فوڈ قصور بے خبر
تفصیلات کے مطابق قصور میں کئی نام سے منرل واٹر دکانوں پر فروخت ہو رہا ہے جس پر منرل واٹر بنا کر فروخت کرنے والی کمپنی تک کا مکمل اڈریس موجود نہیں قصور اور گردونواح سے لوگ نلکوں سے قدرے کم کھارا پانی اکھٹا کرتے ہیں اور بغیر فلٹریشن کے پیکنگ کرکے مہنگے داموں فرو،خت کر رہے ہیں اکثر منرل واٹر کی بوتلیں چند دن پڑی رہیں تو ان کا پانی بدبودار اور کڑوا ہو جاتا ہے
لوگوں کا کہنا ہے کہ جو کمپنیاں اپنا ایڈریس تک بوتل پر درج نہیں کر سکتیں ان کا اعتبار کیسے کیا جائے لہذہ ڈسٹرکٹ فوڈ اتھارٹی قصور نوٹس لیتے ہوئے ایسی کمپنیوں کے خلاف ایکشن لیں