Author: غنی محمود قصوری

قصور چونیاں میں رکشہ ڈرائیور کو سفاک ملزمان نے بدترین تشدد کر کے قتل کر دیا
تفصیلات کے مطابق چونیاں کے محلہ ہٹھاڈ میں رکشہ ڈرائیور اور تین بچوں کے باپ کو سفاک ملزمان نے بدترین تشدد کر کے قتل کر دیا ہے
مقتول کے بھائی کہنا ہے کہ ملزمان نے رکشہ پر ریت لےجانے کا جھانسہ دیا اور شہر سے دور لے جا کر بھائی کو تشدد کر کے قتل کیا مقتول کے بھائی کی درخواست پر پولیس نے مقدمہ درج کر کے کاروائی شروع کر دی

پولیس نے جائے وقوعہ سے شواہد اکٹھے کرنے کے بعد لاش کو پوسٹ مارٹم کےلئےاسپتال منتقل کردیا پولیس کے مطابق قتل ذاتی رنجش محسوس ہوتا ہے اس کیس کی مختلف پہلوؤں سے تحقیقات کر رہے ہیں

قصور کی تحصیل چونیاں کے اسسٹنٹ کمشنر چونیاں سردار شبیر احمد ڈوگر صاحب نے ہیلتھ کمیٹی کے ممبرز عبد الشکور بھٹی صاحب،ملک جمیل کلس صاحب، ایم ایس ڈاکٹر اکرم ریحان صاحب اور اپنی ٹیم کے دیگر ممبران کے ہمراہ تحصیل ہیڈ کوارٹر ہسپتال چونیاں کا وزٹ کیا اور مریضوں کی عیادت کی
AC صاحب نے مریضوں کی شکایات سنیں اور MS صاحب کو شکایات کے ازالے بارے کہا
مریضوں نے AC صاحب کا شکریہ ادا کیا

لیسکو قصور کی بجلی کی تاریں قصور کی عوام کیلئے موت کا پیغام
تفصیلات کے مطابق لیسکو قصور سب ڈویژن بہادر پورہ کی مین تاریں 11KV ہلکی سی ہوا سے ٹوٹ کر گر جاتی ہے یہ تاریں اتنی باریک ہیں کہ اس سے اچھی تاریں لوگ اپنے گھروں میں لگواتے ہیں ان کے تاروں کے گرنے سے ہر وقت جانی نقصان کا خدشہ تو رہتا ہی ہے مگر تاریں گرنے سے بجلی سارا سارا دن غائب رہتی ہے
لوگوں کا کہنا ہے کہ ہماری لائن بہت پرانی ہے اور تاریں بوسیدہ ہو چکی ہیں لہذہ ہماری لائن میں تاریں نئی ڈالیں تاکہ ہمیں جانی تحفظ محسوس ہو

قصور میں موسلا دھار بارش گرمی کا زور ٹوٹ گیا
تفصیلات کے مطابق قصور میں موسلاد بارش جس سے گرمی کا زور ٹوٹنے کیساتھ گلیاں بازار جوہڑ کا منظر پیش کرنے لگے گلیوں میں پانی جمع ہونے سے لوگ گھروں میں محصور ہو کر رہ گئے ایک دن کی بارش سے کئی دن بارش کا پانی جمع رہتا ہے جس سے لوگوں کو کافی پریشانی کا سامنا کرنا پڑتا ہے